رواية الطلاق ليس نهاية العالم الفصل الثالث 3 والاخير بقلم اصالة عامر
ــ خير يا بنتي
= انا حابة اعمل ليا شخصية، واسم في المجتمع و يبقي ليا اثر
ــ تقصدي ايه يا بنتي
= بفكر اشتغل في مصنع للادوية و اكتسب خبره و بعدين افتح مصنع خاص بيا بعد ما اكون قدرة اكتسب خبرة و اكون قدرة اجمع الفلوس اللي امول بيه المشروع ايه رايك
ــ فكرة جميله جدا يا حبيبتي، و أنا معاكِ في اي حاجه تعوزيها
= ربنا يباركلنا فيك يا اجمل اب في الدنيا، بس انا حابه المصنع يكون من تعبي و شقايا انا
ــ بس ده تكلفته هتكون كبيره جدا عليكِ
= انا مش هسيب شغل الصيدليه و هيبقي بجانبه الشغل في المصنع اللي هشتغل فيه و بإذن الله هقدر
_ تمام يا حبيبتي
حضنته و انا مبسوطه انه دايما معايا و بيدعمني
ــــــــــــــــــــــــــــــــــ
بعد مرور أربع سنوات كان يوم ميلادي ال28
ــ كل سنه و انتِ طيبه يا مامي
= و انتِ طيبه يا قلبي ماما
بابا:
_ كل سنه و انتِ طيبه يا امنيه و عقبال ما تتحققي كل اللي بتتمنيه يا بنتي
_ و انت طيب يا بابا و يباركلنا فيك
ماما:
= كل سنه وانتِ طيبه يا منون و عقبال ما اشوفك في بيت عدلك
ــ و انتِ طيبه يا ماما، تاني يا ماما
= تاني و تاني
ــ طيب يا امي
محبتش اجادل مع امي عشان عرفاها اللي في دماغها في دماغها
تاني يوم جهزت نفسي عشان، اروح المصنع بتاعي الحمدلله بعد تعب سنين قدرت افتح شركة الادويه الخاصه بيا و بقيت من اشهر الشركات في مصر و اسمها AS اختصار لي اسمي و اسمي بنت سالي
و صلت الشركة بدري، دخلت مكتبي
السكرتيره
= في اجتماع بعد نصف ساعة يا دكتورة امنية مع شركة عاصم الدمنهوري
ــ تمام كل حاجه جاهزه مش عاوزه و لا غلطه، عشان ده اجتماع مهم
= كله تمام يا فندم
ــ تمام اتفضلي و اول ما يوصلوا بلغيني
= حاضر، بعد اذنك
في عربية عاصم الدمنهوري كان بيتكلم هو و صديقه خالد
ــ عرفت ايه عن شغل شركة AS يا خالد
= هي من انجح الشركات في مصر و اتعرفت في وقت قصير في الوسط
ــ شكل صاحبها ذكي و ناجح، معرفتش مين هو انا كل الي اعرفه عن نجاح الشركه اما صاحبها معرفش حاجه عنه
= عرفت انها سيدة الا بتدير الشركه
ــ ايه بجد معقول
= زي ما بقولك
ــ ان شاء الله خير، وصلنا يلا انزل
= طيب
دخلنا الشركه و كنا مبهرين بتصميمها و جمالها
عاصم
ــ ماشاء الله
دخلنا غرفت الاجتماعات، و مكلناش خمس دقايق و دخلت امنية
ــ السلام عليكم ورحمة الله وبركاته
وقفنا عشان نسلم عليها مديت ايدي عشان اسلم عليها
امنية
= بعتذر مبسلمش علي رجاله
ابتسمت ابتسامة صغيره و حسيت بالفرحه مش عارف ليه
ــ اتفضلوا
= شكرا
ــ اتفضلوا ممكن اعرف طلباتكم
= كنا حابيت نعمل تعاقد بين شركتنا شركة الدمنهوري و شركة حضرتك
ــ شرف ليا، و شركتكم غنية عن التعريف، و اهم حاجه عندي الالتزام و الاحترام
= متقلقيش حضرتك ان شاء الله خير، بس معلش عندي سؤال
ــ اتفضل
= انا حاسس اني شفت حضرتك قبل كده
ــ مش فاكره اني شفت حضرتك قبل كده
= يمكن
خلص الاجتماع، و مشينا انا و خالد و كل الطريق و انا بفكر في امنية مش عارف ليه جذبني هدوئها و احترامها و انها سيدة ناجحه، مرت الايام و الشهور و بقي في شغل رسمي بين شركتي و شركة أمنية، و كنت بتشدلها اكتر مع الوقت و اخيرا اتشجعت و كلمتها اني حابب اتقدملها
_ أستاذة امنية
= اتفضل يا استاذ عاصم
ــ ممكن رقم والدك
= ليه خير
ــ كل خير كنت حابب اجي اتقدملك
اتكلمت في سري منكرش اني في اعجاب من ناحيتي نحية يوسف بس في نفس الوقت مش حابه ارتبط تاني، او اني اجيب لبنتي جوز اب
= ايه رايك يا دكتورة
_ انا اسفه يا دكتور انا رافضة فكرة الارتباط
= ليه لو في حاجه غلط فيا قوليلي
ــ م حاجه تخصك بس انا رافضة عامة، و بعدين في حاجات كتير في حياتي حضرتك متعرفش حاجه عنها
= اديني فرصة و بعدين قرري، و ان شاء الله في الرؤية الشرعسة تقدري تقولي اللي عوزاه و نتعرف
ــ تمام ده رقم والدي
مش عارفه ازاي وافقة اديله فرصة، و ازاي اديته رقم بابا مستغربه من نفسي، خلصت شغل و روحت البيت لقيت ماما و بابا مستنيني و سالي كانت بتذاكر في اوضتها
= خير مالكم قاعدين كده ليه
_ في عريس متقدملك يا بنتي وقالي انه قالك علي الموضوع
= اه
امي:
_ يعني انتِ موافقه
= انا موافقتش هو قال اديني فرصه بس وانا وافقت بس عشان محرجهوش
ــ اه، طيب فكري مدام معاكِ في الشغل اكيد تعرفيه كويس و يمكن يبقي مناسب ليكِ
= طيب يا ماما
بابا:
ــ انا حددت معاد معاه بكره بعد العشاء
= تمام يا بابا
دخلت لبنتي اوضتها
ــ سيلي القمر حبيبتي ماما
جريت عليا و حضنتني
= ماما حبيبتي وحشتيني
_ و انتِ وحشتني قووووي، شوفي جبتلك ايه معايا
= هيي اللعب اللي كنت عاوزها بحبك اوي يا احلي ماما في الدنيا
ــ و انا اكتر يا اجمل حاجه في حياتي
ـــــــــــــــــــــــــــــــــــــــــــــ
تاني يوم جاه معاد حضور عاصم جاه لوحده
والد امنية
ــ منور يا ابني
= ده نورك يا عمي انا جيت لوحدي انهارده عشان اعرف بس رايكم، و لو حصل نصيب ان شاء الله اجيب اهلي
ــ ان شاء الله يا ابني
= انا جايب طالب ايد بنت حضرتك الدكتوره أمنية
ــ شرف لينا يا ابني، لو عليا انا موافق يبني بس ناخد راي أمنية
= أكيد طبعا
دخلت امنية و قدمت العصير و قعدة جنب والدها
والد امنية
= هسيبكم تتكلم و هبقي قاعد بيعد عنكم بس قدامك
ــ تمام يا عمي
= ايه عامله يا دكتورة امنية
ــ تمام الحمدلله، ايه عامل حضرتك
= الحمدلله بخير، اتفضلي لو عندك حاجه حابه تساليني عنها او حابه تقولي حاجه
ــ انا مطلقة و عندي بنت عندها 9 سنين و بالنسبة لشغلي انت تعرفه كويس بس متعرفش قد ايه انا تعبت في الشغل ده قد ايه انا يوم ما بدات مكنتش املك اي حاجه و الحمدلله ربنا كرمني دلوقتي، و رافضة فكرة الجواز من يوم ما اطلقت عشان بنتي و حابه اكمل باقي حياتي معاها و اهتم بيه
= انتِ كبرتي جدا في نظري، و اي حد يفتخر بيكِ و بإنجزاتك و انك عافرتي و وصلتي للمكانه دي لوحدك، و علي فكرة انا ارمل مراتي متوفية ليها 10 سنين و عندي يوسف في عمر بنتك هو كمان عنده 9 سنين فاكره لما قولتلك انا شوفتك قبل كده بس مش فاكر دلوقتي افتكرت، فاكره من اربع سنين لما حصلة مشكلة في الحضانه بين بنتك و طفل تاني و كان ابني يوسف و قابلتك هناك اول مره
ــ شكرا، ربنا يباركلك فيه، اه افتكرت
= و يباركلك في بنتك، ممكن طيب اعرف رايك دلوقتي
ــ هصلي صلاة استخارة و اشوف بنتي عشان رايها مهم بالنسبالي
= تمام في انتظار ردك
خلصت كلامي و انا ببص حوليا و شايفه احفادي حواليا و بشوف ردت فعلهم و انا بحكيلهم قصتي انا وجدهم عاصم
اتكلم شادي ابن سالي
ــ و اتجوزوا بعدين يا تيتا
ضحكنا كلنا علي ذكاء شادي، و رد عليه صهيب ابن يوسف
= اكيد يا ذكي مل ازاي تيتا و جدوا مع بعض دلوقتي
جه عاصم و قال
ــ متجمعين عند النبي ﷺ
رد الكل في سصوت واحدو
= صلي الله عليه وسلم
باس راسي و قعد جنبي، واتكلموا الولاد
ــ نحن هنا يا جدو
= مراتي و انتوا مالكم
ضحكنا كلنا و بصيت لعيلتي الجميلة اللي عوضني بيها ربنا و انا بحمده علي النعمة دي
" عوضني ربي بك عن كل التعب و الحزن الذي رايته في حياتي، و انرت عتمة حياتي و طمئنت فؤادي، و ازحت عني كل الحزن و التعب "
تم
ــ بقلم أصالة عامر
#الطلاق_ليس_نهاية_العالم
تمت
