رواية ظلام قلبي ( كامله جميع الفصول ) بقلم زينب احمد
قد نكون غير كافيين لنكون سند لانفسنا وقد نكون في حااجه لبعض الدعم وخاصه بعد ان نكون دعم لانفسنا لمده طويله)
في شركه كبيره معروف عنها صرامه قواعدها
تدخل فتاه في العشرينات ترتدى بنطال اسود وبيلزر اسود وتذهب للاستقبال
لو سمحتي انا جالي رساله اني اتقبلت في الشركه هنا
السكرتيره نهي: الاسم اي من فضلك
ياسمين: ياسمين ابراهيم محمد
السكرتيره نهي: ايوه موجود عندى اهي
طب اتفضلي اقعدى في كافتيريا الشركه لحد ما مدير القسم يوصل وساعتها هابلغك
ياسمين: تمام الكافتيريا فين
السكرتيره: امشي ع طول هاتلاقيها
ياسمين: تمام شكرا
ياسمين ( مشيت ع وصف السكرتيره ودخلت قعدت.. مكان كبير وكل تربيزه جنبها كرسيين وفي نااس قااعده الي بيفطر والي مشغول بيكتب ع الاب توب من ضمنهم واحده من ضهرها لمه شعرها كحكه لورا ولابسه نضاره نظر ومركزه اووى في كتابتها ع الاب توب اثارني فضولي ان اشوف وشها فتنقلت للكرسي التانى وشها منحوت ورموشها طويله وفي خصله شعر بتنزل ع عنيها دايقتها ورجعتها تاني ورا ودنها... شيلت نظرى من عليها وبصيت ع شخص كان واقف ورا بانك عريض وبيجهز المشروبات والوجبات كان في الخمسين من عمره...ببص ع يمينى لقيت عامله نظافه عمرها خمسين او حاجه وخمسين سنه بتوطي تجيب زباله واقعه ع الارض وبترفع راسها خبطت في شخص داخل لابس بدله سودا وبشرته قمحيه وشعره قصير فجاه لقيته بيزعق فيها وبيقولها انتي مبتشوفيش
العامله: اسفه يااستاذ حاتم مخدتش بالي
حاتم: اعمل اي باسفك البدله اتبهدلت
العامله: هاتها وخمس دقايق وتبقي نضيفه
حاتم بزعيق: اعطيهالك عشان توسخيها اكتر!
ببص ع حد يتحرك كله قاعد بيتفرج ماعدا الست الي عامله شعرها كحكه لورها مازالت بتكتب ع الاب ومحاولتش حتي تبص... هنا كان لازم اتكلم وادافع ع الست الغلبانه الي محدش ناصفها دى
قومت وانا متنرفزه وروحت عندهم
ياسمين: في اي يااستاذ ماهي اعتذرتلك
حاتم: وانتي مين انتي كمان
ياسمين: هاتفرق معاك في اي... اي هاتقدم فيا شكوى صحيح مانت مش رحيم مع واحده عارفها هاتكون رحيم معايا!
حاتم: انتي ابت لسانك طويل.. انتي اي حدفك علينا
ياسمين: يمكن حدفني عشان اوقفك عند حدك
فجاه سمعت صوت كرسي بيتحرك لقيت الست الي كانت بتكتب ع الاب قامت وقفت وسابت الي في ايديها وولقيت كل الي قاعدين قاموا وقفوا وكانها شخص مهم
وقربت علينا وقالت: خلصتوا ولا لسه
حاتم: أميره هانم حضرتك هنا
لقيت فجاه نبرته هديت وبيكلمها باحترام كبير
أميره ببرود: هاتفرق معاك انا هنا ولا لا المفروض موجوده زى مش موجوده ولا اي
لقيته مردش ونزل راسه لتحت
ولقيت شخص جاي علينا لابس بدله رمادى وشعره سايح ع جنب وبشرته بيضا وبيقول اي الي حصل
العامله: محلصش حااجه يامراد بيه ده سوء تفاهم بس
ياسمين: سوء تفاهم اي ده اهانك مش لازم تسكتي
لقيتها بصتلي بصلي مفهمتهاش
ببص لقيت اميره هانم بتبصلي ببرود خلتني سكت واتوترت
أميره ببرود: هاتعرف اي الي حصل دلوقتي يامراد تعالوا ورايا كلكوا
مراد: كل واحد شغله يلا
............................................................
تدخل أميره مكان فيه مكتبين مكتب عليه موظفه قامت وقفت اول مادخلت ومكتب تاني فاضي
أميره: مراد تعالي ورايا وبصت علينا ببرود وانتوا خليكوا هنا
لمياء: اجيب لحضرتك الورق الي طلبتيه مني امبارح
أميره: لما اطلبه منك يالمياء تبقي تجبيه ودخلت
بعد مادخلت لقيت لمياء جت جنبي وبتهمسلي انتي عملتي مصيبه اي لقيتني بسالها هي مين دى... لمياء: كمان مش عارفه دى نائب رئيس مجلس الاداره او تعتبر هي رئيس مجلس اداره الشركه يعني لو موظفه هنا اعتبرى ان ده اخر يوم ليكي هنا
ياسمين: ده اول يوم شغل
لمياء باسي : كمان ربنا معاكي
.............................
مراد: انتي كنتي في الكافتريا بتعملي اي
أميره: جيت بادرى فبخلص شغل ع الاب وكويس ان حصل شكلي هاككرها كتير
مراد: اي الي حصل
أميره: هاتعرف دلوقتي ثم ضغطت ع زر وقالت: دخلي حاتم والحاجه ام محمد
لمياء: حاضر يافندم
ياسمين: مجبتش سيرتي
لمياء: لا اتفضلي اقعدى لحد ماتطلبك
ياسمين بتوتر: حااضر
....................................
أميره: روح اقعد ع الكنبه هناك ومتعلقش
مراد: حاضر
خبط ع الباب
أميره: ادخل
دخل حاتم وام محمد
وفضلوا واقفين وبعد ماكنت أميره بتشوف حاجه ع. الاب بصتلهم
أميره: اي الي حصل تحت ده
حاتم: يامس أميره ده سوء تفاهم
أميره ببرود: هو حضرتك رئيس قسم اي
حاتم بتوتر: لعلاقات العامه
أميره بحده: وهو ده مايعلمكش تحافظ ع شكل الشركه وموظفيها ولا اي
حاتم: انا اسف ياهانم
أميره: الاسف متوجهوش ليا توجهوا
لحاجه ام محمد والاسف ده بينكوا وبين بعض مايلزمنيش
ام محمد: لا يااحاتم بيه مفيش داعي للاسف محصلش حااجه
حاتم ( هي اتجننت ولا اي فكراني هاعتذرلها)
أميره ببرود: أستاذ حااتم
حاتم: نعم
أميره: مخصوم منك يومين ومحروم من حوافز الشهر ده
حاتم: بس يافندم محصلتش لكل ده
أميره: حجه ام محمد اليومين الي اتخصموا هايتضافوا ع مرتب الشهر ده كتعويض بسيط
ام محمد: بس ياهانم
قاطعتها أميره وهي توجه نظرها للاب يلا اتفضلوا ع شغلكوا
خرج كل من حاتم وام محمد
ودخلت لمياء
لمياء: ادخل ياسمين
أميره: مين ياسمين
لمياء: البنت الي كانت معاهم بره
أميره: ااه.. انا اول مره اشوفها في الشركه بتشتغل في قسم اي
لمياء: مش عارفه بس هي اول يوم شغل ليها النهارده
أميره: طيب سيبيها بره وهاتيلي الملف بتاعها من ال hr
لمياء: حاضر يافندم
خرجت وقفلت الباب وراها
مراد: قرب من المكتب وقعد ع الكرسي الي جنب المكتب
مراد: مش كنتي قاسيه شويه مع حاتم
أميره: دون ان تنظر له.. لا
مراد: انتي مش ناسيه ان من انصار صديق بيه ومش هايسكت
أميره: نظرت له ثم قالت انتي تعرفني بقالك اد اي
مراد: ،13 سنه
أميره: مره شوفتني خوفت من حد حتي لو صديق باشا
مراد: بصراحه لا
أميره: امال اي بقا
مراد: مس أميره افهميني انتي ع عداء مع صديق بيه وهو رئيس مجلس الاداره وانصاره عارفين العلاقه البايظه الي بينكوا ومهيصدقوا والي منهم حاتم.. يعني هايزودا الطين بله
أميره: وهو فين صديق بيه بتاعك مهو رامي الشركه بقاله 12 سنه وانا الي شايله كل حاجه فوق كتافي
مراد: الي اقصده ان حاولي تحسني علاقتك بالي تبعه عشان فيما بعد لما يرجع يكون ليكي دعم عشان منصبك في الشركه ميتهزش
أميره: هو انت متعرفش
مراد: اعرف اي
أميره: مش الباشا هاايرجع كمان اسبوعين ومعاه عياله
مراد: بتتكلمي جد.. طب وهاتعملي اي
أميره: قامت من ع المكتب ووقفت باصه للشباك
هاعمل اي يعني
مراد: يعني في علاقتك معاهم ده في الاول والاخر
ابوكي ودول اخواتك
أميره بحده: متقولش ابويا وانا ماليش اخوات غير هاميس وانت عارف كده كويس
ورجعت قعدت ع المكتب
مراد: طب اهدى.. صحيح هاميس عامله اي
أميره: دون ان تنظر له مشوفتهاش بقالي شهر
ممكن بقا نشوف شغلنا
مراد برسميه: حاضر... زهدى بيه عاوز يعمل صفقه معانا
أميره: بس انا سمعت انو تعبان في الفتره الاخيره
مراد: الي بينوب عنه احفاده سليم ورامي
أميره: اه يعني هانشتغل مع عيال
مراد: لا مش كده مراد ده عنده 35 سنه ومعروف عنه ان شديد مع موظفينه ورامي عنده 27 سنه هو مرح شويه بس بتاع شغل وزهدى بيه هو الى بيدى ال ok لكل الصفقات يعني كل الامور مازالت في ايده
أميره: طيب اعملي دراسه كافيه بالصفقه دى... يعني هانكسب منها اي وهانقدم اي وميزانيتها اي وكده
مراد: طيب تمام
أميره: عاوزاها ع اخر اليوم
مراد: قام وقف... تمام يامس اميره.. يدوبك الحق
عن اذنك
أميره: اتفضل
خبط ع الباب: ادخل
لمياء: الملف بتاع ياسمين الي حضرتك طلبتيه
أميره: اه طيب هاتيه واخرجي وخمس دقايق ودخليها
لمياء: تمام يافندم
.....................
خبط ع الباب
أميره؛ ادخل
ياسمين: حضرتك طلبتيني
أميره: ياسمين مش كده
ياسمين: اه يافندم
أميره: انتي عاوزه تشتغلي هنا ليه
ياسمين: حضرتك دى شركه ليها اسمها في السوق ومعروف عنها انها من افضل الشركات واحب ان اكون خبره عندى هنا
أميره: عندك كام سنه
ياسمين: 23 سنه يافندم
أميره: مضيتي العقد بتاعك
ياسمين بتوتر : لا لسه المفروض هامضيه النهارده
اميره: انتي عارفه قواعد الشركه اي
ياسمين: ايوه قراتها يوم ماجيت اعمل الانترفيوا
أميره بصرامه: بس محفظتيهاش لان لو كنت حافظتيها المهزله الي تحت دى مكنتش حصلت
ياسمين: يافندم
اميره بصرامه: اكمل كلامي
ياسمين انزلت نظرها
أميره: اهم قاعده من قواعد الشركه ان متدخليش في الي ميخصكيش واعتقد ان الي حصل تحت ده ميخصكيش احنا هنا مش في سوق
ياسمين ونظرها لاسفل: انا اسفه مش هاتتكرر تاني
أميره: انتي المفروض تتعيني في قسم التسويق مش كده
ياسمين: ايوه يافندم
أميره: انتي هاتمضي العقد بس مش النهارده بعد 6 شهور هايكونوا كتدريب ليكي ونتيجه التدريب هي الي هاتحدد تمضي العقد او تشوفي فرصه في مكان تاني
ياسمين: بس يافندم
أميره: انا بقدملك فرصه مش هاتتكرر تاني يااتاخديها او تسيبيها لغيرك الاختيار ليكي
ياسمين: انا موافقه ياافندم وهاكون عند حسن ظنك
أميره: اتمني.. روحي استلمي شغلك
ياسمين: عن اذنك
أميره: اتفضلي
ثم ضغطت ع الزر لمياء هاتي الورق الي طلبته منك امبارح
لمياء: حاضر
أميره في نفسها.. هانشوف اخرك اي ياصديق بيه وناوى ع اي والحرب بيننا
