رواية ظلام قلبي الفصل الثامن والعشرون 28 بقلم زينب احمد
أميره وهي تقف علي اعلي الدرج وتقول بهدوء: مصيبه اي ياهاميس الي محدش هايقولهالي؟؟
ينظرون لبعض بتوتر ولا احد يتحدث
تنزل الدرج بتعب وصولا لمكان وقوفهم
أميره بهدوء وهي تنظر لهاميس: هاا ردى عليا
هاميس بتوتر وتفرك اصابعها: اصل.. يعني اصل
أميره بحده: اخلصي في اي
يونس: أميره اهدى هي مش عاوزاكي تعرفي عشان متتعبيش اكتر
أميره وهي تنظر ليونس: اي الي مش عاوزاني اعرفه ثم تنظر لهاميس مره اخرى وتقول بزعيق،: بتقولي لهم يخبوا عني اي.. هااا شايفاني عاجزه.. ماتنطقي ساكته ليه
عمر: براحه عليها ياأميره هي بتعمل ده لمصلحتك
أميره تنظر لعمر وتقول بحده: لما اكلم اختي متدخلش انت فاااهم
ثم تنظر لهاميس وتقول: هاتقولي النهارده في اي ولا اتخرسيتي
مراد: أميره هاقولك انا انا كنت جاي اقولك اصلا
أميره ببرود : انا عاوزه اسمع من هاميس
تبدا هاميس في البكاء وتنزل دموعها بصمت
أميره بزعيق: متعيطيش
هاميس بخوف: حااضر
أميره ببرود: بصيلي وقوليلي في اي
هاميس تحاول ان تنظر لها ولكن تفشل وتقول بهدوء: مراد كان بيقول ان المخازن بتاعه فرع اسكندريه مولعه والمطافي مش قادره تسيطر علي الحريق والفرع ذات نفسه ناس دخلوا كسروه
أميره بهدوء : بصيلي
نظرت لها هاميس
أميره: اعرفي حاجه واحده ان بعد موت امي وجدى مفيش حااجه تستاهل... ومره تانيه متعاملنيش كمغفله وتحاولي تتعاملي كاني مش موجوده حتي لو بداعي الخوف عليا.. فاهمه
هاميس: فاهمه بس انا عملت كده خوف عليكي مش اكتر
لا ترد عليها اميره وتذهب لتجلس علي أقرب كرسي
أميره: مراد
مراد يذهب ليقف امامها: نعم
أميره بهدوء: الخساره اد اي
مراد: لحد الان محدش يعرف بس ممكن من عشرين ل خمسه وعشرين مليون
ترجع بظهرها للخلف وتغمض عينيها
يونس: هانعرف مين الي عمل كده وهانجيبه
عمر: اهدى ياأميره كل حاجه هاتتحل
أميره تفتح عينيها وتعدل جلستها: محمود ووليد فين مش شايفاهم
ميرال بتوتر: اصل
تقف أميره وتقول بحده: في اي
يونس: اصل شركه زهدى رافعه قضيه علي المصطفي ومتهمين محمود فراحوا القاهره اما يشوفوا الموضوع هايوصل لفين
أميره بتعجب: وزهدى بيه هايرفع قضيه ليه
ميرال: الي رافعها سليم حفيده
أميره: ااه كده صح
انا طالعه البس استناني يامراد هاجي معاك
......................................................
في فيلا المصطفي في القاهره
مستر محمد: انا اقنعت صديق يرجع الفلوس الي اخدها لحساب الشركه بس هو هايرجع جزء من المبلغ بس خمسه عشر مليون
وعلي بكره هايكون موجود هنا وساعتها هايكون في سيوله تكفي نكمل عقد زهدى وفي نفس الوقت يبقي في تصالح عشان محمود يقدر يتحرك براحته
محمود: طيب كويس
وليد: انا هاكلم بابا اطمنه
مستر محمد: وانا هاستاذن بقا
محمود: معلش تاعبناك معانا الفتره الي فاتت
مستر محمد : لا ولا حااجه... عن اذنكوا
..................................................
في فرع اسكندريه كانت تقف امام رماد الحريق
ويقف خلفها كلا من يونس وخلفه رجالته
والجانب الاخر مراد وياسر
لتدخل بداخل المخزن كل شئ محترق كل شئ رماد
أميره: مراد
مراد يذهب مسرعا ليقف جانبها: نعم
أميره: كلمت شركه التامين
مراد: ايوا بس قالوا ان مالهمش علاقه. بقيمه البضاعه الي كانت جوا المخزن المتامن علي مخزن فاضي
أميره: طيب خد مبلغ التامين وجدد المخازن وفرع الشركه.. في خلال يومين كل حاجه ترجع زى الاول واحسن ولو الفلوس مكفتش عرفني... وتبقي عامل كشف حساب لكل حااجه
مراد: حااضر
أميره: ياسر
ياسر: ايوا
أميره: في واحد اسمه عنتر هابعتلك عنوانه الوقتي في رساله... في خلال ساعه يكون قدامي... قوله الهانم بنت الاصول وهو هايفهم
ياسر: حااضر
أميره: يلا كل واحد يعمل الي قولت عليه
ليبقي فقط يونس وأميره
أميره تذهب لتقف امام يونس: كفايه عليك كده
يونس: يعني اي
أميره ببرود: يعني تبعد
يونس: لا رد
أميره وهي تبتعد عنه : انا مش هانسهالك وقفتك جنبي بس احنا مننفعش لبعض وكمان انا عاوزه اكون لوحدى اكتر الفتره الجايه
يونس،: وانا معملتش حاجه عشان تبقي مديونالي زى مابتقولي وكمان انا مش هابعد ومش هاسيبك لوحدك
أميره: تنظر له: ليه
يونس بتوتر: هو اي الي ليه
أميره: ليه بتعمل كده هدفك اي
يونس وهو يبعد عيونه عنها: ماليش هدف حاليا غير ان اكون جنبك بس
أميره تبعد انظارها عنه وتقول: شغلك متعطل شوف حالك وابعد عني
يونس: انا بعد الحريق ده وحاسس انك في خطر
أميره: الي عمل كده اجبن من انو يواجهني.. علي العموم روح شوف شغلك في القاهره وانا لو احتجت حاجه هاكلمك
يونس: انا ممكن امشي بس بشرط
أميره بحده: انا محدش يتشرط عليا
يونس وهو يمسك يدها: اعتبريه رجاء
أميره بتوتر: قول
يونس: هاكلف اربع بودى جارد يبقوا معاكي في كل مكان عشان انا ابقي مطمن عليكي
أميره وهي تشد يدها منه: او جواسيس عليا
يونس بهدوء: انتى عارفه لو عاوز اعرف حاجه هاعرفها من غير مااحط حد جنبك وعلي فكره انا مسالتكيش ناويه تعملي اي ومش عاوز اعرف بس افتكرى اني جنبك وهاحميكي مهما حصل
أميره: طيب موافقه بس روح شوف شغلك وحالك
يونس: حااضر... ثم يقترب منها تستغرب ذلك لتجده يمسك براسها ويقبل جبينها ثم يبتعد ويقول خلي بالك من نفسك
أميره بتوهان: حاضر
...................................................
في بيت المزرعه
عمر: جهزتوا ياولاد
هاميس: ايوه خلصنا وجهزنا حاجتنا
سلمي: هو انا وماما مش هانيجي معاك يابابا
عمر: لا ياروح بابا عشان مذاكرتك
سلمي بحزن: انا كنت عاوزه اشوف أميره
عمر: هي مشغوله الوقتي لما تفضي هاتيجي تشوفك
تاخذ ميرال هاميس علي جنب
ميرال بتوتر: انا كنت عاوزه اتكلم معاكي في حاجه
هاميس: في اي
ميرال: يعني انا مش عاوزه ادخل بينكوا.. بصي انا مش عاوزاكى تزعلي من أميره هي مهما كان كانت في موقف صعب عليها اكتر من اى حد
هاميس: هههههههه انا ازعل من أميره؟ ليه؟
ميرال: يعني عشان الاسلوب الي كلمتك بيه قدامنا
هاميس بهدوء: ميرال عاوزاكي تفهمي حاجه أميره دى أمي اكتر من اخت ليا ولو ضربتني علي حاجه غلط عملتها حقها لانها ربتني عشر سنين من عمرى وكانت مسؤوله عني فمن حقها تعمل وتقول كمان... غير انها علي حق انا الي اتصرفت من دماغي بداعي الخوف عليها ومعرفش ان انا ممكن كده باذيها مش بانفعها
ميرال بصدمه: للدرجه دى
هاميس: واكتر وعلي فكره انتي دخلتي في دايره أميره والغلط بتحاسب عليه حتي لو روحها فيكي
ميرال باستنكار : وهي علاقتها اي بيا
هاميس: انت ناسيه ان جدى وصاها علينا احنا التلاته بما فينا محمود يعني انتو برغم عن صديق دخلتوا دايرتها ولازم تحميكوا
ميرال: انا مش محتاجه منها حمايه انا اخويا وابويا موجود
هاميس: هانشوف قريب... اذا كنت هاتفضلي علي رايك ولا هاتغيريه
عمر: واقفين بتتكلموا في اي يلا هانتاخر
هاميس: حااضر يلا
..........................................................
في المخزن
عنتر: اول مالبيه قالي الهانم بنت الاصول افتكرتك علي طول وازاى مفتكركيش وانتي انقذتيني من الحبس ووقفتي جنبي فعلا زى ماقولت قبل كده هانم وبنت اصول
أميره وهي تجلس علي كرسي وتضع رجل علي أخرى
أميره: مش مهم الكلام ده الوقتي ياعنتر انا عاوزاك في حاجه اهم
عنتر: اؤمرى ياهانم طلباتك كلها مجابه
أميره: رجالتك اخبرهم اي
عنتر: بعد ماتوبت كل واحد مشي في طريقه بقا
أميره: عاوزاك تجمعهم تاني او بمعني صح الاحسن فيهم وانا هاجبلك رجاله تانيه
عنتر: ليه كل ده ياهانم داخلين حرب
أميره ببرود: اسمع وبطل تقاطعني
عنتر: اتفضلي ياهانم
أميره: في حد اذاني وانت عارف مبسبش حقي وانا عاوزه اعرف هو مين عشان احاسبه صح
انت هاتقسم رجالتك علي تلات مجموعات
مجموعه هاتدور ورا كل الغفرا الي كانت هنا ليله الحريق والتانيه هاتدور وتراقب ناس معينه هاعطيك اسمائهم والمجموعه التالته هاتدور ورا الامن بتوع الفرع
عنتر: اوامرك تتنفذ ياهانم
أميره: متقلقش هاتقبض فلوس كويسه اووى بس عاوزه خلال ٤٨ ساعه الاخبار تكون عندى
عنتر: ولو من غير فلوس خالص تحت امرك ياهانم
أميره: خده ياياسر واعطيله خمس تلاف جنيه تحت الحساب واعطيله بيانات الناس الي عاوزاه يراقبهم
ياسر: حااضر
...............................................
يمر يومين ولا جديد سوى خروج صديق
وتجمع الجميع في فيلا القاهره ماعدا أميره في اسكندريه تباشر العمل وتبحث عن الحقيقه
في يوم جديد وهو يوم فتح وصيه مصطفي
تجمع الجميع في غرفه الاجتماعات في الشركه
مستر محمد علي راس الطاوله وبجانبه صديق وبجانبه محمود ثم ميرال
وعلي الجانب الاخر عمر ثم وليد ثم هاميس
مستر محمد: امال فين أميره المفروض تكون موجوده
وليد: انا كلمتها وزمانها علي وصوول
صديق بضيق: ليه لازم هي بنته.. ولاده موجودين افتح الوصيه
كاد مستر محمد ان يتحدث ولكن تدخل أميره وخلفها ياسر والبودى جاردات
صديق: اي جايبه ناس يضربونا
أميره تتجاهل كلامه وتنظر لياسر والبودى جارد: اطلعوا انتو استنوا برا
ياسر: حااضر
أميره تجلس علي الكرسي المقابل لكرسي مستر محمد تاتي غمامه علي ذهنها تتذكر مصطفي وتتذكر عندما اعلن تنصيب صديق... تنفض كل تلك الذكريات لكي لا تؤثر عليها وتضعفها
تنظر لمستر محمد: اتفضل افتح الوصيه
مستر محمد: بسم الله يفتح الظرف ويخرج ورقه
ويبدا في قراتها...
( السلام عليكم ورحمه الله وبركاته... ازيكم يااولادى واحفادى ازيك ياأميره عامله اي عاوزك تكوني قويه وموتي مياثرش عليكي بالسلب حتي لو روحت لعالم تاني هافضل حواليكي... وطبعا الكلام ده ينطبق علي كل احفادى مش اميره لوحدها... المهم قبل اي توزيع للميراث عاوزكم تعملوا جامع او اي صدقه علي روحي هو ده الي يفيدني دلوقتي يااولاد...مش هاطول عليكوا... انا مصطفي صديق وفي كامل قوايا العقليه نقلت ملكيه شركتي باسم أميره صديق المصطفي بيع وشرا
يقطع صديق كلام مستر محمد يقف ويقول: اي الهبل ده هو اتجنن قبل مايموت
ليقف عمر ويقول: اخرس ماتقولش كلمه واحده وحشه علي ابوك
كانت أميره في عالم اخر متفاجئه من وصيه جدها ليه ياجدى
مستر محمد: ممكن تقعدوا وتسيبوني اكمل
ليجلس كل من عمر وصديق بضيق
عمر: اتفضل كمل
( انا نقلت الملكيه بس هي قدامكوا وقدام ربنا وصيه علي اسهم كلا من محمود وهاميس وميرال ووليد وسلمي في الشركه وتضع لهم نسبه باسم كل واحد منهم في البنك كل سنه من الارباح وتخصص جزء يطلع صدقه لله كل ست شهور... ده بالنسبه للشركه اما بالنسبه لفيلا القاهره فهي باسم كلا من أميره وهاميس وميرال وسلمي بيع وشرا باسم احفادى البنات... اما بالنسبه لبيت المزرعه فهي مناصفه بين محمود ووليد... بالنسبه للمزرعه والاراضي هاتتقسم بالنص بين عمر وصديق
وعربيتي انا نقلت ملكيتها قبل مااموت باسم هاميس
هاميس باندهاش: أنا
وفي نهايه وصيتي... بوصيكي ياأميره باخواتك وولاد عمك انا عارف انها مسئوليه كبيره بس عارف انك ادها... خلوا بالكوا من بعض ياولاد)
يقف صديق ويقول بزعيق: ده اسمه هبل انا هاطعن في الوصيه دى يعني اي مفيش ليا غير شويه اراضي
ليقف مستر محمد ويقول بحده: اطعن براحتك بس ده مش بس وصيه لا كل حاجه متسجله بيع وشرا قبل مايموت بشهر وانا اشهد والدكتور الي كان متابع حالته يشهد ان هو كان في كامل قواه العقليه
صديق: طيب وفين فلوسه الي كانت في حسابه في البنك هاا الوصيه دى مضروبه
مستر محمد بهدوء: مصطفي حول كل فلوسه لحساب الشركه قبل مايموت عشان تفضل واقفه وشغاله بعد ماانت اختلست منها وخربتها
صديق بزعيق: انا مسمحلكش تتكلم معايا بالاسلوب ده
أميره بتفكير: هو ليه عمل كده يامستر محمد مقالكش حاجه قبل مايموت
مستر محمد: لا يابنتي كل الي قاله ان لو مات في اي وقت هايبقي مطمن ومرتاح ومفهمتش كلامه الا دلوقتي
صديق بزعيق: انت عاوزه تفهميني انك مش مظبطاها معاه قبل مايموت
أميره ببرود: حتي لو مش مظبطاها ده هايفرق في اي الوقتي وانت طلعت بره الشركه هااا تؤ تؤ يااحرام ثم تكمل بحده يلا بره ومش عاوزه اشوفك فيها بدل ماتخربها اكتر
صديق: انتي اتجننتي ليرفع يده ليضربها كف ولكن هناك يد تمسكها ينظر كلا من صديق واميره لصاحب تلك اليد
ليجدوه يونس
يونس بحده: انت ازاى تتجرا وترفع ايدك علي حرم يونس الفهد
ليتراجع صديق قليلا: انت ايه دخلك بينا
يونس ببرود: مراتي واتدخل براحتي
ميرال: لوسمحتوا كفايه ثم توجه كلامها لاميره: انتي ازاى تطردى ابويا من شركته
هاميس: بس ياميرال
ميرال: بس اي انتي مش شايفه
هاميس: أميره ادرى بالي بتعمله ولصالحنا
ميرال: ماهي ثقتك العاميه فيها دى الي هاتدمرك
أميره: سيبيها ياهاميس لتذهب وتقف امام ميرال: كنتي بتقولي اي بقا
ميرال بتوتر: كنت بقول ازاى تطرديه
أميره ببرود: تحبي تطردى معاه
ميرال: لا رد
أميره وهي توجه انظارها للجميع: محمود وليد ميرال هاميس تعالوا ورايا علي مكتب رئيس مجلس الاداره
ثم تشاور علي صديق: وانت بره قبل مااخليهم يرموك بره
صديق ويمسكه البودى جارد: هاقتلك ياأميره هاقتلك
.يجلس كلا من مستر محمد ويونس وعمر
بينما البودى جارد يخرجون صديق بره الشركه تحت انظار الموظفين
..........................................
في المكتب تجلس علي الكرسي الرئيسي
وتقول لهم: اتفضلوا اقعدوا
يجلس كلا من محمود ووليد علي كراسي بجانب المكتب
وهاميس وميرال علي الكنبه الجلد
أميره: طبعا انتوا حاضرين الي حصل والي هو فرض علينا كلنا والي عاوزه اقوله نفس الي قاله جدى الله يرحمه الشركه بتاعتنا كلنا
وليد: انا مش فارق معايا ياأميره وانتي عارفه
أميره: مش اختيارى ياوليد ده اجبارى علينا كلنا
محمود: وانا برده زى وليد
أميره: طب محدش سال جدكوا عمل كده ليه
ميرال بسخريه: ليه ياترى
أميره بتجاهل سخريتها: عشان يفضل رابطنا ببعض
محمود: انا هاعمل مكتب المحاماه الخاص بيا بعيد عن الشركه وهي كده كده باسمك امسكيها انتي
أميره: اه وتاخدوا ارباحكوا علي الجاهز وانتوا قاعدين مرتاحين
أميره بحده: اسمعوا بقاا الي هايشتغل معايا في الشركه هو الي ليه ارباح ده غير ان عندى شركتي اصلا فا ازاى هاقدر ادير كل ده لوحدى
وليد: انا مش عاوز ارباح انا عندى ورشه اد الشركه مره ونص والحمد لله شغاله
هاميس: وانا ماليش في شغل المكاتب انا مش عاوزه ارباح وميفرقش معايا فلوس وانتي عارفه
أميره: وانت يامحمود وميرال
محمود: اعطيني وقت افكر
أميره: قدامك لحد بكرا انت وميرال وتردوا عليا
.........................................................
في غرفه الاجتماعات
كان يجلس كلا من عمر ويونس
عمر: انا خائف علي أميره من صديق
يونس: يجرب بس يقربلها
عمر: خلي بالك منها يايونس هي مازالت زعلانه مني ومش عاوزاني ابقي حواليها انا عارف ان غلطت في حق مامتها زمان بس انا عملت كتير وناوى اعمل اكتر اكفر عن غلطي ده
يونس وهو يربت علي كتف عمر: هاتسامحك هي مش ناسيالك اي حاجه عملتها بس اصبر
عمر: حااضر... خلي بالك منها صديق ناوى علي الشر
يونس: متقلقش.. بس اشمعنا انت مدايقتش وزعقت زيه يعني ماانت في نفس الكفه
عمر: هههههه ازعل علي الشركه الي عمرى ماكانت في بالي وبعدين مانا لولادى فيها والفيلا بنتي ليها فيها والبيت ابني ليه فيه.. ازعل ليه بقا ماكل حاجه راحت لولادى وفي الاول وفي الاخر هاتروحلهم صديق الي غبي ومش فاهم ده
يونس: صح عندك حق
..........................................
في المكتب
بعد ان غادر الجميع
ترفع الهاتف علي اذنها
أميره: هاا ياعنتر
عنتر: الي كنت شاكه فيه طلع صح ياهانم
أميره بضيق: . المهم ابعتلي كل حاجه دلوقتي علي الواتس الفيديو والتسجيل
عنتر: حااضر ياهانم
أميره في نفسها (ياريت طلع خطا وفضل انسان نضيف في نظرى)
..............................................
في المساء
في فيلا المصطفي
صديق: تعالي ياميرال اقعدى جنبي عاوزك في موضوع
ميرال: حااضر يابابا
صديق: قلب ابوها... بصي ياستي في موضوع كده كان من قبل وفاه جدك مصطفي كنت عاوز اكلمك فيه واظن جه الوقت له
ميرال: خير
صديق: جايلك عريس رجل اعمال انما محترم
هو سنه اكبر منك شويه بس مش مشكله المهم ان هايعيشك في نفس المستوى واحسن كمان
ميرال تقف وتقول: بس انا مبفكرش في الجواز دلوقتي انا لسه في اخر سنه ولسه عاوزه اشوف اعمل اي بعد الكليه
صديق: تعمل اي يعني انتي هاتبقي هانم تؤمرى وتطلبي مش تشتغلي وتستني في اخر الشهر المرتب
ميرال: انت قولت سنه اكبر مني عنده كام سنه
صديق: لسه شباب خمسه واربعين سنه بس
ميرال بصدمه': اي... استحاله اتجوزه
صديق: وهو يقف: ويقول بحده: هو اي الي استحاله استني اما تقابليه وتقعدى معاه هاتعرفي ان السن مش باين عليه
ميرال: لا هاشوفه ولا هاقعد معاه انا مش موافقه اصلا
يرفع صديق يده وينزلها علي وجه ميرال
في دخول محمود
صديق بزعيق: انا ميتقاليش لا انتي فاهمه
محمود بحده وهو يحتضن ميرال : في اي وبتضربها ليه
صديق بزعيق: اسمعوا انتوا الاتنين انا الي اقوله هايتنفذ غصب عن كل واحد فيكوا انتو فاهمين انا ابوكوا وكلامي يتسمع
ليغادر صديق تارك ميرال تبكي بحرقه ومحمود لا يفهم ماذا حدث
...........................................
في شركه زهدى بعد ان غادر الموظفين ولم يبقي سوى زهدى ورامي
يدخل سليم مسرعا
سليم وهو يحضن زهدى
سليم: جدى انت كويس
زهدى باستغراب : انا كويس في اي مالك
سليم: في حد من الموظفين كلمني انو لقاك واقع علي الارض في المكتب مغمي عليك ومفيش حد معاه ومش عارف يعمل اي وقال اجي بسرعه
رامي: الي كلمك كذب عليك مفيش حااجه من دى حصلت
سليم يتراجع للخلف قليلا ويقول بهدوء: امال الموظفين فين مش شايف حد يعني
رامي: احنا بليل ياسليم في اي ركز احنا الي طولنا شويه كنا بنراجع شويه ورق
سليم بقلق: اه طيب امال الي كلمني ده كلمني ليه
وعمل كده ليه
فجاه يجدون اربع رجال يرتدون بدل ونظارات سوداء وجسمهم ضخم يقتحمون المكتب ويقف كل واحد في ركن
سليم بحده: انتو مين وبتعملوا اي هنا
لم يرد عليه احد
فجاه تدخل اميره بكل هيبه مرتديه بليزر اسود علي بنطلون اسود وتلم شعرها علي هيئه ديل حصان وتضع نظاره سوداء وخلفها ياسر
تجلس أميره علي كرسي المنتصف لطاوله الاجتماعات
أميره وهي تنزع النظاره
واقفين ليه تعالوا اقعدوا
زهدى: أميره بتعملي اي هنا ومين دول
أميره: جدو زهدى يااهلا مشوفتكش من زمان
زهدى: وهي يجلس علي كرسي المنتصف امامها: انا جيت اعزيكي انا وسليم ورامي بس معرفناش نقابلك
أميره بسخريه: فيكوا الخير
رامي بتوتر: في اي يا مس أميره اي الي جايبك بليل كده
سليم: انتي ليكي عين تيجي
أميره بسخريه: ليا عين ولسان وايد تحب تجرب وانزلها علي وشك
زهدى بحده : لحد الان بسالك في اي
أميره: انا جايه اخد رايك انت مش كنت صاحب جدى برده
سليم بسخريه: جايه كل ده عشان تاخدى رايه
زهدى بجديه: استني ياسليم
أميره: اي رايك في واحد لا راعي انسانيه ولا عمل حساب للمعرفه والصداقه الي بينك وبين جدى الله يرحمه وراح حرقلي المخازن ودمر الفرع في اسكندريه وكل ده ليه عشان اوهام في دماغه وعشان يحقق هدف ليه
سليم: فين دليلك علي الاتهام ده؟؟
أميره ببرود: ان كان علي الادله فهي كتير وهاطلعها حالا
زهدى بجديه: مين الي عمل كده؟؟
أميره بهدوء: حفيدك رامي
............................................... يتبع