رواية وجعي الفصل الثالث 3 بقلم سندس محمد
ودعت رقيه وجايه امشي لقيت صوت من ورايا بيقول
_ مدام ليلي محمد مطلوب القبض عليكي
حسيت بجردل مايه بارد نزل عليا
روحت معاهم وانا
منهاره ازاي كل حاجه انتهت كده يارب
روحنا القسم لقيت الظابط بيقولي انتي متهمه ب الشروع في قتل اسماعيل السيد قولتله كان غصب عني والله هو السبب هو السبب بس مين يصدق قالي هتتحبسي النهارده وبكره هتتعرضي للنيابه قولتله بس هو فاق من الغيبوبه قالي ايوه وعلي فكره طلقك برغم الظروف اللي بمر بيها بس حسيت بفرحه
دخلت الحبس وانا مرعوبه من شكل الستات اللي موجوده بس خدت جنب لوحدي وقعدت فيه استنيت لحد تاني يوم لحد العسكري مادخل وقالي تعالي يلا قومت معاه واترحلت علي النيابه واتحكم عليا عشر ايام لحد ما المحكمه تحكم
عدى اصعب عشر ايام مروا عليا بس اللي استغربته فين رقيه معقول معقول تكون هي اللي بلغت عليا حسبي الله ونعم الوكيل وكمان كنت عايزه اعرف هو عمل كده ليه انا معملتلوش حاجه
وجه اليوم المنتظر يوم المحكمه
كنت خايفه اوى ومتوتره ومش هطول على حضرتك اتحكم عليا اربع سنين ظلم حسبي الله ونعم الوكيل وفي يوم لقيته جي ليا زياره وبيقولي طبعا عايزه تعرفي انا عملت فيكي كده ليه طبعا كان عندي فضول اعرف ليه عمل فيا وبدأ يحكي
(فلاش باك)
_اانا اسمي اسماعيل السيد عندي ٥٠سنه مش متجوز وكان عندي شركه بتاعتي وابوكي كان شغال فيها وكان عندي اعداء كتير في السوق وكنت داخل مناقصه كبيره ولو كسبتها هتنقل في حته تانيه بس اللي حصل إن ابوكي اتعاون مع عدوي واداله ورق المناقصه وخسرت وعدوي هو اللي كسب والشركه وقعت وكل حاجه راحت كنت عايز انتقم من ابوكي فعرفت انه عنده بنت روحتله وهدتته إن لو متجوزتهاش هبلغ عنه وعندي ادله وهو مستناش وقالي موافق وفعلا اتجوزتك وانا ناوي هنتقم منك علي اللي حصل وفعلا بس اللي اتفجاءت منه اللي عملتيه فيا وانا متعودتش اسيب حقي
_بس انت ضيعت مستقبلي حرام عليك حسبي الله ونعم الوكيل
_ بس عملت معاكي جِميله وطلقتك ودلوقتي باي ياحلوه
(باك)
اصعب شعور هو الظلم الظلم وحش اوي وعدى الاربع سنين بصعوبه طلعت من السجن وانا مش عارفه هروح فين قعدت علي الرصيف وانا بعيط هعمل ايه لقيت ست كبيره بتقولي مالك يابنتي قولتلها الدنيا جت عليا اوي وانا مليش مكان اروحه قالتلي تعالي معايا
بصتلها بخوف قالتلي متخافيش انا معنديش اولاد وعايشه لوحدي تعالي معايا فكرت شويه اصل كده كده هي خربانه وانا معنديش مكان اروحه روحت معاها عايشه في مكان راقي اوي طلعت معاها الشقه حاجه كده تحفه دخلتني الاوضه وجابتلي هدوم من عندها
_ بس كفايه كده النهارده ياليلي نكمل بكره هيبقي في جلسة بكره إن شاءلله
_ماشي يا دكتوره
روحت البيت لقيت 😳🫢
