رواية جحيم شمس الفصل الثالث عشر 13 بقلم رشا منصور
علاء ...
هى فكرة حلوة يا باشا بس اللى مش قادر افهمه إزاى خميس معرفشي أن البنت معاها جن مسلم حارس لها
صفوان باشا....
وهو يعرف منين أنا نفذت من غير ما يعرف وصيت الراجل يخطف البنت ويخدرها وينزل بها في البير بالليل ويطلع ويسيبها ولازم ده يتم قبل ما القمر يكتمل والراجل مكدبش خبر نفذ في نفس اليوم اللى خميس كان هنا في القاهره
ولما سافر خميس عرف بالموضوع ولقي النار في البيوت والبير بيطلع منه النار
وقدر يتواصل مع الراصد وعرف حكايه الجن المسلم
علاء ....
أيوة أيوة أنا كدا فهمت بس إحنا عاوزين حل مع الراصد ده علشان نعرف ناخد الامانه المدفونه
صفوان باشا..... هو ده اللي بفكر فيه دلوقتي
وفجأة رجعت تانى للعالم بتاعي ولقيت شمس قدامي بتقولى عرفت يا عمو إيه اللى حصلي هاتلي حقي منه يا عمو خالد
ونروح للصعيد
الضابط أحمد وصل هو والشيخ إسماعيل الصعيد وفى الطريق بقلم رشا منصور
الضابط أحمد شرح ل الشيخ إسماعيل أن في بيوت بتتحرق في القريه والبير الميه بيطلع نار وهو عاوز يعالج الموضوع ده
لأنه شاكك أن في سحر في الموضوع ده
الشيخ إسماعيل طول الطريق بيقرأ قرآن وبيحصن نفسه لأنه فهم أنه داخل ع سحر قوى
وأول ما قربوا من البير لقوا النار طلعت عاليه منه الشيخ وقف وفضل ساكت وكأنه راح ل عالم تانى
الضابط أحمد....
يا عم الشيخ أنت هتنام ولا ايه
الشيخ إسماعيل مغمض عينه وبيردد بصوت بغير مسموع
والنار عماله تعلي وتنزل وترجع تعلي تانى والمرة دى في صوت قوى وهزة جامدة حسيت أن الأرض هتتشقق من تحتنا .
والشيخ كل ده ثابت ومش سامع غير همهمه منه
وفجأة لقيت النار نزلت واختفت وبعدها الشيخ إسماعيل فتح عينه وقالي إحنا داخلين على معركه يابني
الموضوع مش سهل الله يكون في عون أهل القرية هنا
الضابط أحمد ... طب فهمني ايه الموضوع
الشيخ إسماعيل....
الموضوع يابني أن البير ده تحته كنز من أيام الفراعنه بقلم رشا منصور
والفراعنه زمان كانوا بيعينوا جن راصد يكون حارس ع دهبهم وع مقابرهم ولما تم حفر البير الراصد افتكروا أنهم بيعتدوا على الامانه وعليه
ولما البنت نزلت البير وكانت تملك قدرة روحانيه وحماية من الجان المسلم
وطبعاً الجان المسلم وقف قدام الراصد وده اللى خلي الراصد عاوز ينتقم من كل اللى حفر البير أو أى حد يقرب منه
وع فكره يابني الراصد ده قوى أوى وربنا يستر على أهل البلد منه
الضابط أحمد ...
طب متعرفشي زى ما قدرت تعرف كل ده أنك تعمل لنا هدنه معاه حتى ولو أسبوع واحد
الشيخ إسماعيل ...
ممكن هدنه لكن اكيد هيكون له طلبات ولو مش اتنفذت هيبقي فيها دم يابني الموضوع مش بالسهوله دى.
الضابط أحمد... حاول أنا كل اللى محتاجه أسبوع واحد بس
الشيخ إسماعيل... هحاول يابني ربنا يقدرني ويقويني عليه
الدكتور خالد ... فكرت أتصل ع أحمد واسأله ع الخطه نسيح كان قالي أنه لقي حل مناسب
الوووو أيوة يا أحمد بيه في عندك أى جديد
الضابط أحمد....
والله يا دكتور أنا فكرت لو عملنا هدنه مع الجن بتاع البير ده هنوقف الحرايق وكمان ممكن صفوان يفكر يجي يفتح المغارة ونقبض عليه بتهمه سرقه وتهريب الآثار لحد ما نقدر نثبت أنه سرق ميراث شمس وهو اللى قت.لها
دكتور خالد...
فكرة بردو بس افرض أنه بعت حد تانى هو اللى ياخد الكنز ده يبقي ايه الحل وقتها
الضابط أحمد... معتقدش اللي زى ده عمره ما يأمن للناس واكيد هيشك أن أى حد ممكن يسرقه
دكتور خالد وأنا هقدر أساعدك أنه يحضر بنفسه
الضابط أحمد... إزاى
دكتور خالد ... هخلي الروح اللى بتتواصل معايا توسس له أنه يحضر بنفسه فتح المقبره
الضابط أحمد... هو أنا مش بصدق في حوار الأرواح والتواصل والحاجات دي بس من اللى شايفه بيحصل حواليا مخليني ممكن اتوقع أى حاجة
خلي التواصل بتاعك نستفيد منه ووسوس في دماغه من دلوقتي
دكتور خالد.... تمام اعتبره حصل
وانتهت المكالمة وقرر خالد أنه يتواصل مع نسيح علشان يلعب في دماغ صفوان
وبدء خالد وهو في اوضته ينادى يا نسيح يا شمس حد هنا لكن مافيش رد وبعدين قال
طب يا قريني خلي نسيح يحضر حالا
وبعد دقائق بسيطه نسيح حضر
لسه دكتور خالد هيشرح له الخطه
نسيح قاله .... 🤔
تفتكروا الشيخ إسماعيل هيقدر يعمل الهدنه مع الراصد ولا ايه
يتبع
