رواية ظلام قلبي الفصل التاسع عشر 19 بقلم زينب احمد
نيره بصدمه وتوتر: اي
أميره: الي سمعتيه
نيره: الكلام ده مش صح
أميره ببرود : انا وانتي عارفين انو صح اووى
نيره وهي تجلس وتقول ببكاء: ده كان زمان لكن دلوقتي لا انا بحب عمر وبحب ولادى
أميره وهي تقترب منها وتقول ببرود: وعشان جوزك وعيالك تقوليلي حااضر وبس بدل ماانسفك
وادمر كل دنيتك دى في ثانيه
نيره بعد ان هدات: حاضر هاوافق علي جوازهم.
أميره: ايوه كده شطوره وبتسمعي الكلام ..
يلا كلمي وليد دلوقتي وقوليله انك وافقتي
نيره بخوف: حااضر
تمسك نيره هاتفها لياتيها الرد بعد دقائق
نيره: ايوا ياوليد انت كويس
وليد : ايوه كويس في حاجه ياماما
نيره: ايوه كنت عاوزه اقولك يعني اني موافقه علي جوازك من هاميس
وليد بفرحه: بجد
نيره: ايوا وهاجي القاهره في اقرب وقت نخطبهالك
وليد: متحرمش منك يااحلي ام في الدنيا
نيره: ولا منك ياحبيبي يلا سلام بقاا عشان اشوف الي ورايا
وليد: مااشي سلام
تغلق نيره الهاتف وتنظر لها بمعني تمام
أميره: انا ماشيه واه قبل ماامشي بحذرك تعملي حاجه كده ولا كده ساعتها متلومنيش علي الي هاعمله
نيره: لا مش هاعمل حاجه بس متقوليش لعمر حااجه صدقيني ده كان زمان وخلص
أميره: هانشوف خلص ولا لسه.. بعدين.. يلا سلام
...................................
في الشركه
في مكتب رئيس مجلس الاداره
طرقات علي الباب
صديق: ادخل
لمياء: حضرتك عندك معاد كمان عشر دقايق عشان توقيع العقود مع شركه الlcd
صديق: تمام كلمي مستر محمود نائب الشركه بلغيه بالمعاد
لمياء: بس مستر محمود خرج من عشر دقايق
صديق: خرج راح فين وازاى يخرج
لمياء: معرفش يافندم
صديق بحده: طب روحي انتي وانا هاكلمه
لمياء: عن اذنك
صديق يحاول الاتصال به ولكن لا رد
صديق،: مااشي يامحمود مبتردش عليا اما اشوفك بس
..........................................
في صباح يوم جديد
كانت تقف تجهز شنطه صغيره
ليقطع عملها دقات علي الباب
أميره: ادخل
هاميس: انا صحيتك اي ده بتعملي اي
أميره: مالك اتخضيتي كده ليه بجهز طقمين في الشنطه عشان هاسافر اسكندريه
هاميس بحزن: بادرى كده.. يعني مش هالحق اقعد معاكي
تترك اميره مابيدها وتجذبها ويجلسوا علي السرير
أميره: انا موجوده اهو عاوزاني في اي
هاميس: لا خليها لما ترجعي ولا اقولك اجي معاكي حتي ازور قبر ماما
أميره وهي تمشي يدها علي شعر هاميس: مره تانيه ياحبيبتي عشان اقدر اروح معاكي ونقضي اليوم سوا لكن انا راحه شغل وهانشغل عنك وكمان انتي عندك شغل
هاميس بحزن: طيب
أميره: متزعليش بقاا هاعوضهالك مره تانيه.. قوليلي كنت عاوزاني في اي
هاميس بخجل: الموضوع الي كنتي قولتيلي عليه
أميره بمكر: اي موضوع... انا كلمتك في مواضيع كتير
هاميس بنرفزه: اميره انتي فاهمه متستعبطيش
أميره: هههههه طب بتتنرفزى ليه بس... ربنا يكون في عونك ياوليد
هاميس : ليه ان شاء الله هو انا وحشه
أميره بابتسامه: ده انتي زى القمر قوليلي بقاا فكرتي
هاميس: اه عشان كده عاوزه اقولك ردى
أميره بهدوء: قبل ماتقولي ردك عاوزاكي تعرفي انك مش مغصوبه علي اي حااجه واي كان قرارك انا معاكي
هاميس بحب: عارفه ياحبيبتي
أميره: هاا
هاميس بحياء وتخفض راسها للاسفل : قررت اديله فرصه اعرفه في الخطوبه
أميره وهي تحتضنها: الف مبروك ياحبيبتي
هاميس بخجل: الله يبارك فيكي
أميره بمزاح: اي ده بنوتي بتتكسف
هاميس: بس بقا
أميره بهدوء: بس عاوزه اطلب منك حاجه
هاميس: اي
أميره: متقوليش لحد ردك الوقتي... لحد ماارجع من اسكندريه
هاميس: تمام ماشي
أميره وهي تقف لتكمل ماتفعله
هاميس: هاتقعدى اد اي في اسكندريه
أميره: يوم او يومين مش اكتر من كده
هاميس بحزن وتوسل: ايوه متغبيش عليا وتسيبيني هنا لوحدى كتير
أميره: لوحدك اي بس مش علاقتك بميرال ومحمود كويسه وجدو مصطفي موجود الي راح المزرعه امبارح عمي عمر ووليد عشان شغلهم
هاميس: كل واحد في دنيا لوحده ومبحبش اكون تقيله علي حد
أميره: اوعي تقولي كده وبعدين انا ملاحظه ان في حساسيه زياده عن اللزوم
عاوزاكى تتعاملي عادى ده بيتك
هاميس: حااضر
أميره وهي تضع الكحل داخل عينيها وتلم شعرها للخلف
هاميس: سيبيه ياأميره بيكون شكله احلي
أميره: بسيبه وانا خارجه لكن انا راحه اشتغل
هاميس: واي يعني سيبيه برده بحب شكلك وانتي فرداه اكتر
أميره: حااضر ياستي اهو المره دى بس عشان خاطرك
هاميس: خلي بالك من الطريق وانتي ماشيه
أميره: حاضر هاكلمك لما اوصل يلا سلام
هاميس: مع السلامه
.....................................
في الفرع في اسكندريه تدخل الشركه بهيبه وبجانبها ياسر وسط همس من الموظفين بانها سرقت الشركه من جدها
تدخل مكتبها وتجلس علي الكرسي ويقف امامها ياسر ومحسن مدير الفرع
أميره: ها يامحسن اي الاخبار
محسن: كله تمام يافندم
أميره: وانت ياياسر اي مواعيد النهارده
ياسر: عندك معاد مع مستر يونس الساعه ١٢ وعندك معاد تاني الساعه ٣ مع شركه استثمار اجنبيه وفي بعض الورق محتاج مراجعه
أميره: طيب اتفضل حضرتك يااستاذ محسن وبلغ رؤساء الاقسام ان في اجتماع كمان ساعه
محسن: حاضر عن اذنك
أميره: اتفضل
ياسر: اتفضلي ده الورق الي محتاج امضتك
أميره: مش مهم ده الوقتي.. قولي جبت المعلومات الي طلبتها منك
ياسر: لسه الجماعه الي بيدوروا لسه موصلوش لحاجه بس قريب قالوا علي مهله كمان يومين
أميره: يجيبوا المعلومات بس وانا هاروق عليهم
ياسر: حاضر اول مااوصل لمعلومات هابلغ حضرتك
أميره: طيب وبالنسبه ليونس باشا
ياسر: الملف ده في كل حاجه عنه
أميره: وهي تقرا الملف باهتمام: مولود في دبي
ياسر: اه يافندم والاغرب ان كل حياته في دبي وامريكا اي الي هايجيبه واشمعنا قبل المؤتمر بتاع الشركه بتاعتنا بيومين
أميره: وهي تغلق الملف يبقي جاي عشان حاجه محدده
ياسر: اي هي!!؟
أميره: هاعرف النهارده
ياسر: طيب عاوزه حاجه تانيه مني
أميره: لا روح انت الوقتي واعمل حسابك هاتحضر الاجتماع معاهم
ياسر: تمام عن اذنك
أميره: اتفضل
لترتدى نظاره القراه وتفتح ملف يونس لتقراه بعنايه
......................................
في فيلا المصطفي
في غرفه محمود
طرق علي الباب
محمود: ادخل
ميرال: انت هنا وبابا قالب عليك الدنيا
محمود باهتمام: اي الي حصل
ميرال: مش عارفه تعالي اعرف لوحدك
محمود: مش شايفاني بلبس انزلي وانا جاي وراكي
ميرال: طيب
لينزل محمود الدرج بهدوء
صديق: هو فين
ميرال: جاي ورايا اهو جه
صديق بحده : اي يااستاذ كنت فين امبارح وازاى متحضرش التوقيع وبكلمك مبتردش
محمود: اي الي حصل لكل ده
صديق: رد عليا انا الي بسال كنت فين
محمود بلامبالاه: كنت بدور علي مكان كويس عشان مكتب المحاماه بتاعي
صديق بزعيق: تااني ومن ورايا وانا قولتلك مفيش مكتب محاماه يبقي مفيش
محمود بضيق: حضرتك تقول الي انت عاوزه لكن دى حياتي واعمل الي انا عاوزه
صديق بزعيق: وانا بقولك مفيش يعني مفيش
ثم اكمل بهدوء: يلا عشان تيجي معايا الشركه
محمود بضيق: لا مش هاجي الشركه وهاعمل المكتب المحاماه بتاعي
صديق يرفع يده وينزل بها علي وجه محمود
صديق بزعيق : انت بتقولي لا انت اتجننت
ميرال بصدمه: ليه كده يابابا
صديق بحده: اسكتي متدخليش
محمود بحده: الالم ده اثبتلي اني كنت غلط لما شوفتك اب كويس معايا ومع ميرال... للاسف طلعت زى مااميره قالت بس انا كدبتها
صديق،: أميره قالتلك اي
محمود بضيق: مش مهم المهم اني من النهارده مش هاجي الشركه وهادور علي انا عاوزه واعمله
ليغادر محمود مسرعا
ميرال ،بحزن: ليه كده يابابا
صديق: ليه اي انتي مش شايفه... ده متغير مش محمود ابني الي عمره ماكسرلي كلمه
ثم يكمل بوعيد: أميره الي وقعت بينا ماشي ياأميره اما عرفتك ازاى تخسريني ابني
ليغادر ويترك ميرال تصدق فعلا ان أميره هي السبب
...............................
في فرع اسكندريه
في غرفه الاجتماع
أميره: طبعا كلكوا عندكوا اسئله كتير اي الي حصل وليه
ثم تكمل بجديه
كل الي حصل ان الاسم اتغير بس لكن كل حاجه زى ماهي وزى مانتو شايفين انا مغيرتش حد من الموظفين
أحد الموظفين: طيب ليه الاسم اتغير ولوجو الشركه وكل حاجه بقت باسم الميرا
أميره: سؤال حلو... لتكمل وهي تنظر للجميع
الى موجدين في الشركه من زمان عارفين كويس ان انا الي بنيت الفرع ده وفرع المنصوره بالتدريج وبمكتب صغير بقا شركه كبيره زى ماانتو شايفين
والجزء الاكبر من الفلوس فلوسي والجزء التاني شركاء معايا طيب الاسم اتغير ليه اتغير عشان اثبت ملكيتي للفروع دى في وقت كان في حد تاني بينسبها لنفسه وساعتها هايغير ويعمل الي هو عاوزه سواء تغير موظفين او تغير نظام الشركه ككل وعشان اقدر احافظ علي وجودكوا وعلي الشركه هنا والمنصوره كان لازم اغير الاسم واتمني متخذلونيش ونشتغل بجهد زى قبل كده واحسن
ليسقف لها الجميع
أميره تشاور لهم ليوقفوا عما يفعلون: مفيش داعي.. الاجتماع كده خلص ولو حد عنده اي مشكله يقدر يكلمني او يكلم مستر محسن وهو هايوصلهالي
لتغادر الغرفه ويذهب ورائها ياسر
ياسر: حضرتك عندك معاد مستر يونس دلوقتي ومنتظرك في المكتب
أميره: طيب روح انت شوفه يشرب اي وقدمهوله وانا هاروح الكافتيريا اعمل فنجان قهوه واشربه
لان دماغي مصدعه
ياسر: طب اعملك واجبهولك
تجيبه أميره بابتسامه: مانت عارف مبشربش ولا باكل حاجه الا لو انا الي عاملاها بس
ياسر: تمام عن اذنك هاروح اشوفه يشرب اي
أميره: تمام
...............................
في مكتب أميره
يجلس ويضع رجل علي رجل ويتفحص المكتب بعنايه... مكتب بسيط ولا يوجد به الكثير من الاثاث
يقطع شروده خبط علي الباب ثم يدخل ياسر
ياسر: اهلا بحضرتك يامستر يونس انا مدير اعمال اميره هانم ووصتني اهتم بحضرتك تشرب اي
يونس ببرود: وهي فين
ياسر: لسه مخلصه اجتماع حالا وجايه ورايا
يونس ببرود: طيب هانتظرها اتفضل انت
ياسر باستغراب من طريقته:
تمام زى ماتحب عن اذنك
بعد مرور ربع ساعه وقد تضايق يونس من الانتظار وهم ليغادر ليجدها تدخل بكل هيبه وجذابيه
وتمد يدها: اهلا بحضرتك بعتذر عن التاخير
سرح بعينيها الواسعه الخضراء وشعرها المموج المتمرد
أميره ببرود: مستر يونس اهلا بحضرتك
ليفيق يونس من شروده: ااه اهلا بيكي
تتركه وتذهب للكرسي الرئيسي للمكتب وتجلس عليه وتشاور له بالجلوس
أميره: تحب تشرب اي
يونس بهدوء: لا شكرا مش عاوز حاجه
أميره: اوك زى ماتحب... وصلني ان حضرتك طلبت تتكلم معايا اتمني يكون خير
يونس ببرود: علي حسب هاتوافقي علي العرض الي هاقوله او لا
أميره: عرض اي
يونس: انا عارف طبعا علاقتك بصديق ازاى وعارف اسبابها وعارف كان بيعمل معاكي اي ومع والدتك الله يرحمها
أميره بحده: ادخل في الموضوع
يونس بهدوء : انا ليا طار مع صديق وعاوز اصفيه وانتي بتكرهيه وعاوزه تخلصي منه وبالاخص بعد ماطردك برا الشركه بعد تعبك طول السنين دى
أميره بحده : انا محدش يقدر يطردني وزى ماحضرتك شايف انا قاعده فين حاليا انا جوا الشركه وعلي منصب رئيس مجلس الاداره كمان
يونس ببرود: ايوه بس في شركه لسه بتبنيها من الاول صح الفروع شغاله كويس بس الشركه الام اهم
ودى بقا انا عرفت انها لسه يدوبك علي ادها حتي الموظفين مش ربع عدد موظفين شركه المصطفي حتي
أميره: اعتقد ان حضرتك معندكش وقت للكلام ده كله وانا كمان عندى مواعيد تانيه ممكن تقول عاوز اي من الاخر
يونس بهدوء ؛: نوحد قوانا بدل ماكل واحد بيحارب لوحده نحارب في جهه واحده
انا هاعطيكي فلوس ونفوذ تقدرى تهزمي صديق وتجبيه لحد عندك راكع
أميره: وانا هاعطيك اي؟
يونس: صديق
أميره: مش فاهمه
يونس ببرود : هاتكوني باب ليا اقدر ادخل لصديق من خلاله وادمره زى مانا عاوز وفي الوقت الي احبه
أميره: اي الي بينك وبينه
يونس ببرود: دى حاجه متخصكيش ومش مهم تعرفيها.... ها قولتي اي
أميره: .....................
............................. يتبع
