رواية القدر او الحب الفصل الرابع والثلاثون 34 بقلم جوري محمد

 رواية القدر او الحب الفصل الرابع والثلاثون 34 بقلم جوري محمد 

نور والله يا بسمه انا النهارده ضحكت ضحك مش قادره اوصف حاسة اني في جوايا طاقه كبيره جدا 

بسمه طيب الفضل لله الاول وبعد كد انا كل يوم من ده هخليكي تضحكي

 نور ربنا يستر عشان انا لما بضحك كثير قوي قوي بعرف ان حاجه مش حلوه تحصل 

بسمه  يا شيخه ما فيش حاجه هتحصل ان شاء الله ثم يعني هيحصل ايه اكتر من انك غضبانه وزعلانه انت وجوزك يا رب ترجعوا لبعض عشان ولادكم  انت مش عارفه بيحصل ايه للأولاد بين الاهل المفصولين عن بعض وهنا دمعه هربت من عيون بسمه بالرغم محاولاتها في اخفاء الحزن الذي بداخلها

نور هو باباك ومامتك منفصلين يا بسمه

 بسمه من زمان انا ما انكرس ان جوز امي الله يرحمه كان بيعاملني زي بنته بس مرات ابويا منها لله كانت دايما تخليه يجيبني اقعد يومين عندهم علشان انظف لها الشقة كان ظهري بيتكسر من كتر التعب

نور طيب ومامتك سكتت ليه كانت صممت انك ما تروحيش هناك عندهم وكان هو يجي يشوفك

بسمه ما هي امي ما كانتش تعرف كان بيهددني لو قلت لها ان هو بيشغلني خدامه عند مراته هيرفع قضيه وياخذني منها لانها متجوزها

نور ما تزعليش يا حبيبتي

بسمه انا مش زعلانه عارفه انا فضلت شهور وانا على الحالة دي امي تسالني انت تعبانة ليه لما بتيجي من عند ابوكي اقول لها ما فيش كنت خايفه انه يبعدني عن حنيتها وحنيه جوز امي

 لحد ما في يوم جوز امي راح في بيت بابا فجاه اصل هو كان عايز يشوفهم معاملتهم ليا ازاي وانا هناك وسمع مرات ابويا ومعاملتها ليا ودخل شاف البيت يقلب يضرب وانا شغاله تنظيف فيه وهي قاعده هي وابويا قدام التلفزيون تتفرج وحاطه رجل على رجل ما هم جائبين خدامه ببلاش بلقمتها بس ده ان فضل ليا اكل كمان

نور وعمل ايه ساعتها

 بسمه طب والله ماسك بابا من هدومه وزعق له قعد يقول له كلام كثير لو بابا بيحس كان عيط منه ولكن ما فرقش مع بابا بس جوز امي الحق يتفال وقفلوا قال له انت ما بتدفعش حاجه في مصاريفها عايز تشوف بنتك تعال هناك انما هي مش هتيجي عندك

بابا قال له انا هرفع عليك قضيه اخذ البنت انا ابوها واولا بتربيتها 

جوز ماما رد عليه وقال له  اللي انت عايز تعمله اعمله بس ما تنساش المحاكم حبالها طويله ومصاريفها اكثر والراجل يسد فيها وخدني يوميها ومشينا 

ومن ساعتها بابا لا شافني ولا طلب يشوفني لحد ما جوز امي مات من سنه رجع وانا افتكرت اني وحشته وامي قالت لي يا حبيبتي روحي اقعدي يومين معاه ابوك ولما رحت عرفت ان هو عايزني علشان ارجع اخدمه هو ومراته انا رفضت وطبعا مهما استحلف ليا او هدد كده كده انا وصلت في سن اختار اعيش مع مين فسكت و بعد عن حياتي

نور شفتي انت قلبتيها حزن اهو

 بسمه حزن ايه لو فيكي حيل يلا نقوم نهيص تأني

ولكنهم تفاجأوا بدخول الحاج محمد وزوجته عليهما الغرفة

 الحاجه تقترب من نور معلش يا بنتي اوعي تزعلي نفسك قضاء ربنا وان شاء الله تتحل 

 نور ايه اللي حصل في ايه

 الحاج محمد هو انتي ما دخلتيش على النت 

نور لا ما دخلتش احنا كنا قاعدين نتكلم 

حاج محمد اهدي يا بنتي بس اكيد في حاجه غلط 

نور اتكلم يا حاج في ايه

 الحاج محمد ادم تم القبض عليه في قضيه قتل

 نور انت بتقول ايه مستحيل

 الحاج والله يا بنتي الاخبار هي اللي منزله ده ولسه شايفها

 نور اكيد في حاجه غلط ادم استحال يقتل وفقدت الوعي

 وذهبت بسمه مسرعة واحضرت العطر لكي تساعدها لاسترجاع وعيها 

وعندما استعاده نور وعيها مره اخرى انا لازم اروح عند ادم اكيد عايزني جنبه 

بسمه انا مش عارفه كده ليه الناس الحلوين دايما حظهم بيبقى وحش

 الحاجه يا بنتي المؤمن دايما مصاب اهدي يا نور كده وقولي قدر الله وما شاء فعل

 نور ونعم بالله بس انا لازم اروح لادم هو اكيد محتاج مساعده 

الحاج محمد خلص يا بنتي البسي وانا هاخدك ونمشي الفيلا ومن هناك نقدر نشوف هنقابل ادم  ازاي لان هو داخل في جريمة قتل اكيد مش الزيارة مفتوحه كده على طول

 نور حاضر ولكن عندما حاولت ان تقف لم تستطيع فسقطت مره اخرى على سريرها 

بسمه بقول لك ايه انت تستني للصبح لان انت كده هتتعبي نفسك زياده وادم مش هيفرح لما اولاده يتعبوا 

الحاجه والله يا بنتي بسمه بتقول كلام صح ارتاحي والصبح الحاج محمد هيمشي معاكي من بدري

نور طيب وهتيجي منين الراحة وانا عارفه ان ادم دلوقتي حزين ومحبوس بين اربع حيطان 

بسمه لا ما تقلقيش الناس الكبار دول حتى لو دخلوا القسم بيبقى لهم احترامهم اكيد هيقعد في مكتب الضابط

الحاجه خدي يا حبيبتي بس اشربي شويه ميه واهدي كده

 وشربت نور الماء ثم اخذتها الحاجه لترتاح على صدرها وبدات تقرا لها القران حتى ذهبت نور في نوم عميق

 ونتركهم ونذهب عند ادم وهو بداخل القسم انا قلت لكم انا ما قتلتهاش

 المحامي   اهدى يا ادم باشا قول لي بالظبط ايه اللي حصل 

ادم انا كنت في مكتبي وفجاه

 فلاش باك ادم ومعه السكرتيرة يمضي بعض الاوراق

 السكرتيرة كده خلصنا ادم باشا

 ادم تقدري تمشي لاني انا كمان همشي كفايه شغل النهارده بقى 

وخرجت السكرتيرة وبعد خروجها جاء اتصال لادم الو 

جيهان الحقني يا ادم انا عارفه انه عايز يقتلني 

ادم  هو مين ده اللي يقتلك ولا دي لعبه جديده من العابك يا جيهان 

جيهان لا والله انا هحكي لك على كل حاجه بس لما تلحقني اصل حازم 

وهنا سامعها ادم وهي تصرخ وايضا صوت عيار ناري 

ادم جيهان ولم يأتيه الرد فذهب مسرعا عند شقتها وعندما دخل كان الباب مفتوح

 المحامي ادم باشا انت لمست اي حاجه في الشقة ادم لا بس لمست جيهان لما كنت بحاول اساعدها  اوقف نزيف الدم علشان كده الدم موجود على ملابسي غير كده قبل ما اقوم باي حاجه البوليس دخل عليا المكان

المحامي اكيد جريمه القتل دي متدبره انك انت تلبسها

وهنا دخل ادم ومعه المحامي لبدأيه التحقيق معهم وكيل النيابة بدا التحقيق وبعض الأسئلة المعتادة ثم  اتى السؤال الهام ما هي علاقتك بجيهان القتيلة

 ادم كانت صديقتي في الماضي

 وكيل النيابة اخر مره شفتها كان امتى قبل الحادثة

 ادم اخر مره شفتها كان في البيت عندي كنت عامل حفله صغيره بمناسبه رجوعي من السفر وجوازي وبعد كده اتقطعت بينا المقابلات يا ريت حضرتكم تمسكوا حازم هي قالت لي ان هو اللي قتلها 

وكيل النيابة بس ظاهر عندي ان كان الاتصالات مستمرة بينكم 

ادم لو حضرتك دققت هتلاقي هي اللي دايما كانت بتتصل انما انا ما اتصلتش بيها خالص 

وكيل النيابة وما هي كانت نوعيه المحادثات بينكم

 ادم اصل هي اتسببت في مشكله بيني وبين زوجتي لدرجه انها سابت البيت فكانت بتتصل بتعذر وبتحاول تتودد الى وترجع العلاقة القديمة

 وكيل النيابة وطبيعة العلاقة بينكم كانت ايه 

المحامي اظن يا باشا ده سؤال خاص وهو قال لحضرتك ان هم كانوا اصدقاء 

ادم احنا كنا اصدقاء لمده ثلاث او اربع سنين على الاقل

 وكيل النيابة ما ردتش عليا طبيعة العلاقة ايه 

ادم كنا بنسهر سوأ في البيت عندها او في النادي احنا واصدقائنا يعني

 وكيل النيابة طب هو انت ليه قتلتها

 ادم انا ما قتلتهاش قلت لسيادتك كده

وكل النيابة طيب انت خرجت الساعة كام من الشركة و في حد  شافك وانت خارج

 ادم الكاميرات في الشركة ممكن حضرتك تتفرج عليها هتحدد لك الوقت اللي انا خرجت فيه

 المحامي ارجو من سيادتكم الاسراع في مشاهده الكاميرات لانها سوف تؤكد الفرق بين توقيت اطلاق النار وخروج موكلي

وكيل النيابة  على كلام موكلك انها فارقت الحياه وهو موجود اذا فرق التوقيت لا يهم ولكن اكيد سنحاول اثبات الحقيقه في اسرع وقت

وهنا دخل العسكري الذي كان بالخارجي التقرير مبدئي للطبيب الشرعي وقام بوضعه امام وكيل النيابة وبعد قراءته للاسف يا ادم التقرير بيقول ان موجود تحت ضوافر خصله من شعرك وده اللي اكده تحليل DNA

ادم قلت لكم انا ما قتلتهاش شعري يمكن لما كانت ماسكه فيا وانا ساندها مسكت شعري او جت بالصدفه في ايديها

وكيل النيابه انت هتنكر ليه خلاص كل حاجه بانت يا ادم توفيق انت قتلتها 

ادم ما قتلتهاش

 وتفاجأوا جميعا عند استئذان رعد للدخول رعد وهو ينظر لادم بنظره وابتسامه على وجهه لم يستطيع ادم ان يفهمها

 رعد وهو يبتسم انا هقول لكم على الحقيقه

الفصل الخامس والثلاثون من هنا

تعديل المقال