رواية دمر حياتي الفصل الرابع عشر 14 بقلم خيال كاتب
الجزء الرابع عشر
بعد يوم طويل بدأت افهم طبيعة الشغل واللي ليا واللي عليا
روحت انا الصبح الساعة 6 اخدت تاكسي وشيماء علي الساعة ثلاثه سابتني علشان طلعت سهره حمرا مع زبون في المحل
كنت مروحه تعبانه جدا ودماغي بتلف بسبب كمية الخمرا اللي شربتها في اليوم ده
ومصدقت ارمي نفسي عالسرير ومحستش بنفسي غير الساعة 1 بعد الضهر
قومت مصدعه جدا قومت دخلت اخدت دش علشان افوق نفسي ولما خرجت كانت خالتي نصره كانت موجوده مع ماما وفطرتها
دخلت سلمت عليها .. ازيك ياخالتي
نصره :: ازيك انتي ياحبيبتي .. عامله ايه في شغللك الجديد مامتك قالتلي انك اشتغلتي في مستشفي خاصه
انا : اه ياخالتي لسه كان اول يوم ليا امبارح
ماما :: دي حبة عينى طول الليل فشغلة التمريض دي وراجعه بعد الفجر حيلها مهدود ومصدقت اترمت علي سريرها
نصره :: ومين سمعك ياختي و**** وماليكي عليا حلفان ياسهام يابنتي الواد ابراهيم ابني كل يوم ينزل الساعة 10 وميرجعش غير الصبح بدري علشان شغال
في مطعم كبير
انا :: اه ربنا يعينه ويعينا جميعا ياخالتي
تشربي شاي
ماما :: ماهو يا نصره ياختي لو مكنش يجيب الجنيه دلوقت هيجيبة امتي ربنا يخلهولك
نصره :: ماشي يابنتي كوباية شاي
ربنا يخليكي ياناديه ياختي ويكرمك بخروج حسن ابنك وتجوزي سهام بنتك
روحت عملت شاي ل خالتي نصره وخرجت
كان فيه غسيل عايز يتغسل .. شغلت الغساله
شوية باب الشقه خبط روحت فتحت الباب وكان اللي علي الباب احمد صاحب اخويا وكان جاي يطمن علي ماما
انا :: اتفضل يا احمد
ماما :: احمد بره وجاي علشان يطمن عليكي
ماما :: خليه يدخل يابنتي
خالتي :: طيب اقوم انا ياحبيبتي عايزه مني حاجه
ماما :: مانتي قاعده يانصره
خالتي :: معلش هقوم احضر اكل ل ابراهيم تلقيه قام من النوم ياختي وكمان الحج محسن زمانه جه اصله راح من بدري يزور اخته في الكونيسه
ماما :: ماشي ياحبيبتي
احمد :: ازيك ياخالتي يام حسن
ماما :: نحمد ربنا يابني .. انت عامل ايه
احمد :: نحمد ربنا ياخالتي
عملت انا شاي ودخلته ل احمد وقعدت معاه شويه وبعدين خرجت وهو خرج بعد مني بشويه
بعد ما احمد مشي ماما ندهتلي وقالتلي ان احمد طلب ايدي وعايز يخطبني
انا :: احمد عايز يتجوزني
ماما :: ايوة يابنتي وانا بصراحه شايفه انه شاب محترم ومتربي .. اه ظروفه علي قده لكنه زينا يابنتي .. ايه رأيك
انا :: لا ياماما انا خلاص مش ناويه علي جواز دلوقت
ماما :: ليه يابنتي بس
انا :: كده يا ماما جواز وخطوبه ووجع قلب مش عايزه دلوقت .. انا ماصدقت نسيت الزفت اللي قبله وكمان مصدقت القي شغل مرتبه حلو مش عايزه جواز
ماما :: يابنتي انا نفسي اطمن عليكي قبل ما روحي تطلع فوق
انا :: ماما ربنا يخليكي بس علشان خاطري
متجبيش سيرة الموضوع ده تاني .. انا جواز دلوقت مش هتجوز .. ولو اتجوزت مش هتجوز واحد يدوقني الفقر .. انا شبعانه منه
ومش هتجوز واحد يعيشني تاني في الفقر
ماما :: ربنا يهديكي يابنتي
خرجت وانا مضايقه من جوايا علي رفضي ل احمد خصوصا انه فعلا محترم ووقف معانا كتير .. لكن مكنش عندي استعداد بعد الظروف الزفت اللي مريت بيها ولسه بمر بيها اني اربط اللي باقي من عمري في الفقر
وهدفي دلوقت ازاي اعمل فلوس تسترنا في غياب اخويا اللي لسه قدامه سنين وسنين في الحبس ومين عالم يمكن اقدر بشغلي في الكباريه انتشل من حياة الفقر والغلب اللي احنا فيه
ماما ندهتلي وانا بغسل
انا :: نعم يا ماما ..
ماما :: ماتعمليلي كوباية لبن يابنتي
انا :: حاضر ياماما هلبس واروح اشتري لبن
دخلت لبست هدومي وخرجت علشان اشتري لبن وانا بقفل الباب كان ابراهيم نازل من علي السلم وعيونه عليا
عيني جت في عينه وروحت بصيت في الأرض.. وكنت حاسه كأنه ماسك عليا ذله
ابراهيم :: ازيك يا سهام
انا وعيني في الأرض ازيك انت يا ابراهيم
ابراهيم :: الحمد لله
مشيت وانا مش عارفه اعمل ايه .. مليش عين خالص حتي اقف قدامه
ابراهيم :: سهام
انا :: وقفت وانا باصه في الأرض ايوه يا ابراهيم
ابراهيم :: انا عارف الظروف والضغوط اللي انتي فيها .. وانا بس مش عايزك تخافي مني .. انا مشوفتش حاجه
هزيت دماغي وروحت مشيت بسرعه.. روحت اشتريت اللبن ورجعت
وانا بعمل اللبن سرحت في منظري لما ابراهيم شافني في الكباريه وطبعا اكيد حط في دماغه مليون حاجه وحشه عني
ومن بعد ماكان شايفني البنت المحترمه المتربيه .. نظرته ليا اتغيرت
اللبن فار واندلق علي البوتجاز .. طفيت النار وصبيت اللبن لماما ودخلته ليها
ايام بتيجي ورا ايام وانا كل يوم بكسب حب الناس في الشغل سواء من ادارة الكباريه او من الزباين وبقي فيه زباين بتطلبني بالاسم اقعد معاها وطارق مكنش بيرضي يخليني اطلع مع زباين وده كان في الاول بس لغاية ما ابقي عندي خبره في التعامل مع الزباين وبقيت بعرف اطلع منهم الفلوس
وكانت اول طلعه ليا مع زبون بعد تقريبا 20 يوم من الشغل في الكباريه
شيماء :: الزبون اللي علي طرابيزه 12 شكله مريش وعينه مبتنزلش من عليكي
انا :: خلاص سيبهولي وانا هروحله
اتمشيت قدام الطرابيزه بتاعته وعنيه مش نازله من عليا وانا ببصله ومبتسمه وماسكه كاس في ايدي وعماله احرك صباعي براحه علي شفايف الكاس
:: ايه يا جميل ماتيجي تقعد معايا شوي وتسليني
انا :: بس كده من عنيا ...
:: الجميل يشرب ايه
انا :: اللي هتطلبه ليا هشربه انا مش طماعه
:: لا دانا انتي تؤمري وانا عنيا ليكي
:: شكلك كريم اووي وانا بصراحه شكلي كده هتبسط منك اوي هو انت اسمك ايه
:: انا اسمي حازم .. حازم بدران مدير شركة البناء الحديث
انا :: تشرفنا يا حازم
وانت بقي كام سنه ؟
حازم انا 47سنه
انا :: العمر كلة يا حزوم
طلبلي وسكي وقعدنا اكتر من ساعه وبعدين طلب مني اروح معاه الشقه وقالي انها قريبه مش بعيده
انا :: طيب ثواني ياسي .. يوه هو انت قولتلي اسمك ايه
حازم :: اسمي حازم ياقمر اسمي حازم
انا :: ههههههههه طيب ثواني ورجعالك
طلعت بلغت البوص ووافق المره دي اطلع مع الزبون
رجعت وقولت له انا جاهزه خلاص يلا بينا
حازم شخص جسمه حلو رياضي .. قمحي اللون .. شعره ابيض علي اسود .. دقنه خفيفه متحدده مع شنب خفيف
خرجنا وروحنا ركبنا عربيته الچيب السودا
واحنا ماشيين قالي افتحي تبلوه العربيه يا جميل هتلاقي شريط برشام ازرق هاتي منة حبايه
انا :: ايه ده انت عيان ولا ايه
حازم :: هههههه عيان ايه بس تفي من بوقك
انا :: ايه ده ؟ ده برشااااااااام اااه يا لئيم
حازم :: ايوه بقي علشان نولع الليله
انا :: اه بس كده يا حزوم انت كدة هتعدمني العافيه
حازم :: متخفيش ياجميل هبسطك وعنيا ليكي
انا :: اذا كان كده انا كلي ليك ههههههههه
حازم :: هههههههه ليلتنا لبن
وصلنا قدام عماره وحازم ركن العربيه في چراج تحت العماره وطلعنا الشقه
دخلنا الشقه وقالي تحبي بقي تشربي ايه
انا:: ايه ده انت عامل بار هنا
حازم :: ايوه .. اصلي عامل الشقه دي لمذاجي بس وفيه كل سبل الراحه والمذاج
ايه بقي
انا :: ايه انت .. ما تسيبك من الشرب دلوقت ويلا بينا
حازم :: شكلك مستعجله اوي هههههههه
انا :: ههههههههههه طب يلا بقي
................................................................ بعد سهره طويلة ... حازم قالي انه عمره ماحد قدر يمتعه المتعه دي... واداني 3000 جنيه وقالي ان لو حد سالني اخدت كام قولي 1000جنيه بس
اخدت الفلوس وخليته وصلني الملهي. غيرت هدومي وبعدين روحت البيت..
#يتبع......
