رواية عهد الاسود الفصل الثالث والعشرون 23 بقلم زهرة الربيع
#روايه_عهد_الاسود_البارت_ال_23
قلبها كان بينز،ف حرفيا لما سمعتو بيقول ان سيلا خطبتو وهيتجوزها مشيت خطوات متعثره واسد مشي وراها اما ضرغام فكان بيبص لطيفها بحزن وقال في نفسو..انا اسف يا عهد
سيلا حضنت ضرغام بزهول وقالت..بجد يا ضرغام..يعني اخيرا هتتجوزني
ضرغام ابتسم لها بالعافيه وقال..اكيد يا سيلا احنا خلاص مبقلناش غير بعض.. ودخل السرايه بسرعه وسيلا دخلت وراه
اما منصور فكان هيتجنن من الغضب وكان هيروح ورا عهد ويضرب اسد ويبعدو عنها بس افتكر كلام ابوه اتنهد ومشي بسرعه وهو هينفجر من الغضب
عند اسامه اول ما دخل اوضتو شوق قالت بعصبيه..اسامه..انت ايه الي تعرفو..ايه الي بيحصل ازاي اسد وعهد بيحبو بعض وليه شكلها كان متبهدل كده اتكلم يا اسامه
اسامه اتنهد وهو بيغير هدومه وقال...عايزه تعرفي ايه...انا قولتلك عهد واسد بيحبو بعض فيها ايه دي ..اتنين من سن بعض بيستلطفو بعض وهيتجوزو بعض غريبه دي ..ده حتى اسمائهم شبهه بعض
سوق قالت بتفكير..عهد..واسد ايه فين التشابه و.. بس خدت بالها انو بيتوها وقالت... ايه الهبل ده اصلا..اسامي ايه ونيلة ايه. اسامه انت فاهم قصدي متحورش...
اسامه قال..انا مش فاهمك ابدا الحقيقه ايه مشكلتك مع اسد بعني هو اسد شويه ده كفايه اني انا خالو
شوق قالت بضيق..امم..كفايه جدا الصراحه واتنهدت وقالت..يا اسامه..عهد دي بنت طيبه قوي وبيبان في عيونها كل الي جواها وان متاكده انها مبتحبش الي اسمة اسد ده وبعدين اخوك ضرغام شكلو بيحبها..ده حتى لما عرف انها في خطر هنا جيه جري و
اسامه قاطعها وقال بغضب..ضرغام ده اسمو ميجيش على لسانك..ملناش دعوه بيه يحب يكره مش مشكلتنا...والاحسن متفكرينيش باليوم الي جيتي معاه هنا عشان كل ما بفتكر انك مشيتي معاه ولا كانك متجوزه قرطاس لب دمي بيفور ..سامعه
شوق اتنفضت بخضه من صوتو وبلعت ريقها بخوف وكانت مرعوبه منو وقالت..سامعه..سامعه
اسامه بعد واتنهد وقال..اوووف.ياشوق..ياشوق ليه كل شويه تعصبيني..وانتي عارفه اني مش بحب اتعصب وقعد على السرير و بصلها وقال بأمر..تعالي قلعيني الجزمه
شوق بصتلو بزهول وقالت بردح...ناااااااعمممم
بقلم...زهرة الربيع
عند عهد اتسندت على سور في الجنينه بتعب ودموعها بتنزل على خدها واخدت نفس عميق بتحاول تهدي الثوره الي جواها
اسد حط ايده بتردد على كتفها وقال..انتي كويسه
عهد مدت ايدها بسرعه عايزه تمسح دموعها بس اسد مسك ايديها وبقى قدامها وقال.لا سبيهم..خدي راحتك يا عهد ...ابكي براحتك..قدامي تقدري تبيني كل الي جواكي
عهد دموعها نزلت اكتر وبقت تبصلو بدموع واسد ابتسم وعنيه بتلمع بالدموع وقال...بتحبيه
عهد بقت دموعها تزيد ومش قادره ترد
اسد دمعه من عينه نزلت وقال بوجع ...بعد كل الي عملو معاكي...لسه بتحبيه
عهد هنا مقدرتش تتمالك نفسها اكتر وبقت تبكي بقوه ووجع وصوت عالي وقعدت على الارض بانهيار
اسد نزلت دموعه بشده ونزل قعد جمبها وشدها لحضنه وكان حقيقي قلبو بينز،ف مش قادر يتكلم كان سايبها تاخد راحتها وتبكي لحد ما ترتاح
عند سيلا راحت مكان بعيد عن السرايه واتصلت بالشخص المجهول وقالت ...ايوه ..انا وصلت
المجهول قال..ها وايه الاخبار
سيلا قالت ..كلو تمام..اسد لسه مش بيكلمو وبيكرههو واسامه هيكمل الصفقه هنا..تقريبا كده الكل مش طايقو وعيلتو خسرها..انا بقى شايفه كده خلاص ملكش دعوه بيه تاني
المجهول قال باسخريه..مليش دعوه بيه..ده في الشارع الي بعديه
سيلا قالت بضيق..يعني ايه..هتعمل ايه اكتر من كده هتاخد منو ايه تاني
المجهوى قال...اخد روحه مثلا
سيلا اتخضت وقالت..ايه..لا يا حبيبي..مفيناش من كده ..انا مليش دعوه احنا متفقناش على القتل
المجهول ضحك بفوه وقال..ليه..لما قتلنا مالك..مكانش قتل
سيلا قالت..انا..انا مليش دخل في موت مالك
المجهول قال بسخريه..لا يا حلوه انتي اساس موت مالك..انتي الي كنتي يتديني كل تحركاتهم وانتي الي قولتيلي ان يومها ضرغام اتخانق مع ابوه علشان كتب الفلوس لمالك ..وانتي كمان الي قولتيلي ان اسامه مسافر..كمان انتي الي قولتيلي على المكان والوقت والتاريخ الي هيكونو فيه في المرسى يعني انتي شريكه في موتو
سيلا بلعت ريقها برعب وقالت...ايوه..بس انت فاكر ان موت مالك هيبقى زي موت ضرغام يعني العيل الي مكملش عشر سنين هيبقى موتو زي موت ضرغام الثابت
المجهول قال...لا موت مالك عندهم اغلي من موت ضرغام دلوقتي ..لان ضرغام حاليا محدش طايقو ابوه هيزعلو شويه ونخلص
سيلا اتنهدت وقال..انت اتفقت معايا انك قتنتقم منو وبس...لاكن مش هنموتو
المجهول قال بضيق..انتي هتصدعيني ليه..قولي الي فيها..عايزاه عايش ليه
سيلا قالت ...قلي هيتجوزني عايز يتجوزني علشان الي اسمها عهد دي تنساه وانا ماصدقت
المجهول ضحك وقال..هو انتي مش كنتي عايزه تتجوزي اسامه
سيلا قالت..اه..كنت عايزه اتجوز اسامه..بس اسامه ولا شايفني اصلا ..بس صرغام طلبني للجواز واهو من عيله الثابت والمصلحه واحده
المجهول قال بغضب...للاسف مش هيحصل شيليه من دماغك ضرغام ده بتاعي انا من ساعه الي عملو معايا..وكتب بنفسو العد التنازلي لموتو
قال كده وقفل وسيلا ضربت للارض بقوه وغضب واتنهدت وهيه بتتاكد ان مفيش حد شافها ورجعت على السرايا
عند شوق قالت بردح نعم يا حبيبي..اقلعك جزمتك ليه خدامه اشترهالك بابي
اسامه قال باستهزاء..لا خدامه اشترتها انا...يلا تعالي وبطلي لوكلوك اخلصي
شوق قالت ..ده بعدك انسي
اسامه قال بزعيق وغضب .انا قولت تعالي ..احسن والله اقوم اجيبك من شعرك اخلصيييي
شوق خافت منو وارتبكت وقالت بدموع.لا..لا مش هقلعك..انا مش خدامه عندك حرام عليك بقى ... ودموعها بقت تنزل
اسامه بصلها شويه وبقى يضحك لما شاف دموعها وقرب منها وقال...انتي بتبكي بجد ولا ايه..وشدها عليه وبعد شعرها من على عيونها وقال..طيب...واخد نفس وقال..يا عبيطه انا بهزر ...اكيد عمري ما كنت هخليكي تعملي كده ...يابت بهزر خلاص بقى
شوق كانت بتشهق وبتمسح دموعها واسامه بقى يبص لملامحها بحب واعجاب شديد وتاه في عيونها الي تجنن ووشها الي بقى زي الفروله وقرب اكتر وقال..بقولك ايه..هو احنا..احم..انا وانتي يعني مش ..مش هنكرر الغلطه الي حصلت قبل كده
شوق قالت باستغراب..غلطه ايه دي
اسامه ابتسم وقرب من شفايفها وقال..عايزك ..عايز اشبع منك ..وتبقي في حضني..ونبقى زي اي تنين متجوزين يا شوق تحبي اشرح اكتر
شوق ابتسمت وزقتو وقالت بخبث..عايزني..متاكد
اسامه ابتسم وقال بلهفه..اوي...اوي
شوق بصتلو وقالت باغراء...يبقى ...تقدم السبت..علشان تلاقي الاحد
اسامه ابتسم بفرحه وقال برغبه..اقدم الاسبوع كلو..انتي بس امري
شوق بصت في عنيه وقالت بجديه...ليالي..هتتجوزها ليه يا اسامه
اسامه بلع ريقه بارتباك وبعد نظره عنها وقال..تاني يا شوق
شوق قالت باصرار..وتالت وعاشر يا اسامه..انا مش عيله يضحك عليها..وفاهمه الدنيا فيها ايه..كل طريقتك معايا الي اتغيرت مليون درجه بتثبت انك حبتني حتي لو معترفتش...مدام بتحبني هتتجوزها ليه يا اسامه
اسامه رفع حاجبو وابتسم بمراوغه وقال...اممم..وايه بقى الي خلاكي تفكري اني بحبك مش يمكن بحبها هيه وعلشان كده هتجوزها..
شوق ابتسمت وقالت بخبث..تمام..مدام بتحلها هيه..طلقني انا وتبقى اثبت كلامك وانا كمان اشوف حياتي..اتجوز واحد يحبيني ويقدرني و
هنا اسامه قال بغضب..اششش اوعي تقولي الكلمه دي تاني ومسك دراعها وقال بانفعال..انا مستحيل اطلقك مش بمزاجك وعمرك ما هتكوني لحد تاني ده انا اقتلك قبل ما غيري يفكر فيكي حتى
شوق بصتلو بانتصار لانها متاكده انو بيحبها واسامه سكت وبعد بسرعه وغمض عنيه بغضب من نفسو لانو بياكد لها كل كلامها
شوق قالت بابتسامه..بتحبني يا اسامه..بتكدب على نفسك..بس مش هتقدر تكدب عليا
ايامه شدها عليه بقوه وقال بغضب واندفاع..بحبك ..وبموت فيكي كمان...انا بعشقك ياشوق ..بعشقك... وشدها عليه وباسها بقوه وجنون وشوق اتعلقت برقبتو وبادلتو بنفس المشاعر
بعد لحظه حلوه سوا شوق بعدت عنو بكسوف وهيه بتعض شفايفها بخجل واسامه ابتسم على جمالها الي بيذيد مع كسوفها وشالها بين اديه واخدها على عالمهم الخاص لاكن كانت اشواق متبادله لاول مره
عند عهد كانت بتمسح دموعها وبتحاول تقوي وقال..انا..اسفه يا اسد..معرفتش احبس دموعي اكتر من كده...
اسد ابتسم وقال... كنت هزعل لو قدرتي تخبيهم عني..اتكلمي يا عهد..لو حابه تفضفضي انا جمبك
عهد اتنهدت وقالت..هقول ايه يا اسد..الي حصل ميتقالش
اسد اتنهد وقال..انا عارف الي حصل..بس عايز اسألك ضرغام ليه عمل كده يا عهد..يعني كان سكران..كان فيه حاجه.. ارجوكي يا عهد اتكلمي انا هتجنن ازاي ممكن يعمل معايا كده ..ده انا..انا امنتو عليكي..ليه عمل كده
عهد اتنهدت وقالت بدموع... انا ذيك يا اسد مش فاهمه ليه عمل كده..كنا بنتكلم..مش هكدب عليك..انا كنت بحس بمشاعر تجاهو وكنت...
ونزلت دموعها وقالت ...كنت بحبو وهو كمان حسسني انو بيحبني ولولا وجودك كنا هنبقى مع بعض ..فانا طلبت منو يكلمك..ويقولك اني مش هقدر اتجوزك..ويقولك انو بيحبني..بس هو فجاه ومكانش فيه اي حاحه..فجاه قلي..قلي هخليكي ليا على طول و
وهنا عهد مقدرتش تكمل وبقت تبكي بكل قوتها وقالت..انا..انا مش عارفه ازاي عمل كده..ازاي..والي واجعني وقاتل روحي من جوه..اني ..اني
انك لسه بتحبيه مش كده..قالها اسد بدموع
بقلم...زهرة الربيع
عهد بصتلو بدموع اتنهدت ومسحت دموعها بقوه وقالت..لا..مش بحبو...ولا ممكن اسامحه على الي عملو..هو دمرني وانا مش هنسى الي عملو معايا ...وبصت لاسد وقالت بجديه..انا..حبيت اوضحلك الي حصل..واقولك كلمتين يا اسد.... السكه الي اسامه وضرغام ماشين فيها مش مناسبه ليك ابدا يا اسد ابعد عنهم وعيش حياتك بعيد عن القرف ده ..انت تستاهل كل خير
عهد قالت كده ولسه هتمشي اسد مسك ايدها وقال..بس انا عايز اعيش حياتي معاكي انتي يا عهد
عهد بصتلو بزهول وقالت..بعد الي عرفتو...طب ازاي يا اسد..مش هينفع ابدا انا مبقتش انفع ليك ولا لغيرك..اسد انت بس متعاطف معايا و
اسد قال بسرعه... انا حبيتك قبل الموضوع ده يا عهد..وجيت هنا وانا عارف ان ده الي حصل..ونظرتي فيكي متغيرتش..ومش هتتغير
عهد اتنهدت وقالت..يا اسد انا مش عايزه اكدب عليك ..انا..انا للاسف عندي مشاعر لخالك..صحيح انا مضايقه منو وقلبي مكسور..بس لسه مكرهتهوش يا اسد..و مش عايزه اظلمك..ارجوك ادي نفسك فرصه تشوف غيري ..وانت هتفضل الصديق الي ارتاحلو واحكيلو كل شئ عني وانا مطمنه اكتر من كده مش هينفع
عهد لسه هتمشي اسد وقف قدامها وقال..انا عايز اتجوزك يا عهد...وهتجوزك الاسبوع ده كمان
عهد اتسعت عنيها بزهول وقالت...تتجوزني...ههه يا اسد انت مسمعتش انا قولت ايه...بقولك خالك اغتصب،ني فاهم يعني ايه...يعني ضيع شرفي مبقتش انفع لحد وليك انت بذات سبني وامشي يا اسد..ارجوك بلاش تعذبني اكتر من كده
عهد مشيت واسد فضل ماشي وراها وبيحاول يكلمها ويوقفها بس وقفو هما الاتنين لما سمعو صوت حد بيزوم جامد
اسد استغرب وقال... ايه الصوت ده
عهد قالت باستغراب ...مش عارفه ده جاي من ناحيه القبو الي منصور حطني فيه
اسد راح ناحيه القبو وعهد معاه ودخلو بس اتفاجأو بشده لما لقو واحده من الخدم مربوطه من اديها ورجليها وفيه لزق على بقها
اسد جري عليها وفك بقها وقال.. فيه ايه.. مين عمل فيكي كده
الخدامه قالت بخوف واحد معرفوش خطف واحد من جماعتك واول ما حاولت اصرخ ضربني على دماغي صحيت لقيت نفسي هنا ووووو
