رواية ظلام قلبي الفصل الرابع والعشرون 24 بقلم زينب احمد
صديق بصدمه: بابا
أميره بخوف: بسرعه ياوليد انت ومحمود اشتالوه ويلا علي العربيه بسرعه علي المستشفي
هاميس ببكاء: وانا كمان هاجي
ميرال: وانا كمان
أميره: يلا بسرعه مفيش وقت
ركب وليد عربيه أميره واميره علي الكنبه الخلفيه وعلي رجلها راس مصطفي
وعربيه مصطفي يركبها محمود وميرال بجانبه وهاميس في الخلف تدعوا الله ان ينجي جدها
تاركين صديق مازال يقف ويقول بصدمه: بابا ثم يفيق من صدمته ويجرى مسرعا يركب عربيته ليلحق بهم
...................................
في فيلا يونس
سامر بحده' انت اتجننت
يونس ببرود: لا
سامر: ازاى تطلب منه حاجه زى كده
يونس: عادى يعني
سامر: لا مش عاادى ازاى تطلب منه تتجوز أميره
يونس: وفيها اي
سامر بعصبيه: انت هاتجنني
يونس: سامر اهدى متندمنيش اني حكيتلك
سامر: اهو هديت ازاى بقاا فهمني
يونس: لازم اجيبها جنبي عشان اقدر احميها من صديق واعرف اتصرف معاه زى مانا عاوز
سامر: ماتضحكش عليا وعلي نفسك انت بتحبها
يونس باعتراض: لا طبعا
سامر: لا بتحبها انت مبتشوفش عينيك لما بتلمع لما بتجيب سيرتها
يونس: لا بتهيقالك انا بس عاوز احميها من صديق مش اكتر
سامر: ماشي هاعمل مصدقك.. طب مستر مصطفي قالك اي
مصطفي: قالي اديني وقت يسال عليا وياخد راى أميره
سامر: الي اكيد هاترفض... طب لو رفضت هاتعمل اي
يونس بغموض: هاخطفها
سامر بصدمه: اي
..................................
في المستشفي
يجلس الجميع بتوتر وأميره تقف وكل دقيقه تذهب تسال الممرضه
يخرج الدكتور
يلتف حوله الجميع
أميره: ها يادكتور
الدكتور: اشتباه في جلطه علي القلب بس كويس انو اتلحق
وليد: طيب وضعه اي دلوقتي
الدكتور: حالته مستقره بس مش عاوز اي ازعاج ولا انفعال
أميره: طب نقدر نشوفه ونطمن عليه
الدكتور: هو فاق وطلب واحده اسمها أميره مين فيكوا أميره
أميره: أنا
الدكتور: طيب ادخليله انتي بس وحاولي متدايقهوش ولا تخليه ينفعل
أميره: تمام
بعد ان دخلت أميره
الدكتور مين فيكوا ابنه
صديق: أنا
عمر وهو يهلث مكان صعوده السلم : وانا
الدكتور: طيب تعالوا ورايا
في غرفه الدكتور
جلس الدكتور
الدكتور: اتفضلوا اقعدوا
بعد ان جلسوا
عمر: في اي يادكتور طمني
الدكتور: اطنوا لحد الان مفيش حاجه تقلق بس فيما بعد لازم يبعد عن الاكل الي فيه كولسترول ولازم يستمر علي العلاج الي هاكتبلهوله وقت الخروج لو حصل الازمه دى تاني مضمنلكوش النتيجه اي راعوا ان سنه كبير خلي بالكوا منه وابعدوه عن اي انفعال... لو الازمه دى اتكررت مضمنلكوش ان يطلع منها عايش
عمر: حااضر يادكتور هانعمل كل الي حضرتك بتقول عليه
صديق: عن اذنك ويقوم ليخرج
عمر يمد يده: شكرا يادكتور علي تعبك.. عن اذنك
..........................
في غرفه المريض
تدخل بحذر وهي مصدومه من رؤيه جدها وكل هذه الاسلاك موصله به
تجلس علي الكرسي بجانبه دون ان تتحدث
مصطفي يفتح عينيه بصعوبه يحرك يديه ليصل لها ولكن تمسكها
أميره بحزن : حاول متتعبش نفسك ياجدى
مصطفي: أنا اسف ياأميره اسف اني خذلتك اكتر من مره اسف اني موقفتش جنبك ومعوضتكيش عن فقدان ابوكي وامك بحناني اسف ان وافقت علي الي عمله صديق بس صدقيني كنت خايف عليكي منه
أميره بصوت باكي: هش متقولش اي حاجه ومش مهم اي حاجه الوقتي المهم صحتك بس وتقوم بالسلامه
مصطفي بتعب: مسمحاني ياأميره
أميره بحنان : انت عملت معايا حاجات كتير تخليني اسامحك الف مره.ياجدى مش مره واحده
مصطفي: انا دلوقتي لو ربنا قدر ان اقابله هاسيبك في الدنيا لوحدك ازاى مش هاأمن اسيبك لوحدك
أميره بصوت مهزوز وبكاء: متقولش كده انت هاتبقي كويس انا ماليش غيرك انت عارف
مصطفي: لو طلبت منك حااجه توعديني تعمليها
أميره بهدوء: اي
مصطفي: هاميس خلاص هاتتجوز ويبقي معاها راجل يخاف عليها انا عاوز اطمن عليكي زى ماهاطمن عليها
أميره بهدوء: بعدين ياجدى نبقي نتكلم في الموضوع دلوقتي صحتك أهم
مصطفي بتجاهل لكلامها ومكملا لكلامه: دلوقتي في واحد متقدملك
أميره: تااني سليم
مصطفي: لا مش سليم
أميره: مفرقتش كتير يااجدى.. اخرج بس وبعدين نتكلم
مصطفي': لا اوعديني انك موافقه تتجوزيه
أميره: ياجدى ده مش وقته
مصطفي بتمثيل التعب: اااه
أميره بقلق: جدى انت كويس انادى الدكتور
مصطفي بتعب: اوعديني ياأميره
أميره باستسلام: حااضر اوعدك
مصطفي،: ريحتيني الله يريح قلبك
أميره: ممكن ترتاح بقا
مصطفي: حااضر
.........................................
امام غرفه مصطفي
عمر: انت بتعمل اي هنا
صديق: مش ابويا ده ولا هو ابوك لوحدك
عمر: ولما انت عارف انو ابوك بتكون سبب يروح المستشفي ليه هاا
صديق: لحظه انفعال ومش هاتتكرر وبعدين بتحاسبني علي اي اساس هاا انا اخوك الكبير
عمر بسخريه: اعمل حاجه كويسه يااخويا الكبير
وتركه ودخل لمصطفي
...........................
تمر عده أيام ويخرج مصطفي من المستشفي ويهتم به كل من ميرال وهاميس وأميره وتتحسن حالته الصحيه
ويتجنب صديق الحديث مع مصطفي او مواجهته
وغادر كلا من عمر ووليد بعد ان اطمانوا علي مصطفي
في يوم جديد
كانت عائده منهكه من العمل طوال اليوم و دخلت الفيلا وكادت ان تذهب كالعاده لغرفه جدها للاطمئنان عليه ولكن قاطعتها رحيمه
رحيمه: البيه مش هنا ياهانم
أميره بتعب: امال فين
رحيمه: في الصالون الكبير ومعاه ضيف
أميره: ضيف مين
رحيمه: معرفش اول مره اشوفه
أميره: طيب خدى شنطتي طلعيها فوق وانا هاروح اشوف مين
رحيمه: حااضر
....................
تدخل غرفه الصالون
أميره بابتسامه: مساء الخير ولكن تختفي ابتسامتها عندما تراه
أميره بصدمه: هو انت
يونس يقف ويمد ايده ليسلم عليها: ازيك ياأميره
أميره تجلس دون ان تسلم عليه وتوجه انظارها لجدها
أميره: جدى هو في اي وبيعمل اي هنا
مصطفي بابتسامه: ده العريس الي متقدملك
أميره بصدمه: افندم
يونس وهو يجلس هو الاخر ويضع رجل علي أخر
: اي مكنتيش تعرفي امال وافقتي علي اي اساس
أميره: جدى انت مقولتش ليه ان هو وبعدين انا لسه بفكر
مصطفي: اي الكلام ده انت مش وعدتيني وأميره الي اعرفها لايمكن تخلف بوعدها ولا اي
صمتت قليلا وهي تنقل انظارها بينهم ويونس الذى يبتسم من الموقف الذى وضعت به
أميره بهدوء: تمام هانعمل خطوبه ولو متفقناش في الخطوبه مفيش جواز
يونس بابتسامه: متقلقيش هانتفق
مصطفي: علي خيره الله الخميس الجاي كويس
أميره: لا انا مش فاضيه اليوم ده
مصطفي بغيظ : وراكي اي يااختي.. لا فضي نفسك دى خطوبتك
يونس: مش مشكله بعد الشغل نروح نجيب الدريس او اطلبيه اون لاين وابعتيلي الفاتوره والشبكه في يوم نروح نجيبها
أميره: طيب استاذنك ياجدو ممكن اتكلم مع يونس علي انفراد
مصطفي: مااشي اطلعوا اتكلموا في الجنينه
أميره وهي تسبق يونس: مااشي
يونس: عن اذنك
مصطفي بفرحه: اتفضل يابني
...............................
في غرفه هاميس
ميرال: هو مين الي تحت ده
هاميس: عريس متقدم لاميره ربنا يستر بس
ميرال: لا اكيد هاتوافق انت مش شايفاه قمر ازاى
هاميس: اسكتي انتي مش فاهمه حاجه
كادت ميرال ان تتحدث ولكن قاطعهم صوت طرق علي الباب
هاميس: ادخل
محمود: متجمعين يعني في اي
ميرال: اى ده انت مقبلتهمش تحت
محمود بتساؤل: هما مين
هاميس: بتتكلم عن جدى وأميره والعريس
محمود: عريس لا انا اقعد افهم بقا.. عريس لمين
ميرال: لاميره
هاميس: بس انت ازاى مشوفتهمش
محمود: يمكن مشي
هاميس بتوجس: او أميره قتلته
محمود: ههههه مش للدرجه دى
هاميس تنظر له بمعني مبهزرش: أميره ممكن تعمل مصيبه فعلا انتو مش عارفين
ميرال: طب ماتنزل تشوف كده الدنيا اي وتطمنا
محمود: انتو قلقتوني
طب هانزل اشوف الدنيا ظبطت ولا لا وهابعتلكوا رساله لو في حاجه
.......................................
في الجنينه
أميره بعد ان جلست: ممكن افهم في اي
يونس: الي هو اي
أميره بسخريه: واحد من يومين كان عاوزني اتفق معاه عشان ندمر الراجل الي خلفني وانا رفضت والنهارده جاي يخطبني ممكن تفهمني اي ده بقا
يونس ببرود: الموضوعين ملهمش علاقه ببعض
أميره: انت متاكد؟ ثم تكمل بحده لو فاكر بقربك مني هاتعرف تاذى جدى ولا حد من اخواتي
يقترب يونس منها فجاه ويقول بتحدى: هاتعملي اي
أميره بتوتر: هاتندم ثم تزيح وجهها للجهه الاخرى
يرجع يونس لمكانه: متقلقيش انا حسابي مع صديق بس مش حد تاني
أميره: طيب في حاجه عاوزاك تعرفها
يونس ينظر لها بعمق ويبتسم: قولي
أميره بتوتر: متبصليش كده
يونس بضحك: امال ابصلك ازاى
أميره؛: دون ان تنظر له: انا جدى كان تعبان وفي المستشفي ووافقت من غير مااعرف انو انت لان كان تعبان ومكنتش عاوزه حالته تسوء مش اكتر يعني هانتخطب شهرين او تلاته وبعدين نفسخ الخطوبه ونقول متفقناش
يونس ببرود: انا مش لعبه في ايدك تاخديها في وقت وترميها في وقت تاني
أميره وهي تنظر له ببرود: اعتقد ان ليك هدف من ورا الخطوبه دى ومعتقدش انك تحب ابلغ جدى مصطفي انك داخل بيته عشان تدمر ابنه ولا انت اي رايك
يونس بهدوء: مااشي تلات شهور
أميره بهدوء: كده يبقي متفقين
يونس: تمام عن اذنك عشان اتاخرت
محمود: اي ده انتي هنا ياأميره.. ثم يكمل وهو ينظر ليونس: مين ده مش تعرفينا
أميره وهي تشاور ناحيه محمود: محمود صديق المفروض اخويا
أميره: وده مستر يونس
محمود ينتظر ان تكمل
يونس يكمل جملتها وهو يمد يده: هاكون خطيبها قريب ان شاء الله
محمود بفرحه: الف الف مبروك
يونس: الله يبارك فيك عن اذنكوا
محمود بابتسامه: اتفضل
يجلس بجانب أميره ويقول وهو يغمز لها : اي الاخبار
أميره ببرود: تعبانه وطالعه ارتاح.. تصبح علي خير
محمود بيأس من محاوله التقرب منها: وانتي من اهله
.............................
في صباح اليوم التالي كانت تجهز نفسها للذهاب للشركه قطع عملها طرق علي الباب
أميره: ادخل
هاميس: صباح الخير
أميره بابتسامه: صباح النور تعالي
هاميس: ملحقناش نتكلم امبارح.. اي اخبار موضوع العريس
أميره دون ان تنظر لها: الخطوبه الخميس الجاي
هاميس بصدمه: اي بتهزرى.. انتي وافقتي؟
أميره: اها
تجذبها من ذراعها ويجلسوا
هاميس: اقعدى كده وفهميني
أميره: مفيش ياستي جدك زى ماانتي عارفه تعبان وممنوع عليه الانفعال فوافقت لمجرد الخطوبه وبعدين هافشكلها
هاميس: ااه كده فهمت طب مش يمكن تحبيه
أميره بسخريه: حب.. انتي عارفه انو مش في قاموسي
هاميس: طب هو بيحبك
أميره: معتقدش
هاميس: ده اي الارتباط الملخبط ده.. طب كنتي وافقي علي سليم اهو ع الاقل بيحبك
أميره: مش هاتفرق لان في كلتا الحالتين هافشكلها بس بدل مااجرح سليم.. يونس كده كده مبيحبنيش فمش هافرق معاه
وبعدين سليم مبهور بيا مش حب
هاميس: لا شكله بيحبك بجد
أميره: مش هاتفرق
هاميس: طب جدى هايعزم جدو زهدى واحفاده
أميره: مش عارفه اه صح اتكلمتي مع وليد
هاميس: لا لسه جه حوار جدو وتعبه وبعدين سافر مع عمي عمر لما يجي تاني نبقي نتكلم
أميره: والموبايلات عملوها ليه
هاميس: الكلام في الموضوع ده لازم نقعد سوا ونتكلم ومينفعش في الموبايل
أميره: طيب يلا انا هامشي
هاميس: اي ده استني عاوزين نتفق هانخرج امتا نجيب الدريسات وتجهيزات الخطوبه
أميره: بصي اقعدى كده فكرى في التجهيزات وابقي قوليلي باليل
هاميس بفرحه: مااشي هابهرك
أميره: متفرحيش اووى كده هاتتفشكل قريب
يلا سلام
...............................
في فيلا زهدى
يجلسون علي مائده الافطار
رامي: صحيح ياجدى انت رايح الشركه النهارده
زهدى: لا هاروح لجدك مصطفي اطمن عليه مشوفتوش من بعد ماخرج من المستشفي
سليم: عن اذنكوا هاسبقك يارامي افطر وحصلني
زهدى: صحيح ياسليم مش هاتيجي معايا
سليم ببرود: لا عن اذنكوا
بعد ان غادر سليم
زهدى: هو ماله كده
رامي: مش عارف بقاله مده متغير وعصبي
زهدى: يلا انا هاقوم البس
رامي: كنت عاوز اتكلم معاك في حاجه كده
زهدى وهو يجلس مره اخرى
زهدى: خير يارب
رامي: كنت عاوزك تفاتح جدى مصطفي في موضوع كده
زهدى: في اي
رامي: عاوز اخطب ميرال
زهدى بضيق: ميرال
رامي: ايوه في اي مالك ادايقت كده ليه
زهدى: ميرال لا يارامي
رامي: ليه بس اي عيبها
زهدى: عيبها ابوها
رامي: وانا مالي بابوها وبعدين مانت كنت موافق ان سليم يتجوز اميره الي ابوها صديق برده
زهدى: بس أميره متربيه علي ايدين مصطفي ومتشبهش لابوها لكن ميرال طول حياتها مع ابوها وتربيته
رامي: انا مش مقتنع بالي حضرتك بتقوله
زهدى بحده وهو يقوم: مش مهم تقتنع بس انا قولت الي عندى مفيش جواز من ميرال
رامي: ياجدى اسمعني
زهدى: انا هاقوم البس لان اتاخرت
....................
في فيلا مصطفي
مصطفي: ياهلا وانا اقول البيت نور ليه
زهدى وهو يحتضن مصطفي: منور باهله
مصطفي: تعالي اتفضل في الصالون.. شاى يارحيمه بسرعه
رحيمه: حااضر يابيه
بعد ان جلسوا
زهدى: انا شايفك بقيت احسن اهو
مصطفي: الحمد لله لا وعندى خبر مفرحني
زهدى: خير يارب
مصطفي: انا استغليت حته تعبي دى وضغط علي أميره في حوار الجواز ده وخطوبتها الخميس الجاي
زهدى: الف مبروك
مصطفي: اوعي تكون زعلان
زهدى: لا ده نصيب المهم هو مين حد نعرفه
مصطفي: رجل اعمال من دبي
زهدى: اااه طب هاتعملوا خطوبه كبيره بقا وتعزم كل الناس
مصطفي: انا سالت أميره قالت لا حااجه بسيطه خالص علي اد المقربين يعني طبعا انت ومحمد لازم تحضروا
زهدى: لا اعفيني انا ابقي احضر في الفرح ان شاء الله.. يلا انا هامشي كويس ان اطمنت عليك
مصطفي: هو انت لحقت
زهدى: عندى كام مشوار كده مش عاوز اتاخر
مصطفي: ماشي هاوصلك للباب
زهدى: لا خليك مكانك يعني هو انا غريب
مصطفي: مااشي مع السلامه
..................................................
في صباح اليوم التالي
تدخل غرفه أميره وتجلس علي السرير وسط دهشه أميره وأخرى تقف علي الباب
ميرال بتوتر: ممكن ادخل
أميره: ادخلي هي جت عليكي
هاميس بنرفزه: مهو انا مبعرفش اشوفك غير الصبح وبعدين مش المفروض انتي عروسه وتجهزى نفسك وتابعي التجهيزات
أميره: مش انا قولتلك اعملي الي انتي عاوزاه انا مش فارق معايا وبعدين احنا هانعمل حاجه بسيطه علي اد القريبين بس مفيش داعي لكل ده
هاميس: طيب انا كلمت شركه هاتيجي تعمل ديكور الخطوبه في الجنينه
أميره وهي ترتدى البليزر: مااشي
هاميس وهي تفكر: طب والميك اب ارتيست
ميرال: انا بعرف احط ميك اب ممكن ابقي احطلها
أميره: انا هاحط حاجات خفيفه زى كل يوم
هاميس: لا ميرال هاتظبطك
ميرال: طب والفستان
هاميس: اه صح والشبكه هو يونس مكلمكيش عشان تروحوا تشوفوا الفستان وتنقوا الشبكه
أميره: بلا مبالاه: كلمني كذا مره امبارح وانا مردتش عليه
هاميس: ليه بس
أميره: متعيشوش الدور ده خطوبه كده وكده
هاميس: المهم انها خطوبه وانتي عروسه
أميره: طيب انا هامشي بقا
هاميس: راحه فين
أميره: الشركه اكيد
ميرال وهاميس بصدمه: اي
هاميس: يارب صبرني.. انت خطوبتك بكرا
أميره: واي يعني يلا سلام
هاميس: شايفه هاتشلني
ميرال: معلش جهزى كل حاجه زى ماقالتلك وانا معاكي اهو
هاميس: طيب في حاجه نسيانها
ميرال: ممكن نجيب فرقه تعزف موسيقي
هاميس: صح عندك حق
.............................................
صباح جديد تنزل أميره الدرج
تجد هاميس مشغوله وهناك اناس يتحركون تبع تعليماتها
أميره: صباح الخير
هاميس: صباح النور علي فين كده
أميره: الشغل ياهاميس في اي
هاميس: لا كده كتير تعالي الحقيني ياميرال
ميرال: في اي
هاميس: راحه الشغل
ميرال: خدى النهارده اجازه
أميره: هاخده اجازه لو انا موظفه لكن انا صاحبه المصلحه
يتدخل وليد: عندها حق روحي ياأميره وحاولي تيجي بادرى
هاميس: اسكت انت واحده بتكلم اختها متدخلش وبعدين مش مبرر علي فكره بقولك اي مفيش خروج الي هاتعملك مساج جايه كمان شويه
أميره: هاجي بادرى ياهاميس ولو علي المساج خليها تعملك انتي وميرال يلا سلام
بعد ان غادرت أميره
هاميس: انا حاسه ضغطي علي بسببها
وليد: بعد الشر عنك ياحبيبتي
ميرال: معلش تعالي بس نظبط الدنيا
هاميس وهي تتجاهل وليد: ماشي يلا
................................
في شركه الميرا
مراد: اي ده انتي هنا
أميره وهي تدخل المكتب وخلفها مراد
أميره: اي الاستغراب ان اجي النهارده
مراد وهو يجلس امامها: النهارده خطوبتك مثلا
أميره: واي يعني المهم خلينا في الشغل
مراد: الدنيا كلها تمام ممكن تقومي وتروحي وترتاحي عشان اليوم لسه طويل
أميره: هي هاميس كلمتك
مراد: لا ليه
كادت ان تتحدث أميره ولكن قاطعها دخول ياسر
أميره: في اي ياياسر
ياسر: مستر يونس بره
كادت ان تتحدث ولكن قاطعها دخول يونس
أميره: ده مبقاش مكتب ده بقا سوق الي عاوز يدخل يدخل
يونس وهو يجلس امام مراد ببرود: اعتقد مش هاستني عشان ادخل مكتب خطيبتي
أميره: سيبونا لوحدنا واه متنساش ياياسر معزوم علي الخطوبه بليل
مراد: انا مش محتاج عزومه
أميره: مش هادخلك من غير محمد ومياده
مراد: مااشي عن اذنكوا
أميره: اتفضل
.................................
بعد ان غادر كلا من مراد وياسر
أميره: في اي مش الخطوبه باليل اي جايبك الوقتي
يونس: دى مقابله برده
أميره بسخريه: هابقي ارش ورد علي الارض قبل ماتيجي
يونس: مش هارد عليكي... بس سيدتك ناسيه الشبكه لسه مجتش ولا الفستان
أميره: الشبكه هاتها انت والفستان هالبس اي فستان عندى مش موضوع يعني
يونس: هو انا ليه حاسس انك مش مهتمه بالخطوبه
أميره: عشان كده وكده مثلا
يونس: يلا قومي معايا هانروح للجواهرجي ونجيب فستان وتروحي بيوتى صالون
أميره: وان قولتلك لا
يونس: هاكلم جدو مصطفي واعتقد متحبهوش يزعل ولا اي
أميره بغيظ: مااشي يلا هاجي معاك
....................................
ياتي المساء
هاميس بقلق: أميره لسه مجتش والناس بدات تيجي
ميرال: متقلقيش خير ان شاء الله
مصطفي: في اي يابنات واقفين كده ليه روحوا رحبوا بالناس
هاميس: أميره لسه مجتش ياجدى وانا قلقانه اووى
مصطفي: متقلقيش هاتيجي مع يونس هو لسه قافل معايا يلا روحوا اقفوا مع الناس مينفعش كده
بعد ان غادرت هاميس
ميرال: احم هو بابا هايحضر ياجدو
مصطفي: ايوه انا قولتله امبارح وهو قال هايجي
ميرال: تمام
مصطفي: يلا روحي ساعدى هاميس
ميرال: حااضر
بعد نص ساعه
يدخل كلا من أميره ويونس من باب الفيلا
كانت ترتدى فستان باللون الابيض وتلم شعرها علي هيئه ذيل حصان
ويونس يدخل بجانبها يرتدى بدله سوداء
مصطفي: اي يااولاد اي الي اخركوا كده ثم يكمل وهو ينظر لاميره بانبهار: ماشاء الله قمر ثم يحتضنها مبروك ياحبيبتي
أميره ببرود: الله يبارك فيك يااجدى
يلا تعالو ورايا وحطي ايدك في ايده ياأميره هاتدخلوا كل واحد في جنب كده
يونس بابتسامه: حاضر ياجدى وقام بامساك يدها التي حاولت ان تفلتها عده مرات ولكن لا جدوى فاستسلمت ليده
يدخلون علي موسيقي كلاسيكيه
ثم يجلسون في المكان المخصص لهم
ويبدا يونس بتلبيسها الدبله ثم خاتم الماظ
وسط تصفيق الحاضرين
وكانت هاميس تقف بجانبها
هاميس رات شخص من بعيد ثم قالت بصدمه: سليم
كان شخص أخر يقف بجانب سليم الا وهو صديق وينظر باتجاه يونس ويقول بصدمه: يونس الفهد
............................. يتبع
