رواية ظلام قلبي الفصل الواحد والثلاثون 31 بقلم زينب احمد
البارت (31)
أميره وهي تنظر داخل عينيه وتقول ببرود: بنتك
يونس: لارد
أميره بحده: عاوزني اثق فيك واصدقك وانت بتكدب عليا ازاى
يونس: انا مكدبتش انا بس مقولتش
أميره ببرود: هاتفرق اي الاتنين واحد انك مصارحتنيش معطتنيش الاهميه انك تحكيلي حاجات مهمه في حياتك
يونس: كنت هاقولك
أميره بسخريه: امتا ها
يونس بضيق : كنت خايف لترفضيني
أميره: مش بتقول عارفني وعارف كل حاجه عني يبقي كان لازم تعرف ان ده ميعملش عندى مشكله
بس الظاهر انك متعرفنيش ومازلنا مننفعش لبعض
وقفت وذهبت لتغادر
يونس ذهب ورائها
وامسكها من يدها ولفها له
يونس: اسمعيني بس
تنزع أميره يدها منه ولا ترد عليه
يونس: اوعدك هاحكيلك علي كل حاجه بصدق ومش هاخبي حااجه
أميره: اتفضل قول
يونس: هنا مش هاينفع تعالي نقعد في اي كافيه
عشان نعرف نتكلم
.....................................................
عمر بهدوء: انتي طالق
نيره بصدمه: اي لا ثم تذهب وتمسكه من ذراعه
ابوس ايدك لا عشان خااطرى انا غلطت بس لا الا الطلاق انا ماليش غيرك انت والاولاد
ينزع يدها منه
ثم يوجه كلامه لوليد
عمر: انا هارجع بكرا الصبح المزرعه انت واختك مكانكوا جنبي ومالكوش ذنب في اختيارى الغلط
وليد: عشان خاطرنا فكر تاني الطلاق مش هو الحل
عمر ببرود : انا فكرت وده افضل حل لينا كلنا انا هاطلع ارتاح.. عن اذنكوا
نيره تبكي بحرقه
تذهب ميرال تحتضنها وتواسيها كانت هاميس تريد ان تفعل المثل لكن مافعلته باميره ووالدتها وقف كالحاجز بينهما
............................................
في كافيه علي البحر
كانت تجلس امامه وترتدى قناع البرود باحترافيه
يونس: انا هاكلمك بكل صدق وهاحكيلك كل حااجه
أميره: ياريت
يونس: من ١٢ سنه كانت رنا موظفه في الشركه
لفت انتباهي احترامها واحتشامها وشغلها.. طلبت اتقدملها ووافقت بس كان شرطي تسيب الشغل لان مكنش عاجبني شغلها وفوقها كذا حد مسئول وكلهم رجاله... ووافقت مقابل ان هاعملها اي مشروع خاص بيها فيما بعد يشغلها في الوقت الي هاكون فيه في الشغل رديت عليها قولتلها لو لقيت نفسي منشغل عنك كتير هاعملهولك
واتجوزنا واول ٦ شهور في الجواز كانوا احلي ايام
وفيما بعد بقاا في مشاكل بس مش كتير وساعات انا بهدى وساعات هي كانت بتمتص غضبي لحد ماربنا اراد وبقت حاامل وجبتلي احلي بنوته... رحيق
عمرها عشر سنين دلوقتي
الخلافات بدات تزيد وانت حرمتني من كاريرى وشغلي وفين المشروع الي وعدتني بيه
كان ردى عليها ان لما بنت تكبر شويه عشان متنشغلش عنها رفضت وقالت يااعملها المشروع او نتطلق... طبعا ساعتها فهمت قالت ليه طلاق لان كنت كاتبلها مؤخر اتنين خمسمائه الف دولار... فاتقدر تعمل المشروع الي عاوزاه بيهم
قولت عشان امنعها عن الي في دماغها لو اطلقنا هاتتنازلي عن حضانه البنت
مش هاتصدقي وافقت انا صدمت وحسيت ان انا وبنتي مش فارقين معاها
وافقت علي الطلاق واطلقنا وخدت المؤخر واتنازلت عن حضانتها بس بتيجي من وقت للتاني تشوفها وتقعد معاها بس دى كل الحكايه
أميره بهدوء: ارجع لبنتك وحاول تعوضها عن حنان امها الي فرطت فيها
يونس برجاء: طب ليه انتي متكونيش ام ليها... انا شوفت فيكي حنيه لاخواتك وبالاخص هاميس فيكي حنان الام من غير ماتكوني ام مابالك بقاا لو بقيتي
أميره بهدوء: انا ثقتي فيك اتكسرت يايونس بعيدا عن وجود رحيق مالهاش علاقه برفضي.. وكمان انا مش هاسيب اخواتي الي انت لسه قايل انك شايفني حنينه معاهم... ارجع لبنتك وشوف حياتك بعيد عني
يونس: بنتي هنا معايا في مصر مكنتش اقدر اسيبها لوحدها طول المده دى طبعا... ممكن تشوفيها يمكن هي تقدر تغير رايك؟
أميره ببرود: قولتلك مش هي السبب ومش هاتفرق في حاجه... عن اذنك
لتغادر أميره وسط حزن وياس يونس
..............................................................
في صباح يوم جديد
كانت تقف امام المرآه تجهز نفسها للمغادره
وجدتها تدخل دون ان تطرق الباب كالعاده وتجلس علي السرير بوجه عابس
نظرت لها باستغراب ثم ذهبت باتجاهها وجلست بجانبها
أميره بقلق،: مالك فيكي اي انتي كويسه
هاميس بعبوس: انتي جيتي امتا امبارح
أميره: هو ده اجابه السؤال الي سالته يعني... رجعت ثلاثه بعد نص الليل هاتفرق معااكي في اي
هاميس بضيق: كنت قاعده مستنياكي والنوم غلبني
كنت عاوزه اتكلم معاكي
أميره: في اي
هاميس: انا مدايقه من نفسي اووى
أميره بنفاذ صبر: انجزى قولي في اي
هاميس بهدوء: عمي عمر طلق مرات عمي نيره
أميره ببرود: طب ده متوقع بعد الي عرفه وبعدين انتي اي يخصك في الكلام ده
هاميس: كانت بتعيط ومنهاره كنت عاوزه اطبط عليها زى ماميرال عملت بس كنت مدايقه في نفس الوقت من الي عملته في مامتك وجوايا كنت بقول تستحق الي حصل بس صعبانه عليا ومش عارفه اواسيها عشان اذيتك... هو انا كده وحشه
أميره وهي تربت علي كتفها': لا مش وحشه ياحبيبتي وده طبيعي بس افصلي بين انها اذيتني وانها ام خطيبك ولو بتحبيه تراعي امه حتي لو غلطانه مفيش بني ادم مبيغلطش ياهاميس كلنا بنغلط واذا كان علي الي عملته معايا ومع امي زمان مالكيش دعوه وطلعي نفسك برا الموضوع
هاميس: انت بتلبسي وراحه فين بادرى كده
أميره بفرحه: رايحه ازور ماما
هاميس: اول مره اشوفك فرحانه وانتي رايحه تزوريها
أميره: لانها اول مره بعد مااظهرت برائتها قدام الكل
بقولك اي ماتجهزى وتيجي معايا اهو تغيرى جو
هااميس بفرحه : دقيقتين واكون جاهزه ثم تكمل بتوتر ممكن اقول لميرال تيجي معانا
أميره: ماشي قوليلها... دقيقتين وهامشي مش هاستناكي
هاميس بحماس : قبل الدقيقه التانيه هاتلاقيني في العربيه
أميره: ههههه مااشي يلا
.............................................
بعد نص ساعه في العربيه كانت تجلس هاميس بجانبها وميرال في الخلف
هاميس: بقولك اي عدى علي سوبر ماركت كبير نجيب منه شويه حااجات نقنق فيهم كده
أميره: هاميس انا مش واخده بنت اختي معايا
هاميس: يسمع من بوقك ربنا يارب
أميره بصدمه: بت عيب... انتي عاوزه تتجوزى الصبح
هاميس باستفزاز : وليه الصبح خير البر عاجله
أميره: هاااميس اسكتي بدل ماانزلك من العربيه شايفه ميرال ساكته ازاى اسكتي زيها
هاميس: اتكلمي ياميرال شاركينا الحديث
ميرال باحراج: هاقول اي يعني
أميره تنظر لها من مرآه السياره ولا تتحدث
هاميس: ماتشغليلنا اغاني حلوه كده
أميره بنفاذ صبر: حااضر ثم تكمل بهمس انا اي الي خلاني اقولها تيجي
هاميس: بتقولي حااجه
أميره تبتسم لها ولا ترد
وهكذا طول الطريق استفزاز من هاميس لاميره
واميره التي تندم كل لحظه علي اصطحابها
......................................................
عند المقابر
بعد ان قرات الفاتحه
أميره بفرحه: اظهرت براءتك ياماما وكلهم عرفوا ان كانوا غلطانين في حقك وانك معملتيش حااجه غلط
ثم تكمل بحزن انتي وحشتيني اووى
تشعر باقدام خلفها
أميره ببرود: اي الي جابك
عمر: انا جاي لداليا مش ليكي
يقرا عمر الفاتحه
عمر: ازيك ياداليا... انا مش عارف اقولك اي... مش عارف اقول ان انا للحظات شكيت فيكي زمان وصدقتهم ولا ان معملتش باالاخوه ووقفت جنبك حتي لو كنتي غلطي... ثم يكمل بابتسامه فاكره لما كنا صغيرين وكان لما حد يدايقك كنتي. تجرى تقوليلي وانا اروح اضربه واهله يروحوا يشتكوا لابويا
ثم يكمل ببكاء: انا آسف ياداليا سامحيني اسف ان مكنتش جنبك في اكتر وقت كنتي محتاجاني فيه اسف ان خذلتك سامحيني ثم تنزل دموعه
تقوم أميره باحتضانه وتربت علي ظهره
ليبكي بحرقه: كانت اختي ياأميره والله..... سامحيني ياأميره
أميره بهدوء: مسامحاك وهي كمان اكيد سامحتك.. خلاص بقاا
...................................................
في المساء
كان يجلسون جميعا بعد العشاء
وليد وهاميس وميرال وعمر وسلمي واميره
هاميس: بس انتي فاجاتيني ياأميره وبقيتي بتاكلي معانا
أميره: خلاص الفوبيا دى انتهت لحد كبير منها الحمد لله
عمر: الحمد لله
أميره: انا عاوزه اتكلم معاك في موضوع ياعمي
عمر: خير يارب
أميره: اي رايك نجوز العيال دول بقاا ونخلص منهم
وليد يصيح: يحيا العدل ايوه كده
عمر: بس عشان جدك ياأميره ده لسه معداش سنه
أميره: كمان ٣ شهور هايكون عدى سنه بعدهم نعمل فرح ونعزم الناس وبرده يكون وليد جهز المكان الي هايقعدوا فيه
هاميس: ايوا بس انا في حاجات كتير مجبتهاش
أميره: كل الي انتي عاوزاه هايجي ياحبيبتي
عمر: انت ناوى تقعد في شقه برا ولا هنا ياوليد
وليد: اسال هاميس والي عاوزاه انا هاعمله
هاميس: انا من راى نكسر الحيطه الي بين اوضتك والاوضه الي جنبها وتكبر شويه ونقعد هنا
عشان منسبش، عمي وسلمي لوحدهم
أميره: قرارك صح ياهاميس
ميرال: وانا اعرف شركه ديكورات كويسه هاكلمهم يجوا يشوفوا يقدروا يعملوا اي
أميره: تمام يبقي كده فرح وليد وهاميس بعد ٣ شهور
هاميس بهدوء: طب وانتي ياأميره
أميره بتوجس: انا اي
هاميس: انتي ويونس
أميره: مالكيش دعوه بينا اطمن عليكي الاول وبعدين نشوف
هاميس: وانا كمان عاوزه اطمن عليكي
ميرال: لو علشان الي عمله في بابا احنا مسامحينه
لو ده هايسعدك
أميره بحده: قولت مالكوش دعوه بيا
هاميس بحده وعند : لا ليا ولو مش هاتجوزى مش هاتجوز
أميره وهي تقف بزعيق: اي شغل العيال ده... انتي هاتمشيني علي مزاجك... اسمعي فرحك بعد ٣ شهور ومتجبيش سيره يونس تاني انتي فااهمه... وتغادر غاضبه
تبكي هاميس وتحتضنها ميرال: ياحبيبتي متضغطيش عليها
هاميس: انا خايفه عليها
عمر: معلش ياهاميس انتي عارفه اختك مبتحبش حد يتشرط عليها
....................................................
تمر الايام سريعا والتجهيزات علي قدم وساق
حاولت نيره عدت مرات مصالحه عمر ولكنه يرفض الحديث معها
يحاول يونس التواصل مع أميره ولكنها ترفض
بعد شهرين
تدخل أميره الفيلا وبجوراها كلا من هاميس وميرال يحملون الكثير من الاكياس
هاميس بفرحه: بس الحاجات الي جبتها حلوه اووى
أميره: تتهني بيها ياحبيبتي
ميرال: بس مكنش في داعي تجبيلي لبس معاها يااميره
أميره: انتي عبيطه ابت انتي اختي زيها
هاميس: بس لسه في حاجات ناقصه برده
أميره بتعب : هااميس اطلعي وشوفي اي الي ناقص اكتبيه ونبقي ننزل يوم تاني نجيبه سوا
هاميس: علي اساس سيدتك فاضيه ده انتي اخدتي النهارده اجازه بالعافيه
يقطع حديثهم جرس الباب
هاميس: افتحي يارحيمه
ميرال: استني يارحيمه هافتح انا خدى الشنط دى طالعيها فوق
رحيمه: حااضر
أميره: تعالي نقعد ده انا تعبت من اللف بتاعك ده النهارده
هاميس: مش لازم ابقي دقيقه وانا بشترى الحاجه
أميره بمزاح : ايوه ياختي دقيقه اووى
علي الباب
ميرال: ايوه حضرتك مين وعاوز اي
سامر بصدمه: اي ده انتي
ميرال بحده: حضرتك عاوز مين
سامر بابتسامه : انتي اسمك اي
ميرال: انت اهبل ولا مجنون انت جاي بتسال علي اسمي انت عاوز مين والا هاقفل الباب
يقطع حديثهم صوت أميره
أميره: اتاخرتي ليه ياميرال... اي ده مستر سامر
ميرال: انتي تعرفيه
أميره: ايوه ده صاحب يونس.. تعالي اتفضل واقف بره ليه
سامر وكانه تذكر ما اتي اليه: عاوزك في كلمتين بره ممكن؟
أميره: طب تعالي في الجنينه... اطلبي من رحيمه تعمل قهوه ياميرال
سامر: مفيش داعي انا مش هاخد من وقتك كتير
أميره: زى ماتحب... روحى انتي ياميرال ساعدى هاميس
ميرال: حااضر
أميره: تعالي اتفضل
...................................................
هاميس: في اي مين علي الباب
ميرال: معرفش واحد اسمه سامر صاحب يونس وعاوز اميره في كلمتين
هاميس: يارب يقرب مابينهم انا لاحظت الفتره الي فاتت ان يونس واميره علاقتهم انقطعت
ميرال: تقصدى انهم مش هايتمموا الجواز وهايطلقوا
هاميس: بعد الشر لا طبعا اكيد في مشكله
وان شاء الله تتحل
في دخول محمود
ميرال: كويس يامحمود انك جيت كنت عاوزاك
محمود: خير في اي
ميرال: تعالي اقعد بس
محمود: امال فين اميره هي مش كانت معاكوا
هاميس: معاها ضيف في الجنينه.. سامر صاحب يونس
محمود: طيب....... كنتي عاوزاني في اي ياميرال
ميرال: احنا هانفضل سايبين ابوك كده
محمود: ماله
ميرال: يعني انت عاجبك حاله كده
هاميس: ميرال تقصد انو مبيخرجش من اوضته واكلته ضعيفه وعلي الحال ده بقاله شهرين
محمود: اعمله اي يعني عرضت عليه اخده واروح اكشف عليه رفض... هاتلاقيه يومين بس وهايرجع طبيعي زى الاول
ميرال: انا قلقانه عليه اوى
هاميس: متقلقيش ان شاء الله يبقي كويس
ميرال: يارب
محمود: انا هاطلع ارتاح وبطلوا تطلبوا من اميره تاخد اجازه كله بيبقي علي دماغي انا
صوت من ورائه: مش عاجبك ولا اي
ينظر لميرال بمعني لا مش هي
ميرال تهز راسها بايوه هي
وهاميس تكتم ضحكتها
يلتفت لها
محمود: أميره وحشتيني.... الشركه وحشه من غيرك
أميره ببرود: الكلمتين دول تضحك بيهم علي ميرال مش عليا
محمود: لا بجد
أميره ببرود: عملت اي في الي طلبته منك
محمود: كله تمام وتحت السيطره
أميره: طيب اعملي تقرير باهم المشاريع الي عملتها شركه المصطفي لحد دلوقتي بنسب الارباح
محمود بضيق: ليه كده بس... والتقرير ده هاتاخديه امتا بقا ان شاء الله
أميره: بعد يومين
محمود بصدمه: اي... مش هالحق اخلصه ده عاوز اسبوع
أميره: وانا قولت يومين ويكون قدامي مش انا وحشتك!
محمود: لا لا موحشتنيش خالص
تصعد اميره لاعلي دون ان ترد عليه
ميرال: ههههههههه
هاميس ههههههه هاموت مش قادره تستاهل
يمسك محمود المخده ويقذفها علي هاميس
......................................................
في الشرفه كانت تقف وتضع شال علي كتفيها وتتذكر ما حدث منذ قليل
فلاش باك
أميره: ايوه ياسامر خير
سامر: يونس بيحبك بجد ياأميره صدقيني
أميره: وانت جاي بقا عشان تكلمني في كده
سامر: ايوه هو في اهم من كده صدقيني حتي مراته الاولانيه محبهاش ده كان مجرد اعجاب اول مره اشوفه بيحب ومتعلق بحد كده
أميره: موضوعي انا ويونس انتهي
سامر: لا منتهاش انا عارف انك انت كمان بتحبيه بس الي حصل منه هو الي بعدك عنه
أميره بحده: انت هاتعرف اكتر مني
سامر: مهوا بعنادكوا ده هاتضيعوا حاجه جميله بينكوا وترجعوا تندموا
أميره ببرود: هو الي باعتك تقول الكلام ده؟
سامر: يونس لو يعرف ان هنا وبكلمك في الموضوع ده هايقطع علاقته بيا لان مبيحبش حد يتدخل في شؤونه الخاصه
أميره: امال اي الي جابك واي الي جد من شهرين فاتو
سامر بحزن: الي جد ان هو محتاج وجودك جنبه دلوقتي اكتر من اي وقت
أميره بقلق: في اي ماله
سامر: امه ماتت
أميره بصدمه: اي
.......................................... يتبع
ظلام_قلبي
روايات_بقلم_زينب_أحمد