.jpeg)
رواية فرصه تانيه ( كامله جميع الفصول ) بقلم نشوه عادل
زياد: اتفضلى ادخلى
منة فى نفسها: هو ماله قلب وشه كده ليه فين الضحكه اللى كانت من الودن للودن هل انا عملت حاجة غلط مثلا
دخلنا ولقيته قعد وندهالى اقعد
زياد: بصى بقا يا منة انا اسف فى اللى هقوله بس لازم تعرفى الحقيقة انا مش بحبك انا اتجوزتك بس عشان ارضى امى لانها كانت بتحبك ومصممة عليكى لكن انا بحب واحدة زميلتى بالبنك
منة بصدمة: انت بتهزر صح😳
زياد: المواضيع دى مفيش فيها هزار ع فكرة المهم متقلقيش هما ٦ شهور بالكتير وهطلقك عشان مظلمكيش
منة: تظلمنى لا ابدا اتجوزتنى غصب ومعرفتنيش بالموضوع من قبلها عشان تسيبلى حرية الاختيار وكمان ٦ شهور وهطلقنى فين الظلم ده عن اذنك🙂
دخلت الاوضة ورزعت الباب بس رجعت فتحته وقولتله: ع فكرة انا كمان مجبورة عليك عشان امى مش حب فيك
رجعت قفلت الباب ع نفسى معرفش انا قولتله كده ليه مع انى محبتش فى الدنيا دى حد اده يمكن عشان احافظ ع كرامتى والله مش عارفة قعدت اعيط لحد ما هبط ونمت... تانى يوم الصبح صحيت عطشانة طلعت اشرب لقيته بيكلم المحروقة بتاعته واول ما شافنى قفل
زياد: ايه ده انتى لسه لابسة الفستان ليه🤔
منة: معرفتش اقلعه وبعدين انت مالك اصلا 😒
زياد: مالى ايه افرضى اهلنا جم وشافوكى بالفستان هيقولوا عليا ايه
منة: ميشغلنيش ع فكرة وانا معرفتش افتح السوستة هستنى لما مريم تيجى وتساعدينى
لقيته بيقرب منى وانا ببعد عنه لحد ما خبط بالحيطة شدنى من وسطى عليه وانا توهت فى عينه لقيته بيفتحلى السويتة وانا مش حاسة بحاجة خالص يخربيت ام جمال عنيه بجد
زياد: خلاص فتحتها ممكن بقا تدخلى تغيرى
طلعت اجرى من ادامه غيرت هدومى لبست اسدال صلاة وطرحة وطلعت تانى
زياد: ايه ده انتى لابسة كده ليه؟
منة: اومال المفروض البس ادام حضرتك ايه شورت وكات
زياد: ياريت😉
منة: احترم نفسك 😳
روحت شربت ودخلت اوضتى تانى لحد ما سمعت باب الشقة ببخبط وسمعت صوت ماما واختى ومامته غيرت بسرعة ولبست عباية استقبال تايجر وسيبت شعرى وخرجت
ساعة ما شوفتها بلمت البت كانت صاروخ يخربيت ام كده دى هعيش معاها ازاى كده بس🤦
فاطمه: يا اخواتى بنتى قمر يا ناس طالعة لامها
عائشة: طبعا يا اختى مين يشهد للعروسة
فاطمه: ها طمنينى الواد ده عامل معاكى ايه ها قوليلى لو عمل حاجة اقرصلك ودنه
منة بابتسامة صفرا: ده ده ملاك وفى سرها: استغفر الله العظيم ع الكدب
مريم بعد ما ميلت عليا: بت مالك شكلك مش مريحنى انتى كويسة بجد؟
كنت هموت واحكيلها بس مسكت نفسى وقولتلها: ابدا يا قلبى يمكن عشان منمتش كويس 🙂
استأذنوا بعد ربع ساعة ومشيوا رجعت ع اوضتى لقيته جاى ورايا
زياد: انا جعان اوى
منة: طيب
زياد: هو ايه اللى طيب تعالى حضرى ليا الفطار
منة: ليه انت اتشليت
زياد: الملافظ سعد يا بومة بس مش المفروض انك مراتى
منة: ع الورق وبس يا برنس🤚
زياد: ولو بس برضه ع ذمتى وده واجبك
نفخت بضيق ودخلت غيرت هدومى ولبست طرحة وبعدين دخلت المطبخ اجهزله الفطار وبعدين حطيته ع السفرة ومشيت
زياد: مش هتاكلى
منة: وانت اللى يشوفك يجيله نفس للاكل وفى نفسها: سامحنى يارب ع الكدب ( واقعة اوى البت دى😂😂)
عدى اليوم وسمعت الباب بيتقفل عرفت انه نزل بس اتأخر، اوى يا ترى كان فين ومع مين وبيعمل ايه اول ما جه خرجتله وانا متشاطة غضب وقولتله .....يتبع
