رواية انتقام امراة الفصل العاشر 10 بقلم مريم اشرف

 رواية انتقام امراة الفصل العاشر 10 بقلم مريم اشرف

كان بيكسر كل حاجه حواليه بغضب: تستاهلوا كلكم..بس ولو همسكك...يعني همسك!!

_______________________________________________

بعد مده..وبعد ما عرفت ساره ان ضحيتها الأخيره اتسجنت من الجيران اللي جمب شقته..رجعت تاني وقعدت في الصاله وهي قلقانه ..وفي نفس الوقت زعلانه انه اتفلت منها كده من غير ما ياخد جزاته زي صحابه الثانيين..دخلت البلكونه واتكلمت بغل: جبان!!..فاكر انك لو اعترفت ودخلت الحبس هتهرب مني ومن انتقامي..ده انت تبقى مجنون رسمي!!

كانت بتفكر هتعمل ايه..لو اكتشفوا هويتها..لو حكالهم كل حاجه ووصلولها..

: لأ..مش هيحصل..قالتها بثقه...وكملت: هستنى...واختفي شويه لحد ما شوف ايه اللي حصل..

________________________________________________

عند حسام في الڨيلا..وبعد يوم طويل في المستشفى..دخل ولقى خالته وبنتها ليلى قاعدين مع أمه وبيتبادلوا أطراف الحديث..

قامت مروه بسرعه وقالت بابتسامه: الحمد لله على سلامتك يا ابني..سلم على خالتك وليلى..

ليلى بدلع: ازايك يا حسام..أخبارك ايه؟

أجابها من غير مايبصلها: كويس الحمد لله..

وطلع على اوضته من غير مايسلم عليهم..

مروه بحرج: احم...آآسفه جدا يا منال يا اختي..من يوم ما ما*تت ساره وهو في الحاله دي..

منال بحزن: ربنا يرحمها..ده كان بيحبها جدا..

ليلى في نفسها: " أهي ما*تت وخلصنا منها..حسام دلوقتي هيبقى ليا..ليا أنا وبس!!"

رزع حسام الباب وراه بعصبيه من  تصرفات أمه اللي بتحاول تقربه من ليلى عشان ينسى ساره..

قرب من صورتها المتعلقه جنب سريره: متقلقيش يا ساره..مش هخونك أبدا..عمري ما هبص لوحده غيرك يا حياتي.. 

( معلش يا جماعه بس حبيت أقول..يارب..يارب ارزقنا كلنا واحد وفي وحنين ومحب زي حسام ده😅)

وقعت دمعه منه عالأرض وكمل: وحشتيني قوي..

_______________________________________________

بعد 3 شهور..

واقف قدام الزنزانه وبيبصله بقرف والشاويش بيفتحله بابها..

يوسف بفرحه: خلاص هخرج دلوقتي؟

مازن بجديه: متفرحش كثير..لما هنحتاجك هنجيبك..واحنا مش معنى سيبناك يعني انت بريء مية فالميه..أنا بستنى حاجه وحده تبان..البنت!!

هز يوسف راسه بعدم اهتمام..فكره انها اختفت أو هربت..

وطلع وهو مبسوط..شاف عربيه سوده من بعيد وقرب منها وخبط على ازازها بنوع من الغضب:

- اتأخرت أوي يا زفت...مش مستحمل اقعد هنا لحظه وحده تاني!!

ضحك الشاب وكان أخوه اللي أصغر منه بشويه..

: شكلك عشت أجمل لحظات حياتك جوه..

يوسف بنرفزه: بقولك يا ياسين..حط السيره دي على جنب واطلع على أقرب مطعم اصلي جعان اوي..

________________________________________________

كانت هترمي الزبا*له بس وقفها صوت اثنين ستات بيتكلموا..

: سمعتي يا اختي آخر الأخبار؟

: ايه اللي حصل..ربنا يستر!!

: ماهو الولد الصايع اللي خش السجن في قضية الإغت*صاب ياها..مهو طلع النهارده براءه!!

: ولد ايه واغتص*اب ايه يا اختي؟!

: شكلك نايمه على وذانك..تعالي احكيلك..وحكتلها كل حاجه اتقالت في السوشيال ميديا من حكاية ساره..

حطت ساره ايديها على قلبها بخيبة: خرج؟!!..وانا اللي كنت فاكره ان الحكومه هتاخدلي حقي أخيرا؟!..كلكم زي بعض..كلكم واطي*ين!!

________________________________________________

رواية انتقام امراة 

الفصل العاشر

               الفصل الحادي عشر من هنا

لمتابعة باقي الرواية زوروا قناتنا على التليجرام من هنا

تعديل المقال