رواية ظلام قلبي الفصل التاسع 9 بقلم زينب احمد
عمر: صديق
صديق: اي هاتسبني واقف علي الباب كده كتير
عمر: لا طبعا اتفضل
بعد ان دخل كل من صديق ومحمود وميرال وهي يتصفحون البيت باعينهم
صديق: مش هاتسلم عليا ولا اي
عمر مده يده: ازيك ياصديق
صديق: الحمد لله
مصطفي: مين الي كان علي الباب يامصطفي
يقف مكانه
مصطفي: صديق
يجرى صديق عليه ويقوم باحتضانه ولكن مصطفي لم يبادله
يترك صديق حضنه ويقول: وحشتني اووى
مصطفي: ازيك ياصديق عامل اي
صديق وهو يدرك برود والده معه: الحمد لله
ثم يكمل بابتسامه اعرفك دى ميرال أخر سنه في اداره اعمال.
ميرال وهي تسلم بيدها: اهلا
مصطفي: اهلا يابنتي
صديق: وده محمود ابني الكبير متخرج من حقوق.. وكان بيشتغل معايا هناك في، شركتي في دبي
محمود بود: ازيك يااجدى مبسوط انا شوفتك
مصطفي: انا اكتر ياابني.. اتفضلوا واقفين ليه
بعد ان جلسوا
عمر ببرود: انت مش كان معاد طيارتك بكرا
صديق: لا مانا قولت اعملهلكوا مفجاه وروحت علي الفيلا في القاهره عرفيت ان أميره هنا.. هي فين صحيح
وليد وهو يدخل الفيلا: بتسال عليها ليه انت مش سيبتها واتخليت عنها زمان
مصطفي: ولييد كلم عمك كويس
صديق لتغير الموضوع: انت وليد كبرت ماشاء الله
قام صديق باحتضانه ولكن لم يبادله وليد وابتعد عنه
عمر بهدوء: ميرا فين ياوليد مش قولت انها معاك
وليد: وصلتها لهنا وكان معاها جيكوب ركبت عربيتها ومشيت
مصطفي: مشيت راحت فين هي كانت هاتمشي بكرا
كلمها ياعمر شوف في اي
عمر: حاضر واخذ الفون وذهب بعيدا
صديق: جيكوب مين هي ميرا اتجوزت؟!
وليد بضيق: برود بيسال عنها انا مش قولت ملكش حق تسال عليها ولا ليك دعوه بيها
ميرال: انت بتكلم ابويا كده ليه انت اتكلم كويس
محمود: ملكيش دعوه ياميرال متدخليش
ميرال: انت مش شايف
صديق: وليد ميقصدش ياميرال
وليد: لا اقصد انت اي الي جابك اصلا ليك عين ترجع بعد الي عملته زمان في ميرا وفي جدى
وكمان بتسأل واكنك سايباها امبارح... والمفروض مننا نتعامل معاك عادى ولا حاجه حصلت
مصطفي: وليييد كلم عمك كويس
وليد ببرود: اي ياجدى هو انا قولت حاجه غلط
محمود بتساؤل: هو يقصد اي يابابا وبيتكلم عن اي
وليد بسخريه: اي سياده الوالد مقالكش حااجه ثم اكمل باستهزاء ولا حتي عن هاميس
محمود: مين هاميس
وليد: اسال ابوك
عمر: وليد.. اطلع ع اوضتك
نيره: اي مش هايتغدا
وليد: انا كدا كدا طالع نفسي اتسدت اتغدوا انتوا
مصطفي: اي ياعمر أميره قالتلك اي
عمر: مفيش قالت وراها شغل تخلصه
مصطفي: مكنش يتاجل لبكرا
عمر ببرود: معرفش هي قالت كده
مصطفي: يلا اتفضلوا علي الغدا
صديق: لا احنا هانمشي عشان نلحق نرجع القاهره
مصطفي: بات النهارده وابقي ارجع الصبح
صديق: تمام يلا ياولاد علي الغدا
ذهب الجميع للسفره.. يذهب صديق ليجلس بجانب والده يمسك عمر الكرسي
عمر ببرود: ده مكان ميرا ومحدش بيقعد فيه غيرها
مصطفي: معلش ياصديق اقعد علي الكرسي الي جنبه مفرقتش
صديق بضيق: تمام
....................
في المكتب بعد الغدا.. يجتمع كل من صديق وعمر ومصطفي
مصطفي: ها ياصديق ناوى تعمل اي بعد رجوعك
صديق: اعمل اي في اي
مصطفي: يعني من حيث الشغل
صديق: انا صفيت الشركه الي هناك وخلاص معتش ليا حاجه هناك وناوى استقر هنا ومن حيث الشغل هارجع شركه المصطفي طبعا ولا حضرتك عندك اعتراض
مصطفي: لا معنديش اعتراض
عمر: بس انا عندى شايف ان مش وقته عشان ميرا.. متتصادموش ببعض في الشغل
صديق: والله انا شايف نضرب علي الحديد وهو سخن وهي لازم هاتتقبل وجودى مش بمزاجها وتنسي الي فات
مصطفي: انت لما ترجع القاهره متحتكش بيها اووى ومتروحش الشركه غير لما اجي القاهره كمان يومين
عمر: انت رايح القاهره يابابا
مصطفي: اه لازم عشان رجوع اخوك للشركه
تصديق: تمام وانا هانتظرك يابابا
عمر: انا طالع اشوف وليد كنت عايزه قبل الغدا ونسيت
صديق: اتفضل
...................
في غرفتها ترتدى بنطلون اسود جينز وعليه بلوزه بلون السما وتاركه لشعرها العنان بموجاته الغجريه وكوتشي ابيض وشنطه كروس بيضا وتضع روج بني
وتقوم بطلب أحد علي الهاتف
أميره: مراد
مراد: ايوه في حاجه ولا اي
أميره: قوم البس بدله شيك كده وحط برفانك وظبط شعرك
مراد: ليه كل ده
أميره: في عشاء عمل وعاوزاك تيجي معايا
مراد: ومن امتا انتي بتحضرى عشاء عمل عمرك ماعملتيها
أميره: يلا بس وبطل كلام كتير.. هاعدى عليك بالعربيه دقيقه وتكون قدامي
مراد: يدوبك الحق سلام
..........................
في غرفه وليد
وليد: بتقول اي
عمر: عاوزك تروح تشتغل في شركه جدك
وليد: ليه واشمعنا الوقتي ولا خايف صديق وابنه ياخدوها
عمر بحزن: انت شايف ابوك كده:؟
وليد: طب فهمني
عمر: انا خايف علي ميرا منهم وعاوزك تكون جنبها
وليد: مامراد جنبها
عمر: مراد مهما طلع هو موظف لكن انت ابن عمها وبدالي في الشركه
وليد: انا مش مقتنع طب ماتروح انت
عمر: مش هاينفع
وليد: طيب سيبني افكر
عمر: طيب فكر كويس ورد عليا.. يلا انا رايح انام اطفي النور هاتنام؟
وليد: لا هانزل اشم هوا في الجنينه تحت مخنوق شويه
عمر: طيب ربنا يهديك للصح تصبح علي خير
وليد: وانت من اهله
.......................
في العربيه
أميره: ايوا يامراد انا داخله علي العماره اهو انزل
مراد: تمام سلام
ليرن الهاتف مره اخرى
لتضعه علي الاسبيكر
أميره: ايوا ياوليد
وليد: انتي بره ولا اي
أميره: اها في حاجه ولا اي
وليد: مفيش بطمن عليكي انك كويسه
أميره: انا كويسه وزى الفل اهو هو انا ليه حاسه ان في حاجه تانيه حصلت
وليد: عاوزاك تساعديني في حاجه
أميره: قول في اي
وليد: عاوزك تشتالي فكره ان اجى الشركه من دماغ ابويا
أميره: ومين قال انك هاتيجي الشركه
وليد: هو
أميره بتساؤال: اشمعنا
وليد: عشان صديق راجع هو وابنه وخايف عليكي منهم
أميره: ااه فهمت.. طيب ماطل معاه لحد مااكلمه
وليد: ماشي... خلي بالك من نفسك
أميره: ماشي سلام
... مراد: كنتي بتكلمي مين
أميره: وليد اركب يلا اتاخرنا
مراد بعد ان ركب: خير في حاجه ولا اي
أميره بلا مبالاه: مفيش صديق جه النهارده
مراد وهو ينظر لها بصدمه: اي
ثم يكمل بتساؤل طب وانتي عملتي اي
أميره: في اي
مراد: في مقابلتك معاه
أميره: ولا حاجه لان لسه مقابلتوش
مراد: ازاى
أميره: هو جه من هنا وانا مشيت فمتقابلناش
مراد: احم طب وانتي حاسه باي نحيته
أميره: حاسه ان مش عاوزه اشوفه بس مش اكتر
مراد: اي ده اي الي جابنا عند بيت حماتي
أميره: انزل بس.. في بوكيه ورد وعلبه شوكلاته ورا هاتهم وانت نازل
مراد: انا مش فاهم حاجه
أميره: اسمع الكلام وهاتهم وتعالي ورايا
..............................
في بيت مياده
أميره: أنا جيت النهارده عشان احل سوء التفاهم الي حصل
مياده بحده: سوء تفاهم اي واي دخلك مابينا اصلا
محمد ابو مياده: عيب كده يامياده الناس ضيوف عندنا
أميره بابتسامه: سيبها براحتها.. انا جايه هنا اقول كلمتين عندى وبعدها تقدرى تقررى اذا كنتي عاوزه تفضلي هنا او ترجعي النهارده مع مراد
سميحه ام مياده: اتفضلي يابنتي قولي الي عندك
أميره: انا اعرف مراد من زمان اووى ومن واحنا في الكليه ساعتها مكنتش اعرف حد وماليش خلطه بحد وكنت وحيده بمعني الكلمه اتحرمت من الاب ومن الام
المهم في الوقت ده مراد كان بيغيب كتير مش عارفه لحد النهارده انا ليه لاحظته او دورت عليه مع انو اصغر مني بسنتين ومش نفس دفعتي بس عرفته من خلال اتحاد الكليه كان بيعمل انشطه وكان بيضحك ويهزر... المهم سالت عليه عرفت ان والدته تعبانه اووى وفي المستشفي ومالوش الا هي روحت.. كانت ست جميله اووى روحها طيبه ونقيه... بقيت مرسال بينه وبين زمايله انقله محاضرات فايتاه كده يعني اروح اقعد مع مامته.. اساعدها كده المهم في يوم ربنا افتكرها... ساعتها مراد الدنيا ضلمت في وشه وقفل علي نفسه ومكنش عاوز يكمل الكليه
وقفت جنبه وساعدته مش حبا فيه.. لكن لان شوفت فيه نفسي..ثم اكملت بابتسامه مزيفه اصل انا والدتي توفت قبل ماادخل الكليه وكانت تعبانه برده زى والدته يعني مجربه كل الي هو فيه قبل منه بس مكنش في حد ساعتها يطبطب عليا فكنت عاوزه اعمل معاه الي متعملش معايا والي كنت عاوزاه يتعمل معايا.. المهم شرحت الوضع لجدى ورحب بيه وراح عاش معايا ومع جدى ومع عمي وعياله وكنا له عيلته وكنت ليه الاخت الكبيره.. وبعدها اتخرج من الكليه وجه اشتغل معايا في الشركه وبقا دراعي اليمين... يعني علاقتي انا وهو ابعد عن اي شبه يامدام مياده
مياده: ماشي ده بالنسبه لعلاقتك بيه طب وتقصيره معانا وان مبنشوفهوش انا وابنه الا علي النوم
مراد: في دى عندك حق متزعليش مني بقا
أميره: خلاص سماح المره دى ولوعملها مره تانيه هاقرصه من ودانه وحاجه تانيه يااستاذ مراد
مراد بخوف مصتنع: خير يارب
أميره: كل جمعه في خروجه لمحمد وام محمد ولازم يرجعوا مبسوطين
مراد ببكاء مصطنع: اتفقتوا عليا خلاص حااضر ياستي من العين دى قبل العين دى
مياده بانتصار: ايوا كده.. ثم اكملت وهو توجه كلامها لاميره: مس أميره انا اسفه ان كنت فهمت غلط
أميره: أميره بس.. ومتتاسفيش ودى مش غلطتك ده غلطه الاستاذ الي معرفكيش كل حاجه من يوم جوازكوا
مراد بحزن: مش بقول اتفقتوا عليا.. ربنا يستر في الايام الي جايه
أميره: طيب انا هاستاذن انا
محمد ابو مياده: والله ابدا لازم تتعشي معانا
أميره: مره تانيه.. حتي مراد ياخد مياده ويعشيها بره ولا عاوزني اضيع عليها الخروجه
مراد: اه انا بدبس بقا
مياده: هههه هادبسك بس مره تانيه... اقعدى اتعشي معانا ياأميره ولا لسه زعلانه مني
أميره: لا خلاص قعدت اهو
سميحه: تعالي معايا يامياده نجهز السفره
أميره: طيب اجي اساعدكوا في حاجه
سميحه: بالله ماانتي قايمه.. احنا هانعمل اي يعني هانحط الاطباق بس ثواني وتكون السفره جاهزه
محمد ابو مياده: انا زعلان منك يامراد انك معرفتناش علي أميره قبل كده
أميره: مراد مالوش ذنب انا في وقت فرحه كنت تعبانه شويه ومقدرتش احضر الفرح
محمد: اه سلامتك يابنتي
أميره: الله يسلمك ياعمى انا سعيده ان اتعرفت عليكوا... فعلا مراد عرف يختار اهل محترمين وطيبين
محمد: الله يكرم أصلك
..........................
في صباح يوم جديد يحمل الكثير
تنزل علي الدرج وترتدى سوت كامله باللون البيج وتلم شعرها علي هيئه كحكه وتضع كحل في عينيها الواسعه وروج بدرجه الكشمير الفاتح
أميره: رحيمه
رحيمه: ايوا يابنتي
أميره: صديق باشا هو وعياله حايين النهارده.. انتي عارفه هاتقوليلهم اي طبعا
رحيمه: ايوا هاعرف كل واحد اوضته فين.. وممنوع حد يطلع الدور الثالث اخرهم في البيت الثاني بس
أميره: واوضه هاميس مقفوله بالمفتاح
رحيمه: ايوا متقلقيش
أميره: طيب انا هامشي انا هاروح الشركه
............................
في الفيلا في المساء
صديق: هو مفيش حد هنا ولا
رحيمه: اهلا ياصديق بيه
انا رحيمه ولو احتجتي اي حاجه فيما بعد اطلبها مني
ميرال: اه خدامه يعني
رحيمه: الي تشوفيه ياهانم
صديق: أميره فين
رحيمه: الست أميره خرجت من الصبح راحت الشركه لسه مرجعتش
صديق: اه طيب
رحيمه: اتفضلوا معايا اوريكوا اوضه كل واحد فيكوا
صديق: طيب
رحيمه تقف فجاه وتتذكر شيئا
رحيمه: الست أميره قايلالي ابلغ حضراتكوا ممنوع حد يطلع الدور التالت
ميرال: هاتعملنا حظر تجوال ولا اي
رحيمه: انا ببلغ رسالتها
محمود: مااشي يارحيمه عاوزين نرتاح ممكن
رحيمه: اه بعتذر اتفضلوا معايا
محمود: بابا بعد العشا عاوز اتكلم معاك شويه
صديق: نرتاح الاول وبعدين نتكلم
محمود: مااشي
...........................
بعد العشا
محمود: انا عاوز افهم في اي يابابا وليه بيكرهونا كده وبيعاملوك انت كده ليه
صديق: شويه زعل قديم
محمود: انت متاكد انو بالبساطه دى كده
صديق: متقلقش ومتفكرش كتير يامحمود مع الوقت الدنيا هاتصفي
كان سيرد محمود عليه لكن سمعوا صوت صراخ قادم من الاعلي
صديق: ده صوت ميرال تعالي نشوف اي
صعدوا للدور الثاني
محمود: بابا الصوت جاي من الدور الثالث
صديق: واي الي طلعها فوق
محمود: اي ده دم
صديق: ميرال
......................
أميره: انا وصلت البيت اهو سلام بقا
مراد: هاتقابلي صديق دلوقتي
أميره: لا زمانهم نامو اي ده في صوت صويت
انزلت الهاتف ودخلت تجرى
مراد: أميره أميره في اي
مياده: مالك يامراد بتزعق كده ليه
مراد: كنت بكلم أميره وسمعت صويت ويعدين معدتش بترد والخط مفتوح
مياده: متقلقش شويه كده وتتصل عليها تطمن
مراد: لا انا هانزل اشوف في اي..
مياده: تنزل اي الوقتي مينفعش وبعدين مش قولت لي ابوها رجع النهارده.. مش هاينفع تروح وتدخل في النص
مراد: طب شويه كده لو مردتش عليا هاروحلها
مياده: ماشي وانا هاجي معاك
............................
صعدت لمصدر الصوت الدور الثالث
وجدت فتاه علي يدها دم فتاه في العشرين من عمرها شعرها بني وعيونها سوداء وهناك شخص يحضنها وهناك اخر ينظر للاسفل.. انظر للاتجاه الذى ينظر اليه... جيكوب ملقي علي الارض وراسه مليئه بالدماء
أميره بصراخ : جيكوب جيكوب
ثم اكملت بحده مين الي عمل فيه كده
ميرال ببكاء: مكنتش اقصد هو الي هجم عليا فدافعت عن نفسي
أميره بزعيق: انتي اي طلعك هنا اصلا وعملتي فيه كده ازااى
صديق بحده: متزعقلهاش مقالتلك متقصدش واي يعني ده حته كلب المهم هي كويسه
أميره تنظر اليه... انه هو ابوها امامها بعد كل تلك السنيين بعد ان تخلي عنها بدل ان يقوم باحتضانها يهاجمها ولاجل من لاجل ابنته الي عاشت معه ونعمت بحضنه
صديق تدارك ماقاله.. : أميره انا مقصدش
تجاهلته ميرا وجلست بجانب جيكوب
تنادى عليه ولكن لا استجابه مر امامها شريط حياتها مع جيكوب وكيف حماها عده مرات وهي الان لم تستطع حمايته... فاقت من شرودها علي شخص يقول: لسه في نبض.. يلا نلحقه.. وقام بحمله
أميره تجرى خلفه وعلي يدها دماء جيكوب وتدعوا الله ان لايصيبه مكروه
....................................... يتبع
