رواية علمني الحب الفصل الرابع 4 بقلم نجلاء اسماعيل
4
ظل يطرق الباب ولكنه انصدم مما رآه تخرج روح ب فستان بعد الركبه وترفع شعرها ل ذيل حصان
زايد بسرحان: لقتيه فين قصدي الفستان دا
روح بكسوف: احم يعني لقيته ف الدولاب يعني انا اسفه اني فتحته يعني بس شنطتي معاك ف العربيه تحت هدخل اغيره
زايد بسرعه: لا لا هو خليه ليكي كدا كدا كنت جايبه احتياطي
روح بغموض: احتياطي؟ ماشي ننزل؟
زايد: ياللا
غادروا معا إلى السياره وركبوا وبدأ زايد في طريقه إلى محافظة الصعيد
في منزل امل
رياض: يعني اي ي امل البت مش راجعه ولا اي
امل: يخويا ترجع تهبب اي هي كانت نقصاها اهي غارت هي ومصاريفها
رياض: والواد ال كان معاها دا؟ انتي هتسكتي انتي وابوها؟؟ انا ميعجبنيش الحال المايل دا اه الناس تاكل وشي يختي
امل: عايزني اعمل اي بس ي رياض
رياض: تقومي كدا تلبسي وتنزلي ل طليقك تشوفوا حل ف بنتكوا الصايعه دي والا هيكون ليا تصرف تاني
امل: حاضر يخويا ال تؤمر بيه حاضر
رياض: طيب جهزيلي الطفح قبل م تنزلي
امل: حاضر حاضر انا مش فاهمه انت متعصب عليا لي بصراحه اوف
في منزل محمد
اماني: صباح الخير
محمد:
اماني: هتفضل عامل زعلان كدا كتير
محمد:
اماني: م خلاص بقا ي مودي بنتك راحت ل حال سبيلها متضربش بوز وكأنك يعني كنت بتحبها
محمد بإنفعال: اه كنت بحبها ي اماني مش بنتي؟؟؟ هو ف اي
اماني: بس انت رمتها ي محمد واتجوزتني رمتها لأمها يبقا متزعلش عليها دلوقتي واعتبرها لسه عند امها يعني هو ف اي
محمد: بس انا ي اماني معرفش بنتي فين ولا اعرف حتى هي كويسه ولا لا
اماني: يخويا مش مهم المهم انها مشيت مش ناقصين مصاريف تقيله علينا واحنا عايشين ب الزق
محمد: قلقان عليها قلقان عليها اوي
اماني بملل: م خلاص بقا ي محمد متخنقنيش الواحد فيه ال مكفيه انت بتعايرني يعني اني مبخلفش ولا اي
وبدأت في تمثيل البكاء
محمد: خلاص ي اماني متعيطيش حقك عليا هقفل سيرتها خالص اهو خلاص
ابتسمت اماني: هقوم اجهزلك احلى فطار ي حبيبي
في الطريق
زايد: هنقف ف اي استراحه ناكل ونقعد شويه وبعدين نكمل تمم؟
روح: كنا سافرنا بالقطر احسن
زايد: معايا عربيه وهنسافر بالقطر ي روح متجننيش الواحد
روح: انت متعصب عليا ي زايد انت ممكن تنزلني على فكرا واسافر لوحدي
زايد بضحك: طب اسكتي ي روح اسكتي
صمت للحظه وكأنه تذكر ما كان سيخبرها به
توتر وبدأ يظهر عليه علامات التوتر بشده
روح: اي دا انت هتموت ولا اي؟
زايد: كنت عايز اقولك حاجه بصراحه ومش عارف رد فعلك
روح بضحك: اتمنى يكون رد فعلي كويس
في منزل محمد
سمعت اماني طرق على الباب بطريقه همجيه استغربت للحظه من هذه الطريقه ولكنها ركضت ل ترى من بالخارج امل طليقة زوجها
اماني بعصبيه: انتي ازاي تخبطي علينا بالطريقه واي ال جابك عندنا ي ست انتي
امل: انا مش جيالك انتي ي خطافة الرجاله انا جايه لابو بنتي
اماني بصوت عال: مين دي ال خطافة رجاله ي معفنه ي ال متمليش عين حد غوري من هنا كانت نقصاكي هي وبعدين بنتك بنتك اي ي ام بنت مش بنتك دي ال طردتيها ف انصاص الليالي امشي غوري
امل: ي محمد ي محمد اطلع عايزاك ف موضوع يخص بنتك ي محمدددد
اماني بإبتسامه: اندهي براحتك كدا كدا محمد مش هنا يقمر
واغلقت الباب في وجهها بقوه
في الطريق
زايد: ها قولتي اي؟؟
روح بتوتر:....
يتبع....
#_علمني_الحب
ل #_Naglaa_Esmail
