رواية جعلني ملتزمه الفصل الثاني 2 بقلم اسراء جمال
حينما كان اذان الفجر يصدح فى المسجد
تململ عبد الرحمن من نومة وقام ليتوضء
ويذهب لصلاة الفجر ف المسجد
عبد الرحمن خرج من اوضتة بعد ما اتوضى وذهب لاوضة اختة الصغرى حياة
حياة. ياحياة اصحى يابنتى الفجر اذان
حياة بنعاس لاسبنى شوية صغننين بس
عبد الرحمن ببتسامة كل يوم نفس الموال يابنتى اصحى هتاخر ع صلاة الجماعة
حياة ولا حيات لمن تنادى
عبد الرحمن بنفاذ صبر عاا استعنا ع الشقة بالله وشال حياة من ع سريرها وراح بيها ناحية الحمام وقفها ع حوض الغسيل وبدء يضرب وشها بالمية عشان تفوق
حياة بفزع هاااا عبد الرحمن فى حد يصحى حد كدة
عبد الرحمن بضحك كل يوم تقولى نفس الكلمتين يلا يابت اتوضى وصلى عبال ما اروح اصلى انا كمان واجيب الفطار واجى
حياة ببسمة ماشى ياحبيبى
عبد الرحمن يلا سلام عليكم
خرج عبد الرحمن وراح المسجد صلى الفجر وجاب الفطار ورجع البيت
يلا يا حياة انا جيت الفطار يلا عشان نفطر سواى
حياة حاضر حاضر ياابية جاية
وخرجت قعدت ع السفرة جمبة وبدءو فى تناول الافطار
حياة بقولك ياعبدو
عبد الرحمن ها قولى يااخرة صبرى طلاما فيها عبدو يبقى عاوزة حاجة
حياة ببسمة هما فية حاجتين مش حاجة وحدة
عبد الرحمن قولى ياستى كلى اذان صاغية
حياة عاوزة اخرج ياعبدو انا زهقت من قاعدة البيت
عبد الرحمن رفع حاجبة وقالها اممم وعاوزة تخرجى فين بقا ياست حياة
حياة بسعادة عاوزة اروح الملاهى وحديقة الازهر
عبدالرحمن ماشى ياستى ان شاء الله هوديكى بس مش النهاردة يوم الجمعة باذن الله
حياة بسعادة وهى بتسقف ع ايدها هيييييي يعيش عبدو يعيش يعيش يعيش
عبد الرحمن بضحك خلاص يالمضة ها اية الحاجة التانية بقى
حياة بهدوء امممم سارة بنت عم اسماعيل جارنا
عبد الرحمن بهدوء مالها
حياة بنت كويسة ياعبدو ومحترمة ومتربيين سوا وعارف اخلاقها ونا نفسى افرح بيك
عبد الرحمن انا قولتلك ماتفتحيش معايا الموضوع دة دلوقتى ياحياة انا مش هتجوز غير لما اطمن عليكى والقيكى مع الانسان اللى يستاهلك ساعتها بس افكر ف موضوع الجواز دة
حياة ياعبدو انت هتفضل شايل همى لحد امتى وياسيدى اطمن انا مش عاوزة اتجوز
عبد الرحمن ونا كمان طلاما مش هتتجوزى انا بردو مهتجوزش وخلينا كدة بقا
حياة بضحك طاب يا عم ماتزوقش
عبد الرحمن قومى يابت البسى وانا هقوم البس خلينى اوصلك جمعتك والحق اروح شغلى
تمام بمزاح وهى تضع يدها ع راسها تمام يافندم .
"***************************"
عند شذى واياد.
شذى وهى تفرك اعلى رئسها وتتلفت حولها اية دة انا فين واية حصلى
وفجاة جحظت عينها وهى ترى نفسها عارية واياد ايضا راقد بجورها عارى
شذى بصدمة وصوت عالى ايااااااااااد
فرغ اياد ع صوتها وقام
اياد بفزع اية اية فى اية
شذى ببكاء اياد اية اللى حصل انا جيت هنا الذى واية اللى عمل فيا كدةة انا مش فاكرة حاجة
اياد ببرود عادى تلاقينا جينا هنا كملنا سهرتنا
شذى بعصبية ياحيوان وانت اذاى اصلا تجبنى هنا وتعمل فيا كدة
اياد بعصبية مماثلة والله ياختى انا مضربتكيش ع ايدك انتى جاية معايا بمزاجك
شذى بقرف واحد ندل وحيوان اتفو عليك
اياد بستفزاز طاب لية كدة يا حلوة ماتخلينا حلوين مع بعض احسن
شذى بصدمة انت قصدك اية
اياد قصدى ان اللى حصل حصل والتولولة بتعتك دى ملهاش فايدة دلوقتى يعنى يا حلوة تخليكى لذيذة كدة وتسكتى وكان حاجة محصلتش
شذى بزعيق يعنى اية اكن حاجة محصلتش انت لازم تصلح. غلطتك معايا ولا هوديك ف داهية
اياد ببرود تؤ تؤ تؤ لا صوتك يعلى هخرسك انتى فاهمة وبعدين غلطة اية الى اصلحلها انتى اتجنيتى انا مش بتاع جواز ياقطة عاجبك نفضل سواى ع كدة عاجبك مش عاجبك يبقا ف داهية
شذى بقرف انت واحد ندل وحقير وانا غلطانة انى عرفتك اصلا ولملمت هدومها ولبستها وذهبت الى حيث اتت
""******************""
يلا ياستى انزلى ولما تخلصى محاضرات كلمينى عشان اجيلك
حياة ماشى ياعبدو
عبد الرحمن خلى بالك من نفسك ياحببتى
ماشى ياحبيبى ف امان الله .
دلفت حياة اللى جامعتها وخلت محاضرتها
حياة لاحدى زميلاتها اية دة هو الدكتور لسة موصلش
سلمى لا لسة مجاش .
حياة براحة اووووف الحمدلله كنت خايفة تكون المحاضرة بدات وانطرد
سلمى بضحك طول عمرك محظوظة
حياة بغرور مصتنع طبعا يابنتى امال اية
بقولك امال فين شذى ومنى
سلمى وهى ترفع اكتافها للاعلى معرفش والله مجوش لية لحد دلوقتي
حياة غريبة دول اول مرة يتاخرو كدة
سلمى فكك زمانهم جايين
واثناء حديثهم دلف الدكتور المحاضرة .
"********************"
عند شذى
كانت منى تحتضنها اهدى بس يا شذى وبطلى عياط وقوليلى مالك بس انا سيباكى امبارح كويسة حصل اية لكل دة
شذى ببكاء حصل انى ضعت يا منى وانهارت ف البكاء ف حضن صديقتها
منى وهى تمسد ع شعرها طب اهدى بس ياحببتى وقوليلى اية حصل بظبط
شذى ببكاء اعلى ا اياد
منى مالو سى زفت
شذ قصت عليها ما حدث
منى بفاة مفتوح من الصدمة ينهار اسود اذاى دة يحصل انا يا ما حزرتك يا شذى منو ومسمعتيش كلامى
شذى بنحيب اكبر اعمل اية بس اعمل اية
منى بهدوء طب اسكتى واهدى خلينا نشوف حل للمصيبة دى .
يتبع.....
