.jpeg)
رواية انا وابن خالتي الفصل العاشر 10 والاخير الجزء الثالث بقلم عمرو راشد
مقولتليش بقا أنتي بتحبي امك اكتر ولا جوزك؟
= لو حد فيهم حصله حاجة أنا مش هسيبك
ولا انا هسيبك يا روحي ف بلاش تتعصبي كدا
= امي ملهاش دعوة بأي حاجة بينا،، خليها تمشي وأنا هعملك اللي أنتي عايزاه
مستنياكي
" المكالمة فصلت وانا بصيتلهم،، كلهم كانو ساكتين ومحدش نطق
لو محدش فيكو هييجي معايا انا هروح لوحدي
هارون رد عليا
هتروحي تعملي ايه؟ وهي مش عايزاكي انتي أصلا
= حتى لو هتاخدني مكانهم المهم امي تخرج
وتفتكري دا حل؟
= عايزني استنا لحد ما يمو*تو؟
كدا كدا انا رجعت عشان احميكو،، أنا معنديش مانع اسلم نفسي ليها المهم انتو تكونو كويسين
" شاهر ساعتها اتكلم وهو متعصب
بعد دا كله وعايزنا نسلم نفسنا؟،، ايه يا هارون انت اتجننت؟
= عندك حل تاني؟
حتى لو مفيش حل انا مش هسلم نفسي ل ابليس
= وبالنسبة للناس اللي مخطو*فة دي؟
انت ليه عايزنا كل مرة نضحي بنفسنا وننقذ الناس،، أنت عارف كويس اننا لو عملنا كدا هنمو*ت
= وهما برضو لو مخرجوش هيمو*تو
يعني انت بتضحي بينا عشانهم
= انا بضحي بنفسي قبل منك
ومين قالك اني موافق على كلامك؟
= عشان احنا طول عمرنا مع بعض وعمرك ما سيبتني ادخل حر*ب لوحدي
بالظبط لكن احنا دلوقتي مش في حر*ب،، إحنا في لعبة و الطرف اللي هيكسب معروف
= شاهر انت نسيت اننا مسلمين يعني فرصتنا اكبر،، ابليس ملعون في كل الاديان السماوية،، البشر دول أقوى من ابليس مليون مرة ونهايته معروفة،، نهايته في جهنم
برضو لا انا مش موافق
" عبدالله دخل بينهم وقال
يا جماعة احنا لازم نهدى عشان نعرف نفكر،، العصبية دي مش هتحل حاجة
" شاهر رد عليه
فكرو مع نفسكم،، أنا مليش دعوة بكل دا
" هارون بص ل شاهر وقاله
تقدر تقولي انت هتعمل ايه دلوقتي؟
= هعمل اي حاجة هتكون احسن من اني اروح استسلم ل ابليس واللي معاه
انت ناسي بتكلم مين يا شاهر؟،، أنا هارون،، أنا مبستسلمش ثم مين قالك اننا هنروح ونسلم نفسنا،، إحنا هنحار*ب
= حر*ب خسرانة
لا مش خسرانة،، إحنا هنكسب عشان احنا ولاد آدم،، إحنا معانا المسلمين،، حر*ب ابليس مع المسلمين معروف مين اللي هيكسب في الاخر
" قعدنا كلنا مكنش حد بيتكلم،، كل واحد باصص للارض وساكت،، بعد شوية لقيت هارون جه قعد جنبي وقرب مني وقال بصوت واطي
متخافيش انا مش هسيبهم
= انا مش خايفة،، انا عارفاك كويس وعارفة انك عمرك ما هتتخلى عني
اعذريني لو معرفتش أتكلم معاكي من ساعة ما رجعت بس انا كنت بحترم وجود مروان،، هو شخص كويس وبيحبك
= انا الصراحة عمري ما شوفت جن محترم كدا
عشان كدا انا كنت مكروه وسط قبيلتي،، أنا الوحيد اللي مكنتش على النهج بتاعهم،، أنا الوحيد اللي كنت مختلف عنهم،، مكنش معايا غير شاهر،، زي ما بتقولو هو دا مكسبي في الحياه،، على قد ما هو بيهزر كتير في اوقات غلط تماما بس انا مبقدرش استغنا عنه لانه شبهي بالظبط،، إحنا الاتنين غير مرحب بينا في اي مكان بسبب اختلافنا
= بس انت مرحب بيك عندنا،، إحنا كلنا هنا بنحبك يا هارون انت وشاهر،، انتو خلاص بقيتو مننا،، بقينا متعودين على وجودكو معانا دايما،، أنا شخصيا مبقتش اعرف استغنى عنكو
بس دلوقتي الامور اختلفت،، دلوقتي احنا مطلوبين عند ابليس والله اعلم هيحصلنا ايه؟
= ان شاء الله الحر*ب دي هتخلص ونرجع نكمل مع بعض
مش صح يا هند،، أنا وجودي معاكو هيجيب مشاكل أكتر،، إن شاء الله لو الحرب دي خلصت هختفي انا وشاهر من حياتكو تماما عشان تعرفو تعيشو وتكملو حياتكو
= حياتنا مش هتكمل من غيركو يا هارون،، يا هارون والله انتو بقيتو زي اهلي،، مفيش حد بيقدر يستغنى عن أهله
مفيش جن بيعيش وسط اهل الارض يا هند
= ولو دا طلبنا
حتى لو دا اختياركو،، أنا مش هوافق،، انتو لازم تكملو حياتكم،، وسواء بيا او من غيري هتكملو وحياتكو هتستمر عشان الحياه عمرها ما بتقف على شخص،، تخيلي لو جن بقا وعلى فكرة يا هند مش ابليس بس اللي أضعف من البشر،، الجن كمان اضعف من البشر بكتير
" هارون مشي من جنبي و رجع يقعد مكانه،، اما شاهر كان قاعد جنب عبدالله وسمعته بيقول
عارف يا دودي،، أنا دلوقتي جاي في دماغي اغنية سمعتها عندكو هنا بتقول كتاب حياتي يا عين ما شوفت زيه كتاب
= سمعتها فين دي؟
هي دي مشكلتك؟،، سمعتها فين؟
= لا اكيد بس قولي مالك بقا مضايق ليه؟
صح انت معاك حق،، واحد هيمو*ت كمان شوية والمفروض اكون فرحان،، أنا طاير من الفرحة كمان والله
= مش قصدي يعني بس انا عارف انك قدها وهتقدر تخرج منها
الله هينصرنا ان شاء الله عشان احنا على حق،، الله معانا،، الله يقوينا عليهم،، الله يخربيت معرفتك يا هارون
= انا مش عايزك تكون متشائم بالشكل دا يا شاهر
الجبنة في الرومي السايحة في الفينو ولا العيش؟
= العيش
مفيش فايدة
" شاهر قام وقف وقال
طب يا جماعة احنا محتاجين نعرف ايه الخطة بالظبط
" هارون رد عليه
يعني انت موافق وجاي معايا اهو؟
= لا انا موافقتش،، أنا بسأل عن الخطة بس
وبتسأل عن الخطة ليه طالما مش جاي؟
= فضول يااخي
طب ممكن تتفضل تقعد وتسكت
= طب ولو قولت اني جاي هتقول الخطة؟
جاي بجد؟
= لا بهاودك بس عشان اعرف الخطة
انت عايز ايه من الخطة نفسي اعرف؟
= انا عندي فضول
طب الخطة كالآتي هنروح ونسلم نفسنا و ام هند ومروان يخرجو
= كمل
لا ماهو خلاص كدا
= خلاص ايه،، طب شرف المحاولة حتى؟
انت مالك بقا؟،، أنا اللي هروح لوحدي وموافق على كدا
= بلاش شرف المحاولة،، شرفك انتى حتى
شاهر انت جاي ولا لا؟
= مانا معنديش حل تاني،، ماهي دي المشكلة
يعني جاي؟
= جاي وربنا يستر
طب احنا كدا معانا عبدالله و مروان،، هما دول بس اللي تأثير المفاتيح شغال عليهم
= انت نسيت ان مروان محبو*س؟
اومال احنا رايحين ليه؟ احنا هنحرر مروان الاول عشان قوتنا تكون اكبر
" هارون بص ل عبدالله وقاله
انت هتسيطر على النباتات كلها،، عايزين نعمل حصار كامل للبيت وهي ما شاء الله القصر بتاعها فيه كل انواع النباتات
" شاهر هو كمان قال ل عبدالله
ايوا بالظبط سيطر على النباتات بس،، بلاش الحيوانات بدل ما حيوان يفلت منك وياكل حد فينا ولو لقيت في النباتات مانجا ابقي سيبلي واحدة على جنب
" عبدالله رد عليه
عويسي؟
= فص
العويسي احلى
= لا لا الفص
اسمع مني العويسي
= في سلوم برضو ايه رأيك؟
سلوم دا معسل يا عبدالله،، أنا عايز مانجا
= يعني عويسي اتفقنا خلاص؟
قولتلك فص
= طب في زبدية
مش عايزة زبدة وسمنة انا،، لسة قرايبي من البلد جايبين ليا صفايح كتير،، هبقا اخليلك واحدة يا سيدي
" هارون زعق بصوت عالي
فص وعويسي ايه؟،، ما تركزو في اللي احنا فيه
" اتكلمت انا ساعتها وقولت
طب وأنا؟
" هارون رد عليا
انتي مش هتعملي اي حاجة،، أنتي كل مهمتك انك تاخدي والدتك وتخرجيها برا القصر عشان ميحصلش اي ضرر ليكي
" شاهر ساعتها بص ل عبدالله وقاله
مش دا فيلم غرام الافاعي؟
= او غرام في المينا
او غرام في الكرنك
= او...
خسرت يا دودي،، خسرت يا حبيبي
= لا مخسرتش،، في كمان غرام الشام
دا اسم محل الشاورما اللي على اول شارعكو صح؟
= بس اسم ولا مش اسم؟
اسم صح
= دورك
وفي غرام دهب
= ايه غرام دهب دي؟
يعني جرام دهب بس باللغة العربية الفصحى
= لا مسمعتهاش قبل كدا،، متتحسبش
لا تتحسب والله،، انت بتغش
= مفيش حاجة اسمها غرام دهب يا شاهر
والله انت بتغش ومش لاعب معاك تاني وهناديلك امي
" هارون اتكلم
انا هروح لوحدي
" شاهر رد عليه
خلاص يا هارون استنى بس
= سجن ابليس ارحم بكتير والله،، امك ايه دي اللي هتناديها؟،، بتقول ايه انت؟،، حرام عليك ركز في اللي احنا فيه
انا مركز اهو ومعاك،، قولي عايز ايه بالظبط
= أستعد عشان احنا هنتحرك دلوقتي
أستعد اعمل ايه يعني؟،، أحضر سندوتشات ناخدها معانا؟
= انا والله ما عارف اعمل ايه،، أنا رايح حر*ب والشخص اللي انا معتمد عليه هو انت،، ربنا يستر
#بقلم : #عمرو راشد
" هارون وشاهر حاوطونا وفي ثانية لقيت نفسي قدام قصر لوسيندا،، عبدالله وقف في الجنينة عشان ينفذ الخطة،، وأنا وهارون وشاهر كملنا مشي لحد ما وصلنا،، دخلنا القصر،، شاهر بص ل هارون وقاله
القصر دا انا دخلته كتير أوي دا يعتبر أكتر ما دخلت بيتنا
= وانت عندك بيت اصلا؟
لا بس هشتري مستقبلا ان شاء الله
" دخلنا القصر ولقينا لوسيندا واقفة وبتحط اكل في حوض السمك،، بعدها لفت وراها وابتسمت لينا،، شاهر اتكلم وقال ليها
ربنا يجعله في ميزان سيئاتك
" لوسيندا ردت عليه وقالت
هي مش اسمها حسناتك؟
= لا ماهو اللي زيك ملوش حسنات ف مش هتفرق بقا
" بعدها بصتلي وهي بنفس الابتسامة وقالت
برافو يا هند جيتي بسرعة،، متوقعتهاش دي بصراحة
= فين مروان و امي،، أنا عملتلك اللي انتي عايزاه اهو
صح،، تعالي معايا؟
" كنت لسة هتحرك لكن هارون مسك ايدي وقال
هي هتروح فين؟
" لوسيندا ردت وقالت
هتروح ل امها و جوزها
= دا مش اتفاقنا،، أنتي هتجيبيهم هنا وهما يمشو
والله كان نفسي يا هارون،، بس مش هينفع اسيب الضيوف لوحدهم
" شاهر رد عليها وقال
لا متقلقيش احنا مش ضيوف،، اتفضلي أنتي
= لا مش انتو الضيوف يا شاهر،، الضيوف واقفين وراكو
" بصينا ورانا لقينا ناس كتير أوي واقفة وشكلهم غريب،، راسمين الوشوم على وشهم،، عنيهم لونها اسود كاحل،، البياض دا مش موجود نهائي،، رجعنا نبص قدامنا تاني،، شاهر ساعتها قال ل هارون
هما دول الضيوف
" لوسيندا اتكلمت وقالت
يلا عشان متتأخريش على ماما و مروان
" مشيت وراها لحد ما وصلت عند باب لونه اسود ومرسوم عليه علامات شكلها غريب،، وفجأة هي فتحت الباب و رمتني جوا،، لقيت نفسي وسط مرايات كتير جدا جدا جدا،، الاوضة كلها مرايات،، هي متعتبرش أوضة،، هي حجمها اكبر من كدا بكتير،، بدأت انادي عليهم
ماما،، يا مروان
" مروان رد عليا وقال
يا هند احنا هنا
= ماما معاك؟
معايا متقلقيش
= خليك مع صوتي و امشي وراه
" فضلت اتكلم معاهم وبصوت عالي عشان يتتبعو الصوت و يعرفو يوصلو
" نفذت اول جزء من الخطة وبالفعل البيت كله محاصر بالاشجار والشوك،، دخلت القصر بسرعة لقيت هارون وشاهر بيحار*بو ناس كتير أوي،، تقريبا نفس الناس اللي كانو تحت بيت هند،، هارون كان معاه سيف وبيقت*ل بيه كل اللي موجودين،، ساعتها شافني وشاورلي على باب اسود،، مشيت واتجهت للباب لكن وانا ماشي سمعت صوت ورايا
على فين يا عبدالله؟
" بصيت ورايا لقيتها لوسيندا ومن غير ما تتكلم لقيتها هج*مت عليا ووقعنا على الارض،، عرفت اقوم بسرعة وضر*بتها بالبوكس لكنها اتفادته و ضر*بتني هي بالرجل في بطني بحركة رشيقة جدا،، وقعت على الأرض،، حاولت اقوم تاني لكن الضر*بة كانت قوية جدا ولكني قومت و رفعت ايدي ناحيتها عشان هي تمسك ايدي بسرعة وتلفها ورا ضهري بعدها تبدأ تخن*قني بقوة،، رجعت دماغي ل ورا وضر*بتها في وشها،، بعدت عني وهي ماسكة بوقها اللي بينز*ف د*م،، ساعتها رفعت ايدي بسرعة وصرخت عشان الاقيها طارت في الهوا ووقعت بعيد جدا،، جريت بسرعة انا على الاوضة اللي هارون شاورلي عليها،، ضر*بت الباب ب رجلي،، الباب اتفتح وشوفت هند و خالتي ومروان،، لقيت مروان جري بسرعة وفجأة لقيته فتح جناحاته وطار في الهوا و رجعلنا تاني اخد هند و خالتي على ضهره و طار بسرعة عشان يخرج برا القصر لكن فجأه لقيته وقع على الأرض من أثر طلقة المسد*س اللي لوسيندا كانت ماسكاه،، هند وخالتي وقعو على الارض وقعة قوية جدا،، ساعتها انا جريت على لوسيندا لكنها وجهت مسد*سها ناحيتي ولسة هتضر*بني لكن فجأه لقيت عنيها اتفتحت على الاخر لان هارون كان غر*ز السيف في ضهرها،، لوسيندا صرخت صرخة مرعبة ووقعت على الأرض،، بعدها بص ليا وقالي
اسحب مروان واخرجو بسرعة
" مكملش الجملة وشوفت كائن طويل جدا جدا جاي علينا وفجأة صرخ صرخة مرعبة جدا لقيت سقف القصر طار،، بقيت شايف السما بعدها بص ل هارون ونفخ،، شوفت نار شديدة جدا خرجت منه وبدأت تحاوط هارون،، شاهر اتحرك وجري بسرعة على هارون،، لكن فجأه شوفت لوسيندا قامت من على الأرض و غر*زت السيف في ضهر شاهر،، ساعتها مستنتش وجريت بسرعة سحبت مروان،، هند كانت قامت وبتسند خالتي،، هارون كان لسة جوا النار ومش عارف يخرج،، اما شاهر كان بيحاول يقوم على الأرض وهو بينز*ف دم لونه اسود،، لكن فجأه لوسيندا كانت هتغر*ز السيف مرة تانية لكن شاهر مسك ايدها وحركها بقوة كبيرة جدا لحد ما غر*زت السيف في نفسها بعدها اختفا،، هند سابتني وجريت ناحية هارون وفجأة رفعت ايدها ناحية النار،، النار اتسحبت من حوالين هارون،، وبقت في ايد هند وفجأة وجهت النار ناحية الكائن،، هارون بدأ يصرخ ويقول
الله اكبر،، الله اكبر
" الكائن بدأ يصرخ صرخات مرعبة جدا ونفخ نفخة تانية والنار بدأت تحاوط القصر كله،، مروان كان واقع على الأرض ومغمى عليه،، فجأه شاهر ظهر وشالنا أنا مروان و خالتي وخرج برا القصر،، رمانا على الأرض و رجع جوا القصر،، كنت شايف هند واقفة مع هارون اللي كان بيصرخ وبيدب على الأرض،، القصر بدأ يهتز وبيقع،، هارون فجأه رفع ايده في وش هند لقيت هند طارت برا القصر ووقعت جنبنا،، الكائن صرخ صرخة تانية،، القصر انف*جر انفج*ار قوي جدا من غير اي اثر ل هارون أو شاهر،، هند سندت خالتي وأنا سحبت مروان وبدأنا نبعد عن القصر،، خرجنا على الطريق برا ووقفنا لحد ما عربية وصلت لينا
" مكنتش متخيلة اننا نفضل عايشين بعد كل دا،، قصة ولا في الاحلام لو حكيتها لحد مستحيل هيصدق اننا عدينا بكل دا،، أيام عمري ما هنساها،، عيشت حاجات كتير صعبة وعيشت برضو ايام حلوة،، تجربة كبيرة عرفت من خلالها اننا اقوياء جدا،، البشر عمرهم ما كانو ضعفاء،، احنا أقوى من الجن وأقوى من ابليس نفسه،، احنا مميزين بحاجات كتير أوي عنهم،، كفاية ان ربنا يكون بيحبنا عنهم،، احنا مميزين بالايمان القوي وعقيدتنا مش بالسحر والطيران،، عدت سنة و ربنا رزقنا بأول فرحة لينا
هتسميه ايه يا مروان
" ساعتها بص ليا و ابتسم وقال
هارون
" الاسم اللي عمرنا ما هننساه طول حياتنا حتى لو عدا علينا سنين،، هارون وشاهر،، حقيقي كان نفسي يكونو موجودين عشان اشكرهم على كل حاجة عملوها معانا،، بالمناسبة كمان عبدالله وماما بقو عايشين معانا في شقتنا،، بقينا عيلة واحدة واتجمعنا من تاني،، اينعم عيشنا ايام صعبة جدا لما ماما عرفت ان خالتي توفت ولكن الوقت كان هو الحل عشان تنسا وتكمل حياتها،، واخيرا اوعا في يوم تنسا قرآنك وصلاتك هما دول سلا*حك الوحيد في الدنيا سواء ضد البشر او الجن،، احنا دلوقتي بنحضر الفطار وقاعدين جنب بعض وبنضحك،، هي دي عيلتي اللي مليش غيرهم بعد ربنا
" كنا واقفين وراهم وهما بيفطرو،، بصيت ل شاهر اللي كان بيعيط
انا نفسي اعرف بتعيط ليه؟
= شكلهم حلو أوي يا هارون،، ما شاء الله
ربنا يسعدهم
= شوف الواد دودي اللي مبيفهمش برضو بياكل الجبنة الرومي في العيش
خلاص يا شاهر اهدا وسيبه في حاله،، قول حاجة للناس بقا
= هما فين دول؟
اللي بيقرؤا دلوقتي دول
= كل سنى وانتم طيبين وان شاء الله الفيلم يعجبكم
اولا احنا مش في العيد وثانيا دا مش فيلم
" ساعتها بصيت ورا شاهر وقولت
شاهر احنا في مصيبة
= والله ما داخل حرو*ب تاني،، اوعا كدا
استنا يا شاهر
= بلا شاهر بلا زفت
والله بهزر مفيش حاجة،، استنا بس
" لو عجبتك الرواية سيب كومنت لطيف ♥️ "
#عمرو_راشد
#انا_وابن_خالتي 3 " الجولة الأخيرة " 10
#النهاية
تمت
