رواية ظلام قلبي الفصل الثامن عشر 18 بقلم زينب احمد
نيره: ايوه انا بحب صديق من قبل ماتتجوزيه
توقف أميره الفيديو وتقول بصدمه:
مرات عمى نيره سبب الي حصلي وحصلك ياماما
...................................
في صباح اليوم التالي علي الفطار
محمود: اي ده
صديق: في اي
محمود: أميره بقت تريند
مصطفي: تريند ازاى يعني
محمود: يعني اكتر حاجه بيبحثوا عنها الناس ياجدو
وليد: انا شوفت الكلمه الي قالتها في المؤتمر بتاعتها منشوره علي الفيس بوك امبارح وجايبه تفاعل كبير
صديق: محمود خلص فطارك يلا عشان عندنا شغل في الشركه
محمود بضيق: طيب
مصطفي: امال اميره فين ياعمر مشوفتهاش النهارده
عمر: صحيت بادرى وراحت علي الفرع بتاع شركتها في المنصوره وبعدها هاتطلع علي الشركه بتاعتها ومش عارف هاترجع امتا ابقي اتصل اسالها
صديق بضيق: تقصد فرع شركتنا الي سرقته
عمر: لا فرع شركتها لانها الي تعبت وعملته في الوقت الي حضرتك كنت في دبي قاعد وسط ولادك وبتعمل شركتك بعيد عنها وعننا
مصطفي: بس كفايه
عمر: انا شبعت عن اذنكوا
وليد: بابا كنت عاوزك
عمر: طيب تعالي نتكلم في الجنينه
صديق: ميرال اطلعي اجهزى عشان اخدك للكليه في طريقي
ميرال: حاضر عن اذنكوا
هاميس: وانا كمان يدوبك الحق معاد شغلي
مصطفي: انتي اشتغلتي ياهاميس؟
هاميس بحب : اه انا كنت كابتن في جيم في اسكندريه وسيبته ولما جيت هنا بدات. شغل في جيم هنا
صديق: جيم اي وكلام فارغ اي بيدوكي ملاليم اكيد
هاميس ببرود : مش مهم المهم حاجه حباها وعاوزاها وبحب اعملها يلا سلام ياجدى عشان متاخرش
مصطفي: ماشي ياحبيبتي خلي بالك من نفسك
صديق: انت موافق علي الكلام ده
مصطفي: ايوا اي المشكله وبعدين مش كنت ناكرها جاى دلوقتي تعترض علي شغلها وتدخل في حياتها
ثم يكمل بتعب انا طالع ارتاح فوق احسن
......................................
في مكان اخر وبالتحديد في فيلا افخم من فيلا المصطفي
يجلس ويضع رجل علي رجل شاب ثلاثيني بشرته بيضاء ولديه لحيه خفيفه وعيناه سوداء تشبه الصقر
يقف امامه احد موظفيه: يافندم دى كل المعلومات الي قدرنا نوصل لها
ليرمي الورق بوجهه
يونس بحده: ده شغل اي كلام انا عاوز كل المعلومات عنها بالتفصيل وبالذات دى عن اي حد من اولاد صديق والباقي تجيبلي معلومات كافيه عنهم الي ظاهر والي مش ظاهر للناس... شد علي رجالتك شويه ياتامر
تامر بتوتر: حاضر الي تشوفه يايونس بيه
يونس: يلا روح اعمل الي قولتلك عليه
تامر: حاضر عن اذنك
يونس في نفسه: كنت فاكر انك هاتعرف تهرب مني ومش هاعرف اوصلك ياصديق.. لا وصلت وشوفتك انت وولادك وبالذات أميره الي نظرتها ليك مش قادر انساها استحاله تكون نظره بنت لابوها ابداا...بس هاعرف اي السبب
وكمان هوصلك قريب اووى والباب الي هايوصلني ليك هي أميره
...............................
في فيلا المصطفي بالتحديد في الجنينه
عمر: ها ياوليد كنت عاوزني في اي
وليد بتوتر: بابا انا عارف ان مش وقته بس انا لازم اعرفك رغبتي... انت علمتني ان اكون واضح وكمان الي مرضاش يحصل مع اختي مرضاش ان اعمله مع بنات الناس
عمر: اخلص ياوليد من غير مقدمات
وليد بعد تنهيده: انا عاوز اخطب هاميس
عمر: هاميس مين
وليد: بنت عمي
عمر: والبنات خلصت ياوليد وملقتش غيرها
وليد: مالها بس يابابا
عمر: انت مش عارف يعني علاقتى بابوها عامله ازاى
وليد: بس هي مش معتبراه ابوها غير انك هاتطلبها من جدى وتقنع أميره لانها شبه مربياها
عمر: طيب بلاش دى.. انت ناسي أمك استحاله هاتوافق
وليد: ماما في الاول والاخر عاوزه سعادتي وهاتوافق
عمر: طيب انت كلمت هاميس في حاجه
وليد: لا بس بصراحه كل يوم اعجابي بيها بيزيد وبكون عاوز اتكلم معاها بس عاوز يكون وانا خطيبها
عمر: طيب ياوليد اديني يومين كده اقول لجدك واقول لامك وانت قول لاميره
وليد: طيب يارب يوافقوا
عمر: لا ده انت واقع اووى بقا
وليد بحب : اوى اوى
عمر: بس اسمع اوعي تكلمها في اي حاجه الوقتي
وليد: امال جايلك ليه بس
عمر: طيب ربنا يقدم الي فيه الخير
................................
في شركه الميرا
في مكتب مودرن تجلس خلفه وتضع نظاره القراءه
تنزع النظاره وهي تقول.. ها ياياسر اي الاخبار
ياسر،: كله تمام يافندم هو الشغل لسه مش اوى زى شركه المصطفي بس بالنسبه لان احنا بنبدا من جديد وبالاعتماد علي سمعه حضرتك في الشغل.. فاحنا كدا كويسين اووى وشغالين في مشروعين
أميره: تمام حلو وبالنسبه لشغل الفروع
ياسر: لا مفيش مشاكل اسم الميرا بقا موجود في كل مكان في الفرعين واللوجو وكل حاجه اتغيرت
أميره: تمام
ياسر: كنت عاوز اسال حضرتك علي حاجه
أميره وهي تنظر اليه باهتمام: قول
ياسر: يعني احنا هانبقي متوسعين وشغالين في كل حاجه زى ماكنا في المصطفي ولا هانكتفي بمجال واحد
أميره: هو شغل الفروع زى ماهو ع توسع بس الشركه الام لسه ع حسب قدام المشاريع الي هانشتغل فيها
ياسر: تمام... طيب هو حضرتك تعرفي
أميره دون ان تنظر اليه: اعرف اي
ياسر: صديق بيه طرد مستر مراد من الشركه
أميره وهي تنظر اليه: انت متاكد من الكلام ده
ياسر: ايوه لمياء الي بلغتني
أميره: طيب روح انت وانا هاتصل بيه
ياسر: طيب عن اذنك
أميره ترفع الهاتف وتتصل به ولكن لا يوجد رد
أميره في نفسها: بسببي يامراد ومكلمتنيش هي دى الاخوه الي بتقول عليها
يقطع شرودها طرق علي الباب
أميره: ادخل
ياسر: سكرتيره مكتب يونس الفهد عاوز ياخد معاد ويقابلك
أميره: مين ده
ياسر: انا اسمع انو رجل اعمال وعنده اعمال ومشاريع في مختلف الدول وجه مصر من مده قريبه عاوز يعمل مشاريع هنا
أميره: مفيش حاجه بالسمع ياياسر... اعرف كل حاجه عنه من يوم مااتولد لحد النهارده في ملف ويكون عندى بكرا
ياسر: حاضر .. طب ارد علي المعاد امتا
أميره: بعد بكرا
ياسر: حضرتك بعد بكرا عندك شغل في اسكندريه
أميره: اوك يبقي المعاد في فرع اسكندريه او ينتظرني لما ارجع القاهره
ياسر: بس انا شايف ان رجل اعمال مهم زى ده مش لازم نضيعه وبالاخص انو هو الي طالب يقابلك
أميره: شوفت انت قولت اي
ياسر: اي مش فاهم
أميره: هو الي طالب يقابلنا ليه وعشان اى
وطالما هو الي عاوز يقابلني يبقي يجي في المكان الي انا فيه والوقت الي هافضي فيه
ياسر: حاضر في حاجه تانيه اعملها
أميره: اه كنت عاوزه معلومات كامله عن شخص كده تعرف تجيبه
ياسر: ايوه اعرف ناس يجيبوا اي معلومات عن اي حد
أميره: حلو.. عاوزه كل المعلومات عن واحد اسمه ابراهيم لطفي... عاوزاك تعرفلي عايش ولا ميت متجوز ولا لا ساكن فين عنده ولاد ولا لا..
كل حاجه عنه
ياسر: حاضر
أميره: انت عارف ان بثق فيك صح
ياسر: ايوه
أميره: محدش يعرف اني قولتلك الاسم ده غيرك بس
ياسر: مفهوم
أميره: يلا روح جهز ملف يونس ده وحاولي تعرفلي حاجات مستخبيه عنه
ياسر: حاضر.. عن اذنك
أميره: اتفضل
.................................
في المساء
في شقه مراد
مياده: يعني اي اطردت
مراد: يعني الي سمعتيه
مياده: طب واميره مش بتقول اختك ازاى وافقت
مراد: أميره متعرفش حاجه..... غير انها طلعت من الشركه من قبل ده يحصل
مياده: طيب كلمها
مراد بضيق: لا انا مش عاجز عشان اطلب مساعدتها
في عشا ولا اقوم اتخمد
مياده كادت ان تتحدث ولكن قاطعها جرس الباب
مراد: قومي جهزى العشا عما اشوف مين
ليفتح الباب. ليجد أميره تقف أمامه
مراد: أميره!
أميره: اي هاتسيبني واقفه بره
مراد: لا طبعا اتفضلي
مياده: مين يامراد... أميره
أميره: ازيك يامياده عامله اي ومحمد اخباره ايه
مياده: محمد نايم جوا.. تعالي شكلك حماتك بتحبك انا بجهز العشا تتعشي معانا بقا
أميره بمزاح: انا لسه مشوفتهاش عشان اعرف بتحبني ولا لا
ثم تكمل بجديه
انا جايه عاوزه مراد في كلمتين
مراد: تعالي اتفضلي.. كوبايتين ميه وفاكهه يامياده
مياده: حااضر
بعد ان جلسوا
أميره: مبتردش علي موبايلك ليه
مراد: عامله صامت
أميره: طب ماكلمتنيش ليه مش احنا اخوات ولا كان كلام ووقت الفعل مش موجود
مراد بضيق: اي واسطه عشان ارجع لناس طردوني
أميره: ومين قالك اني هارجعك ليهم بس
مراد: امال هاتعملي اي
أميره بهدوء: شركه الميرا عاوزاك
مراد: بس الي سمعته انك عاوزه عدد موظفين معين عشان ميزانيه الشركه
أميره: ده بالنسبه للموظفين لكن انت هاتكون المدير زى ماكنت بس يعني المرتب هايكون اقل من هناك شويه في البدايه ولما ربنا يكرم هايتعدل
مراد: قبل مااوافق عندى سؤال
أميره بهدوء: عارفه عاوز تسالني اي
مراد: اي
أميره: انا هاجاوبك علي طول بعدتك عن الموضوع عشان امنع عنك الاحراج الي هايكون بينك وبين جدى وعشان عارفه انك هاترفض عملت الموضوع من وراك
مراد: من امتا
أميره: أنا مخبيه عشان احميك فاكر
مراد: اه من ساعتها وانا مغفل
أميره: مراد انت من الاشخاص الي موجوده في حياتي الي لازم احميهم بس مكنتش اعرف ان صديق هاياخدك بسببي وانت الي كنت شايل الشركه من بعدى
مياده: الفاكهه
أميره: انا لازم امشي بقاا
مياده: استني تتعشي معانا
أميره: لا مره تانيه.. هاستناك يامراد في الشركه بكرا وهابعتلك العنوان علي الواتس
مياده: نورتي ياحبيبتي عاوزه اشوفك تاني
أميره: ان شاء الله... سلام
مراد: استني هاوصلك لتحت
أميره: لا خليك
مراد: لا جاي معاكي عاوزه حاجه من تحت يامياده
مياده: لا
مراد: طيب هاوصل أميره وجاى علي طول
مياده: ماشي
...............................
في الفيلا
في الجنينه
محمود: وليد انت هنا
وليد: ايوه
محمود: مالك مسهم كده ليه
وليد دون ان يدرى: بحب
محمود: امسك قولت اي
وليد: ها مقولتش حاجه
محمود: لا خلاص انت قولت قر واعترف
وليد وهو ينظر اليه: بس متفهمنيش غلط
محمود: لا مش هافهمك غلط
وليد: بحب هاميس
محمود: اي.. هي تعرف؟
وليد: لا..وقولت لبابا موافق ثم اكمل بياس بس امي مش موافقه
محمود: بص ياوليد الفتره الي عرفت فيها هاميس اقدر اقولك انها بنت كويسه جداا معتمده علي نفسها ومبتعرفش تلف وتدور والي ع قلبها علي لسانها صحيح العلاقه بينها وبين ابويا بايظه بس هي تستاهل كل خير وتستاهل حد يعوضها عن الحاجات الوحشه الي شافتها فلو مش هاتعرف تعمل ده وتسعدها يبقي بلاش
وليد: لا هاسعدها واعملها كل الي هي عاوزاه بس توافق
محمود: وبالنسبه لمامتك
وليد: مانا قاعد مستني أميره عشان تقنعها
محمود: وافرض أميره ذات نفسها رفضت
وليد برعب: اي هي ممكن ترفض
محمود: اها هي الي مربيه هاميس وهي احق واحده من جدى او ابويا انها تقبل او ترفض
وليد: انت قلقتني لا هاتوافق انا حاسس كده
محمود: اما نشوف
وليد: صحيح انت لسه صاحي ليه مش عندك شغل في الشركه بكرا
محمود: عاوز أميره في كلمتين
وليد: لا انا الاول
محمود: انا الاول عشان عندى شغل بادرى لكن انت صايع اهو
وليد: مين الي صايع ده انا ورايا تيم بيشتغل ياابني
محمود: اه ماهو باين... بس انا الاول برده
أميره من ورائهم: بتتخانقوا علي اي
محمود بخضه: اي
وليد: بسم الله الرحمن الرحيم
أميره: اي شوفتوا عفريت
محمود: لا اصل كنا جايبين في سيرتك
أميره وهي تجلس وتضع الشنطه جنبها: خير
وليد: قول انت الاول
محمود: مش كنت بتقول انت الاول
وليد: لا خلاص قول انت الاول
أميره بنفاذ صبر وحده: اخلصوا او اطلع ارتاح احسن واياك حد يطلع ورايا
محمود: لا خلاص كنت عاوز اتكلم معاكي كلمتين
أميره: باستفهام: في اي
محمود بتوتر: يعني متكلمناش من ساعه الي حصل صدقيني انا مكنتش اعرف حاجه عن ان بابا عاوز يحطني مكانك
أميره: ااه لا ماانا عارفه
محمود: بابا مش وحش يااميره وزى ماانتي شايفه بيعاملني انا وميرال ازاى.. هو يمكن كان في سبب حصل زمان فعمل كده
أميره وهي تقف مره واحده وتقول بحده: مش هاسمحلك يامحمود حتي لو تلمح علي امي باي حاجه
محمود وهو يقف كذلك: انا مقصدش ياميرا وانتي عارفه
أميره ببرود: اسمي أميره يامحمود ميرا دى خاصه لناس معينه وانت لسه مدخلتش النطاق الي يسمحلك تقولهالي
محمود: مااشي ياستي أميره حاولي تشوفي الي حصل من وجهه نظر تانيه
أميره: في مثل كده حلو بيقول الي ايده في الميه مش زى الي ايده في النار
محمود: يعني اي
أميره: يعني انت معيشتش الي انا عيشته ولا اتعذبت علي ايديه زى ولا شوفت الي شوفته فماتتكلمش
محمود: ماشي انا كنت بحاول اصلح مابينكوا
أميره ببرود وهي تجلس: متحاولش ولا تتدخل في الي مالكش فيه
واذا علي معاملته معاكوا مسالتش نفسك ليه
محمود: اي الي ليه
وليد: تقصد يعني اشمعنا انتو بيعاملكوا كده وهي وهاميس لا
محمود: ولاده هايعاملنا ازاى يعني
أميره بهدوء: جرب انت واختك كده تقولوله لا علي حاجه وشوف هايعاملكوا ازاى
محمود: معاملته مش هاتتغير
أميره ببرود: معتقدش صديق باشا بيحب التملك وبيحب تقولوله حاضر
علي العموم جرب مش هاتخسر حاجه
محمود: هافكر.. تصبحوا علي خير
وليد: وانت من اهله
أميره: عاوز اي ياعم الدنجوان
وليد: انتي عارفه
أميره: عارفه اي
وليد: ابويا قالك
أميره: لا مقالش حاجه بس انا متوقعه قصه حب جديده
وليد بتوتر: ايوه بحب هاميس
أميره بحده: اي
وليد: اي انا كنت فاكرك هاتوافقي
أميره بتمثيل : ومن امتا حضرتك مستغفلني وبتبص لاختي
وليد بتبرير : صدقيني مصدرش مني اي حاجه وحشه ولا كلمتها في حاجه انا قولت لابويا ولامي وليكي
أميره بهدوء: وابوك رايه اي وامك
وليد: طب انتي رايك اي
أميره دون ان تنظر اليه: مش موافقه
وليد: اي.. طب ليه بس انا هاعملها كل الي نفسها فيه وهاسعدها ومش هازعلها خالص ولو زعلتها اعملي فيا الي انتي عاوزاه طب شوفي عاوزاني اعمل اي يثبتلك اني بحبها وانا اعمله
أميره وهي تنظر اليه: حيلك حيلك اي كل ده انت بتحبها بجد بقا
وليد: ايوه بجد اوى كمان
أميره بهدوء: ياوليد هاميس عندها ندوب وجرح من ابوها هاتقدر تستحمل خوفها من الفقدان وتوترها وقلقها
وليد: ايوه انا عارف انها عانت هاعوضها عن كل ده وهاحتويها
أميره: يبقي علي خيره الله بس لو زعلتها في يوم هاطلع عينك
وليد بفرحه: يعني انتي موافقه
أميره: ايوه طبعا انا عارفه انت متربي ازاى وهاتحافظ عليها ازاى بس كنت لازم اوقع قلبك في الاول
وليد بحزن: بس أمي مش موافقه
أميره بغموض: هاكلمها وهاتوافق
وليد بياس: ازاى بس ده انا حاولت معاها كتير ورافضه
أميره: مالكش دعوه انت ليك انها توافق وبس
وليد: يااحسن أميره في الدنيا هاتي بوسه بقا
أميره بتهديد : ابعد ياض بدل مااغير راى
وليد: لا خلاص اهو ثم غمز لها وشوفيلنا راي العروسه بالمره
أميره: مااشي حااجه تانيه انا هاطلع ارتاح بقاا
وليد: مش هاتكلميها النهارده
أميره: وليييييد اهدى... زمانها نامت.. بكرا اكلمها
يلا اطلع نام.. تصبح علي خير
وليد في نفسه هو انا هايجيلي نوم الا لما يوافقوا
......................................
في صباح اليوم التالي
في غرفه هاميس
طرق علي الباب
هاميس: ادخل
أميره: بنوتي عامله اي
هاميس: ميرا تعالي اقعدى وحشاني اووى مشوفتكيش امبارح خالص
أميره: انا جيت وكنتي نايمه مردتش اصحيكي
هاميس: لا كنت صحيني انتي عارفه بحب اشوفك وبطمن بوجودك
أميره وهي تجلس : حاضر... اخبار الشغل اي
هاميس: كويس لحد دلوقتي
أميره: لو في اي مشكله قابلتك عرفيني ولو حد دايقك هاتيلي اسمه بس
هاميس بحب: حاضر
أميره: صح كنت عاوزاكي في موضوع
هاميس: خير
أميره: في حد متقدملك
هاميس وهى تقف: انتي عارفه ان مبفكرش في الموضوع ده
أميره وهي تقف : مش لما تعرفي هو مين الاول
هاميس تنظر لها بمعني مين؟
أميره: وليد ابن عمك
هاميس: لا رد
أميره: يعني سكتي يعني علي العموم هاسيبك تفكرى ولو مش عاوزه مفيش مخلوق يقدر يغصبك علي حاجه وانا موجوده وانتي عارفه
هاميس بحب وتقوم باحتضانها: عارفه ياحبيبتي ربنا يباركلي فيكي
أميره: يلا انا هامشي بقاا
هاميس: راحه فين بادرى كده
أميره: يدوبك الحق مسافره المنصوره هاروح الفرع الي هناك وبعدين هاطلع علي المزرعه
هاميس: طيب ياحبيبتي خلي بالك من الطريق
أميره: حاضر وانتي خلي بالك من نفسك.. مع السلامه
.................................
في بيت المزرعه
نيره: اي ده أميره اي الي جابك
أميره ببرود: بيت جدى اجي وقت مانا عاوزه
نيره: لا مقصدش قصدى يعني في سبب؟
أميره: سلمي فين؟
نيره: في الدروس ماانتي عارفه انها ثانويه عامه
أميره: اه طب تعالي ورايا علي المكتب عاوزاكي
نيره: مااشي
في المكتب
نيره وهي تجلس امام أميره: ها عاوزاني في اي
أميره ببرود: وليد عاوز يتجوز هاميس
نيره بضيق: اه لا ده موضوع اتقفل
أميره ببرود: لا متقفلش ولو هاميس وافقت هايتجوزو
نيره بحده : يعني اي انا امه وبقولك مش موافقه
أميره ببرود: مش بمزاجك
نيره بزعيق: لا بمزاجي وع جثتي يتجوزوا دى واحده متشرفنيش ولا تشرف ابني يتجوزها
أميره بحده: أختي تشرف اي حد
نيره: وانا قولت الي عندى مش هايتجوزا ووقفت لتغادر وتعطي ضهرها لاميره
أميره ببرود وتضع رجل علي رجل وتنظر امامها
أميره: يااما توافقي ع جوازهم يااما تطلقي انتي
نيره بصدمه وتعود لتنظر اليها: اي
أميره وهي تنظر اليها ببرود:
: لما عمى يعرف انك بتحبي صديق باشا لاز هايطلقك
نيره بصدمه وتوتر: اي
......................... يتبع
