رواية دمر حياتي الفصل الثامن 8 بقلم خيال كاتب
الجزء الثامن
...............
فضلت اتحمل رزالة وتحرش عاطف بيا لغاية ما في يوم كنت طالعة علي السلم اللي في المحل وبجيب ملابس من اخر رف في المحل وكنت في اليوم ده لابسة چيبة وبلوزة وانا علي السلم من فوق لقيت عاطف واقف تحت السلم وبيبص عليا
اول ما اخدت بالي من نظراته جيت انزل لقيتة بيقولي انقلي الچيب من الرف اللي جنب الرف ده
انا :: اشمعني يعني ؟
عاطف :: ايه هو اللي اشمعني انتي تعملي اللي بطلبة منك وخلاص
انا :: حاضر
عملت اللي قالي عليه ونزلت وهو كان واقف في مكانة متحركش وايمان واقفة بعيد وبتتفرج علي عاطف وحاطة ايدها علي بوقها وبتضحك بينها وبين نفسها
نزلت من علي السلم وحسيت بايده تلمسني وبعدين لف جسمة بسرعة واداني ضهرة وعمل نفسة بيطبق في عباية وبيحطها في الكيس بتاعها
انا :: هو فيه ايه يا عاطف
عاطف :: في ايه يابنتي مالك
انا :: انا عارفة بقي متسأل روحك
مشيت من جنبة وروحت وقفت جنب ايمان اللي كانت بتفرز قمصان النوم وبتعيد ترتيبهم في البترينة
ايمان :: عاطف هيتجنن عليكي
انا :: والنعمة بالشبشب .. هو فاكرني من البنات اياهم
ايمان :: ههههههههه يبقي مش هطولي معاه في المحل
كلمة ايمان حسستني بالخوف مانا مينفعش اسيب الشغل خالص
انا :: يعني ايه !؟
ايمان :: يعني مشي امورك معاه .. شوق ولا تدوق
انا :: يعني ايه
عاطف جه وطلب مني اعملة كوباية شاي
دخلت عملت له الشاي ورجعت لقيتة واقف جنب ايمان وحسيت ان ايمان وشها متغير واول ما شافني بعد شوية عنها وقالي حطي الشاي هنا وانتي يا ايمان روقي البترينة اللي بره المحل
ايمان خرجت وهي ماشية لمحت سوستة البنطلون بتاعها مفتوحة ... عرفت علي طول ان عاطف كان معاها
بعد ما خلصت شغلي وانا مروحة البيت لقيت رجب نطلي معرفش جالي منين ولقيتة جنبي ممكن بس اتكلم معاكي خمس دقايق
انا :: انت عايز مني ايه ؟
رجب :: عايزك يا سهام ومتعمليش نفسك مش عارفه
انا :: يارجب انا قولتلك بدل المرة مليون مرة انت فاهم غلط ... انا مش زي البنات اللي تعرفهم ولا عمري هكون زيهم .. وانت فاهم بردو ان فيه حاجة حصلت بيني وبين سيد
وده محصلش .. فاياريت متعشمش نفسك بحاجة عمرها ما هتحصل
رجب :: بقي كدة ... طيب ياسهام وياريت تاخدي بالك من نفسك علشان انا مش هسيبك
انا :: اعلي ما في خيلك اركبة
مشيت ورجب فضل واقف في مكانة وهو بيعض علي شفايفة ومتعصب علي اخره
روحت البيت ودخلت الشقة لقيت الست نصرة قاعدة مع ماما في الصالة
انا :: مساء الخير ياخالتي
نصرة :: مساء الورد يا سهام
انا :: معلش تاعبينك معانا
نصرة :: متقوليش كدة يا حبيبتي دي مامتك زي اختي واكتر
دخلت غيرت هدومي وخرجت قعدت مع ماما وكانت نصرة طلعت لجوزها وعيالها
انا :: عاملة ايه يا حبيبتي النهاردة
ماما :: كويسة يابنتي .. انتي عاملة ايه في الشغل
انا :: تمام يا ماما وصاحب الشغل حاططني في عنيه وراجل محترم جدا وعينة مش بتترفع علينا
ماما :: ربنا يبارك فيه ويقعدلة في عيالة
دخلت المطبخ عملت اكل واتعشيت انا وماما وبعدين عملت ليا كوباية شاي وبعدين دخلت اوضتي ونمت
تاني يوم وانا في الشغل كنت واقفة بظبط في الهدوم بعد ما زبونة مشيت عاطف جه من ورايا ... عملت بكلام ايمان وقولت اعمل نفسي مش واخدة بالي... مرة في مرة وانا سيباه ومش بعمل اي ردة فعل زي الأول
وعلي اخر النهار .. لقيتة بيقولي خدي مفتاح المخزن من الدرج وعايزك تاخدي معاكي الكشكول وتشوفي ايه اللي ناقص وانا شوية هاجي اساعدك
اخدت المفتاح بتاع الشقة ( المخزن ) ودخلت وبدأت افرز البضاعة وانا موطية
مأخدتش بالي خالص بعاطف اللي دخل وكان واقف ورايا وصباع ايده راح لمسني من ورا ... خلاني قومت منفوضة من مكاني والتفت بوشي لقيت عاطف واقف ورايا وراح حاضني وشل حركتي وبقي عمال يبوس فيا وانا عمالة اقاومة واحاول ابعدة عني
انا :: انت بتعمل ايه يا مجنون ..
عاطف :: انا فعلا مجنون .. مجنون بيكي
وايده رايحة علي وعمالة افرك منة شمال ويمين لكنة كان ماسك فيا بقوة وهيجانة كان مسيطر علي عقلة
انا :: حرام عليك يا عاطف حرام عليك انا لسة بنت
عاطف :: بصي هديكي اي فلوس تطلبيها بس تريحيني .. انا تعبان اوي يا سهام
انا :: انت بتقول ايه يا مجنون انت .. ابعد عني بقي ابوس ايدك
مع فركي ومحاولاتي المستميتة للأفلات قدرت بالفعل افلت منة وجريت ناحية الباب وفتحتة وجريت علي الشارع ومنه علي البيت علي طول
وصلت البيت وانا بنهج ومش قادرة اخد نفسي .. دخلت مدخل البيت وقعدت علي السلم شوية لغاية ما هديت واخدت نفسي وروحت داخلة شقتنا
ماما سمعت الباب بيتقفل وهي في اوضتها قعدت تنده مين اللي بره
انا :: انا سهام يا ماما
ماما :: سهام ؟ ايه اللي جابك بدري كدة يابنتي
انا :: حسيت نفسي بس مرهقة شوية وعندي مغص وعاطف قالي روحي
ماما :: طيب يابنتي اعملي يانسون ليكي علشان المغص
انا :: حاضر يا ماما
الساعة 9 لقيت الباب بيخبط قومت فتحت لقيت ايمان اللي شغالة معايا في المحل جيالي اخدتها ودخلنا الأوضة بتاعتي
ايمان :: ايه يابت اللي خلاكي تمشي قبل الميعاد
انا :: انا من بكره هروح ادور علي اي شغل في مكان تاني مش هرجع للحيوان اللي اسمة عاطف ده
ايمان :: ليه هو عمل معاكي ايه.. بعد ما انتي مشيتي لقيته داخل المحل ومتنرفز ومش طايق دبان وشه
انا :: عملة اسود ومهبب البعيد .. ده مسك فيا وكلبش وكان عايز ...... والنعمة ما قادرة اقول
ايمان :: ههههههههههههه
انا... بتضحكي يا ايمان
ايمان :: علشان انتي متعرفيش عاطف
عاطف كبيرة يحسس .. يقفش.
انا :: يا سلام وكل اللي بتقوليه ده حاجة بسيطة وعادية ؟؟
ايمان :: وايه المشكلة .. هو يفتح سوستة بنطلونة ملناش فيه لكن احنا منفتحش رجلينا له ... وغير كدة بيدي فلوس حلوة بعد ما بيرتاح يابت ههههههههه
انا :: لا ياختي يا نحلة لا تقرصيني ولا عايزه عسل منك
ايمان :: اعقلي يا سهام وارجعي شغلك ... وعلي فكرة هو اللي باعتني ليكي ..الراجل هيتجنن عليكي
انا :: لا لا مش راجعة .. انا مليش في السكك دي
ايمان :: يلا بقي اسيبك انا وبكره هستناكي تنزلي المحل .. وانا هقولوا انك هتفتحي المحل معايا بكره
بعد ما ايمان مشيت وسرحت في الحالة اللي احنا فيها واني لو فعلا نفذت اللي في دماغي هكون انا اللي خسرانة ولقيت نفسي بضرب الجزمة لازم ارجع المحل
................
عاطف كان في المحل مقفلش وكان مستني ايمان لما ترجع
عاطف :: ايه يا ايمان عملتي ايه
ايمان :: متخفش البت هترجع بكره انا عارفة ظروفهم المادية كويس
عاطف :: طيب انتي قولتي ليها ايه
ايمان :: انا قولت كل اللي اتفقنا عليه .. بس انت كمان براحة علي البت ... علشان البت دي نضيفة مش شمال
عاطف :: خدي دول علشانك واوعدك لو البت سهام رجعت وعملت كل اللي عايزة هيكون ليكي مكافأه
ايمان :: كام دول
عاطف :: 100جنيه
ايمان:: هات 100 كمان .. انا غسلت دماغ البت
عاطف :: خدي مش خسارة فيكي
تاني يوم صحيت الساعة 9 الصبح خرجت دخلت الحمام غسلت وشي وبعدين روحت المطبخ عملت فطار ليا ولماما وبعدين لبست هدومي وانا لسة مترددة اروح الشغل ولا انزل الف علي اي شغل في مكان تاني غير المحل بتاع عاطف
ماما :: هتروحي ل اخوكي امتي
انا :: الأسبوع اللي جاي يا ماما
ماما :: ابقي اعملي له اكل بزيادة يابنتي علشان اللي معاه في الحجز
انا :: انا بعمل كدة يا ماما بس انتي عارفة الظروف والمصاريف عاملة ازاي... ربنا يسهلها بقي
ماما :: عارفة يابنتي وعارفة انك طالع عينك في الشغل والمصاريف تقيلة عليكي مابين مصاريف البيت والعلاج بتاعي .. بس اديكي شايفة انا مبقتش قادرة اقف علي رجلي .. انا حتي بشيل هم روحتي للحمام
انا :: ياماما انا مش بشتكي وعندي استعداد اقف علي رجلي ليل ونهار بس تكون مجزية
ماما :: ربنا يوسع رزقك برزقنا يابنتي
كلام ماما معايا خلاني افكر مليون مرة قبل ما اقرر اسيب الشغل .. وقررت انزل المحل و اللي يحصل يحصل بقي
اديت ماما العلاج ومشيت علي المحل وانا متخيلة هلاقي عاطف مدايق مني وهيعاملني معاملة زي الزفت
اول ما روحت كانت ايمان فاتحه المحل وبتخرج استنادات الملابس بره
صباح الخير يا ايمان
ايمان :: صباح الفل يا سهام .. ايوة كدة كويس انك جيتي .. العقل زينة
انا :: انا جاية بضرب الجزمة .. مانتي عارفة ان انا اللي شايلة البيت والمصاريف فوق دماغي عاملة ازاي
ايمان :: عارفة يا سهام وربنا يكون في عونك
واحنا واقفين بنتكلم انا وايمان تليفونها رن
وكان المتصل عاطف
ايمان :: االو .. اه يا عاطف جت وهي في المحل بتخرج الأستندات اهي
ماشي سلام
ايمان :: ده عاطف بيطمن جيتي ولا لا هههههههه
انا :: ربنا ياخدة
ايمان :: هههههه ليه كدة يابنتي بس ده الراجل من ساعة ما مشيتي امبارح وهو هيتجنن
انا :: اوووووف بقي **** يخرب بيت امك انت كمان
ايمان :: في ايه يابت مالك ؟
انا :: ماهي ناقصة .. بص كدة مين اللي واقف جنب محل العصير هناك
ايمان :: ايه ده ده الواد رجب برشامة
انا :: هو اسمة برشامة كمان ... احيه
ايمان :: ههههههه مالة هو متابعك ولا ايه
انا :: ايوة ياختي ... شكلي هضرب امه بالشبشب قريب
ايمان :: ههههههههه بصراحة ياسهام من حقه
انتي مزة .. جميلة .. عليكي تقسيمة جسم انا بحسدك عليه
انا :: طب يلا ياختي ندخل جوا .. ورانا شغل متلتل فوق دماغنا
............ في السجن ...........
حسن في السجن في البداية لقي صعوبات في التأقلم مع المساجين ولانة شخصية صعيدية وراجل مقبلش علي نفسة المهانة
او انه يبقي خدام للمساجين القدام او لرئيس المساجين
واول يوم راح فيه طرة ولما دخل الزنزانة بتاعتة كان فيه واحد جوه اسمه سعيد سبرتو كان هو الكومندا بتاع السجن
حسن دخل الزنزانة وراح قعد علي سرير كان فاضي
:: تسمح يا اخ
حسن :: نعم
:: السرير ده بتاعي
حسن :: حاضر .. قام وراح لسرير تاني
نفس الشخص :: تسمح يا اخ
حسن :: في ايه تاني
:: السرير ده بتاعي
حسن :: السرير ده كمان بتاعتك ؟
:: ايوة ... وكل السراير اللي هنا بتاعتي
حسن :: يارب اوووووف .. بقولك ايه وحيات اغلي ماعندك ... حل عني دلوقت .. انا مش طايق نفسي
:: نعم ياروح امك ؟ احل عنك ولسة هيضرب حسن بالبوكس في وشة حسن مسك ايده
في اللحظة دي قام اتنين تانين علشان يضربوا حسن وقامت الخناقة في الزنزانة
لكن حسن مخفش منهم ورغم انه كان بيضرب من التلاتة الا انه كان بيضرب فيهم...
صوت تخين جاي من اخر الزنزانة ... واحد لابس ترنج غير باقي المساجين
وطلب الكل يلتزم سريرة. وقام مشي بخطوات ثابتة متجه ناحية حسن
واول ما قرب من حسن مد ايده بالسلام
انت شكلك جدع ياض
حسن :: بس من غير ياض
انا الكوماندا بتاع السجن ده .. اخوك سعيد سبرتو
حسن تشرفنا ياعم سعيد
سعيد :: شكلك صعيدي وانا بستجدع الصعايدة انت منين يا اخ
حسن :: حسن اسمي حسن .. ومن سوهاج
سعيد :: اجدع ناس .. انا بقي من الصف تعرفها
حسن :: لا اسمع عنها بس؟
احكيلي بقي انت جاي هنا في ايه
حسن :: انا جاي هنا ظلم .. وربنا المعبود جاي هنا ظلم
سعيد :: احكيلي طيب ايه اللي رماك هنا
ومن هنا بدأت صحوبية حسن علي سعيد سبيرتو الكوماندا بتاع السجن....
#يتبع.....
