رواية ظلام قلبي الفصل الخامس 5 بقلم زينب احمد
في صباح يوم جديد
في شقه تمتاز بمساحتها الكبيره واثاثها العريق
ع طاوله السفره يجلس زهدى ع راس الطاوله وسليم علي يمينه ورامي علي يساره
زهدى: عملت اي امبارح ياسليم في اجتماعك في شركه المصطفي
سليم: ببرود دون ان ينظر له ولا حااجه هاشوف شركه تانيه نعمل معاهم التعاقد
زهدى: ليه منعملش معاهم
سليم: نظر ليه مفيش اهتمام من ناحيتهم يعملوا الصفقه دى
زهدى: اي الي حصل
سليم: مفيش انا شايف انهم مش مناسبين
والاستاذه اميره مش مهمته للصفقه لانها محضرتش الاجتماع
زهدى: اكيد في سبب قوى يمنعها هي عارفه علاقتي بجدها وده هايخلي في اهتمام من ناحيتها
سليم: معتقدش
زهدى: حاول تاني ياسليم
سليم: لا
رامي: خلاص اروح انا.. ده انا مسمسم وهاتعجب بيا ع طول
سليم بسخريه: مسمسم.. ياشيخ اتلهي
ثم اكمل بجديه: عملت اي في الشغل الي كلفتك بيه امبارح
رامي: كله تحت السيطره ياريس.. انا شايف ان اسبق انا ع الشركه
سليم بسخريه: اتفضل يامسمسم
زهدى: هههههههه مش هاتبطلوا مناقره ابدا
سليم: هو الي مستفز
زهدى: انا هاكلم مصطفي واشوف اي سبب سوء التفاهم ده
سليم: براحتك بس انا بدور ع شركه غيرهم خلاص
زهدى: متعملش اي خطوه الا لما تبلغني
سليم: حااضر يلا هاستاذن انا
اه صح مش هاتيجي الشركه النهارده
زهدى: لا خارج مع اصحابي
سليم: والله الي يسمعك يقول عندك عشرين سنه
زهدى بمرح: ماانا عندى عشرين سنه
سليم: انا هاقوم امشي احسن... سلام
....................................
في عربيه متوسطه الحجم سوداء
يرن الموبايل
تفتحه وتضعه ع السبيكر
أميره: ايوه ياياسر
ياسر: مس أميره... المحاسب الي من فرع القاهره عرف المشكله.فين.. مفيش داعي انك تيجي
أميره: انا قدامي ساعه واكون عندك انا في الطريق
لما اجي نتكلم... سلام
في فرع اسكندريه
ينتظرها ع الباب كل من ياسر والمحاسب من فرع القاهره جلال... ومدير الفرع محسن
تدخل بهيبه وهي تضع نظاره الشمس وتلبس بليزر اسود وبنطلون فورمال بيج وكوتشي ابيض وشنطه يد باللون الابيض
ياسر: حمد لله ع السلامه يامس أميره
أميره: بعد ان تخلع النضاره.. الله يسلمك تعالوا نتكلم في المكتب
تدخل وخلفها الثلاث رجال بهيبه ووقار تلفت انظار الموظفين ليتهامسون
اي القمر ده ياريتني مكانها عندى كل حاجه كده
لتقاطعها اخرى دى نحيفه اووى اي بتتغذى ع الهوا
ليقاطعها اخر لعلمك دى نائب رئيس مجلس الاداره واسمع انها ماسكه فرع القاهره بصرامه شديده اووى
ربنا يستر ومطولش هنا كتير
........................
في مكتب مدير فرع اسكندريه
ع طاوله الاجتماع
تجلس أميره ع راس الطاوله وع يمينها ياسر وع يسارها جلال وبجانبه محسن
أميره: ها اي الاخبار
جلال: كان في صفقه حساباتها مش موجوده وكانت عامله لخبطه في ميزانيه الشركه
بس لحسن الحظ كان في ورق ليها لان بناء ع تعليمات حضرتك نسخه كمبيوتر ونسخه ورق في اى شغل
أميره: وهي تنظر للاب ها وبعدين
ياسر: ميزانيه الشركه كده مظبوطه ونقدر نحول ايراد الشغل لحساب الفرع الرئيسي في القاهره
أميره نظرت له ثم تحدثت بهدوء : مفيش ايراد من دلوقتي لحد مااقولكوا هايتحول لحساب القاهره
كل فرع من امبارح مش من النهارده وله حسابه وايراده الخاص بيه
محسن مدير الفرع: ليه حضرتك.. احنا كل 6 شهور بنحول الحساب
أميره ببرود: من غير ليه.. تنفذوا وبس... والكلام ده مش عندى ده من عند مصطفي بيه
اظن مفيش اعتراض ع كلامه ولا اي
كلهم: لا مفيش.....
أميره: وكل فرع هيتم جرد للحسابات كل ست شهور
يعني كل حااجه مااشيه تمام مااعدا التحويل بس مفهوم
ياسر: تمام طب بالنسبه ليا ارجع القاهره ولا اي
أميره بهدوء: اه خدلك يوم اجازه وبعدين ارجع الشغل في فرع القاهره لمياء شايله لوحدها بقالها شويه
ياسر: طب بالنسبه لمستر جلال
أميره: لا مستر جلال يستني هنا فتره صغيره عشان يظبط سيستم الحسابات هنا
ثم وجهت كلامها اليه
عاوزه شغل بحزم يامستر جلال والي يقصر في شغله في قسم الحسابات معاك الصلاحيات لتنفيذ اي عقاب تشوفه بس طبعا بعد التشاور مع مستر محسن
جلال: تمام يافندم
أميره: اه حااجه اخيره.. عاوزه سريه تامه ع موضوع الايراد ده... انتوا عارفين الصحافه مابتصدق تاخد خبر وتحط عليه شائعات وده هاياثر ع الشغل والمبيعات
ياسر: تمام يافندم
أميره: يلا كملوا شغلكوا انا هامشي عشان عندى اجتماع شغل بره الشركه... وانت ياسر اسبقني ع فرع القاهره
ياسر: تمام
................................................
في المزرعه
مصطفي: ياه اخيرا اتجمعنا
زهدى: بطلبها منك كتير بس انت الي مش عاوز تيجي القاهره
مصطفي: انت عارفني اول ماببعد عن الهواء الجميل ده والخضره نفسي بيديق وبيبقي مزاجي وحش
مستر محمد: مش مشكله ياسيدى نبقي نيجي احنا هنا المهم نتجمع
مصطفي: اخبار ميرا اي ياامحمد من اخر مره مشيت من عندى وانا قلقان عليها
محمد: ماتقلقش يمكن مزاجها متغير عشان ابوها قرب يجي وانت عارف علاقتهم ببعض
مصطفي: طب واخبار الشركه اي
محمد: ماشيه زى الالف متقلقش حفيدتك مسيطره
مصطفي: ايوا شبهي كده
زهدى: شوف مااصدق ولف الكلام عليه... وبعدين احنا جايين هنا نتكلم في شغل ولا اي
خلينا نستمتع بالجو والقاعده الحلوه دى
محمد: ايوا عندك حق
زهدى: اي صح كنت هانسي يامصطفي انت مقولتش لميرا ع الصفقه ولا اي
مصطفي: لا قولت لمراد لان معرفتش اوصلها ساعتها واكدت عليه يقولها
زهدى: امال اي بقاا
مصطفي: اي حصل
زهدى: سليم راح ع معاد الاجتماع عندك في شركتك عشان يتفقوا ع الاساسيات.. ملقهاش ومراد الي قابله وقاله انها مشغوله فسليم حس انها مش عاوزه الصفقه دى ومش مقدراها
مصطفي: استحاله ميرا تعمل كده... ده رقم واحد عندها الشغل ومصلحه الشركه اكيد في سبب خلاها متقابلوش
محمد: مايمكن سليم فهم غلط يازهدى
زهدى: ده الي حصل
مصطفي: انا هاكلمها واعرف منها اى الي حصل
زهدى: طب ع طول لان سليم بيشوف شركه تانيه وانت عارف انا مسيطر عليه بصعوبه ازاى
مصطفي: هو صحيح مخطبش
زهدى: لا ياسيدى من بعد مافسخ خطوبته من خمس سنين وهو رافض المبدا لحد ماياست منه
مصطفي: نفس الوضع عندى نفسى افرح بميرا واشوفها في بيتها مبسوطه بس هي حتي مش عاطياني فرصه افاتحها ولو حد حتي بين اعجابه بيها بتعامله وحش لحد ماتكرهه فيها
زهدى: ليه كده
تحدث محمد لتوضيح الصوره لزهدى : الي شافته برده مش قليل يامصطفي.. انت عارف احيانا بتزنق عليا في الشغل بس بعديلها عشان عارف هي وصلت للمكانه دى بصعوبه اد اي
مصطفي: هي مزعلاك ولا اي.. اكلمها
محمد: لا اوعي هاطلعني صغير ولا اي.. انا لو في حاجه هاكلمها مني ليها
مصطفي: خلاص انتو حرين سوا
محمد: صحيح هاتعمل اي لما صديق يجي.. مش قدامه 3 ايام ويجي تقريبا
مصطفي بعد تنهيده ولا حااجه ثم اكمل بسخريه الوضع يبقي كما هو عليه
زهدى: انا شايف تحاول تصلح علاقتك بيه ده ابنك في الاول والاخر
محمد: مش سهل زى ماانت فاكر كده يازهدى
زهدى: اي صعبها
محمد بتوضيح لزهدى : انت ناسي ميرا وكرهها لابوها وحبها لجدها ولو جدها راح في صف ابوها يبقي زى مايكون تخلي عنها.. ولا عمر وكره صديق ليه .. الدنيا ملعبكه ولو مصطفي عمل زى مابتقول برده هاتتلعبك اكتر
زهدى: كل الي انت بتقوله ده هايتصلح لو مصطفي صلح علاقته بصديق
تخلي مصطفي عن صمته: انت مش مستوعب الموضوع كبير اد اي ومش سهل زى ماانت فاكر
زهدى: والله ده راى وانت حر بقاا
محمد: بقولكوا اي قفلوا ع الموضوع وخلونا نستمتع بالجو الحلو ده
زهدى: ع رايك
ظل مصطفي يفكر في كلام زهدى حتي انخرط معهم فيما يفعلونه
...............................
في مكان اخر
أميره: ايوا ياابنتي مستنياكي تحت البيت اهو
هاميس: دقيقتين ونازله
أميره: دقيقتين دول بقوا ساعتين
هاميس: نازله اهو اقفلي بقا
أميره: سلام
تنظر ميرا في ساعتها كل ده دقيقتين ياهاميس
لتظر لسلالم البيت لتجد فتاه وجهها مستدير ولديها خدود ورديه وشعر قصير يصل لرقبتها يتطاير مع الهواء وترتدى بنطلون جينز ازرق وتيشرت ابيض نص كم وكوتشي اسود وشنطه كروس سوداء وتضع نظاره شمسيه
هااميس: ميراااااا وتقوم باحتضانها بشده
أميره: انتي كده بتخنقيني مش بتحضنيني
هاميس: مالك عضمتي كده ليه... كالعاده مبتاكليش صح
أميره: ممكن نلحق يومنا بقا الي ضاع نصه في انك بتلبسي
هاميس بفرحه: هو انا كل يوم بقابل اختي حبيبتي
أميره تشدها من خدودها طيب يااسمسمتي يلا
هاميس بتكشيره: بلاش الاسم ده بحس اني للاكل
أميره بمشاغبه: ماشي يلا ياهمسه
هاميس بتراجع: لا الاول احسن
أميره: يلا نركب العربيه وبعدين نشوف الموضوع ده
بعد ماركبوا العربيه
هاميس: انت مش هاتغيرى العربيه دى بقاا دى قديمه ده غير انها مش مناسبه لمنصبك
أميره: لا مش هاغيرها دى عزيزه عليا
لتغير الموضوع تقول.. ها هانروح فين
هاميس: هانروح الاول نتغدى في مكان حلو وبعدين نطلع ع البحر شويه
أميره: اشطا وانا موافقه يلا بينا
...........................................
ع احد الصخور امام امواج البحر
هااميس: وحشتني القاعده دى ومعاكي بالذات
اميره ابتسمت لها ثم تذكرت شي
صحيح مامتك عامله اي
هاميس: كويسه... المهم خلينا فيكي انتي مفيش حاجه كده ولا كده
أميره تتصنع عدم الفهم: حاجه اي
هاميس: اعجاب.. حب.. اي حااجه
أميره وهي تنظر للبحر: لا
هاميس باستنكار: وانتي هاتحبي وتتجوزى امتا وانت عندك 60 سنه
اميره: انا منفعش للحب والجواز
هاميس: ليه ان شاء الله.. جميله ومتعلمه ومسئوليه الجواز متجيش حاجه جنب المسئوليه الي انت شايلاها الوقت.. وكمان مش باين عليكي انك عندك 33 سنه
أميره: في حاجات اهم من الي قولتيها دى مش موجوده عندى عشان اقدر اتجوز وافتح بيت
هاميس: زى اي
أميره وهي تنظر للبحر: انا معرفش الزوج والزوجه بيتعاملوا ازاى مشوفتش ده في امي وابويا معرفش لو في طفل اعامله ازاى اطبطب عليه طب ماانا ابويا مطبطبش عليا مش عارفه اعمل ده... طب لما يغلط اعاقبه ازاى.. اخاف القسوه الي اخدتها في طفولتي اطلعها ع ابني ولا بنتي وهما ملهمش ذنب.. باختصار يااهاميس انا مش سويه نفسيا ان افتح بيت واتجوز..
هاميس: مين قال كده انتى جواكي حنيه وطيبه تكفي الدنيا... انتي خدتيني في حضنك وطبطبتي عليا وصرفتي عليا من شغلك مش من فلوس صديق
اتحملتي مسئوليتي وانتي مش ملزمه بيا مابالك بقا لو حته منك
أميره: متقوليش الكلام ده تاني اي مش ملزمه بيكي دى احنا اخوات ابت
هاميس: افهميني ياميرا انا مش عاوزه الشركه وصراعاتك مع صديق تنسيكي ميرا والحياه الي المفروض تعيشها انتي كده بتلفي في دوامه والوقت بيسرقك
أميره هاترد عليها قاطعها رنين الهاتف
أميره: الو... ايوا ياصفصف
مصطفي: عيب ابنت.. بس اى ده شكلك مزاجك حلو ورايق
أميره: اها.. كنت عاوزني في حاجه
مصطفي: كنت بطمن عليكي... انتي فين كده
أميره: في اسكندريه كان في مشكله في الحسابات في الفرع هنا وجيت.. خلصتها وقولت اقعد ع البحر شويه
مصطفي: خايف اعكر مزاجك الحلو الي نادرا مابيحصل ده
أميره بجديه: في اى خير
مصطفي: اجتماعك مع شركه زهدى
أميره بسخريه : اي هو اشتكالك
مصطفي: لا مش كده هو جدك زهدى عاوز يفهم سوء التفاهم منين
أميره: من حفيده الي مش عاوز يسمع غير نفسه وبس ومعطاش فرصه لمراد ع العموم لما اجي هاحل الموضوع
مصطفي: هاتيجي القاهره امتا
أميره: بكرا الصبح هاكون في القاهره وبعده هاكون عندك عشان عاوزاك في موضوع
مصطفي: خير
أميره: لما اجي بقا يلا سلام
مصطفي: مع السلامه خلي بالك من نفسك
..........................
أميره: شوفتي يااستي اهي المشاكل جايه حتي وانا بعيد
هاميس: خير..؟
أميره: خير متقلقيش
صح هو انا مقولتلكيش
هاميس: ع اى
أميره بسخريه : مش صديق باشا جاي هو وعياله كمان يومين
هاميس بضيق : اي الي جابه ده
اميره بتساؤل : لحد الان معرفش هو كان قاعد في دبي مرتاح اى الي ينزله مصر بعد كل السنين دى واشمعنا الوقتي
هاميس بحزن : مش هاتفرق كتير وجوده هو يعني كان عمل بوجوده اي زمان لما هايعمل دلوقتي
أميره بمواساه: كويس انك معشتيش معاه انتى شايفاني اهو
هاميس بحزن : بس رفضني حتي بعد حكم المحكمه باثبات النسب
أميره: وانا قابلاكي وموافقه بيكي اي انا مش كفايه ولا اي
هاميس: تقوم باحتضانها وتذرف دمعه لا طبعا انتي عندى بالدنيا كلها
...........................................
في صباح يوم جديد يحمل الكثير
تدخل الشركه بهيبه.. ترتدى بليزر ابيض وبنطلون فورمال اسود وشنطه يد سودا وشوز باللون الاسود وتلم شعرها ع هيئه كحكه لورا وتحمل في يدها الاخرى شنطه اللاب
لتقابلها لمياء وتاخذ عنها شنطه اللاب
أميره: بلغي مستر مراد يحصلني ع المكتب
مستر مراد لسه مجاش
أميره لتقف وتنظر اليها وتقول: افندم
لمياء: لسه مجاش هو اول مره يعملها
أميره: طيب اول مايجي خليه يجيلي
..........................
بعد ساعه
خبط ع باب المكتب
اميره وهي تعمل ع اللاب: ادخل
مراد وهي يظهر عليه التعب: حضرتك طلبتيني
أميره بحده : مابادرى يامراد بيه
مراد: انا عارف ان اتاخرت النهارده بس غصب عني
أميره: انا سايبه الشركه في ايدك وانك مكاني وانا مسافره ارجع الاقيك مش موجود
ثم اكملت بزعيق: هي دى الامانه الي انا سايبهالك
مراد وهو يلتقط انفاسه بصعوبه: انا بعتذرلك مش هاتتكرر تاني
هنا يقع مراد من طوله علي الارض ويغمي عليه
وتحتل الصدمه وجه أميره
أميره تجلس امامه وتقوم بتحريكه ولكن لا استجابه
أميره: مرااد
