رواية ظلام قلبي الفصل الثاني 2 بقلم زينب احمد
لا تبحث في ظلام قلبي قد يصيبك بالعمي)
داليا: انت امتي هاتهتم بيا وببنتك يااصديق
صديق بلا مبالاه: اهتم بيكوا اعمل اي اكون ممرض ليكي ولا داده ليها يااشيخه ده انتي دفنتي شبابي معاكي بالحياه
داليا: انا دفنت شبابك ثم اكملت بياس طب بلاش انا متسالش عليا انا مش مهم.. بس شوف بنتك اهتم بيها واطمن عليها يعني امها عيانه ومش قادره تاخد بالها منها وابوها راميها ده يرضي مين ده
صديق: بقولك اي انا مش عاوز صداع انا جاى ارتاح وبعدين مش قولتلك مش عاوزها سقطيها وانتي حامل كنا ارتاحنا من وجع الدماغ ده
داليا: اموت بنتنا استحاله طبعا
صديق: خلاص انتي اتمسكتي بيها وجبتيها ع الدنيا يبقي انتي الي تتحملي مسئولياتها انا مش عاوزها
داليا: في حد يبقي مش عاوز بنته.. انت اتجننت
صديق: جن لما يااخدك اتلمي الي كان بيحاميلك مش موجود هنا
داليا هاتعمل اي لو مااتلمتش يعني
صديق: هاعمل كده اهو ( يضربها بعنف شديد
تجرى فتاه صغيره في العاشره من عمرها تحضن امها وتقول: ماما اسفه متضربهاش خلاص مش هاتقول حااجه تزعلك تاني
داليا: امشي يااميرا مالكيش دعوه
ميرا لا مش هاامشي اضربني بدالها
صديق: كمان بتحامي لامك طب تعالي هنا
داليا: صديق لا الا بنتنا... ميرا ميرا لا يااميرا اجرى اهربي متخلهوش يضربك
مس أميره أميره هانم.. ياامس أميره
تفوق من شرودها ها
أميره: في اي يالمياء
لمياء: انا بنده بقالي مده حضرتك كويسه
أميره: ها اه كويسه في حااجه
لمياء: انا كنت جاي ابلغ حضرتك عندك 3 مواعيد النهارده
أميره: اه طيب اجليهم لبكرا... عندى مشوار لازم اروحه الوقتي
لمياء: بكرا مفيش وقت عند حضرتك
أميره: اتصرفي ياالمياء وظبطي الدنيا هو انا هاعرفك شغلك
لمياء: طيب تمام
أميره وهي تهم بالمغادره انا هامشي الوقتي ولو حد سال عليا قوليله في اجتماع بره الشركه
لمياء: تمام ياافندم
..............................................
مراد: مس اميره جوا يالمياء
لمياء: لا خرجت من نص ساعه
مراد: خرجت ازاى وهي لسه عندها مواعيد وشغل
لمياء: في اجتماع شغل. بره الشركه
مراد: اجتماع اي ده الي معنديش علم بيه
لمياء قربت من اذن مراد وهمستله هي قالتلي اقول كده لاي حد يسال عليها ولما دخلت عليها المكتب كان وشها مخطوف وعنيها تعبانه
مراد: طب مقالتش راحه فين
لمياء: كل الي قالتله مشوار ولازم تروحه الوقتي
مراد بقلق: طيب يالمياء شوفي شغلك انتي والي يسال عليها هي في اجتماع
لمياء: تمام حاضر
.........................................
في مكان أخر تملؤه الاشجار والخضره الجميله والهواء النقي... في بيت كبير وسط تلك الاشجار
يقوم رجل في الستين من عمره من ع الكرسي
ويقول بنرفزه: يعني اي ياعمر
عمر: ياابابا انا عاوز استقل بحياتي بعيد
ماخويا عايش بره مصر وعنده بيته في القاهره
غير ان عرفت ان جاى مصر قريب يعني هايجيلك هنا وانت عارف علاقتي بيه عامله ازاى
مصطفي بصدمه: انت عاوزني اقول لاخوك ميجيش هنا
عمر: لا يابابا متفهمنيش غلط انا مقصدش كده انا بس عاوز يبقا ليا مكاني وعيالي مش صغيرين
عاوز يبقا ليهم مكان خاص بيهم واعمل شقه لابني ع وش جواز
مصطفي: مكاني هو مكانك ياعمر وعاوز تسيبني في البيت الكبير ده لوحدى ده انتوا الي مالين عليا البيت
عاوزه يبقي بيتك ادعي اموت قريب ويبقي بتاعك
عمر: بعد الشر عليك ياابوى ربنا يباركلنا فيك
مصطفي: اذا كان ع اخوك فانا علاقتي بيه شبه مقطوعه انت ناسي الي حصل زمان فمتوقعش ان يجي يزورني حتي
عمر: ازاى ده انا اسمع ان راجع بعياله يعني هايجي يعرفهم عليك
مصطفي بحده: انا ماليش احفاد منه غير ميرا بس
عمر: طب وهاميس
مصطفي: ده غلطه اخوك وهو ذات نفسه مش معترف بيها انا هاعترف بيها
يقاطعهم جرس الباب
مصطفي: افتحي يانبويه
نبويه: حاضر يابيه
نبويه: ست ميرا يااهلا يااهلا
أميره ببرود: ازيك ياانبويه جدى لسه صاحي
نبويه: اه صاحي بيتكلم مع عمك عمر جوا
أميره: طيب
..........
مصطفي: مين يانبويه
نبويه: ده الست ميرا يابيه
مصطفي: ميرا!
أميره: روحي هاتيلي كوبايه ميه يانبويه وسيبينا لوحدنا
عمر: مالك يااميرا وشك مخطوف كده ليه
أميره: مفيش انا كويسه
جدى انا عاوزاك في موضوع
مصطفي: خير ياارب النبره دى وراها حااجه
أميره: خير ان شاء الله موضوع مينفعش بتاجل اكتر من كده
عمر: استاذنكوا انا اطلع ارتاح
أميره: اتفضل يااعمي
مصطفي: تعالي يااميرا ورايا ع المكتب
.......................................................
نيره: يعني اي
عمر: مش هانسيب البيت واسيب ابويا لوحده
نيره: يعني معرفتش تاخد قرار وتنفذه
عمر: بقولك يانيره انا دماغي مصدع وعاوز انام نبقا نتكلم بكرا
نيره: طيب طيب.. اه صح مين الي جه تحت
عمر: ميرا
نيره بضيق : اي الي جابها الوقتي دى
عمر بحده: بيت جدها تيجي فيه وقت مااتعوز وتعامليها كويس فاهمه
نيره: شوفت ادى قولت بيت جدها مش بيتك
عمر: يووووه مش هانخلص انا هاسيبلك الاوضه وخارج
نيره: رايح فين بس الوقتي
عمر: ملكيش دعوه نامي انتي سيبتهالك اهو...(خرج وقفل الباب وراه)
..............................................
في المكتب
مصطفي: يعني اي ياميرا
أميره: اى الي كان بين ابويا وامى
مصطفي: يعني اي مش فاهم
أميره: كل ذكرياتي عن الي فات خناق وضرب وكره ليا ولامي مكنتش علاقه متجوزين ابدا ولا يوم واحد
عاوزه افهم ليه اي السبب
مصطفي: ليه جايه تسالي عن ده دلوقتي
أميره بخنقه: عشان انا تعبت وعاوزه ارتاح مليون سؤال في دماغي كل يوم عاوزه الاقي ولو حتي اجابه واحده وقررت اجي النهارده عشان اعرف منك الاجابه دى
مصطفي: ده يخليك تيجي من القاهره لهنا بالسرعه دى
اميره: لو ع كوكب تاني هاجيلك ا
ثم اكملت بياس جوابني بقا وريحني
مصطفي: عاادى اي علاقه متجوزين بينهم خناق
أميره: انا مش غبيه والي بينهم ده مكنش طبيعي ولا الي بيني وبين صديق بيه طبيعي
مصطفي: اسمه ابوكي
أميره: انت اكتر حد عارف ان استحاله يكون ابويا غير ع الورق بس
مصطفي: ميرا اهدى واقعدى كده انت وشك متغير انت كويسه انتي مكلتيش النهارده؟
أميره: هابقي كويسه لما تجاوبني
مصطفي: ماانا جاوبتك
أميره بصوت مخنوق: انت عاوز تفهمني ان ده طبيعي واحد بيضرب مراته وهي عيانه وبيعذب في بنته ليل مع نهار ومش عاوزها ولا في مره طبطب عليها... واحد لما مراته ماتت مخدش عزاها ولما لقي بنته حزينه عليها وقاعده في اوضتها حرق الاوضه وهي فيها تحب اكملك ولا كفايه كده
مصطفي: مكنش يعرف انك فيها صدقيني
، ـ نظرت له نظره بالف معني نظره ياس نظره ظلام نظره كره لصديق ورجاء لمصطفي ان يخبرها الحقيقه عينيها المائله للاخضر اصبحت حمراء من شده غضبها وسخطها ع حياتها الي تلمؤها العذاب والظلام
مصطفي: اقعدى يااميرا واهدى عشان نعرف نتكلم
أميره بهدوء: شكلي غلط لما جيت انا هارجع مصر
مصطفي: هاتسوقي ازاى بليل كده
أميره: عندى شغل كتير الصبح
مصطفي: يتاجل باتي هنا النهارده مش هاسيبك تسوقي وانتي تعبانه كده
استسلمت لرايه
مصطفي: اطلعي ارتاحي فوق وانا هاخلي نبويه تطلعلك اكل
أميره: مش جعانه ومحتاجه اشم شويه هوا هاطلع اقعد في الحنينه برا شويه
مصطفي: طب ماتطوليش عشان متاخديش برد
....................
وهي في طريقها للجنينه
رن موبايل
أميره: ايوا يامراد
مراد:................
أميره في المنصوره عند جدى
هارجع الصبح
مراد: ....................
أميره: لا انا كويسه مفيش حااجه
مراد:.......................
أميره: بكرا بقاا مع السلامه الوقتي
وذهبت لتجلس ع احدى الكراسي وجدت عمر.. فجلست امامه ع الكرسي الاخر دون ان تتحدث
عمر: ميرا انتي كويسه
اميره: وهي مغمضه عينيها: كويسه
عمر: مش باين
لم ترد
عمر: مالك بس هو احنا مش صحاب ولا اي
أميره: مش قادره اتكلم في حااجه الوقتي وبعدين شكلك انت الي تعبان في اي.. كنت بتتخانق مع جدى ليه
عمر: عرفتي منين
أميره: شكلكوا وانا داخله كان باين وانا اول مره اشوفكوا كده
عمر بياس ومنزل راسه لاسفل: عاوز اسيب البيت
أميره اعتدلت في جلستها ونظرت اليه
عمر: عاوز يكون ليا بيت انا وولادى ولادى كبروا وعاوز يبقي ليهم حياتهم
أميره رجعت وضعت راسها للاعلي واغمضت عينيها
أميره: ده مش كلامك ومتخربش علاقتك بابوك عشان سبب انت نفسك مش مقتنع بيه
عمر: انتي عرفتي؟
أميره: عرفت اي
عمر يتحدث بحرص: صديق راجع هو وولاده
اميره اعتدلت في جلستها ثم قالت: يعني اي
وونظرت له بتمعن
عمر نظر لها ولم يتحدث
اميره: اه فهمت فاكر ان هايجي هنا
عمر: ايوه
اميره قامت وقفت ونظرت امامها بشرود ثم قالت
متقلقش هو مش هايجي هنا هايجي ع البيت في القاهره ولو جه هنا هايجي يومين ويمشي هو مبيحبش القاعده هنا... متسبش بيتك عشان افتراضات مالهاش لازمه وحتي لو جه ده بيتك حد يسيب بيته برده
ورتبت ع كتفه وذهبت لتغادر فقاطعها
عمر: طب وانتي هاتعملي اي لما يعيش معاكي في البيت
أميره صمتت قليلا ثم قالت بلا مبالاه: ولا حااجه... تصبح ع خير
كان هناك شخص اخر يسمعهم.... مصطفي في نفسه ( الاحسن ليكي متعرفيش الحقيقه ياميرا.)
