رواية البدايه والنصيب الفصل الخامس 5 بقلم عبده
الجزء الخامس
البدايه والنصيب
هو: انا والد سو
عبده: ايوه حضرتك عامل اي
هو بصوت غاضب.. كلمت بابا ياحبيبي
عبده: ايوه كلمته
هو: طب ادهوني اكلمه
خود يا بابا والد سو عاوز يكلم حضرتك
بابا: السلام عليكم ازيك عامل اي انا والد عبده
والدها: حضرتك تعرف الطريقه اللي هما اتعرفو ع بعض بيها
بابا: ايوه هو قالي
والدها: طب انت شايف انو ينفع
بابا: مش عجباني الطريقه بس انا شايف ابني متعلق بالبنت
والدها: لو سمحت متخليش ابنك يكلم بنتي تاني
بابا: والله حضرتك تقدر تغير رقم بنتك ولو ابني كلمها يبقي بنت حضرتك اللي كلمته
والدها: عندك حق مع السلامه
بابا: مع السلامه
المكالمه قفلت ولقيت بابا وشه متغير وتعابير وشه كلها غضب.. انت ينفع اللي عملته ووصلتني ليه؟
البنت دي ملكش دعوه بيها تاني ولا ليك علاقه بيها من النهارده انت فاهم
عبده: يابابا انا بحبها ومش هعرف ابعد عنها بلاش تكسر قلبي
بابا: انا سمعت كلامك وجيبت لنفسي قله القيمه الموضوع ده انتهي انت فاهم
عبده: طب حقك عليا اكيد ف حاجه غلط
بابا بصلي كده ودخل اوضته وانا فضلت قاعد مخنوق وزهقان ومش عارف اتصرف ولا عارف هعمل اييي..
عدي يوم والتاني وانا معرفش عنها حاجه وفونها مقفول ومش عارف اي اللي المفروض اعمله عشانها.. ف اليوم التالت لقيت رقم غريب بيكلمني..
عبده: الو
(صوت واحده) ازيك عامل ايه
عبده: مين حضرتك
هي: انا خاله سو.. يابني انت شاري البت ولا لا
عبده: طبعا شاريها وبحبها ومش عارف ابوها عمل كده ليه
هي: اللي البت عملاه ف نفسها كتير واللي ابوها عامله فسها اكتر لو انت مش عاوزها عرفني وانا اقدر اخليها تنساك
عبده: والله انا بحبها وعاوزها
هي: طب بص هي ابوها حابسها ف اوضتها ومش بتخرج واخد منها الفون بس انا هروح عندهم النهارده هخليها تكلمك
عبده: ياريت انا هموت واسمع صوتها
هي: خلاص تمام بس مترنش عليا الا لو جوزي عرف اني كلمتك هطلق فيها
عبده: متخافيش مش هرن الا لو حضرتك كلمتيني
هي: طب ماشي سلام
حسيت براحه بعض الشئ وفضلت مستنيها ترن الساعه بقيت 9ومحدش رن وهي قالتلي انها بعد المغرب هتبقي عندهم بقيت قاعد محتار ومش عارف ارن عليها ولا لا الساعه بقيت 1ومحدش رن دخلت عشان انام يدوب عيني كانت لسه هتروح ف النوم لقيت رقم نور اخت سو بترن عليا
عبده: الو..
سمعت صوت سو.. انتي عامله اي طمنيني عليكي انتي وحشتيني اوووي اي اللي حصلك وفيكي اي قوليلي
سو: انا كويسه متقلقش انت اللي عامل اي طمني عليك
عبده: سيبك مني انا المهم انتي اي حصل معاكي وخالتك قالتلي انك مش بتاكلي ليه بتعملي ف نفسك كده انتي بتاذيني انا كده مش انتي
سو: انا كويسه والله متقلقش المهم طمني عليك
عبده: انا كويس لما سمعت صوتك والله اي حصل قوليلي
سو: مفيش بابا اخد مني الفون وقالي انا مش هسيبك تروحي تتجوزي ف محافظه تاني وانتي تعرفيه منين وتعرفي هو كويس ولا لا منين لو انتي عاوزه تتجوزي ومش عاوزه تكلمي تعليمك اجوزك الصبح انتي بيجيلك بدل العريس 100وكلهم من هنا وجيرانا ونعرفوهم.. قولتله لا وانا مش هاخد غير عبده لو هتموتني..
عبده: وبعدين اي حصل قوليلي
سو: متقلقش انا كويسه اهو وبكلمك
عبده: طب انا هكلمك ازاي
سو: بص كل يوم لما بابا وماما ينامو هكلمك من فون نور اختي بس اوعي ترن ع نور الا بابا يعرف ويضربها
عبده: خلاص ياقلبي حاضر بس ما تتاخريش عليا
سو: خلي بالك من نفسك
عبده: خلي بالك انتي من نفسك وهستناكي تكلميني
سو: حاضر ياحبيبي متخافش عليا
عبده: تصبحي ع خير يا دنيتي
سو: وانت من اهلي يا حبيبي باي..
