رواية القدر او الحب الفصل الثالث 3 بقلم جوري محمد
ادم طلع الاوضه
ادم ماشي اما وريتك وطلع صوره نور على الموبايل لانه صورها من غير ما تأخذ بالها قريب قوي هتبقي تحت رجلي ههههه ونسيب ادم في احلامه و مكالماته التليفونية
ونروح عند نور بعد صعودها لشقتها التي تعيش بها هي واخوها فوق سطح منزل الحاج محمد
نور ايه اللي مصحيك لغايه دلوقت يا وليد
وليد طبعا انا صاحي علشان اسرح شعرك يا هانم بدل ما اصحى الصبح على صوتك وانت بتقولي شفت شعري بايظ ازاي ههههه
نور عارف يا وليد انت لما تقوم بتمشيط شعرى بتفكرين بماما الله يرحمها كانت تقعد زيك كده فاكر
وليد الله يرحمها هي وبابا وراح مسك ايد نور وقعدها على وساده صغيره قد وضعها اسفل كرسيه لكي تجلس عليها عندما يقوم بتمشيط شعرها طب بالله عليكي كفأيه زعل الليلة علشان انا مش ناقص غير كده هتزعليني هعمل لك ضفيره شكلها وحش هتسكتي وتخليني اضحك هعمل لك ضفيره شكلها حلو زي ما بتحبيها
نور لا على ايه اخر مره ضايقتك عملت لي الضفيرة قعد ت يوم بحاله انا احاول افكها تقول ايه يا اخي كنت مثبتها بمسامي
وليد لا يا ستي على ايه خلصت اهو ايه رايكي
نور جميله قوي يا حبيبي شكرا شكرا شكرا
وليد يلا قومي خلينا ننام ههههه
وانتهاء اليوم على الابطال ومع بدأيه يوم جديد
نورا اصحى يا وليد علشان تحضر نفسك للجامعة
وليد حاضر وهنا جاء الولد بطاطا
بطاطا صباح الفل على احلى ورده نورت حياتي بعد مامتي طبعا ههههه
نور. صباحؤ قشطه ادخل بسرعه ساعد وليد هنتاخر انا هامشي وانا هاكون هناك عند امك علشان اغير لبسي ده وهحضر المكنه والفطار عندكم اهو افطروا
بطاطا وانتي لو ما فطرتيش دلوقتي هتقعدي طول النهار من غير اكل
نور ... يسلم لي هالقلب اللي بيهتم بأخته الكبيرة مقامات بألقاء قبله له على الهواء فأخذها بطاطا من الهوى وحطاها على قلبه
نور لا النهارده اليوم طويل و واخذت فطاري انا ومامتك هنفطر سوأ علشان ما اتاخرش
بطاطا يا بختها ست الحبايب هتفطر مع الوجه الحسن وانا هفطر هنا مع وليد
وليد... عندك اعتراض ياض هههه
بطاطا لا يا باشا هههه
نور وهيا تضحك اسيبكم انا بقى
وفعلا بطاطا فطروا وقام بمساعده وليد ومشوا بعد كده كلهم
ملحوظه هامه
لقد تعرفت نور على بطاطا والدته في احدى المستشفيات الحكومية عندما كانت تساعد وليد في اخذ الحقنه الخاصة به لان ام بطاطا هي الاخرى جليسه على كرسي
ونسيبهم ونروح مع نور عند والده بطاطا
نور صباح الفل يا ست الحبايب
والده بطاطا صباح الفل يا نور حياتنا يا ست البنات انتي
نور... والله يا حاجه مع اللبس اللي بلبسه ده قربت انسى ان انا بنت اساسا
والده بطاطا فشر ده انت ست البنات كلهم قولي لي بقى جايبه لنا فطار ايه
نور وهي دي محتاجه سؤال الفطار الرسمي للشعب المصري فول وطعميه سخنه وبتنجان مخلل
والده بطاطا حمد وشكر من ربنا وانا دقيقه واحده وفنجان القهوة المضبوطة لست البنات هيكون معمول
نور خلاص وانا هدخل اجيب العدة بتاعه القهوة يا باشا قبل ما يجوا الولدين الرخمين ووليد يشرب فنجاني
ام بطاطا ..حبيبتي ربنا يحفظك لولاكي كانت الحياه معايا انا وبطاطا كانت هتبقى صعبه
نور. مين قال لك يا ست الحبايب ده احنا عايشين بفضل دعاك
والده بطاطا الحمد لله ربنا رزقنا ببعض لولاكي كان بطاطا مش هيكمل دراسته بس الحمد لله انت شجعتيه يكمل والسنه دي حاسة انه هيجيب مجموع حلو في الثانوية العامة عارفه يا بنت وناوي يدخل هندسه زيكم
نور ان شاء الله يا حبيبتي ربنا هيحقق احلامنا كلنا وهنا قطع حديثهم دخول بطاطا ومعه وليد
وهنا وليد اقترب دون اي مقدمات واخذ فنجان القهوة الخاص بنور
نور شفتي يا خالتي انا قلت لك
وليد اذا كان عاجبك وعلى العموم خالتي هتعمل لك فنجال ثاني لسه قدامنا وقت
بطاطا.. خلاص يا نور ما تزعليش ومامتي هتعمل لك واحد احسن منه واسيبكم انا هاروح المدرسة
نور مع السلامة وبعد فتره نزلت ومشيت هي ووليد على الجامعه
وبعد ذهب يوم للجامعة تقابلت هي وصديقتها
فاطمه صاحبه نور. صباحؤ عسل
نور... صباحه قشطه يا جميل طمنيني اللون ايه في حاجه جديده
فاطمه.. في حته سباق على 100,000 واحتمال يكون النهارده
نور. طيب مستعجله ليه المرة دي احنا لسه في تجهيزات وتصليحات في العربية وبعد كده هتكشف عليها المرة اللي فاتت عملت عطل في النصف وكان هيضيع منه السباق
ملحوظه هامه
فريق نور للسباق بيتكون من ثلاثة نور وفاطمة ومراد وهي بتدخل السباق اللي بيعملوه في الرهان للناس الأغنية علشان تجمع ثمن عمليه وليد اخوها من غير ما هو يعرف عن الموضوع ده حاجه
عوده
مراد ..صباحو عسل
نور.. فل وياسمين عايزين نشوف عربيه جديده للسباق
مراد.. لا اطمئني جبت عربيه جديده صاحبها يخش معنا ويأخذ الربع
نور يا الله مش كتير الربع ويا ترى مين عليه التحصيلات في حدوث اي خدوش في العربية
مراد ما تقلقيش هو قال هشيل الليلة لو حصل اي حاجه
نور.. اشوف العروسة الاول احسن يكون فيها عطل ولا حاجه حاسة كده انه مستبيع
مراد.. خساره والله الجمال ده في الاسلوب بتاع الاسطوات
نور... اذا كان عاجبك بقى غير كده يا هندسه ما لهم الاسطوات بشوات مهندسين خريجين كليه الحياه يلا يا ولد من هنا
فاطمه... لا والنبي يا مراد يا حسن نور لما بتقلب بتبقى صعب واليوم هيقفل من اوله
نور.. وليد سبته في الكافتيريا المحاضرة هتبدا
فاطمه اه والله خلينا نلحق علشان الدكتور ده مستقصدنا بسببك يا نور
نور وانا مالي دمه يلطش هضحك على كل حاجه يقولها لا يا عبيطة المحاضرة النهارده لدكتور ادهم يلا بينا
فاطمه ودي تيجي نتأخر على محاضره الدكتور ادهم هههه يلا يا اخر صبرنا
ومشيت نور و راحت جابت وليد ودخلت المحاضرة
نور... اسفه والله يا دكتور ادهم
ادهم.. تفضلي يا باشمهندسه نور وما تتكررش ثاني
نور.. شكرا يا دكتور ودخلت هي ووليد
عفاف ودي بتكره نور لله في لله اشمعنى يا دكتور حضرتك المرة اللي فاتت ما رضيتش تدخلني ولا انا علشان عيوني مش زرقاء
ادهم ...اتفضلي اطلعي بره وممنوع دخولك لمحاضراتي الا لما تعرفي تتكلمي
عفاف. اسفه يا دكتور مش هتتكرر ثاني
ادهم قلت بره وبدا شرح
وليد بدا يسال ويتفاعل في المحاضرة لانه متميز في دراسته عن الاخرين
ادهم ان شاء الله انا متوقع على مجهودك ده يا وليد انك تبقى زميل لنا
وليد شكرا يا دكتور ان شاء الله
و انتهت المحاضرة
ادهم ...انسه نور ممكن ما تزعليش من الكلام اللي هي قالته
نور.. لا يا دكتور انا كل اللي يهمني دراستي مش بهتم بكلام الناس عن اذن حضرتك
فاطمه. ..اراهن ان ادهم ده من ضمن صفوف المعجبين يا جميل العيون والشعر الجميل ده بيعملوه معاكي شغل جامد هههههه
نور انا مش عايزه احب ولا اتحب انا كل اللي يهمني فلوس العملية بتاعه وليد بس
فاطمه ... فاضل كم يا نور كده
نور حوالي 50000 ان شاء الله السباق اللي جاي هالم الفلوس
فاطمه ان شاء الله وطبعا انا مش هقول لك واتحايلت عليك اكثر من مره انك تكمليهم من الفلوس اللي معايا انا ومراد
نور يا ستي هانت يلا بقى خلينا نمشي
نور.. خارجه من الجامعه مع وليد
عفاف.. عارفين يا بنات انا هاركب عدسات وها غير المكياج بتاعي يمكن نعجب ههه
نور سامع الزفته بتقول ايه
وليد... خلاص يا نور عديها المرة دي
نور ... ها علم عليها بس وراحت متطلعه جنيه فضه ونشنت علي دماغه
نرجس... اي ايه ده
نور. اوعى كده يا بنتي خلينا نشوف الجنيه راح فين ينفعنا في اي حاجه
نور على فكره حبيت احطلك علامه علشان انا عندي العلامة دي من وانا صغيره بس هي راحت مع الوقت فانا قلت عشان تبقى شبهي بالضبط يعني
بس على فكره احنا الاصل وانتي هتبقى صوره وبردك هيبقى في فرق واضح سلام يا قرعه ههههه حبيت افكرك هتحتاجي باروكة شعرها طويل
اصحاب عفاف مسكين الضحك بالعافية
عفاف... حيوانه قوي البنت دي
وهنا خرجت نور وليد وراحوا على المكان اللي بتركن فيه الموتوسيكل بتاعها
وليد... سوقي حلو بقي ارحميني مش عايز اموت ناقص عمر
نور... على فكره انا بسوق حلو بس انت اللي قلبك طري شويه مش عارفه ليه يا وليد ثم تعالى ما فيش حد بيموت ناقص عمر
نور.... افتكرت ده انا عندي تسليم عربيه كمان ساعتين وما كشفتش عليها حتى
وليد.... حركه جديده من حركاتك علشان تسوقي بسرعه صح
نور.. ههههه اربط حزام الامان سوف يتم اقلاع الدراجة البخارية صح وجريت بالمكنة بتاعتها وصلت عند ام بطاطا
نور. . بطاطا بسرعه ودي وليد على البيت وانا هاطلع على الورشة علشان الحق اشوف العربية فيها ايه
يا ترى نور مستنيها ايه في الورشة وهل هتكسب السباق ولا هتحصل حاجه
وادم بيفكر يعمل ايه لنور ده اللي هنعرفه الفصل الجاي
