رواية الحب علي مر الزمن الفصل الخامس 5 بقلم حسام
اللهم صلي وسلم وبارك علي سيدنا وحبيبنا ونبينا محمد وعلى آله و اصحابه وسلم تسليما كثيرا
راوية الحب علي مر الزمن
الفصل الخامس
بقي انت بتهرب كل يوم مننا و بتيجي هنا؟
ادهم وليلي بعدوا عن بعض وليلي خافت جدا لون عنيها قلب لي اخضر فاتح وادهم لاحظ ده
ادهم: ما تخافيش ده احمد صاحبي ما تقلقيش منه
ادهم: احمد ازيك تعال اعرفك
احمد: ما انا عارفها ولا نسيت؟
ادهم: لا منسيتش ليلي ده احمد اقرب صاحب ليا وبستأمنه علي حياتي نفسها فاهمه؟
ليلي بخوف وتردد: اه ...اهلا.... اهلا بحضرتك...
احمد: لا حضرتك ايه بقي ده انتي حبيبه الغالي ولا ايه طيب مش كنتي تقوليلي من الاول انك تخصيه وانا كنت بعدت خالص
ادهم: مش وقته يا احمد روحي انتي يا ليلي لتدريبك علشان ما تتأخريش
ليلي: طيب بعد اذنكم
وبعد ما مشيت
ادهم: انت بتكلمها كده ليه؟
احمد: وعايزني اكلمها ازاي هاه؟
ادهم: في ايه يا احمد مالك؟
احمد: مالي انت بتسأل مالي مالي ان انا كنت معجب بيها وانت عارف ورحت تكلمها من ورايا وتعمل علاقه معاها
ادهم: اولا انت بتعجب بكل بنت حلوه بتشوفها وثانيا انا شوفتها قبلك واتكلمنا من اول مره اتقابلنا فيها وكان شعورنا متبادل وثالثا انا سبق وطلبت منك متضايقهاش واكيد انت فهمت ليه
احمد: طول عمرك بتحب المثاليات والاخلاق لكن متخيلتش ابدا انك تكون مستخسرها فيا علشان نفسك
ادهم: انت اتهبلت يا احمد وبعدين مهيا كانت قدامك وانا كنت بشوفك بتروح وتكلمها وسيبتك وهيا اللي رفضتك حتي من قبل ما يكون في حاجه بينا وبعدين انا عمري ما استخسرت فيك حاجه وانت عارف كده كويس بس ده موضوع مختلف
احمد: طول عمرك بترفض العلاقات
ادهم: علشان انا يا احمد بحبها بجد مش مجرد علاقه
احمد: ايه بتحبها بجد؟
ادهم: ايوه بحبها بجد هاه قلت ايه؟اصحاب ولا ؟
احمد: اصحاب طبعا قلت لفوفا ولا لسه؟
ادهم: لسه لما ابقي انزل اجازه مش عايزك تضايق ليلي تاني بتلميحاتك او بهزارك الرخم ده تاني ماشي
احمد: عيب ده انت اخويا
ادهم: عارف بس باكد عليك بس
وبعد ما نزلوا احمد انسحب وراح لليلي
احمد: ليلي ازيك
ليلي بخوف: اهلا افندم
احمد: ادهم اخويا واكتر وانا اتمنالكم الخير (مد ايده يسلم) كده اصحاب
ليلي ابتسمت: اصحاب بعد اذنك بقي
احمد: اتفضلي
وفي يوم التدريب فيه كان صعب جدا ورأفت بيطلب منهم حاجات شبه مستحيله وكان في لجنه بتقيم مستواهم
كان رأفت حاططلهم حواجز عاليه ينطوا من فوقها ويجري مسافات كبيره ويعدوا من اسلاك شائكه وينطوا من فوق بركه الجثث بس المره دي حطولهم حبل يمسكوا فيه ويعدوا بيه البركه بس مش الكل بيعرف يعدي واللي بيقع بيكون مصيره فظيع والمفروض انهم يوصلوا برج معين يطلعوه ومن فوق ينزلوا بحبل لحد تحت وطبعا كالعاده كان محمود العقبه..وصل لحد الحاجز ومقدش يعديه مع انه حاول مره بعد مره لحد ما ادهم اخد باله فبعد ما كان وصل للبرج رجع لصاحبه تاني لاول الطريق وده خلي اللجنه تستغرب وبيسألوا رأفت
اللواء رياض( نائب مدير المخابرات): هو ليه رجع مع انه كان الاول مجنون ده ولا ايه؟
رأفت: لا يا فندم مش مجنون ده يعتبر اكفأ واحد فيهم
اللواء رياض: هو اسمه ايه ده؟
رأفت: اسمه ادهم عبد العزيز
اللواء: بس اسمه مش مكتوب في اعلي خمسه في الورقه دي
رأفت: ده لانه ديما بيرجع كده
اللواء: يبقي مجنون
رأفت: لا يا فندم مش مجنون بس شوف حضرتك هو رجع ليه وهتعرف الاجابه بنفسك
وفعلا تابع اللواء ادهم وهو راجع لحد ما وصل لمحمود صاحبه
ادهم: محمود يالا لازم النهارده بالذات تعدي اتحرك
محمود: حاولت يا ادهم واتخيلت كل حاجه بس مش قادر ..رحم الله امرين عرف قدر نفسه وانا قلتلك مش هقدر بس انت ديما بتصر واديكم كلكم هتخسروا بسببي
ادهم: مش هنخسر طول ما ايدينا في ايدين بعض مش هنخسر هساعدك يالا
محمود: ايه هتشيلني مثلا ؟مش هقدر اعدي الحاجز يا ادهم
ادهم: اطلع عليا وعدي اتحرك مش هسيبك
محمود: مش هتقدر يا ادهم
ادهم: لا هقدر اطلع انت بس واخلص
وفعلا شبك ادهم ايديه ومحمود طلع عليها وبعدها وقف علي اكتافه
واخيرا مسك الحاجز من فوق وادهم بيشجعه يكمل واخيرا عدي الحاجز وادهم نط وراه ومشي معاه خطوه خطوه وساعده يعدوا كل الحواجز والبركه وساعدوا في طلوع البرج ولما اتردد ينط بالحبل ادهم زقه من فوق وبعدها نط هو واخيرا خلص اول تدريب
رأفت: عرفت ليه بقي بيرجع؟
اللواء: بيساعد الضعيف؟ بس ده غباء انه يتخلي عن مركزه الاول علشان يساعد حد عمره ما هينجح اصلا...
رأفت: بس ده واحد من فريقه وهو بيساعدهم كلهم مش ده بس
اللواء: طيب نادي علي الخمسه الاوائل دول ونادي كمان علي صاحبك ده وخليهم يعيدوا التمرين ده كله بس كل واحد لوحده واحسب الوقت اللي هياخده كل واحد لما نشوف صاحبك لو مسؤل عن نفسه بس هيعديه في قد ايه
رأفت: حاضر يا افندم واراهنك انه هيكون الاسرع
اللواء: وانا قبلت رهانك ..لو نجح هاخد فريقه كله لكن لو فشل حتي هو مش هاخده اتفقنا
رأفت: لا يا فندم بس ده ظلم ليه
اللواء: خلاص انت مش راهنت عليه يبقا تستحمل نتيجة اختيارك و رهانك .
انتهاء الفصل الخامس
الكاتب حسام
