رواية حب من اول رسمه الفصل العشرون 20 بقلم مني احمد
اي دا الفنان صقر ممكن نتصور صوره مع حضرتك
صقر اكيد
روح كانت قاعده ومديقه جدا وهما قريبين منه وكان في نار مشتعله فيها
وفجاه اشتغلت موسيقي رومانسي وبدأ كله يرقص
فجاه واحد ميل علي روح وقالها اي القمر قاعد لوحده ومد ليها ايده عشان ترقص معاه
وفجاه هجم عليه صقر وبدا يضرب فيه ضرب جنون لدرجه انه اتكسر ومسك روح من ايديها واخدها وخرج
روح بزعيق وعياط حرام عليك سيبني وكانت هتموت من الخوف
وقبل ما تكمل كلامها لقت قلم علي وشها من صقر
روح والدموع بتنساب من عيونها وازاي قدر يضربها
متكلمتش روح وركبت العربيه وبدات تعيط زي الطفل الصغير
صقر ركب عربيته بغضب واخدها ومشي
عند وسام وندا
الناس بدأت تتكلم
وسام محصلش حاجه ي جماعه وبدأت الموسيقي تشتغل
بس في ناس قامت مشيت
ندا ادايقت
وسام اهدي
ندا أهدا ازاي دا خرشمه شالوه ع المستشفي
وسام عشان يستاهل
ندا والناس المنظر إلي شافوه دا نص المعازيم مشيو
واول ما صقر دخل البيت بدأ يكسر اي حاجه تيجي قدامه وكان في نار مشتعله فيه
روح دخلت الأوضه وقفلت الباب وبدأت تنهار من العياط
وبترتجف من الخوف ازاي الشخص إلي حبته منزوع من قلبه الرحمه ازاي خرشم الشاب دا كدا وازاي يضربها قلم
وبدأ تعيط ونامت والدموع علي عيونها
صقر مسك دماغه وقعد وادايق جدا انه ضربها قلم لانه كان غضبان
صقر مكنش ينفع تضربها هتكرهك يصقر
بدأ يتفح باب الاوضه براحه
لقاها نايمه زي الطفل الصغير ودموعها ع خدها
صقر فعقله ياريت كانت ايدك انقطعت قبل ما عملت فيها كدا اتجوزتها عشان تضربها في الاخر تفو عليك يصقر
وقام اخد الجاكت بتاعه وخرج
دخل محل ورد كبير جابلها ورد كتير شوكولاته من كل نوع لانه مش عارف هي بتفضل اي
دخل البيت براحه
ودخل عندها الاوضه وبدا يصحي فيها روح روح
روح بفزعه سيبني سيبني
صقر اهدي
روح بدموع عايز اي يصقر
صقر اداها الود والشكولاته وباسها ع دماغها
حقك عليا مهونتيش عليا اسيبك زعلانه مني
روح متحركتش من مكانها والدموع نزلت
مهونتش عليك تسيبني أنام زعلانه ومهونتش عليك لما ضربتني
صقر أنا كنت غضبان
روح طلقني يصقر وسيبني اروح لحال سبيلي الي يضرب مره يضرب الف
صقر اطلقك ازاي تقوليها بسهوله دي هو الطلاق عندك عادي
روح اه عادي لو لمس كرامتي وبقولك طلقني يصقر ومن الصبح هلم هدومي وهمشي انت لما لقتني معنديش أهل وضامن وجودي معاك عشان عارف اني مش عايزه اعيش في عذاب تاني ف تقوم تعمل كدا طلقني يصقر وارجع ل حياتك كفايا جيت لخبط حياتك
صقر متقوليش طلاق تاني أنا لو محبتكيش من قلبي مكنتش هسافرلك كل دا انا حبيتك من قلبي وعمري ما اضربك أنا اتعصبت ازاي واحد يقدر يبصلك حسي بيا أنا حسيت بنار بتاكل فيا محستش بنفسي أنا مستحيل أطلق يروح عارفه يعني اي مستحيل اتخلي عنك
روح بدأت تعيط لان صعبت عليها نفسها
صقر خرج وقفل باب الاوضه وكان بيلعن نفسه وأنه راح واخدها
روح مسكت فونها وبعتت لندا وكان الوقت متاخر
ندا عامله اي
روح بخير اكيد الخطوبه باظت
ندا عادي حصل خير
انتي كويسه
روح لا مش كويسه خالص
ندا مالك
روح متخانقع مع صقر وعايزة أطلق
ندا نهار اسود طلاق اي استهدي بالله لي كل دا
روح مد ايده عليا ي ندا
ندا اهدي اهدي استهدي بالله تعالي يومين عندي معيش حد غير انا وامي غيري جو يومين بس بلاش طلاق صقر بيحبك يروح
روح بكرا الصبح هقابلك بس اوعي تقوليله اني عندك
صقر كان بيرسم في اللوحه بس مكنش قادر يركز فضل ماسك الفون ل الصبح ومش قادر ينام
الصبح بدري نزل يجري كالعاده ورجع لبس بدلته وبرفانه المميز وساعته الغاليه خرج لقي روح نايمه في الصاله باسها ع خدها وخرج روح من جواها كانت حزينه جدا واول ما اتاكدت أنه مشي قامت لبست وكلمت ندا وسابت كل حاجه مخدتش اي حاجه من البيت
ندا اطلعي وامشي ورا اللوكيشن لحد ما تلاقيني
سمعت روح الكلام ونزلت وفضلت ماشيه لحد ما قابلت ندا
ندا لي التكشير دا ابتسمي دا انا هروق عليكي وهبسطك هطلب اوبر ونروح
روح لا عايزة اتمشي مخنوقه
ندا طب تعالي نشتري مسليات ليكي فيها
روح مليش نفس
ندا لا بقي سيبيلي نفسك خالص
دخلت ندا السوبر ماركت وبدأت تاخد انواع كتير وروحو البيت
ندا ي امييييييي
ام ندا في أي يبنت
ندا معايا صحبتي
ام ندا اهلا عامله اي بس فين صقر مش معاكي ولا اي
ندا اسكتي شويه ي امي مش كدا لسنا جيين وبعدين قلتله وسابها تقعد معايا يومين لانه اه مسافر
ام ندا بستغراب ام ماشي اتفضلوا من برا أنا هدخل اعمل فطار ونفطر مع بعض
ندا تعالي تعالي ندخل اوضتي دخلت روح وندا
روح ماشاء الله اوضتك جميله
ندا أنا اهم حاجه بالنسبالي اوضتي لأنها اكتر حاجه برتاح فيها هطلعلك بجامه عشان تاخدي راحتك
روح لا مش لازم
ندا ازاي مش لازم عشان ناخد راحتنا كدا وهنسمع فيلم كدا حلو
روح بابتسامه ماشي
وسام رن ع ندا
ندا. هرد ع الفون دقيقه معلش
الو
وسام ايوا يبت فين انتي
ندا بت لما تبتك في البيت لي
وسام أنا جاي النهاردة اقعد شويه معاكم
ندا لااا تيجي تعمل اي انا النهاردة هلكانه ومعفنه عايزة استحم ومكسله خليها ل يوم تاني
وسام يخربيت عفانتك يبت
ندا وبعدين كنا مع بعض امبارح هي شوغلانه
وسام ماشي أن ما ور......
ندا قفلت السكه وبدأت هي وروح يضحكوا
روح يخربيتك انتي مجنناه
ندا الرجاله مينفعش معاها غير كدا
ام ندا الفطار ي بناويت
ندا هسيبك واطلع تكوني غيرتي ماشي
روح ماشي
غيرت هدومها روح وقبل ما تخرج مسكت الفون وطلعت منه الخط وقفلته
وخرجت
ام ندا اقعدي يبنتي
اكلت روح وقامت
ندا اي دا اقعدي كملي لحقتي تأكلي
روح شبعانه والله حسه معدتي تعباني شويه بس هدخل اريح شويه ماشي
ندا ماشي خدي راحتك
دخلت ندا اصحي ي روووح
روح في أي
ندا الغدا كل دا نوم
روح معقوله محستش بالوقت
ندا قومي اغسلي وشك وفوقي دي امي متوصيه بيكي وعامله شويه اكل لوز قومي قبل ما الاكل يبرد
روح حاضر هقوم اهو قامت روح غسلت وشها واتغدت
ام ندا اي مش بتنامي في بيتك صقر كان مش بينيمك
روح بابتسامه لا ابدا بس بيتكم بيشجع ع النوم مريح
ام ندا بضحك كل ما تحبي تنامي تعالي عندنا
روح بضحك حاضر د
ام ندا كولي كولي الاكل هيبرد
عند صقر اخد الجاكت بتاعه ومشي عشان يروح البيت وبيفتح الباب وكالعاده بينادي عليها عشان متتخضش ولكن المره دي محدش رد عليه
صقر رووووح انتي فين وبدأ يفتح في الاوض والحمام ودخل المطبخ
صقر بجنون رااحت فين دي متعرفش حد هنا ولا تعرف تروح مكان خرج فونه بجنون وبدأ يرن عليها بس اداه غير متاح
صقر اعمل اي راحت فين والله لما الاقيها هقتلها وادفنها سابت البيت ومتقولش راحت فين أن ما وريتك ي روح اديني قاعدلك لحد ما ترجعي الوقت بيعدي ع صقر ب البطئ وهو مستينها
صقر لاكدا كتير كتير أنا هخرج ادور عليها بنفسي بس ادور عليها فين الدنيا كبيره ااااه لو جرالها حاجه مش هسامح نفسي خرج صقر يدور وكلم وسام يدور معاه
مسك صقر فونه وبدأ يعمل مكالمات وبلغ الاقسام ومحدش عرف عنها حاجه رجع صقر البيت وهو هيتجن قعد ع السرير ومسك دماغه وفضل يعيط زي الطفل الصغير وهو بيقول روحتي فين وسبتيني ارجعي ومش هعملك حاجه تاني ارجعي ي تري هي دلوقتي حصلها حاجه ف الشارع ولا فين حد عمل فيها حاجه حد ازاها أنام ازاي كله مني انا لو جرالها حاجه مش هسامح نفسي
عند روح وكانت قاعده بتاكل فشار وبتتفرج علي فيلم
يتبع
كل عام وانتم بخير ادامه الله عليكم بالخير والبركات
