رواية خدعة قناص الفصل الثالث 3 بقلم ايه الفرجاني
اسر بضحك
متوقعتش انك تخرج من المكان ده الصراحه بسب الحراسه الى فيه
ادهم وهوا بياكل
ليه اول مره هيا انت مش عارفنى كويس
اسر بابتسامه
لا يشبح دا انا عارفك كويس جدا واكمل
المهم البوص مبسوط قوى منك وباعتلك كمان بيقول انو الراجل الكبير عايز يشوفك
ادهم
تمام قوى بلغهم انى هكون عندو بالليل
اسر باستغراب
هوا انت تعرف مكانو
ادهم بغيظ
عاصم ي استاذ قصدى عليه
اسر باحراج
اه صح تمام اناماشى عندى شغل
ادهم بغمزه
ابقى سلملى عليه الشغل ده
اسر بصلو بغيظ ومشى
ادهم كان قاعد بيقلب فى الورق وافتكر ندى وشكلها وابتسم
&&&_____
فى كافيه
كانت قاعده متعصبه جدا
اسر بابتسامه
اتاخرت عليكي
سما بعصبيه
لا ابدا ساعه بس تقدر تقولى كنت فين حضرتك دا كله وانا قاعده هنا مستنياك
اسر
ممكن تهدى بس انت عارفه انى عندى شغل ومقدرش اقصر فيه وغصب عنى والله التاخير ده واكمل بغمزه
بس اول مره اعرف انك وانت متعصبه بتبقى قمر كده ايه يبت الحلاوه دى
سما بكسوف
ايوا ي خويا كل بعقلى حلاوه وثبتنى
اسر بيمسك ايدها
غصب عنى والله ي قلبي انا اسف
سما بابتسامه
خلاص سماح المرادى بس المره الجايه
اسر بتسرع
لا وحياتك مفيش مره جايه
سما
وعد
اسر بابتسامه
وعد ي عمرى
الا قوليلى عامله ايه فى الكليه وايه اخبار والدتك
سما بحزن
الحمدلله من وقت ما سليم سافر وهيا كل يوم فى حال واكملت بدموع ماما صعبانه عاليا قوى ي اسر
من وقت موت بابا وفهد وهيا دايما حزينه وسليم كمان سافر ومنعرفش عنو حاجه بيبعت فلوس مع جواب كل شهر وخلاص
اسر بحزن
معلش ي سما اكيد عندو ظروف اهم حاجه انت تبقى قويه عالشان والدتك طول ما انت جامده وهيا هتفضل متماسكه عالشانك
سما
بحاول والله رغم انو سليم بيبعت فلوس بزياده الا انى زعلانه جدا منو لانو واحشني قوى وماما نفسها تشوفو
اسر بحب
انشاءالله يرجع قريب ادعيلو انتى بس يخلص شغلو
وبعدين ي ست سما احنا جاين نقعد مع بعض دقيقتين ولا نعكنن على بعض
سما بضحك
معلش مش انت الى سالت وقلبت عليا المواجع
اسر بابتسامه
طب خلاص امسحى دموعك دى وهطلبلك حاجه تاكيلها
سما بضحك
ماشي بس بلاش زى المره الى فاتت بالله عليك احسن كنت هموت
اسر بضحك
وانا كنت عارف انو دا هيحصل يعنى انا قلت نجرب
كبده من نفسنا معرفش ايه الى حصل وقلبت معدتى
سما بضحك
اكل الشارع حلو برضو
اسر بضحك
حرمت ي باشا
الاكل جيه وقاعدين بعد فتره قصيره
سما
اسر هوا انت ليه ولا مره قابلتنى قريب من البيت وكمان لما اتخطبنا عملناه فى السر حتى ماما متعرفش
واكملت بهدوء
اسر انت بتختفى حتى مش مخلنى البس الدبله الى انت جيبها ليه والعقد ده كمان شكلو غريب قوى صحيح مكتوب عليه اسمى بس بطريقه غريبه قوى وتقيل كده وكمان لما بتقبلنى بتبقى دايما لابس النضاره والكاب انا مش عارفه مالك وبتعمل كده ليه دايما
اسر بهدوء
انت عارفه الشغل الى انا فيه انا مضطر اعمل كده معلش يقلبي خلاص قريب قوي هنعلن خطوبتنا بس اخلص الشغل وانشاءالله العالم كله يعرف انت بتثقى فيا صح
سما
انا بثق فيك ي اسر غير انو انت كمان من طرف سليم ودى حاجه بقلم ايه الفرجاني كافيه بالنسبه ليا بس بالله عليك ي اسر لو بتكلم سليم قولو يكلم ماما احنا نفسنا نسمع صوتو
حتى الجواب الى بلاقيه قدام البيت كل فتره بيبقى مكتوب فيه انو كويس ومنقلقش عليه حتى مش عارفه الجواب بيوصل امتى وزاي
اسر
سما انت عارفه انو سليم ليه معارف كتير واكيد اى حد بيوصلو عادى
سما
انا مش قصدى بس يعنى هو..بقلم ايه الفرجاني
اسر
خلاص ي سيمو بقى انا المفروض امشى كمان دقيقه
سما
حتى الخمس دقايق الى بتجي فيهم بتحسبهم انا معتش فاهمه حاجه
اسر بيقف وهوا بيبص فى الساعه
معلش ي سمو انت عارفه الشغل وكده بس لازم امشى خدى بالك من نفسك اهم حاجه انى بطمن عليكى ومشى
بصت عليه بتنهيده وقامت
........
عند ندى كانت قاعده فى اوضتها وهيا بتلوم نفسها على الى حصل
ندى فى نفسها
انا الى غبيه مكنش لازم اعمل كده المفروض كنت قلت لبابا وهوا يتصرف كل الي حصل بسبي انا انا بجد غبية جدا وهوا ضحك عاليا قال اية فقد الذاكرة
ي رب يفقد حياتو وارتاح عالشان الي عملو فيا نفسي اشوفه مرة تانيه وانا اعرفة الى عملو معيا
سكتت وهيا بتفتكر بابها وهوا بيقول القناص وحست بخوف وهيا بتقول بصوت عالى
يلهوي القصاص يعنى بيقتل الناس لا لا مستحيل يرب مشفهوش تانى ويفضل بعيد عنى انا مش عايزه اموت
ونامت على السرير وهيا بتغطي راسها عالشان تنام
......
عند ادهم راح المكان الى بيقابل فيه البوص
البوص اول ما شاف ادهم قال بابتسامه وادهم بيقعد
كنت عارف انك قدها ومحدش هيعمل كده غيرك
والراجل الكبير مبسوط قوي منك وعاملك مكافاه جامده وكمان طالب انو يشوفك بس نتاكد انو الورق السليم والمطلوب
ادهم
الورق موجود
وخرج الورق من الجاكت وحطتو قدامه
عاصم لسه هياخد الورق
ادهم اخدو تاني وبصلو بتحذير
عاصم باستغراب
في ايه انا عايز اتاكد انو الورق الصحيح
ادهم ببرود
ليه فاكر اني عيل هغلط في الورق المطلوب
عاصم
امال انت عايز ايه
ادهم بضحك
مش انا الى عايز انت
عاصم باستغراب
ااانا
ادهم ببرود
الورق ده في حاجات لو وصلت للشرطه كل مصانعك وشركاتك انت وشركائك هتدمر
بصلو بصدمه من انو شاف الورق وهوا بيبلع ريقو وقال
واانت عايز ايه دلوقت
ادهم
مقلنا انت الى عايز بس انا هريحك واقولك
عارف انا عايز ايه انا عايز ابقي اكبر من كده واقدر اعملها وابقي الملك وانت عارف ده كويس بس انا هخليك تسعدني لانك هتحتجني بعدين
عاصم بصدمه واستغراب
انت بتقول ايه الملك ازاى وانا هساعدك في ايه
ادهم
انت فاكر انك تقدر تضحك عليا انت وشركائك وتخليني بقلم ايه الفرجاني اجيب الورق وتقولي انو الراجل الكبير عايز يقابلني وانو الورق يخصو
والورق مفهوش حاجه تخصه
عاصم بتوتر
وانت عرفت منين واكمل
وبعدين محدش يعرف الراجل مين مش يمكن واحد من الى اساميهم موجوده
ادهم بضحك
تصدق صح يمكن برضو بس ما اظنش انو يخاطر المخاطره دى ويكون بيورط نفسو معاكو وهوا الى بيوجهكم ولا ايه
عاصم بتوتر
والمطلوب ايه
ادهم
وانت عارف المطلوب كويس
وحط الورق فى الجاكت ووقف
عاصم بعصبيه
انت بتعمل ايه هات الورق ده
ورجاله عاصم اتجمعو حوالين ادهم ورفعو الاسلحه
ادهم بصلهم وقال بابتسامه
قول لرجالتك تنزل الاسلحه ولا انت عارف انا ممكن اعمل ايه
عاصم
خلاص يا ادهم حكايتك هتنتهى هنا مدام بدات تلعب معنا وضدنا يبقى لازم تموت لانو الى بتحاول توصلو مكاني انا وانا الى هحصل عليه
وقال بابتسامه وهوا بيرفع المسدس على راس ادهم
اتشاهد على روحك يا قناص....
