رواية القدر او الحب الفصل العاشر 10 بقلم جوري محمد

 رواية القدر او الحب الفصل العاشر 10 بقلم جوري محمد 

نور اتفقت هي ورعد ان هم هيروحوا الدكتور بالليل

وتركت نور رعد ودخلت مره اخرى للجامعة تحت نظراته المليئة بالحب لها

فاطمه طمنيني قال لك بحبك

 نور دماغك فاضيه يا بنتي احبك ايه اسكتي وليد طلع بيكذب علينا وطلعت العملية هتنجح بس عايزه تعمل في الخارج

فاطمه الحمد لله ان شاء الله تنجح وانا هحول لك كل الفلوس اللي معايا

نور هو انا لم اذكر لكي رعد ما طلع رعد اللي احنا عارفينه طلع رعد تأني خالص

 فاطمه افهم يا بنتي وبالراحة عليا

نور وليد فين الاول فاطمه الدكتور ادهم طلبه نور يبقى نحكي براحتنا وبدأت تحكي لها كل شيء

فاطمه والله انت ربنا بيحبك خلى رعد يبقى في طريقك علشان يساعدك انت ووليد 

نور دي بقى معاكي حق والحمد لله المهم عايزه سبب مقنع بالليل اخرج من غير ما واليد يتضايق 

فاطمه هقول لكي يا باشا انا هتصل بيكي واقول ان ماما تعبانة وعايزاك تجيبي العربية علشان نوديها لأني اخويا وبابا مش في البيت

 نور فكره برده 

فاطمه بس بقول لك ايه حطي تليفونك على وضع الطيران علشان اقول لوليد ان تليفونك مقفول فيقول لي بتتصلي ليه طيب وانا ااروح انا قايله 

 نور اتفقنا يلا بينا بقى على المحاضرة علشان من الاخر المحاضرة النهارده مهمه جدا بس هل مراد مر على هنا قبل ما يروح كليته ولا ماشي على طول

 فاطمه لا هو حضر وشرب الشاي معنا في الكافتيريا وبعد كده مشي بسرعه بيقول عندي محاضره 

 نور يلا ربنا معاها ومعانا 

وفعلا بعد ما عدى اليوم عادي بدون اي احداث وتنفيذ الخطة الذي اتفقت عليها فاطمه ونور وترك وليد مع بطاطا يقومون ببعض الاعمال التي طلبتها منهم نور لتجعلهم منشغلين مشيت نور ورعد للدكتور

رعد...احنا جهزنا المبلغ يا دكتور وعايزين نعرف كل الخطوات اللازمة علشان حضرتك تقوم بعمل العملية في الخارج

الدكتور.. احنا هنبدا الاشاعات والتحاليل من هنا بحيث اول ما يوصل نعمل عمليه على طول وفي الوقت ده انتم تحضروا الاوراق اللازمة للسفر

نور... شكرا قوي يا دكتور احنا من بكره هنبدا التحاليل والاشاعات لحضرتك عايزها

وبعد ذلك ذهبت نور هي ورعد وعلى وجهها الابتسامة 

رعد... انا فرحان قوي يا نور اني رسمت الضحكة على وشك بعد ما كان في حزن

نور... وانا بشكرك جدا لأنك وقفت جنبي و هتساعد اخويا وليد

رعد انا عايزك بكره ان شاء الله تجيبي لي الصور بتاعتك وصور بتاعت وليد علشان ابدا عمل الباسبور والتأشيرات والحاجات اللازمة للسفر انت عارفه ان انا ليه ما عارف كثير هيخلصوا الموضوع ده خلال يومين بالكثير

نور...شكرا يا ذوق بكره ان شاء الله اجهز لك احلى صور وطلعت تجري وهي فرحانه عند وليد وكل اللي بيحصل ده تحت نظر ادم اللي بقى يراقبها بنفسه

ادم بيكلم نفسه.... ايوه يا رعد باشا استعجل في عمل الورق علشان نور توصل عندي بسرعه

رعد... بيكلم نفسه وهو ينظر الى ع نور وهي بتجري باحبك قوي يا بنت والله هتجننيني معاكي وقعد يضحك

ادم وهو ينظر الى رعد فرحان قوي يا اخي وطيور الحب بترفرف حواليه في العربية علشان لما يفوق على حقيقه نور يبقى الدمار وكسره القلب ليه ما هو محدش قال له حب انا بعمل خير فيه بعلمه الدرس انت قلبك طيب يا ادم هههه 

وهنا اتصل جيجي اخبارك ايه اخبارك يا مزه

 جيهان اخيرا فكرت تصل بيا يا ادم ايه فكرت في الكلام اللي قلته

 ادم اه فكرت بطمن نزلتيه ولا هو ما كانش موجود من اساسه 

جيهان نزلته يا ادم

 ادم كده احسن ليكي ولينا ما هو انا مش عارف مين ابوه عشان احدده هههه

جيهان انت فاتح دلوقتي عشان تضايقني

 ادم لا انا بتصل عشان اقول لك ايه رايك نتقابل 

جيهان اوكي في شقه المعادي وحازم يجيب لنا المزاج للمزاج

  ادم مش هتقرف هتصل بيه وارتب القاعدة

ونتركه ونذهب مسرعين لنصعد عند نور

نور.... وليد انا عندي خبر حلو احنا اتفقنا انك تعمل العملية خلاص وروحنا للدكتور انا ورعد من بكره هتبدا نعمل الاشاعات والتحاليل

وليد.... وانت بقى يا ستي نور هتدفعي فلوس منين

نور....هو سؤال عادي بس الطريقة اللي انت بتسال بها دي يا وليد مش عاديه انت بيشك في اختك

وليد... لازم اشك لما اختي يبقى لها قلب زي قلبك و انها مستعده تضحى بعمرها كله علشان خاطري

لازم اشك لما الاقي شخص فجاه يظهر في حياتنا كانه بقابلك اول مره ولكن طريقتك انت وهو كأنكم تعرفوا بعض من فتره 

لازم اشك لما ابقى انا عاجز وانت ترجعي البيت الساعة 1:00 وتقولي لي انا كنت تحت في الورشة وبدأت الدموع تنزل من عيناه يا ريتني كنت ميت ولأني اكون سبب اللي بيحصل ده

نور... انا ممكن اعتبر نفسي اني لم اسمع كل الكلام اللي انت قلته بس هقف على كلمه واحده بس انت قلت عمرها مش شرفها لازم تبقى متأكد اني ممكن ابيع كل عضو في جسمي الا شرفي كليه اتبرع بدمي حتى لو هبيع قلبي واموت بعديها مش مشكله عندي انما شرفي لا

وليد..... وهو ما زال يبكي خلصي يا نور ورحمه ابوك وامك قولي لي جبت الفلوس دي منين قلبي مش مستحمل

نور...انا هحكي لكي كل حاجه بالتفصيل وبدأت نور تحكي كل حاجه من اول يوم بدا تشترك فيه في السباقات لحد اليوم اللي هي تعبت فيه

وليد.... يبقى انت اللي كنت سائق العربية اللي انا صلحتها سبحان الله لولا ان انا دخلت بلعب بلاي ستيشن ولذلك تمكنتي من الفوز بالسباق 

نور.... شوف بقى لما ربنا يكون راضي على احد بيعمل معها ايه المعجزات

وليد... سامحيني يا اختي مش تزعلي مني والله ولكن انا كنت هتجنن لما الدكتور ادهم وجاء حكالي بعد ما شافك انت وهو واقفين على باب الجامعه وقاعدين تضحكوا

عارف انا هقول لك ايه انت اي حد يجي يقول لك حاجه على اختك تصدقها على طول والله لولا الدكتور ادهم عمل كده من باب انه خايف على اخته الصغيرة كنت اتصرفت معاه تصرف ثاني 

وليد خلاص يا نور انا بعتذر لك بس بعتذر ايضا اني لن اقوم بعمل العملية هذه الفلوس تخصك وانت هتحتاجيها

نور... لا انا زعلانه ومش هاكلمك الا لو وافقت تعمل العملية

وليد يا بنتي دي فلوسك خليها فشلت

 نور يعني انت بكلمه واحده عايز تضيع مجهودي اللي عملته علشان العملية يا اخي ده انا كنت هموت

وليد... خلاص هاعمل العملية بس الفلوس هتبقى دين على لك

نور..... خلاص يا اخويا بقى اكتب لي وصل امانه هههههه

وليد ربنا يخليك لي يا احلى اخت بس انتم لم تتمكنوا من معرفه مين اللي حط لك المواد المخدرة في القهوة 

نور للاسف السباقات دي مش موجود فيها اي كاميرات للمراقبة لأنها بدون قوانين واحتمال كثير حدوث حوادث او موت

الحمد لله انك بخير

 نور طب يلا يا باشا خلينا ننام لان بكره امامنا يوم طويل

وفعلا نور جهزت الصور والاوراق المطلوبة واديتهم لرعد

وكلف رعد شخص يقوم بعمل اللازم وبدأت تمر الايام وعلاقه وليد ورعد ونور اصبحت متينه و وحب رعد لنور اصبح واضح كوضوح ضوء الشمس امام الجميع ولكن نور تقاوم ولا تريد ان تعترف انها تحبه

وهنا جاء اليوم الذي ستنطلق طائره نور ووليد الى خارج البلاد في المطار تكون فاطمه بتوديع وليد

فاطمه وليد انت هتوحشني جدا وانا قلت لك اتقدم وانا هضغط على بابا وخليه يوافق ان نكتب الكتاب وكنت دلوقتي مسافره معاك ابقى جنبك 

وليد انت فعلا جنبي وجوه قلبي انا كنت ممكن عملت زي ما انت قلتي وكنت عارف ان باباك هيوافق بس انا مش عايز حد يعمل حاجه في حياتنا وهو مش مستعد لها ان شاء الله لما ارجع هنتمم كل حاجه ما تقلقيش

خلاص بقى هاكلمك كل يوم وعايز الابتسام فاطمه ان شاء الله توصل بالسلامة والعملية تنجح وترجع لي وانت بألف خير

رعد.... دي الاوراق والباسبور اهو ودي فيزا انا عملتها لكي تصرفي منها زي ما انت عايزه

نور. وده شيك على بياض هتحط فيه المبلغ لما نرجع مصر ان شاء الله

رعد.... نور انت بتقولي ايه

نور... هو ده طلبي وطبعا وليد ما يعرفش اي حاجه عن الشيك ده

وعد.. حاضر يا ستي على العموم انا الاسبوع الجاي هاكون عندكم وعلى فكره انا مخلي واحد من فرع الشركة هناك هسيتناكم في المطار هيقف معك في كل حاجه ما تشيلي هم حاجه خالص انت تؤمري وهو ينفذ

نور.... والله انا ربنا راضي عني وبيحبني علشان خلي واحد زيك يجي في طريقي لولاك ما كنتش اعرف اعمل اي حاجه من الحاجات دي كلها

رعد... ما يمكن العكس ينور انا اللي ربنا بيحبني قوي علشان كده خلاني احبك

نور........ دي شكلها البنت فاطمه معه حق بقى

رعد..... وفاطمة قلت ايه بقى يا ستي

نور.... قالت انك بتحبني وبتموت في

رعد... على فكره هي طلعت بتفهم جامد مش زيك عندك راس مش عايزه اقول لك لا تزعلي

 نور لا قول عادي انت ما يتزعلش منك

رعد..... طيب ردي على طلبي يا نور تتجوزيني نور

نور.... هارد عليك لما ارجع ان شاء الله ولا اقول لك لما تيجي انت هناك عندنا 🙈🙈🙈

رعد....خلاص انا عرفت الإجابة من غير ما تقوليها الخدود احمرت والكسوف على وشك بان يبقى بتحبيني يا نور

نور.... الحدق يفهم يا باشا وسابت ومشت علشان الطيارة

وطلعوا كلهم على الطيارة نور و وليد وادم طبعا في الدرجة الاولى

وليد.. على فكره رعد انسان كويس و شكله بيحبك

نور.... على فكره هو قال لي كده لما كنا واقفين مع بعض في المطار

وليد.... انت بتحببيه يا نور

نور.... ب بحبه جامد قوي يا وليد حاسة انه بوجوده حياتي كلها اتغيرت بإحساس غريب كده اول مره احس

طيب و رديت عليه وقلت له ايه

قلت له مش هارد دلوقت لما نرجع مصر

وليد اللي فيه خير يقدمه ربنا ان شاء الله

وصلوا امريكا وكان فعلا واحد من فرع الشركة مستنيهم هناك مصري وكان معهم في كل خطوه تحت عيون الاشخاص الذين امرهم ادم بمراقبتهم وايضا الشخص الذي امره توفيق بمراقبه الجميع لحد يوم العملية 

وطبعا رعد وفاطمة كل يوم بيكلموهم وبيطمنوا عليهم وكل ده بيحصل تحت عيون ادم

الذي قام بالاتفاق مع احدى العاملين بالمشفى من اجل مساعدته في تنفيذ خطته 

جاء يوم العملية ورعد بيتصل بنور

رعد. . صباح الخير على عيونك انا عندي لك مفاجأة

نور....طيب قولي ولا اقول لك استنى انا اتوقع انك في المطار وجاي دلوقت عندي

رعد..... ايه ده انت عرفت ازاي اكيد قال لك الاستاذ اللي من الشركة

نور... اولا انا ما حدش قالي بس انت ما تعرفش اني اقدر اقرا افكارك واقول لك على اللي محير بالك

رعد.... لا ده احنا تطورنا جامد بعد المهرجانات بقينا عبد الوهاب ههههههههههه

نور... و انا محضر لك مفاجأة حلوه 🙈🙈🙈🙈لا بس هاقولها لأني مش قادره استني انا باحبك جامد جدا يا حياتي وكهرباء قلبي و ودينامو الدورة الدموية يعني انت بقيت العربية بتاعتي وبقيت انت سلك الدبرياج لقلبي ههههههههههه

رعد.... هو بغض النظر عن وصف احساسك وحبي وحبك لي باستخدام مصطلحات بتاعه العربية بس انا فرحان انك بقيتي تحبيني

نور.... يعني وصل لك احساسي يا باشا ولا اشغل موتور واطلع السرعة النهائية

رعد. . وصل لي احساسك يا اسطى هههههه سلام بقى علشان الطيارة هتطلع

نور... وانا هاروح عند وليد علشان كلها ساعة ويدخل العمليات

رعد... ربنا معه وانا هاجي لك ان شاء الله على طول على المستشفى سلام يا حبي

نور.. سلام يا نور حياتي

وفعلا وليد دخل العمليات ونور قاعده بره هي و المساعد بتاع رعد

سكرتير رعد...اهدى يا انسه نور ان شاء الله استاذ وليد يخرج من العمليات بخير وسلام انا هاروح اجيب لك كوبأيه ليمون تهدي اعصابك شويه

مساعد ادم باشا وليد دخل العمليات هننفذ دلوقتي ولا نستنى شويه 

ادم لا دلوقتي واوعى تغلط غلطه واحده او تسيب وراك اثر

يا ترى ايه اللي هيحصل 🌹🌹🌹

يا ترى الخطه بتاعه ادم ايه هي هنعرف مع التفاعل الحلو ان شاء الله هيكون الفصل الجاي سلام 🌹🌹🌹

الفصل الحادي عشر من هنا 

تعديل المقال