رواية ظلام قلبي الفصل الخامس عشر 15 بقلم زينب احمد
هاميس ببكاء: لا أميره لا مش ممكن اخسرها
مصطفي: يلا نطلع كلنا الوقتي علي القاهره
وليد: مااشي انا هاطلع اجهز العربيات
مصطفي وهو يوجه كلامه لهاميس وميرال وانتو اطلعوا اجهزوا
مصطفي: خليكي يانيره مع سلمي عشان مذاكرتها واحنا هانبقي نطمنكوا
سلمي ببكاء: لا انا عاوزه اجي معاكوا ياجدى
مصطفي: سلمي الي قولته يتسمع
يلا عمر انت ومحمود اطلعوا اجهزوا
...................................
في مكان أخر تضع المفتاح في باب شقه
ثم تدخل الظلام يعم المكان تضغط علي مفتاح النور
نرى شقه اغلب اثاثها محترق ويملئ الشقه التراب والغبار
تدخل علي الغرفه الرئيسيه
التي محترقه بالكامل.. تنظر الي السرير هنا كانت ماما تنام وتتوجع.. هنا ضربني بكل قسوه امامها
وهنا كانت تغنيلي في حضنها
وتترك تلك الغرفه وتذهب الي غرفه صغيره اعتادت ان تكون غرفتها.. لتجدها مازالت تملؤها العرائس الصغيره والكبيره فكانت تحبها بشده وبالاخص عندما تشتريها لها أمها
تجلس علي الارض وتمسك بالعروسه المفضله لديها
وكانها تحدثها
هما بيعملوا فيكي كده ليه قصرتي في اي.. طب اذنبتي في اي عارفه انا نفسي ارجع تاني طفولتي وامسح كل الذكريات الوحشه الي فيها واعمل ذكريات تانيه لما افتكرها اضحك
تضع العروسه علي الارض يقع من العروسه كارت مومرى
أميره: اي ده اي الي جاب الكارت ده هنا
ثم تضعه في جيبها لترى مافيه فيما بعد
كادت ان تقف ولكن شعرت بدوخه ونفسها يضيق
اخرجت موبايلها وقامت بالاتصال بمراد
مراد: اي ي أميره فينك كل ده دوخنا عليكي
أميره وهي تشعر بنفسها ينسحب منها والرؤيه تنعدم بالتدريج: م مراد ا الحقني انا نسيت العلاج في المزرعه ونفسي مش قادره اخده
مراد: طب انتي فين وانا اجيلك
أميره: البيت القديم بسرررعه
مراد: طيب طيب هاجيب العلاج وجاي علي طول
أميره: لا رد
مراد بقلق : الو أميره
....................................
في مكان أخر وبالتحديد في المستشفي
يدخلون مسرعين ليسال عمر في الاستقبال
عمر: لو سمحتي في حادثه عربيتين ملاكي جت هنا بالليل
الممرضه: ايوا حضرتك قريب انهي حاله
عمر: اسمها أميره صديق
الممرضه: لا مفيش حاله في الحادثه بالاسم ده
عمر بعصبيه : ازاى يعني دورى كويس
ليدخل زهدى ورامي مسرعين ويذهب رامي ناحيه الاستقبال ومكان وقوف عمر
رامي بقلق: لو سمحتي في حد رد عليا وقالي ان اخويا هنا
الممرضه: اسمه اي
رامي: سليم زهدى
الممرضه: ايوه في غرفه ١٠٢
عمر: رامي بتعمل اي هنا
رامي: بيقولوا سليم عمل حادثه
عمر: وأميره برده بس مش لاقيين اسمها في سجل المستشفي
طب تعالي معايا وذهبوا باتجاه مصطفي وزهدى
مصطفي: ها ياعمر
عمر: بيقولوا مفيش حد عمل حادثه بالاسم ده
مصطفي: ازاى يعني
زهدى: اي الاخبار يارامي
رامي: موجود في غرفه ١٠٢
زهدى: طب يلا نطمن عليه مستنيين اي
رامي: يلا
مصطفي: واحنا هانيجي نطمن عليه
.......................
في غرفه ١٠٢
كان مستلقي علي السرير راسه مربوط بشاش ودراعه عليه جبس لكسر دراعه
زهدى: سليم انت كويس
سليم بتعب: اه كويس ياجدى متقلقش
عمر: الف سلامه عليك ياسليم
سليم: الله يسلمك
وليد: الف سلامه عليك يابشمهندس
سليم: الله يسلمك بلاش بشمهندس دى مفيش داعي
مصطفي: سلامتك يابني... ثم يكمل بتساؤل بس ازاى يكلمونا عشان عربيه اميره عملت حادثه وتبقي انت هنا
عمر: ايوا صح ازاى عربيه أميره معاك؟
سليم بتوتر: أصل.. يعني
وليد: اصل اي
مصطفي بتخمين: انت شوفت أميره ياسليم؟
سليم: بصراحه أه... قابلتها صدفه في الشارع امبارح واعطتني عربيتها عشان كنت سايب عربيتي في البيت وبتمشي.. وقالت انها هاتتمشي وابقي ابعتها علي الفيلا بس الي حصل بقاا دخلت في عربيه تانيه والعربيه اتدغدغت
زهدى: فداك ياحبيبي
وليد باندفاع: فداه اي.. دى العربيه دى غاليه علي أميره ومغيرتهاش من اولي كليه لان جدى كان جايبهالها
سليم بحزن: اي
مصطفي: خلاص ياوليد المهم انو كويس
زهدى: عربيه احسن موديل او العربيه الي تختارها هي تكون عند باب الفيلا النهارده
مصطفي: اي يازهدى عيب عليك هو انا معرفش اجيب لحفيدتي عربيه
زهدى: خلاص بقا مش راجعه.. متزعلنيش
عمر: سليم أميره مقالتلكش راحه فين
سليم: لا
مصطفي: لو في حاجه تعرفها قولي يابني دى نست علاجها في البيت عندى ومتقدرش تعيش من غير العلاج وانا هاموت من القلق عليها
سليم بقلق: علاج اي.. بجد مقالتش حاجه
وليد بضيق: أميره مبتاكلش غير حاجات قليله اووى وده سببلها ضعف جامد وبتمشي بعلاج ولو ماخدتوش ممكن يبقي في هبوط حاد او القلب يوقف وهي بقالها ٣ ايام الوقتي فلو تعرف حاجه قولنا
سليم: طب هي ليه مبتاكلش ليه؟؟؟
عمر: بعدين ياسليم.. المهم تعرف حاجه غير الي قولتها
سليم: لا ولو اعرف بتعبها ده كنت مسبتهاش تمشي
مصطفي: الف سلامه عليك ياسليم يلا ياعمر يلا وليد ندور عليها
سليم: انا جاي معاكو
وليد: جاي فين بمنظرك ده وانت تعبان
زهدى: مينفعش ياسليم... ولو في حاجه جدت هايطنونا
مصطفي: ايوا خليك ياسليم ولو في حاجه جدت هابلغكوا... سلام
.......................
تستيقظ وتفتح عينيها ببطئ لتجد سقف باللون الابيض وتنظر بجانبها تجد حائط باللون الابيض وتجد في يدها سيروم تغذيه وتنظر في الجهه الاخرى تجد مراد يتحدث مع احد يرتدى البلطوا الابيض... لم تستطع ان تتحدث لتغلق عينيها مره اخرى
..............................
في الفيلا
هاميس: ها يامحمود قالولك اي
محمود: مش هي الي عملت حادثه ولسه مش لاقينها وجايين علي هنا
هاميس ببكاء : يعني اي
ميرال وهي تحتضن هاميس: اهدى ياحبيبتي هانلاقيها
ليدخل كلا من مصطفي وعمر ووليد وهم يملؤهم اليأس
مصطفي: انت كلمت مراد ياعمر يمكن وصل لحاجه
عمر: لا فاتتني دى.. بس حتي لو كان وصل لحاجه كان كلمنا
مصطفي: طب استني هاكلمه
ثواني وياتيه الرد
مراد: ايوا
مصطفي: اي يامراد موصلتش لحاجه
مراد وهو يتحدث بصوت منخفض: انا واقف قدام الاوضه الي هي فيها اهي
مصطفي بفرحه: بجد
مراد: ايوا
مصطفي: طب انتو فين
مراد: في المستشفي
مصطفي بقلق: مستشفي ليه؟؟
مراد: مفيش ده العادى بتاع اميره عشان جسمها الضعيف ماانت عارف
مصطفي: اه طب يعني هي كويسه
مراد: اه الحمد لله احسن بس هي لسه مفاقتش
مصطفي: طيب احنا جاينلك اهو
مراد: ماشي.. سلام
عمر: ها يابابا
مصطفي: مراد لقاها ووداها المستشفي
عمر: الحمد لله
وليد: طب هي كويسه؟
مصطفي: بيقول اه بس لسه مفاقتش
عمر: طب يلا يابابا نروح نشوفها
مصطفي بتوتر من مواجهه أميره: روحوا انتو وانا هاستناكوا هنا
عمر: ليه يابابا
مصطفي: اسمع كلامي وهابقي اقولك بعدين
عمر: تمام
محمود: انا هاجي معاكوا
هاميس وميرال: واحنا كمان
عمر: لا خليكوا يابنات مع جدكوا واحنا هانجيبها ونيجي
عمر: يلا يامحمود يلا ياوليد
................................
سليم: هاياجدى مفيش جديد
زهدى: انا لسه قافل مع مصطفي وقال مراد عرف مكانها وخدها علي المستشفي ودلوقتي هما رايحين ياخدوها من المستشفي بعد مايطمنوا عليها
سليم بقلق : ليه مستشفي ثم اكمل بغيره واشمعنا مراد ده الي لقاها
زهدى: بيقولوا تعبت شويه.. مراد معاها علي طول يعني اي الجديد
سليم بضيق: طيب الدكتور مقالكش هاخرج امتا
زهدى: قال كمان يومين
سليم: ليه كمان يومين يعني.. كتير كده
رامي: ياعم اقعد في جنب بقا بالجبس بتاعك ده
سليم: رامي انا مش ناقصك
رامي: حتي وانت حيلك مهدود كده زعابيبك هاتطلعها علينا
سليم: راااامي
زهدى: بس انتو الاتنين
ثم يكمل رامي روح اسال الدكتور عن سليم يقدر يخرج قبل يومين ولا لا وشوف حساب المستشفي
رامي: حااضر
...........................
يستقبل مراد عمر ووليد ومحمود امام باب المستشفى
عمر: هي فين
مراد: فوق في الاوضه
وليد: انت سايبها لوحدها ليه
مراد: نزلت اشوف حساب المستشفي
والدكتور قال تقدر تخرج النهارده
محمود: طب يلا نطلع نشوفها
وبعد دقائق
يصلون للغرفه ولكن تكون فارغه
عمر: هي فين يامراد
مراد : كانت هنا
عمر وهو يجلس : ااخ يا أميره
مراد: انا هانادى الممرضه
عمر: متناديش حد... كلمها
مراد: اي.. اكلم مين
عمر بعصبيه: أميره ياامراد.. ركز شوفها فين
مراد: حااضر
وبعد دقائق ياتيه الرد
مراد: ايوا ياأميره انتي فين بدور عليكي
أميره بهدوء: في الشركه
مراد: اي طب أنا جايلك.. سلام
وليد: قالتلك فين
مراد: في الشركه
محمود: اي ... ده بابا هناك ربنا يستر
عمر: طيب وليد ارجع طمن جدك والبنات وانا ومحمود ومراد هانروح الشركه
وليد: مااشي ابقي طمني
عمر: حااضر
..................................
في الشركه
بالتحديد في مكتب أميره
يقف كلا من ياسر ولمياء
أميره وهي جالسه علي الكرسي: ايوا الكلام صحيح
ياسر: بس ازاى يعني حضرتك تسيبينا
أميره: كل شي في الدنيا وارد ياياسر
ثم تكمل وهي توجه انظارها للمياء: روحي هاتي ورق استقاله من ال hr عشان امضي عليها
لمياء بحزن: حااضر
ليبقي فقط ياسر وأميره
ياسر: وانا كمان هاقدم استقالتي النهارده
أميره وهي تنظر اليه: لا انت مش هاتستقيل انت هاتفضل وكمان هاتكرهني بعد ماامشي
ياسر: اي
أميره: الي سمعته
...........................................
ع باب الشركه
محمود: روحوا انتو لاميره وانا هاروح لبابا احاول اتفاهم معاه
عمر: مااشي
في مكتب صديق
طرقات علي الباب
صديق: ادخل.. محمود كويس انك جيت عشان اعرفك اقسام الشركه ونظام الشغل
محمود: بس انا مش جاي عشان كده
صديق: جاي ليه غير كده
محمود: جاى اقولك اني مش موافق علي ان ابقي نائب ليك لا ده حلمي ولا ده الي عاوزه وكمان ظلم لاميره الي تعبت فيها السنين دى كلها
صديق: اااه قولتلي أميره.. جدك الي باعتك
محمود: لا... ثم يكمل يابابا لو سمحت حاول تفهمني
صديق وهو يقف امامه ويمسك كتفه؛: انت الي حاول تفهمني انا بحاول اكبرك واحطك في منصب كبير
محمود: مش عاوز المنصب ده
صديق وهو يبتعد عنه: مش بمزاجك ومن بكرا تنزل الشغل وتقعد في المكتب بتاعك وهانعلن عن ده في الحفله يوم الخميس يعني كمان ٣ ايام.. استعد عشان هاتقول كلمه يومها قدام الصحافه
محمود: برده مش شايف غير نفسك وقرارتك وبس
صديق بحده: محمود احترم نفسك
محمود: انا ماشي طالما الكلام مفيش منه فايده
..........................
في مكان أخر في مكتب أميره
عمر: بتعملي اي ياأميره
أميره ببرود: زى ماانت شايف بلم حاجتي
عمر وهو يمسكها من يدها: سيبي الي في ايدك ده مكانك ومحدش هاياخده
أميره ببرود: بس صاحب الشركه شايف غير كده
عمر: طب اتكلمي معاه الاول واسمعيه مش جايز غير رايه
أميره وهي تنزع يدها من يده: بعد اي بعد مااتفقوا علي الحفله والمؤتمر الصحفي الي هايعلنوا فيه طردى
ولا بعد ماقالوا في السوق اني مش كفأ للمنصب ده
عمر: كل ده من تصرف صديق وانتي عارفه
أميره ببرود وهي تكمل ماكانت تفعله: مش هاتفرق صديق باشا ولا مصطفي بيه الي عمل كده
مراد: لو مشيتي انا هامشي
أميره وهي تترك مابيدها: فاكر لما قولتلك مهما حصل ده مالوش دعوه بيك ولا تتاثر بيه
مراد: مااشي بس دلوقتي الوضع مختلف
أميره وهي تربت علي كتفه: لا مش مختلف انت عندك ابن وبيت فكر فيهم قبل اي حاجه
عمر: ايوه يامراد أميره عندها حق
أميره: بعد اذنك يامراد هاتلي الحاجات دى علي العربيه لان تقيله ومش قادره اشيلها
مراد بحزن: حااضر
أميره: يلا ياعمي عشان اعطي مفتاح المكتب للمياء تعطيه لصديق باشا
عمر بضيق: طيب يلا
........................................
في الفيلا
تدخل وبجانبها عمر
تجرى عليها هاميس وتحتضنها
هاميس: كنتي فين كل ده قلقتيني عليكي ومستشفي ليه انتي كويسه وعربيتك عملت حادثه ليه
أميره وهي توجه انظارها لوليد: هو سليم عمل حادثه بالعربيه
وليد: اه واتدغدت انا عارف اد اي كانت عزيزه عليكي
أميره وهي تنظر لمصطفي: كانت عزيزه عليا لكن دلوقتي لا... تكمل كلامها وتوجه انظارها لعمر: المهم هو عامل اي
عمر: كويس كسر في ايده بس وراسه فيها خبطه بسيطه
ميرال بتوتر وهي تتجنب النظر لاميره: حمد لله علي سلامتك
أميره وهي تنظر لها: الله يسلمك
وليد: بعد كده مهما حصل متنسيش علاجك
أميره: عملت اي ياوليد اتقدمت للبنت الي عاوز تخطبها
وليد وهو يتلاشي النظر اليها: لا ولما عرفتهم اني في ظروف وناجل بس افتكروا اني بتهرب منهم
أميره: روح تاني وصلح الموضوع
وليد: في حد تاني اتقدملها امبارح ووافقوا عليه خلاص مبقاش ينفع
أميره وهي تشعر بالاسف عليه: يمكن خير ثم تكمل بمزاح وبعدين هم يطولوا اصلا واحد وسيم وعينيه خضرا حلوه كده
عمر: متزعلش ياوليد يمكن خير فعلا
مصطفي: عاوز اتكلم معاكي يااميره
أميره ببرود : وانا مش عاوزه.. تعبانه وعاوزه اطلع ارتاح
مصطفي: لا لازم نتكلم
أميره: اتفضل.
مصطفي: انا بعد الي حصل فكرت كويس ولقيت اني كنت غلطان ومينفعش حد غيرك يبقي في منصبك
أميره تذهب وتقف أمامه وتنظر داخل عينيه: انت خدت قرار وانت واعي وعارف بتعمل اي فلما ترجع عنه مش هايغير الكسره الي سببتهالي.. اقف ورا قرارك ومترجعش عنه
ثم تبتعد عنه
وتقول صحيح كنت هانسي انا هاسالك سؤال واحد بس وهو ده الي يفرق معايا
مصطفي: اي هو
أميره: ليه؟
مصطفي: ليه اي
أميره: ليه عملت كده؟ وعاوزه اجابه مقنعه
مصطفي: لا رد
أميره بسخريه؛ وانا الي كنت فاكره فيه ولو خيط صغير يعدل الكسره الي جوايا بس طلعت غلطانه
عمر: أميره الكلام ميبقاش كده
أميره وهي تصعد لاعلي: مبقتش فارقه
..................................
محمود يدخل البيت يجد وليد وميرال وهاميس جالسين وعمر يخرج من المكتب
محمود: فين أميره عاوز اتكلم معاها
وليد: خرجت تمشي جيكوب شويه
محمود: طب انا عاوزها ضرورى
عمر: استني هاشوفها فين
بعد ثواني ياتيه الرد
عمر: اي... طب انا جايلك حالا
وليد بقلق: في اي يابابا
عمر: جيكوب مات
............................... يتبع
