رواية ظلام قلبي الفصل الرابع 4 بقلم زينب احمد
نحن ندفن كل يوم أشياء لم نُخبر أحدًا عنها)
في الشركه
تضغط ع زر وتقول لمياء اطلبي من مستر مراد يجي
بعد عده دقائق خبط ع الباب
أميره: ادخل
مراد: حضرتك طلبتيني
أميره وهي تقلع نظاره القراءه
ايوه تعالي
مراد: خير يافندم
أميره: أخبار الشغل اي
مراد: كله تمام
أميره: في اي اجتماعات مهمه النهارده
مراد: ايوه اجتماعنا مع شركه زهدى بيه
أميره بتعب: لا دول قابلهم انت وشوف طالبتهم اي
مراد: بس انا مبنوبش عن حضرتك ولا اي
أميره: اي ده انت زعلان
مراد: يبقي معنديش دم لو مزعلتش
أميره: عشان؟
مراد: كمان مش عارفه
أميره بلا مبالاه: عرفني
مراد: انا معنديش اعتراض ع حكم حضرتك ان اتحرم من الحوافز بس الطريقه معايا كانت غير لطيفه
أميره بصدمه: انت بقيت حساس اووى
ثم اكملت بود: ع العموم ياسيدى متزعلش
مراد: ومش بس ده.. عندى احساس انك مخبيه حاجه ومش قايلالي وده مخوفني عليكي
أميره بغموض: انا مخبيه عشان احميك مش اكتر
مراد: تحميني من اي وكده يبقي في حاجه زى ماتوقعت
أميره: انت بتثق فيا ولا لا
مراد: اكيد
أميره: خلاص متسالش
مراد: طيب بخصوص الشغل انا شايف انك تحضرى الاجتماع مع الشركه زهدى بيه
أميره: طيب قبل الاجتماع حاول تعرف لو زهدى بيه جه عرفني مجاش قابلهم انت
مرادبياس: مااشي... عن اذنك اروح اكمل شغل
أميره: اتفضل
..................................
أميره تقوم بضغط بضعه ازرار
أميره: الو
هاميس: لسه فاكراني
أميره: انت ع بالي ع طول بس انتي عارفه المسئوليه الي شايلاها عامله ازاى
هاميس: هاعفو عنك في حااله واحده
أميره: اي هي
هاميس بحب: تيجي واشوفك وحشتيني
أميره: وانتي كمان ومحضرالك مفجاه
هاميس: اوعي تقولي انك جايه فعلا
أميره: جايه بكرا
هاميس بفرحه: بجد
أميره: ايوه
هاميس بشك: مش شغل يعني
أميره بمشاغبه: عاوزه الحق ولا ابن عمه
هاميس: الحق طبعا
أميره: في بدايه اليوم شغل وبعدين هابقي ملكك يااجميل نخرج ونتفسح ونعمل شوبينج اي رايك
هاميس: والله حاسه انك مش هاتعبريني والشغل هاياخدك مني زى ماهو واخدك دلوقتي
أميره بجديه: انا لولا ان في مشكله في حسابات الفرع عندك كنت جيتلك ع طول بس لازم اروح الفرع الاول انتي عارفه انا تعبت اد اي لحد ماعملت الفروع دى
هاميس: عارفه يااقلبي.. خلاص هاستناكي
أميره: الي القاء غدا.... مع السلامه
.............................................
خبط ع الباب
أميره: ادخل
مراد: زهدى بيه مش جاي اجتماع النهارده بس هايكون موجود اثناء التوقيع
أميره: خلاص قابلهم انت
مراد: بس انا شايف تقابليهم انتي افضل... بشمهندس سليم مبيحبش التجاهل
أميره: ايوه يعني اعمله اي
مراد: يعني تقابليهم
أميره: مراد انا مسافره بعد الفجر اسكندريه عشان اشوف المشكله الي هناك وورايا الف حاجه اعملها قبل مااسافر مش معقول هاسيب كل ده واقعد ادي اهتمام لاجتماع يدوبك فتح كلام مفيش فيه اي حااجه
مراد: طب خلاص هاقابلهم بس الاجتماع التاني معاهم لازم تحضريه
أميره: حااضر حااجه تانيه
مراد: اه خدى بالك من الطريق وانتي مسافره وخدى علاجك
أميره: حاضر ياسيدى اي اوامر تانيه
مراد: لا خلاص... هاتقعدى اد اى هناك
أميره: لسه مش عارفه بس مش هاطول
مراد: اه لازم تكونى هنا قبل ماصديق بيه يوصل
أميره باستفهام: ليه يعني
مراد: عشان تحافظى ع منصبك وميقدرش يعمل حاجه
أميره بسخريه: وهو لو انا هنا وهو عاوز يشتالني من منصبي مش هايعرف ههههه ضحكتني
مراد: يعني اي
أميره بجديه: يعني توقع اي حااجه واعمل حسابك ع كده ومهما حصل معايا ده مالوش علاقه بيك
مراد بضيق: انت فاكره ان بقول كده خايف ع نفسي
انا خايف بعد تعبك طول السنين دى وهو يجي ياخد ع الجاهز
أميره: متسبقش الاحداث يامراد
مراد: طيب ... طب وهو جدك مش ليه نسبه كبيره من الاسهم يعني ليه راى ودور ومهم
أميره: مرااااااد بطل قلق... وع العموم حتي لو جم وانا مش هنا انا مفهمه رحيمه تعمل اي وتستقبلهم ازاى
مراد: وهو لما الشغاله الي عندك تستقبلهم بدالك ده صح ده كده هايكون بدايه غير مبشره
اميره بحده: امال عاوزني استقبلهم بالاحضان
مراد: مش قصدى كده
أميره ببرود: روح شوف الاجتماع وبلغني بالجديد
مراد: هااتمشي الوقتي
أميره: اها يدوبك ... يلا سلام
مراد بداخله.. ربنا يستر شكلنا هاندخل حرب جامده اووى
........................................
وليد: يااماما كفايه انتي اي مبتزهقيش
نيره: لا مبزهقش
عاجبك كده واميره الكل في الكل وانت شغال في ورشه مش مكسوف
وليد بزعيق: اكسف من اي بشمهندش ميكانيكا وعندى ورشتي وشغاله حلو وناس بتجيلي من اخر الدنيا
نيره: بس مش رجل اعمال لابس كرافته وقاعد حاطط رجل ع رجل في شركتك
وليد: اذا كان ابويا سابلهم حوار الشركه من زمان عاوزاني الوقتي اقول ليا حق فيها
نيره: اه ليك حق غصب عنهم
حقك في نصيب جدك
وليد: بس جدى حى يرزق وابويا حي يرزق يعني ماليش حق في حاجه اقتنعي بده بقاا
نيره: مش هاقتنع الا لما تروح الشركه وتبقي زيك زى ميرا
وليد: زيها ازاى بقالها سنين شايله الشركه لو حد ليه حق في الشركه فهي ميرا لا ابويا ولا ابوها لانها الي تعبت وشالت كتير كفايه لحد النهارده متجوزتش ولا عملت بيت ولا حياه واسره ليها
نيره: ولا هاتعمل
وليد: ليه بتقولي كده يااماما
نيره: مفيش... المهم فكر في الي قولتلك عليه ده انا حتي سمعت ان عمك صديق عنده ابن راجع معاه من بره
وليد: انا رايح الشغل احسن شكل مفيش فايده
نيره: ده بتسميه شغل
وليد: يووه انا خاارج سلام
نيره: انا مش هايياس الا لما تكون في الشركه يااوليد ويانا ياانت
.......................................
في شركه زهدى
في مكتب يتميز بالفخامه يجلس شاب في الخمس وثلاثين من عمره بشرته بيضاء وشعره اسود وعيونه سوداء تشبه الصقر عندما ينظر
طرق ع الباب
سليم: ادخل
عبير ( السكرتيره) : حضرتك باقي ع معادك ساعه في شركه المصطفي
سليم: طيب رامي فين
عبير: راح لموقع البنا
سليم: طيب بلغي استاذ سامح المحامي عشان هايجي معايا
عبير: طيب حااجه تانيه
سليم: لا اتفضلي
..............................
يضغط مصطفي ع بضعه ازرار
مصطفي: اي يااسيدى فينك كده ولا الشغل اخدك مننا
زهدى: لا شغل ولا حااجه انا حتي مريح في البيت وسايب الشغل اغلبه ع سليم حفيدى
مصطفي: طب مش هانتقابل ولا اي عاوز اشوفك واتكلم معاك
زهدى: في حاجه حصلت انت كويس
مصطفي بعد تنهيده: من امتا كنت كويس بس مش هاينفع الكلام في الموبايل
زهدى: طيب نتقابل بكرا
مصطفي: تمام وهاكلم محمد كمان
زهدى: كويس... مشوفتوش من زمان.. هانتقابل فين
مصطفي: بقولك اي مااتسيبك من جوا المطاعم ده وتعالي عندى المزرعه
زهدى: فكره حلوه خلاص كلم محمد وانا موافق هاجيلك بكرا ع الساعه 1... عاوز غداا حلو كده
مصطفي بمزاح: هااكلك عيش وجبنه
زهدى بمزاح مماثل: لا ياعم اقل من بط وحمام لن اقبل
مصطفي: تعالي بس وهاتلاقي مالذ وطاب
زهدى: خلاص مش هاتعشي عشان اجهز المعده لبكرا
مصطفي: ههههههه مااشي يلا سلام عشان الحق اكلم محمد يعمل حسابه
زهدى: مااشي سلام
.............................
في شركه المصطفي
يدخل بكل هيبه ووقار يجذب انتباه جميع الموظفين بالشركه
لمياء: اهلا وسهلا بحضرتك انا سكرتيره مس أميره وموجوده لاستقبالك اتفضل معايا
سليم: تمام اتفضلي
واخذتهم لمياء لغرفه الاجتماعات وبلغت مستر مراد بوصولهم
بعد طرق ع الباب
يدخل مستر مراد
اهلا بيك مستر سليم
سليم ببرود : اهلا بيك مين حضرتك
مراد: مستر مراد المدير العام للشركه
سليم: اه اهلا اعذرني ع عدم معرفتي بيك
مراد: لا ولا يهم حضرتك طبيعي متعرفنيش ما ده اول لقاء بينا
سليم: اسمحلي اعرفك استاذ سامح المحامي
مراد: اهلا بيك استاذ سامح
سامح: اهلا بحضرتك
مراد: طيب نبدا الاجتماع
سليم: مش المفروض نستني مس أميره
مراد: لا مس أميره مش هاتحضر الاجتماع النهارده
لانها مشغوله وهاتكون موجوده الاجتماع الجاى
سليم: طب اعتقد حضرتك عارف انا مشاغلي اد اي وبالرغم كده جيت واعطيت اهتمام للاجتماع... اعتقد مفيش تقدير من مس أميره لشركتنا ولا تعاملنا مع بعض
مراد: يافندم الي مانعها تحضر سبب قوى واعتقد اجتماعنا ده مش الاجتماع النهائي احنا يدوبك بنشوف طلبات كل طرف فينا ولسه الجايات كتير
سليم بعد انا قام وقف والذى فعل المثل مستر سامح
سليم: لا انا اعتقد ان ده الاجتماع الاول والاخير.. لان مفيش تقدير لتعاملتنا وده لاحظته من باب الشركه لما السكرتيره هي الي تقابلني بس قولت استني للاخر وبعدين نائب رئيس الاداره تكون مش موجوده يبقي مفيش تقدير لا ليا ولا لشركتي
يلا ياسامح الشركات كتير الي تتمني تتعامل معانا وبتقدير عن كده
مراد: يافندم
سليم: عن اذنك
مراد بعد ان جلس في غرفه الاجتماع فارغه.. ده الي قولته يااميره مسمعتيش مني
................................................
في فيلا متوسطه الحجم وبالتحديد في الدور التالت منها غرفه كبيره بحجم شقه جدرانها باللون الابيض واثاثها بين الاسود والرمادى
تقف بتيشرت نص كم وبنطلون بيتي اسود وتاركه لشعرها العنان الذى يصل لاخر ظهرها وتملؤه الموجات فهو بطبيعه الكيرلي
كانت ترتب شنطتها حتي اتاها اتصال فقامت بفتح الاسبيكر حتي تستطيع اكمال ماتفعله
أميره: الو
مراد: معطلك عن حاجه
أميره: لا فاتحه الاسبيكر قول في حاجه ولا اي
مراد: الي حسبته لقيته
اميره وهي تقوم بوضع الثياب: مش فاهمه وضح
مراد: مستر سليم اتهمنا بقله تقديره وسابنا ومشي ومكملش اجتماع
أميره: بعد ان تركت مابيدها واخدت الموبايل وجلست ع كرسي: قله تقديره في اي انت عاملته وحش
مراد: ابدا... انا كنت بخلص شويه شغل ولمياء قابلته ورحبت بيه وانا متاخرتش عليه وروحت واستقبلته كويس مع ان كلمني ببرود بس مش مهم ده المهم الشغل
اميره: انجز يامراد وبعدين
مراد: اول مااعرف انك مش هاتحضرى قام وقف واتهمنا بقله تقدير وقال ده الاجتماع الاول والاخير وسابني ومشي
أميره بضيق: امال عاوز مين يقابله ع الباب.. ثم اكملت هي اي التفاهات دى...
مراد: قولتلك هو بيحب التقدير والاهتمام بوجوده.. هو انا حااسس من كلامه انك فاكر انك موجوده في الشركه وتجاهلتي وجوده والترحيب بيه
أميره: وانت مقولتش ليه اني بره الشركه
مراد: هو انا لحقت ولا اداني فرصه
أميره بعد تنهيده: طيب يامراد
مراد: طيب هاتعملي اي
أميره: في اي انا بجهز الشنطه لما اجي من اسكندريه ابقي اشوف الموضوع ده
مراد: طب مينفعش تاجلي اسكندريه يومين تصلحي الدنيا دى انا خايف الموضوع يوصل لمستر مصطفي
أميره: مينفعش.. مانا بعت المحاسب الي كان هنا هناك وبرده الدنيا لسه متحلتش فلازم اروح
مراد: طيب الي تشوفيه
أميره: متقلقش هاحل الموضوع ده لما اجي
يلا سلام انت معطلني كده
مراد: مع السلامه
