رواية ظلام قلبي الفصل الثامن 8 بقلم زينب احمد
أميره بتوتر وتخفض بصرها لاسفل: ممكن تحضني؟
عمر: تفاجا من سؤالها ثم قال: اكيد طبعا ده انا حتي حضني حلو تعالي
أميره قامت باحتضانه بشده ودفنت وجهها بكتفه
واخدت تبكي بشده بدون صوت ... فكانت تتمني هذا الحضن من وقت بعيد.. كانت تتمناه في مرض امها.. كانت تتمناه عندما يضربها والدها كانت تتمناه عندما ماتت امها.. كانت تتمناه عندما سافر والدها بلا رجعه وتخلي عنها... انه حضن جميل ملئ بالدفا والحنان والامان الذى لم تشعر به ولو لمره واحده في حياتها
تداركت نفسها ومسحت دموعها سريعا
ثم ابتعدت عن عمها وقالت وهي تتلاشي النظر اليه
يلا اتاخرنا علي جدو وتذهب مسرعه للداخل
عمر محدثا نفسه ( أميره كانت بتعيط ولا انا بتهيقالي.. بس اي الي حصل.. انا عمرى مااشوفتها بتعيط... لا اكيد بتهيقالي ما انا شوفت وشها مفيش دموع... انا بكلم نفسي ليه اما ادخل جوا اشوف في اي)
......................
نبويه: العشا جاهز يابيه
مصطفي: طيب نادلهم عشان العشا يلا ومتنسيش ميرا.. هي طلعت تغير وتاخد دش.. خبطي عليها
نبويه: حااضر
علي طاوله العشاء
يجلس مصطفي ع راس المائده وع يساره مصطفي وبجانبه نيره وبجانبه وليد وبجانبه سلمي.. وعلي يمينه فارغ
مصطفي: نبويه.. يانبويه
نبويه: ايوه يابيه
مصطفي: مناديتيش لميرا ليه
نبويه: ناديتلها قالت هاتحط الاكل لجيكوب وهاتحصلكوا
مصطفي: طيب روحي انتي
نيره بضيق: مكنش ناقصنا الا كلب كمان
أميره وهي تدخل من باب البيت وتاركه لشعرها العنان بموجاته الغجريه وترتدى بيجامه سبورت سوداء
أميره ببرود: اسمه جيكوب يامرات عمي
نيره: اي مرات عمك دى عندى خمسين سنه.. اسمي طنط او نيره هانم افضل
أميره وفي تجلس بجانب جدها ووتجاهل الرد علي نيره
أميره: اخبار المذاكره اي ياسلمي
سلمي بعبوس: طالع عيني والله يااميرا وعاوزه احكيلك علي حاجات كتير اووى بس مبلحقش اشوفك
أميره: قاعده معاكي بكرا ياستي احكيلي ع كل الي انت عاوزاه
نيره بغيظ: مانا في وشك 24 ساعه مبتقوليش حاجه يعني
سلمي: دى حاجات بنانيت ياماما ملكيش دعوه بيها
نيره: مين الي بنانيت دى تخلفك لولا بس القطر فاتها
مصطفي بحده: نيييره
أميره وهي تضع يدها ع يد جدها محاوله تهدئه
أميره: القطر ده لناس شبهك ياطنط شاايفين البنت مالهاش غير الجواز وبس ومتعملش حاجه تانيه
عمر: نيره متقصدش ياميرا
أميره وهي توجه كلامها لوليد: عامل اي ياوليد في شغلك بقالنا مده كبيره مقعدناش سوا ولا اتكلمنا
وليد: بتسالي ليه
أميره: بطمن عليك
وليد: اطمني انا كويس عندى شغلي وجنبي اختي وامي وابويا مش زى ناس
مصطفي بزعيق: وليىىىد احترم نفسك
وليد ببرود: اي هو انا قولت حاجه غلط
أميره ببرود: لا مقولتش حاجه غلط ياوليد.. انت فعلا عندك ابوك وامك واختك ربنا يباركلك فيهم بس يارب تكون كويس فعلا مش زى مانا شايفه بتتظاهر بده
ثم اكملت وهي تقوم عن اذنكوا انا شبعت
عمر: راحه فين ياميرا مكلتيش
ميرا بمزاح: انت عارف اكلتي اكله عصفور ثم اكملت بجديه
انا هاسبقكوا ع المكتب عاوزاك انت وجدى في موضوع بعد ماتخلصوا اكل
مصطفي: انا جاي معاكي انا شبعت ابقي حصلنا ياعمر
عمر: ماشي يابابا
.........................
في المكتب
مصطفي: عملتي اي في صفقه زهدى
أميره وهي تجلس امامه: تمت متقلقش
مصطفي: ع نسبه كام
اميره: 55 لينا ل 45 ليه
مصطفي: حلو انا كنت فاكر زهدى هايتمسك ب 50
اميره: هو انا كنت بقول 40 بس هو مرضاش ووصلناها ل 45
مصطفي: طب انتي موفقتيش ع نسبه ال 50 ليه.. هما هايشتالوا البنا بمصاريفه وتشتطيبه وتجهيزه
أميره: هما كسبانين برده مش خسرانين وبعدين النسبه الاكبر لينا عشان القرار حسب بنود العقد بيكون للنسبه الاكبر
مصطفي: مااشي الي تشوفيه.. اه صح خلي بالك من حفيده سليم بسمع ان مش سهل
أميره بابتسامه: متقلقش
.............................
ع طاوله الطعام
عمر: انا ربيتك ع كده ياوليد
بتحط علي جرح اميره ملح وبتعايرها بحاجه ملهاش يد فيها
نيره: هو مغلطش
عمر بحده: لا غلط وغلط اووى كمان.. ثم بزعيق بصلي وانا بكلمك..
وليد: ايوا
عمر: الراجل الي انا المفروض مربيه صح... ميحطش ع جرح غيره ملح ولا يعايره زى النسوان
عمر وهو يقوم انا قايم احسن ده انتو فورتو دمي
سلمي: ينفع كده ياوليد زعلت ميرا وبابا
وليد: مابقاش الي الي لسه طالعه من البيضا تتكلم وتحاسبني اقعدى ساكته تعرفي
سلمي: انا مش صغيره انا تالته ثانوى وشويه وهادخل الكليه
نيره: طب قومي ذاكرى يلا
سلمي: يووه حرام اقول كلمه في البيت ده
ظل نيره ووليد
نيره: متزعلش من ابوك ياوليد
وليد: انا مش زعلان هو عنده حق.. انا رايح انام تصبحي علي خير
......................
في المكتب
عمر: ها ياميرا كنتي عاوزانا في اي
أميره: طب اقعد الاول
عمر: قعدت اهو في اي
أميره: انا هادخل في الموضوع ع طول
طبعا انتو عارفين انا تعبت اد اي طول السنين الي فاتت عشان اوقف الشركه علي رجليها واعملها اسم وفروع
عمر: ايوا.. في حاجه حصلت
أميره: في حاجه هاتحصل.. ثم اكلمت وهي تنظر لهم طبعا انتو عارفين صديق باشا جاي بعد بكرا
مصطفي: اسمه ابوكي
أميره: مش موضوعنا ثم تكمل كلامها وطبعا بوضعه الي كان قبل كده لو رجع ع نفس منصبه هاياخد قرارات ومش من حقي اقول لا بحكم منصبي.. كده ممكن يهد تعبي طول الفتره الي فاتت ويغير النظام الي حطاه
عمر: اه وبعدين
أميره وهي تخرج ورق من حقيبتها: ده ورق بيقول انكوا موافقين ان اكون انا رئيس مجلس الاداره بحكم ان جدى وانا وانت ياعمو اعضاء مجلس الاداره فامضتكوا انكوا موافقين علي كده مهمه فكده ميحصلش لخبطه في النظام وكل حاجه تكون طبيعه ومتتلخبطش برجوع صديق باشا
مصطفي: أنا مش موافق ومش هامضي
أميره بصدمه : اي
.............................
في شركه زهدى
رامي: أنا مش فاهم هي مدايقاك في اي واحده بتشوف شغلها
سليم: اه وجدك يعظمها ويكبرها ع قفايا مش كده
رامي: سليم اعقل هي معملتش حاجه غلط ومش ذنبها ان جدك لسه مش شايف انك تستاهل منصب رئيس الشركه... زعلك ده صفيه مع جدك متدخلهاش في النص
سليم: ومين السبب في ان جدى رفض ان امسك رئيس الشركه.. مش هي؟
رامي: استهدى بالله كده واهدى واهو الاتفاق تم الحمد لله
سليم: لسه العقد متمضاش
رامي بقلق: انت ناوى علي اي
سليم: هالعب في بنود العقد وهالبسها في حيط مع جدها مصطفي بيه
رامي: اي
...................
في صباح يوم جديد يحمل احداث غير متوقعه للبعض
ينزل علي سلم البيت ليجد والده يجلس في الصالون يشرب القهوه
عمر: قهوه علي الصبح يابابا ومن غير فطار
مصطفي: اهو يمكن الصداع الي في دماغي يخف
عمر: انت منمتش كويس ولا اي
مصطفي: هو حد ينام بعد الي حصل امبارح
عمر: مهو انت مكنش ينفع تقولها لا مش موافق كده وكمان كلامك معناه انك بتتخلي عنها
فلاش باك
أميره: اي... تقصد اي ياجدى.. يعني انت موافق يجي ويهد الي بنيته طول السنين دى
مصطفي: متسبقيش الاحداث ياميرا
أميره بحده: لا لازم اسبقها واعمل حسابها كمان.. امال انت فاكر هو راجع ليه راجع عشان ياخدك بالحضن لا راجع عشان الشركه طبعا
مصطفي: واي المشكله ماهو مسيره يرجع في يوم من الايام ودى في الاول والاخر شركه ابوه وشركته برده
أميره بزعيق: طب مقولتش ليه من زمان انها شركته وهايرجع ياخدها ع الاقل مكنتش تعبت وسهرت واتمرمطت عشان اوقف الشركه علي رجليها
عمر: ياجماعه اهدوا احنا بنتناقش
مصطفي: مفيش نقاش انا مش موافق مستحيل اتخلي عن ابني واطرده بره الشركه
أميره: ابنك.. ابنك اتخلي عني وعنك من 12 سنه
عمر: يابابا مين قال يطرد بره الشركه هو بس هايرجع علي اي منصب تاني غير رئيس الشركه عشان ميبقاش في صدام بينه وبين ميرا وده هايأثر علي الشغل
أميره: بالظبط
مصطفي: ومينفعش يرجع ع منصب اقل من الي كان فيه كده بقوله انك ملكش مكان
أميره: هو انا بقولك اي حد يمسكها بقولك انا هامسكها
واظن السنين الي فاتت اثبت ان اقدر علي ده
مصطفي: انتي بالذات لا
أميره بصدمه: انا بالذات لا!!!
دقايق مرت دون ان يتحدث أحد تنظر.أميره لجدها تحاول ان تستوعب ماقاله
ثم غادرت المكتب بهدوءوصعدت لغرفتها
عمر: يابابا مينفعش
قاطعه مصطفي: ولا كلمه اطلع نام وسبني لوحدى
.....
باك
مصطفي: هي فين الوقتي
عمر: كلمتها.. خرجت تمشي جيكوب وقالت منستنهاش ع الغدا
مصطفي: طيب روح افطر مع عيالك
عمر: طب وانت مش هاتفطر
مصطفي: ماليش نفس يلا قوم
عمر: حاضر
......................
تجلس تحت شجره كبيره وجيكوب يجلس بجانبها
تستند براسها للخلف وتغلق عينيها
مصطفي: يعني اي
صديق: يعني أميره تدخل مدرسه داخليه لحد ماتخلص الثانويه وبعدين في الكليه تيجي تعيش معاك وتبقي منازل وداليا تدخل المستشفي هايبقي في رعايه أفضل ليها
مصطفي: كمل وراحه ليك صح
صديق: مهوا انا مش هاسيب اولادى ومراتي في دبي واقعد جنبهم اداى وامرض
مصطفي بصدمه: بلاش مراتك انت عمرك ماحبيتها ولا شوفتها مراتك طب وبنتك ذنبها اي
صديق: ذنبها ان ولا مره حسيتها بنتى ولا حتي حبيتها
مصطفي بيأس: روح لاولادك ياصديق ومترجعش الا في حاله من اتنين ياموت اميره وداليا او موتي
صديق: طب واميره هاتعمل معاها اي هاتدخلها مدرسه داخليه
مصطفي بزعيق: ملكش دعوه بقا روح شوف حياتك مش ده الي انت عاوزه
كانت تقف وتسمعهم وبعد رحيل صديق تجرى ع جدها وتحتضنه وتقول له ببكاء هو بابا مش عاوزني ليه ياجدى
مصطفي: هششش انا جنبك ومش هاسيبك ولا هاتخلي عنك
تفيق علي رنه موبايلها
أميره: ايوا
وليد: انتي فين
أميره: ليه
وليد: عاوز اتكلم معاكي شويه
أميره: أنا عند الشجر عند........
وليد: طيب عشر دقايق واكون عندك
أميره: مااشي سلام
......
ترفع أميره الهاتف وتضعه علي اذنها
وياتيها الرد بعد ثواني
مراد: الو
أميره: عامل اي الوقتي
مراد: كويس الحمد لله انتي فين كده
أميره: في المزرعه
مراد: هاترجعي امتا
أميره: بكرا الصبح
مراد: تمام هانزل الشركه بكرا
أميره: لا لو لسه تعبان خليك بكرا
مراد: لا بقيت أحسن بس مال صوتك كده
أميره: لما اشوفك بكرا هاقولك
مراد: احم هو صديق بيه راجع بكرا مش كده
أميره: اها يلا انا هاقفل بقا سلام
مراد: مع السلامه
...................
عمر: بقولك يانيره هو وليد فين
نيره: ليه
عمر: عاوزه
نيره: في الشغل وهايرجع ع الغدا
عمر: خلاص هارن عليه شوفي انتي بتعملي اي
..................
يجلس وليد بجانب أميره وتمر دقائق ولا كلام
وليد: ميرا
أميره دون ان تنظر له: امم
وليد: احم انا اسف علي الكلام الي قولته امبارح
أميره دون ان تنظر له: ليه بقيت كده
وليد باستفهام: كده الي هو ازاى يعني
أميره وهي تنظر ليه: بتشوفني بعيون غيرك
وليد وهو يتفادى النظر اليها: من كتر الضغط الي حواليا زى مايكون اي حاجه بعملها ملهاش قيمه مشاعرى من الغضب عليهم طلعت عليكي انتي لانهم بيقارنوني بيكى
أميره: تقصد مامتك
وليد وهو ينظر لها: اها
أميره: احنا الي بنعطي قيمه للي بنعمله.. يعني في كام بشمهندس ميكانيكا بس البشمهندس وليد شاطر والناس بتجيله من اخر الدنيا الناس بتجيلك انت لقيمتك الي بتضيفها للشغل مش العكس
وليد: انا حقيقي اسف متزعليش مني مكنش قصدى
أميره: انا مش زعلانه منك انا زعلانه عليك
أميره: ياريت ترجع مراد اخويا الصغير الي انا عارفاه كويس
وليد: حاضر وعد مش هاسمح لاي راي ياثر فيا مين ماكان
أميره: خلاص مااشي
وليد: متاكده انك مش زعلانه مني
أميره: ايوه
وليد: امال مالك
كادت ان تجيبه ولكن هاتف وليد رن
وليد: ده ابويا
أميره: شوفه عاوز اي
وليد: ايوا
عمر: انت فين
وليد: مع اميره وجاي ع البيت اهو
عمر: طب تعالي الوقتي عاوزك
وليد: اي حصل طيب
عمر: استني اشوف مين علي الباب بقاله ساعه بيضرب مش عارف محدش بيفتح ليه
خليك معايا
وليد: معاك اهو
عمر بصدمه: صديق
وليد وهو ينظر لاميره: عمي صديق!!!
.................... يتبع
