رواية جعلني ملتزمه الفصل الثالث عشر 13 بقلم اسراء جمال
ايييية دة سيب ايدى انت اتجننت
عبد الرحمن بغضب بصى بقا يا بنت الناس انا اتجوزتك بس عشان خاطر حياة متزلش منى
انما انا لو عليا مكنتش هفكر ابدا ادى اسمى وسمعتى لوحدة زيك وحدة كدابة ومش متربية وبتتبلى ع خلق الله بصى بقا انتى هتقعدى هنا زيك زى اى كرسى موجود ف البيت لحد ما حياة تتجوز وبعدها كل منا يروح لحالة
انتى فاهمة
شذى بغضب وهى تنزع يدها منو انا اصلا ميشرفنيش انى اكون مرات انسان زيك انسان مربى دقنة ومسكلى سبحة وعاملى فيها الشيخ الشعراوى وانت اصلا متعرفش حاجة عن الدين فى راجل محترم يقول كلام زى دة لست ومش اى ست انا اعتبر مراتك يادكتور ولا انت بتمشى بدين ع مزاجك
عبد الرحمن وهو يربط ع لحية استغفر الله العظيم يارب
بصى يا بنت الناس انا عمرى ف حياتى مغلط ولا هغلط ف ست لانى دينى امرنى وقالى رفقا ب القوارير بس رد فعلى دة كان بسبب جنانك وتهورك ودة رد طبيعى من اى شخص لو عاوزانى مفقدش اعصابى عليكى ولا اجرحك بكلامى ياريت تحترمى وجودى ف حياتك لحد ما حياة تتجوز ونطلق وترجعى تعملى مابدالك بس طول ماانتى ف البيت دة تحترمى وجودى كاراجل شايلة اسمو انتى فاهمة
شذى بتحدى لا مش فاهمة لانى مابعتبركش جوزى من الاساس
عبد الرحمن يعنى هو الموضوع كدة طيب تمام اعملى مابدالك ياشذى بس ملكيش دعوة بيا نهائى اكنى مش موجود ف حياتك لسانك مايخاطبش لسانى وتتجنبينى طول منا موجود ف البيت
وانا كمان هعمل كدة لحد مااخلص من الورطة دى
شذى يكون احسن بردو بس يكون ف علمك انا هعمل اللى يحلالى هخرج وقت منا عاوزة وهلبس اللى انا عاوزه
عبد الرحمن وهو يذهب تجاة الفراش براحتك
شذى اية دة انت بتعمل اية
عبد الرحمن ببرود هنام هعمل اية يعنى
شذى ولما انت تنام ع السرير انا هنام فين
عبد الرحمن ف اية حتة ونا مالى احنا مش اتفقنا اننا مش متجوزين ومحدش لة دعوة ب التانى انا بتصرف طبيعى دى اوضتى ونا هنام فيها وهنام على سريرى انتى بقا شوفيك مكان تنامى فية
شذى بغيظ وهى تضرب الارض بقدميها اووووف دة انت ابرد من الفريز جتك داهية
عبد الرحمن وانتى من اهلها
تركتة شذى وذهبت حيث غرفة حياة وطرقت الباب اتاها صوت حياة من الداخل ادخلى ياشذى
دخلت شذى حيث تجلس حياة وقالت حياة ممكن انام معاكى النهاردة لحد مااتصرف واشوفى مكان ف الشقة انام فية
حياة ببسمة وتشوفى لية تعالى نامى معايا ياستى السرير واسع
شذى وهتخدينى ف حضنك وتحكيلى حدوتة
حياة بضحك اها منا هنام مع بنت اختى مش شحطة وكمان مرات اخويا
شذى بفرحة هييييييييييي وجريت ع حياة وحضنتها ونامت معاها
حياة بغمزة اللى قوليلى صحيح فى عروسة تسيب جوزها ليلة دخلتهم وتيجى تنام مع اخت جوزها هو طردك ولا اية
شذى بضيق دة انسان غلس وبارد معرفش هو اخوكى اذاى انتى عسل كدة ودمك خفيف وهو مقفل ورخم
حياة بضحك بتغلطى ف اخويا وانتى نايمة ف حضنى ياجزمة بس هعديهالك المرادى عشان عروسة بس
شذى بضحك قصدك متعوسة نامى يا حياة نامى بلا وكسة
وذهبو الفتاتان فى نوم عميييق .
*****************
اييييية اتجوزت اتجوزت اذاى
مراد بضحك والله اتجوزت امبارح كنت رايح اسهر ف قبلت صحبتها منى سالتها عنها قالتلى انها اتجوزت
اياد يا بنت ال ..... عملتها اذاى بسرعة دى
مراد انت مش قولت انك اتفرجت ع الفيديو طلع محصلش بينكم حاجة يعنى هى عرفت عشان كدة اتجوزت وهى مطمنة انها صاغ سليم
اياد بحقد بنت ال ..... دا انا كنت ناوى ادفها تمن الى عملتة معايا وكنت بخططلها تخطيط تانى
مراد فكك منها بقا يا عم اهى اتجوزت وخلاص الحوار خلص
اياد بشرود ومين قالك انو خلص اياد مبيسبش حقو ابدا .
*****************
شذى ياشذى يلا اصحى بقا العصر اذن من بدرى وانتى لسة نايمة
شذى بتململ لا سبينى شوية ياحياة لسة عاوزة انام
شذى وهى تسحب من عليها الغطا لا ياشذى قومى يلا عشان تتغدى انتى مااكلتيش حاجة من امبارح
شذى وهى تنهض طيب يا حياة ادينى قومت
حياة ببسمة ايوة كدة شطورة يلا قومى اغسلى وشك وغيرى هدومك وتعالى عشان نتغدى سوى عبد الرحمن زمانة جاع
شذى وهى تكشر اوووف هو الكائن دة هياكل معانا
حياة بضحك امال هياكل مع الجيران يلا انا هسبق ع برة
بعد شوية خرجت شذى وكانت ترتدى بضى كات وشورط فوق الركبة واتجهت نحو السفرة لكى تتناول الغذاء معهم
عبد الرحمن اول ماشافها ب المنظر دة اضايق جدا وبص ف طبقة ومرفعش عينة من علية
حياة وهى تضع بعض الطعام فى طبق شذى دوقى وقوليلى رايك ف اكلى
شذى ببسمة اكيد هيكون جميل طلاما من ايدك وانتى اللى عملاة ياحياة.
حياة ببسمة تسلميلى ياغالية
بعد انتهائهم من تناول الغداء ذهبت حياة لكى تضع الاطباق الفارغة ف المطبخ وهمت شذى ان تذهب خلفها
ولاكن يد عبد الرحمن جذبتها وسارت بها نحو غرفتة
******************
شذى بغضب وصوت عالى ايدى اية فى اية بتجرجرنى وراك كدة لية انت مجنون
عبدالرحمن بغضب
اظن اتفقنا كان اننا نعيش سواى ع اساس اننا مش متجوزين يعنى اغراب واظن كمان دة مش لبس يتلبس قدام شخص غريب عنك ياانسة يامحترمة
شذى بتحدى واظن انت ناسى انى قولتلك انى هعمل اللى انا عاوزاه وانى هلبس اللى يعجبنى وان دة لبسى ومش هغيرة
عبد الرحمن وهو يضغط ع ذراعها بقوة وانا مش هسمحلك تلبسى المسخرة دى وتقعدى بيها ف البيت شوفى حياة لابسة اية ولبسى زيها ماهى زيها زيك يعنى مش بتلبس مسخرة ف الشقة
شذى وانا مش هلبس زى حد ومش هتمشينى ع مزاجك
عبد الرحمن بصى بقا خروج برة البيت او برة اوضتك بلبس عراين مفيش وان مسمعتيش الكلام هيبقالى تصرف تانى معاكى انتى فاهمة ولا لاء
شذى مش فاهمة وسابتة وخرجت .
يتبع ......
