رواية علمني الحب الفصل السادس 6 بقلم نجلاء اسماعيل
6
سعادات بفرحة: والله؟ وانا ال فكرتها بتك ومخبيها عنا بقالك سنين وقعت قلبي ي ولدي
زايد: عارف اني اتجوزت من غير علمكوا بس هي جت كدا وهبقا ارسيكي ع الموضوع بعدين
سعادات: طيب يحبيبي اطلعوا ريحوا ساعتين لحد م نحضر الغداء وابوك يحضر لما نشوف قوله اي
زايد: حاضر ي امي انشاءالله خير
سعادات: هتاخد مراتك من غير م تسلم عليا كمان ي زايد
اقتربت روح منها بخوف ف عانقتها سعادات بحب: نورتي بيتك ي حبيبتي اسمك اي
روح: اسمي روح
سعادات: بسم الله ماشاءالله اسمك وشكلك يقول روح فعلا ربنا يحميكي يبتي ياللا اطلعي مع جوزك ونبقا نعرف بعض بعد الغدا واهو تتعرفي على أخوات جوزك
روح بإحترام: حاضر ي طنط
نظرت لها سعادات بصمت وبادلها النظرات زايد بمعنى ستعلمين كل شئ ولكن ليس الآن
صعد زايد وروح إلى غرفتهم في صمت تام
روح: احم بيتكوا كبير اوي ماشاءالله
زايد: الحمدلله ربنا فاتحها علينا
روح: يعني بيت كبير زي دا واحنا الاتنين داخلين اوضه واحده؟
زايد: م طبيعي يبنتي م احنا اتجوزنا
روح: لا شوفلك اوضه تانيه معلش
زايد: شكلك كدا عايزه سيرتي تبقا على كل لسان عدي اليوم ي روح وغيري السيره
روح: احم انا فكرت مامتك هتتعصب وتطردني من البيت زي م بيحصل ف الروايات وكدا بس طلعت ست طيبه اوي
زايد: اهلي كلهم طيبين وغلابه الخوف كله من رد فعل ابوي بس ممكن يطين عيشتي ويكسر البلد كلها فوق راسي
روح: معتقدش ممكن يعمل كدا
زايد: ربنا يستر من ناحيته اهم حاجه بس معلش يعني تقولي لأمي ي ماما بلاش ي طنط بدل م تاكلنا
روح بحزن واضح: ماما؟؟؟
زايد: الموضوع صعب اوي كدا؟
روح بضحك: ماما ديما كانت بترفض اقولها ي ماما كانت ديما تقولي اوعي تقولي ي ماما ماما دا اي هي ناقصه قرف حتى حتى وهي بتطردني محستش انها زعلانه بالعكس دي طردتني من غير م أصعب عليها عمرها م حسستني بالحب معرفش يعني اي حب اساسا وكأنها بتعاقبني ان بابا خانها رغم اني مليش ذنب كل مره بابا كان بيخونها فيها كانت بتضربني ولو بابا طلع واشتكيله يقولي معلش مش هخليها تضربك تاني بس كانت بتضربني مش عارفه ذنبي كان اي
اقترب منها زايد ببطئ وهو يخشى لمسها يخشى مواساتها لظنه انها سوف تنهار اكثر لا تعرفه لا تأمنه كيف ستجعله يلمسها الان
اكملت روح: يمكن اقدر اقول ل مامتك ي ماما ويمكن لا اتمنى تفهمني ي زايد لو سمحت
نظر لها زايد ولم يتمكن من شرح ما بداخله
في القاهره وخاصة في منزل امل
امل: كل دا حصل؟
رياض: اه والله زي م بقولك واقوله ي راجل بنتك وشرفك يقولي ميخصكش انا ال بربي واسمها على اسمي
امل: اما انا مكنتش اعرف ان الراجل دا كدا دا مكنش كدا خالص ودمه كان حامي ولا هي الست ال اتجوزها خلته يتغير ويتحول
رياض بعصبيه: انتي بتتكلمي عن راجل غريب قدامي ولا اي يست انتي اسمعي دا انا اموتك فيها يمين تلاته ان جبتي سيرته تاني ل تكوني طالق بالتلاته
امل بخوف: لا يخويا وانا مالي واجيب سيرته لي يكش يول.ع هو وبنته
رياض برضا: ايوا كدا ي امولتي احبك وانتي بتسمعي الكلام اهو انا كدا احبك واعملك كل ال تطلبيه
امل: بجد ي رياض؟ يعني هتخليني اخلف واجيب الواد ال نفسي فيه
تغيرت ملامح وجه رياض وفجأه
في منزل محمد
اماني: متزعلش مني ي محمد انا بس اتصدمت م ال سمعته
محمد: وانتي برضو تصدقي ي اماني ان روح تعمل كدا
اماني: يخويا بنات اليومين دول يعملوا اكتر من كدا روق كدا انت بس وتعالى احكيلك حدوتة حلوه كدا تغير مزاجك دا
محمد: طب وروح ي اماني
اماني: يووووه نبقا نشوف موضوعها بعدين ي راجل
محمد: لما نشوف
في الصعيد
توفيق: ابنك جيه؟
سعادات: جيه جيه يخويا ومعاه مرته كمان
نهض توفيق بحده: مرة مين ابنك اتجوز ومن ورانا؟؟؟
سعادات: صلي على النبي بس ي توفيق دا البت
قاطعها توفيق بحده: عليه افضل الصلاة والسلام اطلعي اندهيه ولا ابعتي حد من الشغالين يجيلي بسرعه
طرق باب غرفة زايد
زايد بخوف: ابوي جيه واضح ان امي حكت كل حاجه تحت
روح: هو ممكن يعمل فيك حاجه بجد؟
زايد: هنزل ي رب اطلع من تحت عايش
شكر زايد الخادمه وخرج لينزل لوالده بخوف وتوتر ملحوظ
توفيق: اهلا ب ابني ال اتجوز من ورا اهله
زايد: ي ابوي اسمعني
قاطعه توفيق: اخرس اسمع اي ملكش اهل علشان تروح تتجوز كدا من نفسك
زايد: ي ابوي انت لو عرفت ال حصل صدقني هتقف جمبي وهتعذرني
توفيق: اعذرك؟ اعذرك وانت متجوز من غير علم حد خلاص كبرت علينا ولا اي موتنا باين
اقترب زايد منه: بعد الشر عليكوا ي ابوي بس صدقني الموضوع مش زي م انت فاكر
توفيق: ولو طلع زي م انا فاكر؟؟؟
زايد: وقتها اعمل ما بدالك بس اسمعني
توفيق: قدامي ع المكتب
سعادات: واني هاجي لازم اعرف
زايد: تعالي ي امي انتوا كلكوا من حقكوا تعرفوا
ذهبوا إلى مكتب وتوفيق وجلسوا تحت صمت غريب
حتى بدأ زايد في سرد كل ما حدث منذ أن رأى روح حتى تزوجها
سعادات بحزن: ي حبيبتي ي بتي
توفيق: انا مقدر موقفك الشهم ي ابني بس أهلها لو عرفوا انها اتجوزت من غير علمهم ممكن تحصل مصيبه محدش قدها
نهض زايد بحدة: محدش يقدر يقربلها طول م انا عايش دي مراتي وشايله اسمي لا يمكن حد يمسها بسوء
توفيق: على بركة الله ي ابني بس لازم نشهر جوازك ف البلد ونعملوا فرح كل الناس تسمع وتتحاكى بيه دا انت زايد الهواري
زايد بفرحة: اتفقنا ي ابوي
وخرج مسرعا ليخبر روح بكل ما حدث تلو الآخر
طرق عدة طرقات على باب الغرفة ودخل ليتفاجئ بها تقف أمامه
في المكتب
سعادات: تفتكر ي حج ابنك حبها
توفيق: سيبيها للايام ي ام زايد وقومي شوفي بقيت عيالك فين عايزين نجهز لفرح ابننا
سعادات بفرحه: عيوني ي حج
زايد بتوتر: احم انا خبطت مكنتش اقصد انا
روح بإحراج وخوف: اطلع اطلع برا لحد م اغير
خرج زايد بسرعه وضربات قلبه تتزايد كلما تذكر منظرها وهي ترتدي ملابس الاستحمام القصيره وتضع حول شعرها منشفة وسرح لبعض الوقت ليجد من يسحبه بسرعه...
يتبع....
#_علمني_الحب
ل #_Naglaa_Esmail
