رواية القدر او الحب الفصل السابع والثلاثون 37 بقلم جوري محمد
بسمه اريد رجل يقبلني كما أنا بألواني المختلفة ..الاسود والابيض والزهري فكل لون سيعكس جزء مني هيقول عليا مجنونة .ألواني متناقضة كأحلامي ولكنها حقيقية جداً طبيعية جداً ..سيحتار في بادئ الأمر ..ولكن لن تطول كثيراً ...إذا تقبلني سأسرد له تفاصيلي ومعاني ألواني
إذا لم يتقبل إختلافي فلا بأس يرحل
فأنا لن أقبل إلا برجلاً كما أنا يهواني
وهذا كان حديث بسمه لكل من جميله ونور
نور ان شاء الله يا حبيبتي هتلاقي اللي يشيلك جوه عينيه ويحبك
بسمه ان شاء الله
جميله انت اموره يا بسمه بس لو لسانك يتشيل منه حته هتبقي كيوت
بسمه كيوت ايه بس يا خالتي هو الزمن ده ينفع فيه كيوت
يلا اسيبكم انا واروح عند ماما هي اتصلت وعايزاني ارجع
نور والله يا بسمه كنت محليه عليا الايام
جميله هي كده المكان اللي تقعد فيه تفضل تضحك وتضحك اللي حواليها
بسمه لا ما انا هتصل بكي على طول سلام بقى
وبعد ذهاب بسمه
نور انا هنزل تحت في عربيه كده عجباني وعايزه اصلحها
جميله يا بنتي ارحمي نفسك هو احنا قصرنا معاكي يا نور في حاجه
نور انت عارفاني انا مش بعرف اقعد فاضيه سلام يا قمر
جميله خدي بالك من نفسك
نور اتفقنا
وعندما نزلت نور وقبل ان تدخل الورشة قابلت توفيق الذي قام باحتضانها اخبارك ايه يا بنتي واخبار احفادي ايه مش ناويه ترجعي بقى
نور شويه كده يا عمي هو مش انضبط
توفيق فعلا هو اتعلم الادب وانا بديك التقرير عنه كل شويه غير اللي بيتنشر عنه وعن نجاحه
نور يبقى خلاص قربت ارجع له هو كمان وحشني
توفيق ماشي يا حبيبتي خلي معاكي الفلوس دي عشان احفادي لو عايزه حاجه
نور وهي تبتسم هم طلباتهم قليله جدا هههه والله يا عمي انت مش مخلينا محتاجين حاجه كمان عمي الحاج محمد قائم بالواجب وزيادة
توفيق وهو انا هقدر اقول حاجه راجل كريم ومعتبري انك بنته
واثناء حديث نور مع توفيق شاهدهم ادم وليد
ادم ماشي يا توفيق باشا انت يعرف مراتي ابنه كانت فين طول الفترة دي وشايفني بتألم وساكت
وليد شكلهم كانوا متفقين علينا بقى
ادم يا راجل ما انت كمان كنت عارف مكانها
وليد بس هي ما تعرفش ان انا عارف انما شكلها كده اتفقت عليك هي وباباك
ادم طيب اروح دلوقتي اكبس عليهم واخدها بالاحضان
وليد وهو يضربه في كتفه عيب يا اخي دي اختي
ادم على فكره هي مراتي
وليد اعقل كده يا ادم وكل شيء هيتحل المهم ان احنا اطمنا عليها يلا بينا
وبدات الايام تمر وادم دائما يذهب للاطمئنان على نور دون ان يلاحظه احد وليد وفاطمة بداوا في انهاء تجهيزات شقتهم لكي يتمموا جوازهم
نور بقيت في الشهر الثامن
ونور. باقول لكم ايه احنا لسه الساعة خمسه الصبح كفايه ضرب بقى انا امكم حرام عليكم اللي بتعملوه فيا
الحاجه... في ايه يا نور انت بتكلمي نفسك
نور... لا بتكلم مع اولادي وليد وتوفيق
الحاجه.. انت كمان سمتهم مش تستنى يمكن باباهم
يختار لهم اسم ثاني
نور... باباهم مين يا حبيبتي ليه هو كان تعب فيهم ده كفايه ان هم نازلين في ضرب ليل ونهار دول شكلهم بيتخانقوا من وهم جوه الله يكون في عوني لما يبقوا بره
الحاجه يا اختي ربنا يخليهم ويضربوك عادي مش مشكله ههههه ابقى انت اضربيهم لما يبقوا بره وضربه قصاد ضربه
وهنا الحاج محمد دخل اخبارك ايه يا نور انا حجزت لكي عند الدكتورة والميعاد 2:00
نور... تعبان انت معي يا بابا الحاج
الحاج محمد...عارفه انت لو قلت كده ثاني اقرصك من ودانك يعني هيبقى عيالك بيضربوك وباباك بيقرصك من ودانك
الحاجه... وانا هيضربها بالشبشب واعضها عضه صغيره ههههه
نور.... ايه حرام عليكم كلكم علي ولا ايه هههههههه.الحمد لله ربنا اخذ مني كل حاجه واداني الصحة هههه و بتقلد صوت محمد صبحي
وكلهم قعدوا يضحكوا
وليد فكره كويسه المركز اللي انت فتحته لمعالجه الادمان
ادم دي حاجه بحاول بيها اكفر عن ذنوبي زمان
وليد... دي حاجه كويسه يا رب يخففوا ويرجعوا طبيعيين من ثاني
ادم..... انت طبعا ما تعرفش عني حاجه اني كنت مدمن زيهم ولولا نور كان زماني لسه مدمن
وليد.... لا عارف نور حكيت لي على كل حاجه حتي. يوم ما انت شكيت فيها بس ما رضيتش تقول لي عن السبب اللي خلاها تسامحك في حاجه زي كده وقالت لي ان ده سبب خاص ب ادم وما اقدرش احكي
ادم....قالت لك وبالرغم كده وافقت ان احنا نتجوز
وليد.... لاني سالتها في ليله فرحكم لما لمحت في عينيها دمعه بتحاول تخفيها ونور صممت انها تتم جوازكم
وليد وانا وافقت لما لقيتها مصممه عارف ليه
نور..... دائما عندها ايمان بربنا انه مش بيجيب حاجه وحشه و اعتبرت ارتباطكم اختبار من ربنا
وطلبت مني اني اسمحلها تستمر في العلاقة دي واني ما احسك اني اعرف اي حاجه
ادم..... على فكره الوقت اخذنا و بقيت واحده مش يلا بينا بقى علشان اشوف نور
وليد.. حاضر يلا بينا
ونسيبهم... ونروح عند نور اللي بتستعد علشان تروح للدكتور
وهنا دخلت بسمه ازيك يا جوز خالتي
ازيك يا خالتي عامله ايه
جميله ا... كويسه ازيك انت عامله ايه يا ام لسان طويل
بسمه...ما بلاش الكلمة دي بقى خلاص يا خالتي انت هتوقفي حالي كده ومش هيلاقي حد يتجوزني
يلا انت كمان يا نور علشان اروح معك
نور... انت جئت يا بسمه خلاص انا جايه اهو
بسمه.... لا ما جئتش يا اختي خيالي اللي بينادي عليكي
وعندما خرجت نور عليها
بسمه وهي تضحك اهلا اهلا بالكرنبه..ههههه شكلك بقى عامل زي طائر البطريق يا نور يمكن نافعك شويه الطول مداري المنظر انما لو كنت قصيره شويه كنت هتبقى قشطه هههه كوره كوره بجد
نور... طب يلا يا اختي قدامي لما نشوفك انت هيبقى شكلك عامل ايه
بسمه.... مش لما يجي ابن الحلال الاول بلا وكسه ثم انا هبقى قمرايه
نور.....الله يرحم لما كنت بتجيبي لي سندوتشات وانت فاكراني وليد اللي شغال في الورشة ههههه كانت القلوب بتطلع منها كده
بسمه... لا اصل كنتي ولد مز كنت فاكركي ولد طلعت بنت موزه ههههه بس ان شاء الله ربنا هيبعث لي ابن الحلال
نور...والله ما اظن بلسانك اللي عامل زي المبرد ده انت مطفشه 10 عرسان يا مفتريه
بسمه ما حصلش ده نصيب انا ما طفشتش حاجه هم اللي تافهين
واحد منهم بيقول لي وريني شعرك اوري لك شعري بتاع ايه هو انت كتبت كتاب يا ابني راح مشي ما رجعش قال عليا قرعه هههه
والثاني بيقول لي هو انت بتعرفي ترقصي قلت له ليه هو انت ناوي تشغلني رقاصه بعد الجواز قال لا بس انا بحب الرقص قلت له انا ما بحبوش راح ماشي بصي ناس تافهة انا عايزه راجل بجد عايزه يكون تفكيره مميز
نور على اساس انك انت عندك عقل يا بنتي ده انا بحس انك بربع عقل
بسمه ما هو عشان كده انا عايزه تفكير مميز عشان يكمل الثلاث تربع اللي ناقصين يلا يا اختي قدامي ما حدش فاهمني هههه
نور هههه طب يلا يا حبيبتي التاكسي وصل تحت
وهم ماشيين نازلين من التاكسي وبيعدو الطريق كان يحدث معهم حادث لو توقفت السيارة ونازل منها رعد
بسمه.... الهي يفرم عليك قطار يا شيخ انت ما بتشوفش اتعميت في عينك ايه ادولك الرخصة دي احسان ولما انت ما بتعرفيش تسوق بتركبوا عربيات لي هتدوس الناس وهي ماشيه في حالها
رعد.... ايه ده ايه يا بنت بلعه راديو
بسمه... بنت لما تبتك يعني كنت هتدوسنا وكمان مش عاجبك لما تكلمنا ايه خلاص عشان ربنا اداكم شويه فلوس هتشوفوا نفسكم بيهم على الناس
نور... خلاص يا بسمة حصل خير
بسمه.... وهيجي منين الخير طول ما التيران دي ماشيه في الشارع
رعد.... تيران ايه يا بقره انتي
بسمه.... شفت طوله لسانه بص انت تحمد ربنا ان انا لابسه كوتش عارف لو كنت لابسه الجزمة ام كعب كنت فتحت دماغك بها و خليتك تاخد 10/ 12 غرزه في وش الجميل
طبعا انتم هتقولوا ازاي رعد ماعرفش نور
نور كانت لابسه نقاب علشان ما حدش يعرفها لو شافها لان كانوا نشرين صورتها في الصحف في بدأيه اختفائها بيدوروا عليها
وبسمه لسه بتمشي هي ونور فنور اتكعبلت ورعد سندها واخذ باله من لون عينيها وقال نور
بسمه... ايه ده انت تعرفها
نور.... بتكلم نفسها غبيه يا بسمه طول عمرك ورديت على رعد انا معرفكش يمكن حضرتك تقصد نور ثاني
رعد.... الظاهر كده
ومشت نور. و بسمه وطلعت عند الدكتور وكل ده تحت نظر ادم وليد اللي طبعا كان ادم هينزل لولا وليد مسكه ورعد لسه بيلف لكي يذهب ولكن لفت انتباه عربيه وليد واقفه فمشي عندهم
رعد.... انتم واقفين تعملوا ايه هنا
وليد.... انت عارف اللي انت كنت بتتكلم معهم دول مين
رعد..... لا ما اعرفش
وليد.... دي نور والثانية بسمه قريبه الحج
رعد..... بجد طيب منزلتوش ليه
ادم... علشان لو عرفت ان احنا عرفنا مكانها هتهرب تروح مكان ثاني
رعد.... مجنونها وتعملها
.