رواية جحيم شمس ( كامله جميع الفصول ) بقلم رشا منصور
أنا مش مجنون أيوة أنتوا اللى مجانين
أو عاقلين لكن مش فاهمين إيه اللى بيحصل حواليكم ولا شايفينهم أنا أنا ....
غمضت عيني وسكت معرفتش أقول ايه ولا ابدء منين تعالوا ما احكيلكم من الأول حكايتي وانتوا هتعرفوا أنى مش مجنون .
اعرفكم بنفسي أنا الدكتور خالد منصور دكتور في الطب الشرعي. معروف ومشهور بالتعامل مع الج.ثث كأنها لوحه فنيه معروف بالدقه في شغلي واقدر اكتب تفاصيل كل جر.يمه وازاى حصلت علشان كده بقيت متخصص في القضايا الغامضة وبسبب شهرتي بقيت احل القضايا من كل محافظات مصر مش القاهره وبس
وبالنسبة لحياتي الإجتماعية فأنا ارمل وعندى بنت عندها عشر سنين من يوم ما ماااتت مامتها في الحادثه بقت هيا كل حياتي وهى كمان ملهاش غيري بس من بعد مووت مامتها بقت تشوف أحلام وتكلم مع حد مش موجود محاولتش اخوفها وخصوصاً أنى بغيب بره البيت كتير بحكم شغلي ...
شغلي اللى كان السبب في كل اللى أنا فيه دلوقتي .
عاوزين تعرفوا اللى حصل هقولكم
من تلات شهور وأنا في الشغل دخل مكتبي الضابط أحمد عصام
ايه يا دكتور خالد اخبارك ايه أنا جايلك من الصعيد مخصوص عاوز منك بقي تركز في الحاله دى بالذات جايبلك جثه. رشا منصور ✍️
قولت له وأنا بضحك الناس بتدخل بصنيه كنافه وأنت جايبلي جثه ضحك وقالي دى مش أى جثه دى طفله ماتت في ظروف غامضة ومش قادرين نفهم السبب وقولنا مافيش غيرك اللى يحل اللغز ده
قولت له مش فاهم يعني ايه ظروف غامضة قالى أهل القريه قالوا إنها وقعت في بير لسه بيتعمل والناس طلعتها ولما شوفنا البنت مافيش أى حاجة تدل على أنها وقعت ولا حتى خدش واحد وارتفاع البير خمسه متر
وفي شهود بتأكد أن البنت طلعوها من البير
ده غير أن من بعد ما طلعوا الجثه من البير الحرايق قايمه في البيوت من غير سبب واى حد بيقرب من البير بيطلع نار
قولت له هشوفها واكتبلك التقرير قالي بس بسرعه أبوها عاوز يدفنها وأهل القريه رافضين أن بنتهم تتشرح عارف بقي علشان طفله صغيره قولت له فاهم فاهم ...
بس من جوايا
أول ما سمعت أنها طفله معرفش ليه جسمي قشعر مع أنى متعود ع الج.ثث لكن فجأة افتكرت بنتي وخوفت عليها
سيبت الضابط أحمد وروحت مكتبي فتحت الدرج وطلعت موبايلي واتصلت ب البيت وأول ما سمعت صوت بنتي هاله اطمنت أوى وقفلت معاها بعد ما اكدت لها أنى هجيبلها شيكولاته وأنا راجع البيت
وقفلت الموبيل وروحت ل الضابط أحمد علشان استلم الحاله
والعامل حطها ع التربيزة اللى بيتم عليها التشريح ولسه ببص لها انصدمت
دى دى 😱.
Rasha
.دى نايمه قدامي طفله نايمه وع وشها براءة وابتسامه هاديه جميله ومعقوله حد ممكن يقتل. الملا.ك ده كنت بكلم نفسي بصوت مسموع وقولت
ربنا يصبر أهلك اكيد زمانهم هيتجننوا عليكي ومجرد ما قولت كدا
لقيت الكهرباء بدأت تترعش والنور بيطفي ويقيد لوحده وفجأة في أيد ماسكتني وزى ما يكون في إعصار جامد وأنا روحت فيه ومش عارف انطق ولا فاهم ايه بيحصلي لحد ما لقيت نفسي واقع ع الأرض فى وسط ڤلل ايه المكان ده . ده زى ما يكون كومباوند وببص لقيت بتاع الأمن واقف جريت عليه علشان اسأله أنا فين
بس الغريبه أنه مش شايفني ولا سامعني
وبقيت أصرخ زى المجنون في حد هنا شايفني في حد سامعني
طب أنا فين ومين اللي جابني هنا ولقيت صوت رقيق بيقولى تعالى 🚶 فضلت اتلفت حواليا أشوف الصوت ده جى منين لقيت الطفلة بتشاور ليا
ايوة هى بس إزاى دى المفروض ميته🙄
يا تري ايه اللي حصل مع دكتور خالد وايه حكايه الطفله
انتظروني في الحلقه القادمه
يتبع....
