رواية وجع حنين الفصل التاسع 9 بقلم ريحانة الجنه
(في بيت خالد اخو هشام زوج حنين اللي مات)
خالد :بقولك ايه يا أمل ماما كانت قالتلي ان حنين تعبانة ورجلها مجزوعة عايزين نروح نزورها مش واجب بردوا
أمل :بنظرة غضب لا يا حبيبي مش واجب وبعدين خلينا في حالنا وهي في حالها
خالد :ازاي يعني مش مرات اخويا
أمل :لا يا حبيبي مش مرات اخوك علشان اخوك خلاص مات يبقي ملناش دعوة بيها
خالد :انا مش عارف انتي كرهاها اوي ليه كدة مع انها كويسة وعمرها ماضايقتك في حاجة
أمل:والله بقي مش عارف انت نسيت ولا ايه ان كنت نسيت افكرك
خالد :يوه انتي قلبك اسود قوي وبعدين يعني هو انا كنت عملت ايه
أمل: انت عايز تنقطتني يا خالد بقي كنت عايز تتجوزها عليا وتقولي عملت ايه
خالد :انا كنت عايز اتجوزها علشان ولاد اخويا ميتبهدلوش وبعدين ما خلاص اديها موافقتش خلصنا بقي
أمل :لا والله عليا انا ولاد اخوك بردوا ده انت من يوم ما أخوك اتجوزها وانت كل ماتشوفها عينك تبقي حتطلع عليها مع اني معرفش ليه مع انها وحشة وشكلها يقرف انت بس اللي مخدوع في سهوكتها ونحنحتها دي
خالد :غريبة مع ان ماما وخلاتي لما شافوها اول ماهشام اتقدملها كانوا بيقولو انها زي القمر شبه الخواجات بيضة وشعرها احمر ومزة
أمل:بنرفزة . لا طبعا وانت صدقتهم هما بس اللي كانو بيحلوها في عين اخوك
خالد : ههههه لا والله طيب يا ختي المهم انا وماما اتفقنا اننا حنروحلها بكرة عايزة تيجي معانا اهلا وسهلا مش عايزة انتي حرة
أمل:ياسلام انت بردوا حتروح وكمان عايز تروح من غيري
خالد:انا قولتلك وخلاص ويالا بقي اوعي خليني أنزل
أمل :رايح فين
خالد:نازل اقعد مع صحابي علشان مخنوق . سلام
أمل: وهي بتجز علي سنانها. كدة يا خالد ماشي ان ماكنت اوريك ما بقاش انا. قال شبه الخوجات قال طيب يا حنين مبقاش انا أمل ان ماكنت اخليكي تقولي حقي برقبتي
(في بيت حنين )
جرس الباب يرن
حنين :يا هنا شوفي مين يا حبيبتي
هنا :حاضر يا ماما ثواني
هنا تقتح الباب تستغرب
هنا:طنط أمل .اتفضلي
أمل : بقرف اهلا ازيك اوال امك فين
هنا:أمك؟؟ ماما جوة في أوضتهاثواني اقولها ان حضرتك جيتي
أمل:طيب يا ختي روحي .. وبرطمت في سرها متربية يا ختي اوي كتك البلا مسهوكة زي امك
هنا دخلت لحنين
حنين :مين يا هنا
هنا: دي طنط امل مرات عمو خالد
حنين:بإستغراب . أمل ؟ودي جاية ليه
هنا :بصراحة يا ماماانا مش بحب الست دي
حنين:عيب كدة يا هنا متتكلميش كدة عن مرات عمك فاهمة
هنا :اسفة
حنين:طيب روحي اندهلها انا مش قادرة اقوم
هنا:اتفضلي ماما جوة
أمل :كل ده بتقوليلها وسعي يا ختي
حنين:اهلا يا امل عاملة ايه والولاد وخالد عاملين ايه
أمل :حنبقي كويسين طول ما انتي بعيد عننا
حنين:افندم ؟
أمل:ايوة استعبطي بقي انتي حتعمليهم عليا
حنين: انتي بتقولي ايه انا مش فاهمة حاجة
أمل :بقول انك واحدةخطافة رجالة وخرابة بيوت وعايزة تاخدي جوزي مني
حنين :انتي مجنونة يا ست انتي ولا ايه جوز مين ده اللي عايزة اخطفوا
أمل:ايوة جوزي انا انتي فاكراني مش واخدة بالي انتي كل يوم والتاني عند امه ليه مش علشان تشفويه هناك. وتجري رجله انتي واحدة معندكيش كرامة بتروحلها ليه جوزك ومات لازقة فيها ليه الا علشان تضحكي عليها هي وابنها
حنين :انتي ست قليلة الادب انا عمري ما فكرت في خالد ولو كنت عايزاه كنت اتجوزتوا من زمان بس انا مش خرابة بيوت زي مابتقولي ويلا امشي اطلعي برة
أمل:انا ماشية بس اقسم بالله لو مبعدتيش عن جوزي لحفضحك في كل حتة واقول انك بتشغلي جوزي وعايزة تخطفيه وحروح لولادك المدرسة وافضحهم واقول ان امهم ست مش محترمة وبتاعة رجال انتي سامعة
حنين: وهي منهارة من العياط. امشي اطلعي برة مش عايزة اشوف وشك تاني انتي فاهمة
امل:وانا اصلا ميشرفنيش اني اقعد في بيت واحدة زيك
هنا كانت بتعيط علشان مامتها ونفسا تضرب أمل قلم علي وشها بس هي متربيه بس اكتفت بنظرة كلها كره وغيظ لأمل
امل :انتي بتبصلي كدة ليه صحيح بجحة زي امك وسعي كدة
زقت أمل هنا وخرجت ورزعت الباب وراها
هنا :خلاص يا ماما كفاية عياط بقي هي مشيت خلاص
عمر :انا كانت عايز اشتم الست دي دي ست وحشة وزعلتك اوي
حنين :عمالة تعيط وتشهق من كتر العياط لا يا عمر اوعي تفكر انك ترد علي حد اكبر منك عيب
عمر:بس هي شتمتك
حنين :منها لله ربنا يسامحها . سيبوني لوحدي دلوقتي عايزة انام
خرج عمر وهنا
هنا:انا عارفة ان ماما مش حتنام هي حتقعد تعيط طنط امل قالتلها كلام وحش اوي
عمر : وهوبيعيط هي ليه عملت كدة دي ماما مش بتزعل حد ابدا
في الوقت ده جرس الباب رن هنا فتحت
هنا:خالو عمار اتفضل كويس انك جيت
عمار:ايه يا هنا مالك بتعيطي ليه وانت يا عمر مالك ايه اللي حصل هي ماما تعبانة هي لسة رجلها وجعاها
هنا :لا بس في حاجة تانيه
عمار:في ايه يا ولاد قلقتوني
هنا: اناحقول لحضرتك
حكت هنا لعمار علي اللي عملتوا أمل
حنين قاعدة في اوضتها بتعيط والباب يخبط
حنين:يا ولاد مش قلت حنام سيبوني بقي
عمار : انا عمار يا حنين ادخل
حنين:وهي بتمسح دموعها تعالي يا عمار ادخل
عمار:مالك بتعيطي ليه
حنين:مفيش بس رجلي وجعاني شوية
عمار:متخبيش عليا الولاد قالولي علي عملتوا اللي اسمها امل دي
حنين:بصت لهنا . كدة يا هنا بتفتني حسابك معايا بعدين
عمار:روحوا يا ولاد دلوقتي عايز اتكلم مع ماما
عمار:انتي ازاي تسكتيلها كان لازم تهزقيها
حنين:انفجرت في العياط. انا تعبت بقي تعبت كل الناس شايفاني وحشة كل الناس بتكرهني ياعمار خلاص مش قادرة
عمار:ناس مين اللي بتكرهك هي امل دي بقت كل الناس دي واحدة زبالة وغيرانه منك انا بقي حربيها هي وجوزها اللي مش عارف يلمها ده
حنين: لا يا عمار كفاية انا مش عايزة فضايح
عمار:فضايح ايه انتي معملتيش حاجة هي اللي ست قلية الادب مقدرتش علي جوزها جاية تتشطر عليكي
حنين:تعرف اني انا عاذراها يا عمار
عمار:نعم عذراها بعد اللي عملتو فيكي
حنين: ايوة عاذراها هي غيرانا علي جوزها مني وده ومش هي بس كل اللي حواليا كدة ود اللي كان مخليني مزورش حد يا عمار انا بقالي 8سنين من يوم هشام مامات وانا مدخلتش بيت وحدة من صحابي ولا جارة ليه حتي اخواتي البنات مبروحش عندهم غير في المناسبات وبتكونوا كلكم موجودين بخاف من نظرات الرجالة ليه اللي كل واحد يفتكراني سهلة ارملة ومن غير راجل والستات بتخاف مني فاكرين اني ممكن اخطف اجوازهم انا تعبانة يا عمار تعبانة اعمل ايه اتجوز اي حد و ارمي نفسي وولادي لاي راجل علشان يبهدلنا علشان الناس علشان الناس تسبني في حالي وعيطت حنين اكتر واكتر . يارب اموت بقي وارتاح واريح الناس مني
عمار :اخدها في حضنه لا يا حبيبتي اوعي تقولي كدة انتي مؤمنة حد يتمني الموت
حنين:استغفر الله العظيم ودعت حنين الله ما امتني ان كان الموت خيرا لي واحيني ان كانت الحياة خيرا لي
عمار:ايوة كدة اوعي تزعلي نفسك وانا والله لجبلك حقك واربي الكلبة دي هي وجوزها واوعي تحسي انك لوحدك احنا حواليكي ومعاكي احنا عيلتك ومش ممكن نسيب حد ياذيكي وانا بالذات جمبك انتي عارفة انك اكتر واحدة في اخواتك قريبة مني .
فاكرة لما كنا صغيرين كنتي تملي تديني اكلك ومصروفك علشان كنت بخلص اكلي بسرعة
حنين:مسحت دموعا وابتسمت . ايوة طول عمرك طفس
عمار:ههههههه ايوة وانتي طول عمرك حنينة وكنت بنصب عليكي وكمان كنتي بدافعي عني وتضربي بدالي فاكرة
حنين:ماهو كان كفاية الضرب اللي كنت بتضربه في المدرسة كنت كل ماتشوف ولد بيكلمني تجري تضربوا وهما كانوا اكبر منك ويضربوك
عمار:كنت بغير عليكي واخاف حد يضايقك لغاية ماكبرنا وانا بخاف عليكي
حنين:ربنا يخليك لية . بس انت كنت جاي ليه
عمار:انتي ناسية ان عندك حقنة لازم تاخديها
حنين:ايوة صح ثواني طيب البس واجيلك
عمار:يا بنتي ماتخليني انا اديهالك انا والله دكتور صيدلي مش سباك بدل ماتنزلي الصيدلية
حنين:ههههه لا يا عم انا بتكسف انت عارف
عمار:يا بنتي انا اخوكي والله عادي
حنين :قلت لا يالا بقي اخرج خليني البس
عمار:طب اساعدك
حنين:ها هاه خفة اخرج يالا
((في المعرض))
أمير: جو حبيب قلبي
يوسف :ايه يا امير قلقتني كل ما اسالك تقولي لسة معرفتش تجبلي اي اخبار عنها عنوانها ولا اي حاجة
امير :معلش يا يوسف السيستم واقع ومش عارف اطلع اي بيانات استني شوية وبعدين انت مش بتتدخل صفحتها وتطمن عليها
يوسف :اوففف انا مخنوق نفسي اشوفها وحشتني اوي
أمير:بيكتم ضحكتوا
يوسف:بتضحك بقي انا حولع وانت بتضحك
أمير :اصل بصراحة فرحان فيك عمري ماشوفتك كدة شكل حنين دي حتطلع عليك القديم والجديد
يوسف :أمير اطلع برة انا مش ناقصك
أمير :خلاص بقي ياعم علش اهدي بس
يوسف:اتنهد تعرف يا أمير انا نفسي بس حنين تديني فرصة اعوضها عن كل اللي هي شافته
أمير : وانت تعرف هي شافت ايه منين
يوسف :اصل بصراحة عملت حاجة كدة لغاية دلوقتي مش عارف انا عملت كدة ازاي
أمير:عملت ايه
يوسف:اصل اخدت السي دي بتاع حنين من عند الدكتورة وسمعته وعرفت كل حاجة عنها وايه اللي حصلها
أمير: هههههه يا بن اللذينا مش الحس الامني بيجري في دمك مش عارف تنسي انك كنت ظابط
يوسف:لا يا امير انا معملتش كدة علشان شاكك في حاجة لا انا كنت عايز اعرفها اكتر عايز اقرب منها وافهمها انا يا أمير حبيتها اكتر واتعلت بيها اوي حنين دي انسانه رقيقة اوي وقلبها طيب غير اي واحدة عرفتها في حياتي
أمير: طيب انت ناوي علي ايه مش فاهم
يوسف :انا عايز اتجوزها يا أمير
أمير: تجوزها!! بالسرعة دي
يوسف :كل ده وتقولي بسرعة انا بقالي شهور مش طايل كلمة منها ولا عرف اقبلها بس خلاص مش قادر استمر علي الوضع ده لازم اخد خطوة
أمير:يوسف انت متأكد انك بتحبها
يوسف:نعم طبعا متاكد اومال كل اللي انا فيه ده اسمه ايه انت بنفسك حسيت بحبي ليها
أمير:مش عارف خايف تكون بس عايز تطولها وخلاص ولانك عارف انها مش شمال قولت تتجوزها
يوسف:لا طبعا انا عمري مافكرت في حنين بالشكل ده انا من كرش اني نفسي المسها واخدها في حضني واكتر من كدة بكتير بس مش شهوة يا أمير لا صدقني انا بحبها بجد. بس المهم هي توافق
أمير :ليه هي ممكن متوافقش ده اي ست تتمناك
يوسف :لا حنين مختلفة اللي عرفته عنها لما سمعت الجلسات بتاعتها انها بتحب ولادها ومتعلقة بيهم اوي وكمان خايفة تدخل اي علاقة ولا حتي تتجوز
أمير :طيب ناوي تفاتحها امتي في حكاية الجواز دي
يوسف :هي بس تديني فرصة وتقابلني لازم اشرحلها ظروفي انت عارف حكاية الخلفة دي مينفعش اخبي عليها
أمير:وتفتكر ممكن ترفض علشان كدة
يوسف :مش عارف بس انا عايز اكلمها الاول واعرف رايها قبل ما اتقدملها
أمير:خلاص يا يوسف اعمل اللي يريحك المهم تكون مبسوط . انا حمشي بقي واول مااعرف اجبلك كل المعلومات اللي انت عايزها حجبهالك اوك
يوسف :امير مش حوصيك بسرعة انا لو حنين مجتش المرة الجاية العيادة لازم اروح اتقدملها مش حستني اكتر
من كدة
((في بيت خالد اخو هشام ))
الجرس بيرن امل تفتح
امل:عمار . تربع ايديها وبقرف . خير في حاجة
عمار :جوزك موجود
امل:وعايز جوزي ليه .
عمار:موجود ولا لا لو موجود اندهيله مش موجود حستناه تحت لحد مايرجع
أمل:انتوا عايزين مننا ايه انت واختك
خرج خالد علي صوت الزعيق
خالد: في ايه مين ياامل . اهلا عمار اتفضل
عمار:انا جاي اقولك كلمتين انت ومراتك
خالد:بص لامل . طيب ادخل يا عمار مينفعش كدة علشان الجيران
عمار: اسمع انت ومراتك تبعدوا عن حنين اختي انت فاهم انتوا فاكرين ايه موراهاش رجالة لا فوق احنا مش حنسبها تتبهدل
خالد:هو ايه اللي حصل انا مش فاهم حاجة
عمار:اسأل مراتك اللي راحت لاختي التعبانة وشتمتها وبتتهمها انها عايزة تخطفك منها وبتقول عليها انها بتاعت رجالة انا اختي اشرف منكم ومن عيلتكم كلها فاهم وقسما عظما لو فكرت تمس حنين بكلمة تاني انا اللي حقفلها واقطعلها لسنها انت فاهم
خالد:ارجوك يا عمار كفاية كدة من غير غلط انا حعرف اتصرف معاها
عمار:انا قلت اللي عندي ومش هكرره
ومش عمار ورزع الباب وراه
يتبع 👇🏽👇🏽
