رواية ظلام قلبي الفصل الثاني والثلاثون 32 بقلم زينب احمد
البارت (32)
أميره بصدمه: اي
سامر بحزن: الي سمعتيه ماتت قبل مايسامحها.. الكلام ده من اسبوعين.. اخد العزا في دبي وبعدين رجع تاني مصر مع بنته مقدرش يستحمل يقعد في البيت هناك ومن ساعه مارجع وهو قافل علي نفسه
ومش عاوز يتكلم مع حد اعتقد ان انتي الوحيده الي هاتقدرى تطلعيه من الي هو فيه
أميره: لا رد
سامر: هاتيجي تشوفيه؟
أميره: لا رد
سامر: تعالي بس ولو مره عشان خاطر اي حااجه عملها عشانك في يوم ...ثم يكمل بياس: انا هامشي وفكرى في كلامي كويس.... عن اذنك
باك
تمسك أميره موبايلها وتتردد في الاتصال به ثم تضع
الهاتف مره اخرى امامها ولا تتصل به
.....................................................
في صباح يوم جديد
وجدتها تدخل كالعاده من دون ان تخبط علي الباب
هاميس: راحه فين بادرى كده
أميره بسخريه: هابقي اعطيكي تقرير انا راحه فين وهاقعد وقت اد اي
هاميس: انا بسال بجد
أميره: هاميس حبيبتي روحى اسالي وليد عن التجهيزات والي لسه يمكن يكون ناسي حااجه
هاميس: ايوه صح
أميره: يلا سلام
هاميس: اى ده مقالتش برده راحه فين
..............................................
في غرفه صديق
ميرال: بابا انت هاتفضل علي الحال ده كتير
طب اخرج من الاوضه واقعد معانا
صديق: سيبيني علي راحتي ياميرال انا كده كويس
ميرال: ازاى بس اسيبك كده
صديق: لا رد
ميرال: طيب انا هاقوم اشوف هاميس ولو احتجت حااجه ابعتلي رحيمه او رن عليا وانا هاجيلك
لتقف ميرال لتغادر وعندما تصل للباب
صديق،: تفتكرى لو طلبت من أميره تسامحني هاتسامحني؟
ميرال: تصدم من سؤاله وتلتفت وتنظر له:
مش عارفه بس يمكن اه ليه لا... جرب
صديق،: طيب روحي انتي
ميرال: مااشي عن اذنك
..... ............................................
في فيلا يونس
علي الباب
الداده : ايوه يابنتي عاوزه مين
أميره: احم انا خطيبه يونس وكنت جايه اشوفه
الداده : اه اهلا ياابنتي اتفضلي... كان سامر حكالي عنك معلش اول مره اشوفك
أميره: ولا يهمك
الداده: اتفضلي لحد مااعطيله خبر،
تنزل علي الدرج
رحيق: مين ياداده
أميره ( لقيت بنوته جميله شعرها طويل وعيونها سوداء وخدودها ورديه وترتدى بنطلون جينز وبلوزه)
كادت ان ترد عليها الداده
أميره بابتسامه: انا اسمي أميره وانتي اسمك اي
رحيق: اسمي رحيق
أميره: اسمك جميل اووى
رحيق: هو انا لما اكبر هابقي حلوه زيك كده
أميره: هههههه واحلي مني كمان
الداده: انا هاطلع ابلغ البيه بوجودك
أميره: طيب ممكن اطلع انا اشوفه
الداده: طبعا اتفضلي
أميره لرحيق : لما انزل هانكمل كلامنا... اتفقنا
رحيق: اتفقنا
...............................................
في غرفه هاميس
كانت تجلس وتتحدث علي الموبايل مع وليد
هاميس: استني في حد بيخبط... ادخل
صديق: ممكن اتكلم معاكي شويه
هاميس: هاا... اه اتفضل... هاكلمك بعدين ياوليد
مااشي سلام
صديق ذهب وجلس علي السرير
واغلقت هاميس الخط وجلبت كرسي التسريحه ووضعته امامه وجلست عليه
صديق: كنت عاوز اتكلم معااكي
هاميس: اتفضل
صديق: احم... انا عارف اني مكنتش اب كويس ليكي واتخليت عنك زمان وعملت حاجات كتير مستحقش ان يتقالي بابا بسببها... انا كنت فاهم غلط ياابنتي كنت فاكر اني فاهم كويس اووى الي حواليا وان محدش بيحبني او يتمني ليا الخير كنت فاكر ان عارف انا بعمل اي كويس بس طلعت مش عارف حااجه ياريتني عرفت الحقيقه من زمان يمكن كنت اقدر امنع حاجات كتير انها متحصلش
هاتقدرى تسامحيني ياابنتي وانا هاحاول اعوضك عن كل الي فات
تمسك هاميس يده: انا مش هاقدر اقولك ان هاقدر انسي... بس انا مسامحاك ومش بكرهك يكفي احساسك بالذنب وانك عاوز تعوض عن الي فات
صديق بفرحه: ايوه هاعوض عن كل الي فات
واول حااجه ان هاقف جنبك في فرحك واسلمك لعريسك ايوه عشان تعرفي ان ابوكي موجود
تترك هاميس يده وتقف
صديق: في اي
هاميس: مع احترامي لحضرتك بس انا كنت عاوزه اميره هي الي تسلمني لعريسي يوم الفرح
صديق: زى ماتحبي ياابنتي وفعلا أميره أحق مني
هاميس: متزعلش مني
صديق: لا مش زعلان... يلا انا هاقوم عشان معطلكيش زمان وراكي حاجات كتير... عن اذنك
هاميس: اتفضل
...............................................
تقف امام باب غرفته تخبط علي الباب
يونس بزعيق: انا مش قولت مش عاوز اشوف حد
أميره بتوتر: انا اميره
تمر دقيقتين ويفتح الباب
يونس ببرود: بتعملي اي هنا
أميره ( نمت لحيته كثيرا وشعره غير مرتب وعينيه حمراء )
أميره: هاا
يونس: اي الي جابك هنا ياأميره
أميره: كنت عاوزه اتكلم معاك
يونس: ولا عرفتي وجايه تشفقي عليا
ويتركها ويدخل الغرفه ويترك الباب مفتوح
تدخل ورائه
أميره: انا مبشفقش علي حد يايونس
وبعدين اي الي حصل الي انت تقصده
يذهب يونس ويقف امامها: انتي عاوزه تفهميني انك متعرفيش اني امي ماتت
أميره لاستفزازه : واي يعني انت مش كنت رافضاها زعلان ليه الوقتي
يونس بزعيق: دى امي عارفه يعني اي امي... الي ربتني وكبرتني ولما كنت اتعب تسهر جنبي ثم يكمل بحزن: مكنتش اعرف اني بحبها اووى كده مكنتش اعرف اني من جوايا عاوز اسامحها وانسي بس بعد اي بعد فوات الاوان
تفكر أميره في صديق للحظات ثم تفيق من شرودها علي صدمتها عندما حضنها يونس ولف ذراعيها عليها باحكام ودفن وجهه في رقبتها
لم تبعده فقد شعرت بماء علي رقبتها فعلمت انه يبكي
لفت ذراعيها عليه ورتبت علي ظهره
أميره: هش بس خلاص
يونس: كنت عاوز اقولها اني مسامحها ياأميره
أميره: هي اكيد حاسه بيك وعارفه انك مسامحها
يونس يخرج من حضنها: بجد
أميره: اه والله وعاوز توصلها ده اعملها صدقه واقرالها قران
يونس: ايوه صح هاعمل كده
أميره: طب يلا خد دش واحلق دقنك دى وحصلني عما اكون طبخت حاجه صغيره كده وناكل كلنا
يونس وهو يفرك عينيه : اي ده انتي بتعرفي تطبخي
أميره: اه طبعا واهو هاتجرب بنفسك وتحكم
يلا خلص وحصلني
وكادت ان تغادر ولكنه مسك يدها فجاه
يونس: أميرتي متحرمش من وجودك جنبي ابدا
أميره: أميرتك!!
يونس بحب: ايوه طبعا أميرتى
أميره بتوتر وتنزع يدها منه: طب يلا خلص وتعالي ورايا.... عن اذنك
................................................
بعد ساعه
في فيلا فهد علي الطاوله
يونس: تصدقي فعلا اكلك جميل اووى
رحيق: ايوه طنط اميره اكلها حلو
أميره: اي طنط دى بقا مش قولت اسمي أميره
رحيق: ايوه بس بابا قالي الي اكبر مني لازم احط لقب قبل اسمه
أميره: صح فعلا ده من الاحترام... بس انا بالنسبالي انا بس عاوزاكي تقوليلي أميره بس اتفقنا
رحيق: بابتسامه: اتفقنا... بس عاوزه اشوفك علي طول
أميره: علي طول مش هاينفع للاسف
رحيق بحزن: ليه
يونس: احم... عندها شغل يارحيق زى بابا كده
رحيق بحزن: اه فهمت
أميره: القمر ميزعلش... بس فرح اختي كمان شهر
اى رايك تلبسي فستان حلو كده وتيجي الفرح
رحيق وهي تنظر لوالدها: ينفع يابابا:؟
يونس بابتسامه: ينفع ياحبيبتي
أميره: انا عارفه ان مش وقته عشان وفاه والدتك بس الحزن في القلب وكمان رحيق تخرج وتغير جو
يونس: فاهم قصدك... مش مشكله
رحيق بياس ،: هاجي مع بابا يبقي هاجي عشر دقايق وامشي عشان عنده شغل الصبح يبقي بلاش احسن
أميره: ههههههه لا متقلقيش هاقوله لو عاوز يمشي يسيبك تقعدى براحتك
رحيق: موافقه
يونس: اي ده انتو اتفقتوا عليا خلاص
أميره: اه شوفت بقاا
كان سيرد عليها ولكن قاطعه صوت الهاتف
أميره: ايوا ياهاميس... مالك في اي... طب اهدى طيب.... طيب ساعه واكون عندك... سلام
يونس: في اي خير
أميره: مش عارفه معرفتش افهم منها حااجه... انا هاستاذن بقاا
يونس: طيب هاوصلك
أميره: لا خليك مع رحيق انا معايا عربيتي
رحيق بحزن: هاتمشي بسرعه كده
تنزل أميره لتكون بمستواها: هااجيلك تاني ونخرج ونلعب سوا بس اخلص من طنط هاميس واجوزها الاول عشان نعرف نخرج... اتفقنا
رحيق: اتفقنا
تذهب أميره ويذهب معها يونس ليوصلها لعربيتها
يونس: لما توصلي ابعتيلي رساله طمنيني
أميره: تمام
أميره بعد ان ركبت السياره
يونس: أميره
أميره: هاا
يونس: سامحي صديق عشان متندميش زى.. بعد فوات الاوان
أميره: خلي بالك من رحيق... سلام
يونس: مع السلامه
......................................................
في فيلا المصطفي
وليد: يعني اي يعني بتشتكيني لاميره
هاميس: امال هاقول لمين يعني
وليد: برده مش هاغير راى
هاميس: انت مصمم تنكد عليا يعني
وليد: وكلمه تانيه مش هايبقي فى فرح اصلا
ميرال: ياوليد اهدى الكلام ميبقاش كده
وليد: قولي لاختك
هاميس: اختها مش هاتكمل في الجوازه دى اصلا
صوت من ورائها: ليه يابرنسيسه هاميس
وليد: كويس انك جيتي ياأميره تعالي شوفيها
أميره: تعالوا نقعد الاول وبعدين فهموني في اي
بعد ان جلسوا
أميره: هااا في اي
وليد: انا هاقولك واهي قدامك تقولك لو في حرف محصلش
هاميس: ايوه قولها
أميره بحده : انجزوا في اي
وليد: يرضيكي مراتي يوم الفرح يبقي صدرها باين
هاميس: هو الفستان الي كاب اعمل اي
وليد بحده: يتغير انا مش باريل عشان امشي جنبك وانتي عريانه... شوفي فستان غيره
أميره: عنده حق ياهاميس وهو بيحبك وبيغير عليكي وهايبقي في رجاله كتير وصحافه كمان يعني صورك وملخص فرحك هاينزل علي السوشيال ميديا
شوفي فستان تاني والموديلات كتيير
هاميس: طيب بالنسبه للفستان طب والحنه
أميره: حنه اي
ميرال: كنا هانعمل يوم قبل الفرح بيومين ونهيص وكده وبنات بس
وليد: لا مش بنات بس هايجيبوا مغني مشهور والويتر هايبقوا رجاله وهاميس عاوزه تلبس ٣ فساتين كلهم فوق الركبه وعريانين ده يرضي مين ده
أميره: مين قالك اني هوافق علي الكلام ده اصلا
هاميس: اي
أميره بحده : ايوه حد فيكوا خد راى ولا عرفني بالكلام ده ولا هانفتح البيت كباريه
هاميس بحزن: كباريه عشان عاوزه حنه
أميره: لا عشان الي انتي عاوزاه في الحنه
هاميس: ايوه يعني اعمل اي الغيها خالص
أميره: لا لا انا ولا وليد نرضي نزعلك... في حنه بس بالاصول... الويتر بنات... المعزومين بنات ويبقي فيه جزء امانات بعد باب الفيلا الي تدخل تسيب موبايلها وتاخد رقم ليه... عشان نضمن محدش يصورك والبسي الي انتي عاوزاه ومفيش مغنى هايجي شغلوا اغاني وهيصوا مع نفسكوا
وليد: اه حلو جزء الامانات ده
هاميس: لا طبعا مفيش حته الامانات دى اي هابقي بقلبهم خلاص هالبس طويل وخلاص
وليد: ماكان من الاول يابنت الناس
هاميس: مبسوط انت ان اميره في صفك
أميره: انا في صف الحق
هاميس: طيب كنت عاوزاكي في موضوع تاني كده
أميره: خير
هاميس بتوتر: اصل يعني بابا كان عاوز هو الي يسلمني لوليد وانا قولتله اني عاوزاكي انك انتي الي تسلميني لوليد بس حساها زعل مع ان قالي اعمل الي عاوزاه
أميره: طيب الي انتي عاوزاه هايحصل ياهاميس ولو عاوزاه هو يسلمك في دخله الفرح لوليد... انا مش هازعل ده ابوكى وده المفروض يحصل
هاميس: بس انا كنت عاوزاكي انتي تسلميني لعريسي
ميرال: انا عندى فكره احلي
في دخول محمود البيت
هاميس: اي
ميرال: محمود هو الي يسلمك
محمود: بتتكلموا في اي
ميرال: عن مين الي هايسلم هاميس في الفرح لوليد
محمود: اه
ميرال: كنت بقول انت يعني
محمود: انا شايف ان أميره احق
أميره وهي تقف لتغادر: وانا شايفه ان لو ابوها عنده الرغبه والاستعداد وهاميس موافقه يبقي تمام
هاميس: يعني انتي موافقه
أميره: اه انا موافقه طالما انتي مبسوطه... انا المهم عندى اشوفك في الفستان الابيض ياحبييتي
وليد: اه بالنسبه للفستان هانخرج بكرا انا وهاميس وعاوزينك معانا
هاميس: اه ياريت
أميره: انا عندى شغل كتير كفايه ان مروحتش بقالي يومين... خدى ميرال وسلمي معاكي يلا انا هاطلع ارتاح... تصبحوا علي خير
........................................................
تمر الايام سريعا لياتي يوم الحنه
في الصباح الباكر
تنزل الدرج ترتدى بنطلون فورمال اسود وبليزر بيج وتلم شعرها علي هيئه ذيل حصان
أميره: ها ياميرال كله تمام
ميرال: ايوه بس هاميس متوتره وبتاكد علي الحاجه الف مره
أميره: معلش استحمليها
هاميس من ورائهم: انتي راحه فين ياأميره
أميره: طب قولي صباح الخير الاول
هاميس: صباح الخير راحه فين
أميره: الشركه يعني هايكون فين
هاميس: ياارب صبرني... هو انا مش اختك لقياني علي باب جامع طيب
أميره: هاميس في ورق مهم هاراجعه وارجع مش هاتاخر
هاميس: وده ميتاجلش
أميره: لا عشان اقدر افضي نفسي قبل الفرح
هاميس: طيب منزلتيش تجيبي دريس يعني
أميره: هالبس حااجه من الي عندى يااهاميس
هاميس: لا هاننزل سوا بكرا انا وانتي وميرال وسلمي عشان سلمي كمان لسه مجبتش حااجه
أميره: حااضر اي اوامر تانيه... ممكن امشي بقاا
هاميس: طيب هاتلبسي اي النهارده بليل
أميره: والبس ليه ماانا لبسي حلو
هاميس بنفاذ صبر : لا كده كتيير
ميرال،: هاميس تقصد ان تلبسي دريس دى حفله
أميره: والبس دريس ليه هو انا العروسه ولا هي
ميرال: ليه انتي مش هاترقصي وتهيصي معانا
أميره: ارقص،!!!
هاميس: امال حفله حنه ليه طبعا ترقصي
أميره: لا ماليش في الرقص والكلام بتاعكوا ده... يلا سلام
هاميس: شايفه يااميرال شايفه
ميرال: معلش... ثم انا معاكي اهو هانرقص ونعمل كل حااجه
هاميس،: يارب بس كل حااجه تمشي زى ماانا عااوزه
ميرال: ان شاء الله متقلقيش
....................................................
في فيلا يونس
يونس: انتي حبيبتي طنط أميره؟
رحيق: اه اووى
يونس: تحبي تكون مامتك
رحيق: اه طبعا بس هي هاتوافق؟
يونس: مش هاسيبها غير لما توافق... روحي انتي العبي في الحنينه
رحيق: مااشي بس تسيبني ارقص مع العروسه واقعد وقت كتييير جداا
يونس: ههههههه حااضر
.....................................................
في شركه المصطفي
تجلس علي المكتب منهمكه في بعض الاوراق
يدخل محمود
محمود: انا قولت انك مش هاتيجي النهارده
أميره: مش هااجي ليه
محمود: عشان تفضلي جنب هاميس
أميره: دى حنه ياامحمود مش الفرح يعني
محمود: طيب العقود دى عاوزه مراجعه منك
أميره: طيب راجعها انت هو انا مش عرفتك كل حااجه
محمود: برده زياده تاكيد
أميره: لا راجعها انت وانا يدوبك هاروح شركه الميرا اشوف مراد عمل اي
محمود: طيب مااشي
..............................................
في شركه الميرا
في مكتب أميره
أميره: طيب كده كله تمام ياامراد
مراد: ايوه تمام روحي انتي عشان تلحقي الحنه
كانت سترد عليه ولكن قاطعهم صوت طرق علي الباب
أميره: ادخل
ياسر: صديق بيه بره وعاوز يقابل حضرتك
مراد: بتقول مين
أميره بهدوء : طب قوله يدخل واتفضل انت يامراد
مراد: طيب عن اذنك
يدخل صديق
أميره: اتفضل اقعد
صديق بعد ان يجلس: شكرا
أميره بهدوء: علي اي
صديق: انك وافقتي تقابليني
أميره ببرود: مش مهم المهم السبب الي جابك
صديق: ايوه صح عندك حق... انا كنت جااى عشان اعتذرلك عن كل حااجه حصلت قبل كده وتقصيرى في حقك صدقيني كان غصب عني
أميره: بس ماتقولش غصب عنك
صديق: تمام انا بعترف ان جزء كبير كان بارادتي
أميره: ايوه يعني مفهمتش عاوز اي الوقتي
صديق: عاوزك تسامحيني
أميره: هاتفرق معاك؟
صديق: لو مكنتش هاتفرق مكنتش جيت
أميره: اه اسامحك وترجع الشركه صح ده الي تقصده
صديق: الشركه اصلا باسمك ومجتش في بالي
أميره ببرود: وتفتكر بقاا انا اصدق الكلام ده
صديق: وانا هاكدب ليه ياابنتي
أميره بحده: بس متقولش بنتك
صديق: طب عاوزاني اعمل اي يكفر عن غلطي
أميره: هو غلط واحد! وبعدين الي بيعوز مبيسالش ولا اي
صديق: اه فهمت.. انك مش عاوزه تسامحيني
أميره: لا رد
صديق: عن اذنك شكلي معطلك عن شغلك
أميره: اتفضل
......................................................
في صباح يوم جديد
تقف وتجهز نفسها لكي تغادر
تجدها تدخل دون ان تخبط كالعاده وتجلس علي السرير
أميره تنظر لها: انا نفسي اعرف امتا هاتخبطي
هاميس: هاتجوز وامشي واريحك مني اهو
أميره تذهب وتجلس بجانبها: مالك ياهاميس
هاميس تحتضن أميره: مش عاوزه امشي واسيبك
أميره تربت علي ظهرها: ياحبيبتي وانا جنبك اهو انا روحت فين
تخرج هاميس من حضنها: بس هاتنشغلي بالشغل وتنسيني
أميره: هاميس انتي بتعيطي
هاميس: مش قادره اتخيل اني هامشي واسيبك
أميره: انتي عبيطه ابت ده كلها ساعتين وابقي عندك
كادت هاميس ان ترد عليها ولكن قاطعهم صوت الهاتف
هاميس: ردى
أميره: مش مهم ده يونس هابقي اشوفه عاوز اي بعدين
هاميس: شايفه انكوا اتصالحتوا
أميره بهدوء: ولا اتصالحنا ولا حااجه الوضع زى ماهو
هاميس: بيتصل تاني ردى بقاا
أميره: طيب... الو
يونس: أميره ازيك
أميره: كويسه الحمد لله
يونس: معطلك عن حاجه ولا اي
أميره: ها لا ابدا
هاميس بصوت عالي: انتي خارجه تشترى الدريس بتاعك الي هاتلبسيه في فرحي
يونس: انتي خارجه تشترى الفستان الي هاتلبسيه في فرح هاميس
أميره وهي تبص لهاميس بشر: ها لا.. اه
يونس: كويس ده انا عاوز اشترى لرحيق فستان ومبعرفش في الحاجات دى ممكن ننزل سوا وتساعديني؟
أميره: تمام مفيش مشكله
يونس بفرحه: مااشي نص ساعه وهاتلاقيني عندك
أميره: مااشي... مع السلامه
تغلق الخط
وتمسك هاميس من ذراعها
أميره: اعمل فيكي اي الوقتي
هاميس بتوجس: أميره أنا عروسه مش عاوزه اي اصابات
أميره بعد ان تترك ذراعها: مين قالك اني نازله اشترى فستان انا كنت راحه الشركه
هاميس بعد ان تقف: ياادى الشركه يااستي انتي وراكي نااس تانيه امال محمود ومراد وياسر ولمياء ومديرين الفروع لازمتهم اي
أميره: بس لازم اكون موجوده واتمم علي كل حااجه
هاميس: بس ده فرحي يااميره وعاوزاكي قمر فيه يلا بقاا عشان خاطرى
أميره: أمرى لله حااضر
هاميس: هاتي بوسه
أميره: طب وميرال وسلمي مش محتاجين حااجه
هاميس: لا كله لبسه جاهز وسلمي هانزل انا وميرال معاها نشتريلها حااجه متشغليش بالك انتى
أميره: طيب
هاميس: صحيح نستيني تيجي الحنه يامفتريه وتطلعي تقعدى في الجنينه
أميره: ماانا قولتلك ماليش في الجو ده
هااميس: امال هاتعملي اي في حنتك
أميره:لكي تتوه علي الموضوع: روحي شوفي وليد لبسه جاهز وكده ولا اي
هاميس: تصدقي صح انا نسيت اساله استلم البدله ولا لسه
أميره: طب روحي شوفيه
هاميس: حااضر
...................................................
لياتي يوم الفرح وترتدى هاميس فستانها وكانت كالاميرات
فستان بذيل طويل وتلم شعرها علي هيئه كحكه تتعلق بها طرحه الفستان الطويله وله اكمام شفافه

وميرال ترتدى فستان كاب ويصل للركبه وتلم شعرها علي جنب

ميرال: قمر يااهاميس
هاميس: بجد يعني اكمام الفستان مش مبوظه شكله
اعمل اي في وليد بس ده الي عجبه
ميرال: ياابنتي حلو اوووى
هاميس: انتي احلي وفستانك جميل
لتدخل سلمي وكانت ترتدى فستان باللون الاوف وايت وله اكمام قصيره وتلم شعرها للخلف

سلمي: يلا يااهاميس وليد وصل تحت...
لسه الفوتو سيشن وبعدين القاعه
هاميس: اي رايك
سلمي: حلووه اووى
هاميس: طيب فين أميره
سلمي: مش عارفه تقريبا لسه بتلبس
هاميس: كل ده
لتدخل أميره وترتدى فستان باللون الاحمر وله اكمام شفافه قصيره من نفس اللون وتلم شعرها علي هيئه كحكه

أميره: مااشاء الله قمر
هاميس وهي علي وشك البكاء: كنتي فين كل ده
أميره: هش هاتبوظى الميكب دافعين فيه فلوس ده
هاميس: ههه بجد حلوه
أميره: حلوه بس.. قمر
ميرال: بقولها كده من الصبح مش عاوزه تصدقني،... بس اي الحلاوه دى ياأميره
هاميس: ده مكنتش هاتجيبه يونس اشتراه وصمم تاخده وتلبسه النهارده
ميرال: لا بس ذوقه حلو
أميره: انتي الي فستانك حلو ياميرال بس مش مكشوف شويه؟
هاميس: شويتين
ميرال: بقولكوا انا معنديش حد يخنقني ويقولي البس اي البس براحتي بقاا
هاميس: وبالنسبه لمحمود اي
ميرال: لا محمود ده حبيبي ومبيحبش يزعلني
سلمي: ممكن يلا بقاا وليد تحت وهاينفخني
أميره: يلا يابنات
هاميس: أميره تعالي معايا متسبينيش
أميره: هاحصلك علي طول متقلقيش
..................................................
في القاعه كانت تقف وتقابل المدعويين فهي بمقام ام العروس... ويدخل يونس وبجانبه رحيق
يونس يسلم عليها: الف مبروك
أميره: بابتسامه: الله يبارك فيك
يونس بميل علي اذنها: لو اعرف ان هايطلعك قمر كده مكنتش صممت انك تاخديه
أميره: احم رحيق اي القمر ده واي الفستان الحلو ده
رحيق،: انتي حلوه اووى النهارده
أميره: مش هاجي جنبك حااجه ياقمر انت
تعالوا اتفضلوا وتقوم بايصالهم لطاوله
ودقائق
ويدخل وليد ويحمل بوكيه الورد ويقف في منتصف الاستيدج
وبعدها بدقائق تدخل هاميس وهي تضع يدها في ذراع صديق
وصولا لوليد ليقوم بالسلام علي صديق ثم يعطي الورد لهاميس ويقبل جبينها
ويتركهم صديق
وتبدا رقصه السلو
كانت تقف ميرال من بعيد وتقوم بتصويرهم بهاتفها لتفاجي بصوت بجانبها اي الي انتي لابساه ده
ميرال تنظر له ثم تنظر امامها: وانت مالك
سامر: خطيبك مثلا
ميرال وهي تنظر له: وانا معرفكش ولا يمكن اتخطبلك اصلا
سامر: طب روحي اقعدى يااشاطره ودارى رجليكي دى وعدى يومك
ميرال': ولو مسمعتش كلامك يعني
سامر: هاعلي صوتي وابوظ الفرح وتبقي انتي الي بوظتيه
ميرال بضيق: انا مش عارفه انت طلعتلي منين
وتغادر وتذهب لتجلس بجانب سلمي
عمر وهو يقف خلف سلمي وبجانب أميره: اقعدى ياأميره شويه ارتاحي
أميره: لازم اتاكد ان كل حااجه مظبوطه
عمر: كل حااجه تمام متقلقيش
سلمي بفرحه: اي ده هي ماما الي هناك دى
عمر بضيق: اي الي جابها
أميره: انا قولت لوليد يكلمها
عمر: ليه كده بس ياأميره
أميره: مهما حصل ده فرح ابنها ولازم تحضره سيبها واتعامل انها مش موجوده... ممكن؟
عمر: ربنا يستر بس ومتعملش حااجه تبوظ الدنيا
أميره: لا متقلقش
كانت تشعر بنظراته تتابعها في كل لحظه
ذهبت له
أميره: محتاجين حااجه
يونس: ممكن تقعدى وترتاحي شويه
رحيق: ممكن اجي ارقص مع العروسه
أميره: اه طبعا تعالي
واخذتها وذهبت تجاه هاميس التي كانت ترقص مع صديقاتها ووقفت أميره تسقف رقصت هاميس مع رحيق قليلا ثم جذبت أميره عنوه
أميره: مبعرفش يابنتي
هاميس: عشان خاطرى
استجابت أميره لطلبها والتف حولهم كلا من وليد وياسر ومراد وعمر ويونس وسامر ومحمود واخذوا يصفقون لهم واحتضنتها أميره في اخر الرقص ومنعت نفسها من البكاء ولكن هاميس لم تشعر سوى بالدموع علي خديها
وشاورت لها أميره بالا تبكي ثم اكملوا رقص وسط تصفيق من الجميع وكان شكلهم لطيف بشكل لا يصدق
...................................................
بعد اسبوع
في صباح يوم جديد علي الفطار
ميرال،: المفروض هاميس ووليد هايرجعوا النهارده من شهر العسل
أميره: اها
ميرال: مش كانو قعدوا وقت اكتر
محمود: وليد عنده شغل يبقوا يعوضوها في وقت تاني
أميره: صحيح في عريس متقدم لميرال
ميرال بصدمه: انا
محمود: مين ياأميره
أميره: سامر ماانت عارفه
محمود: اه لا شاب كويس ومحترم
أميره: المهم راى ميرال
ميرال: انا
أميره: امال انا!! فكرى كويس وردى عليا
ميرال: طيب
أميره: انا هاطلع اجيب شنطتي من فوق وانزل
محمود: استناكي
أميره: لا امشي انت لان هاعمل مكالمه فون
محمود: اوك
.....................................
في غرفه أميره
كانت تستعد لتغادر
وجدته علي الباب
صديق: ممكن ادخل
أميره بنفاذ صبر: اتفضل
صديق: كنت عاوز اشكرك علي موقفك يوم فرح هاميس
أميره ببرود: تمام
صديق بهدوء: لسه مش عاوزه تسامحيني برده
أميره ببرود: لا
صديق: انا مستعد اعمل اي حاجه عشان تسامحيني
أميره بزعيق: هاتعمل اي هااا هاترجعلي امي الي ماتت بسببك ولا هاترجعلي طفولتي الي بكره افتكر فيها حااجه ولا هاترجعلي جسمي الي تشوه علي ايدك
ولا هاترجعلي جدى الي مات برده بسببك ولا هاترجعلي الامان الي فقدته برده بسببك هااا رد عليا
صديق: لا رد
أميره بحده : انت عارف انت اي انت اللعنه الي موجوده في حياتي
صديق: هاعوضك عن كل ده صدقيني
أميره بزعيق: وانا مش عاوزه منك حااجه مش عاوزاك تعوضني عن حااجه انا مشاعرى نحيتك ميته عارف يعني اي ميته
صديق: يعني مفيش أمل انك تسامحيني
أميره: هههه برده... اي مبتسمعش بقولك لا
صديق بالم: كتر خيرك يابنتي... عن اذنك
عند خروجه يقابل ميرال التي تنزل دموعها بصمت علي كسره والدها
.........................................
في شركه الميرا
كانت تجلس وتتحدث مع ياسر
يدخل مراد عليها دون ان يطرق الباب
أميره: في اي يامراد
مراد: مبترديش علي موبايلك ليه
أميره: اه صامت في اي
مراد: صديق بيه تعب جامد ونقلوه المستشفي وميرال معاه ومحمود راح وراهم
أميره بصدمه: اي
............................................
في المستشفي
ميرال تبكي في حضن محمود
محمود: اهدى ياميرال هايبقي كويس
يخرج الدكتور
محمود: ها يادكتور
الدكتور: ازاى سايبينه لحد دلوقتي.. عنده نقص تغذيه كبير وضغطه عالي جداا وده اثر علي القلب طبعا وبقي في قصور في القلب... ادعوله
ميرال ببكاء: يعني اي
الدكتور: يعني مفيش في ايدنا حااجه غير الدعااء
انتي أميره
ميرال: لا
الدكتور: طيب كلموا اميره لان هو عاوز يتكلم معاها
محمود: حااضر هاكلمها
.......................................
كانت تسوق بسرعه هائله... تريد ان تخبره انه لايجب عليه الذهاب قبل ان يجعلها تسامحه بافعاله بان يحببها فيه ويكون مثل اي اب افعاله اكثر من اقواله
وصلت للمستشفي وصعدت للطابق الذى يوجد به وتجرى وصولا لمحمود وميرال
محمود: كويس انك جيتي طالبك بالاسم
أميره وهي تلهث: هادخله
تمر دقائق وورائها دقائق اخرى وكانها سنين علي ميرال ومحمود
فجاه يجدون الدكتور والممرضه يدخلون مسرعين
ويغلقون الباب خلفهم
ميرال: في اي يامحمود بيجروا ليه
محمود: دلوقتي نعرف
وتمر دقائق
ويخرج الدكتور
محمود: هاا يادكتور
الدكتور باسي علي حالهم: البقاء لله
......................................... يتبع
ظلام_قلبي
روايات_بقلم_زينب_أحمد