.jpeg)
رواية كافيه حبنا الفصل الثاني 2 بقلم فاطمه علي عبد المنعم
" هل لك أن تميل لى مثلما أميل لك"
وحطيت الفلوس فى الشيك وقومت مشيت وشوفته قبل ما اخرج انه راح على تربيزتى وخد الظرف بسرعه والشيك وروحت على البيت وفضلت افكر فى نظرات يحيى ليا نظراته مش بتخوف ولا هى جارحه ليا بالعكس نظرات محبه وطيبه نطرت الكلام من دماغى وابتديت انى اروح هناك كتير وكل يوم بكتب خاطرة شكل فى الظرف واخدنا شويه على بعض انا ويحيى ومحدش غيره من الى بيقدموا حاجه ممكن انه يجى ينزلى حاجه حتى مرة كان بيصلى وواحد جالى وقالى ثوانى يحيى بيصلى وجاى ومشى بسرعه من قدامى
- اسف اتاخرت عليكى بس كنت بصلى
= تقبل الله بس كان ممكن اى حد يجبلى طلبى عادى
- لا مش عادى ومحدش هيجيب طلباتك غيرى
= حضرتك بتزعقلى
- مش أوي يعني .. بس بردو ياأريچ محدش هيجيبلك حاجتك غيري
= استغربت انه قال اسمى المشهد كله حسسنى انه جوزى وانى معملتش اكل وبنتخانق فى البيت ايه العبط الى بقوله دا = ودا ليه بقى إن شاء الله
- كدا ولو عندك اعتراض قولي
بصتله برفعة حاجب من طريقته الديكتاتورية فى الكلام وفضلت السكوت احسن
- نيسكافيه بردو
= لا قهوة
- بصلى بستغراب قهوة
= اه فى حاجه
- لا ابدا تحت امر حضرتك
= شكرا
ضحكت على نرفزته وعصبيته الى من غير داعى انا فعلا مكنتش اقصد بس ليه مينفعش يجبلى طلبى غيره ودايما التربيزة بتاعتى فاضيه حاجه غريبه فعلا عدى اليوم ومشيت وروحت وغبت اسبوعين مش بروح كنت تعبانه بدور لوز و سخنيه جامد اوى اوى مكنتش بفكر فى حد غيره لدرجة انى هلوسة بأسمه فى السخنيه بس ستر ربنا ان اختى الصغيرة هى الى سمعتنى نفسى اخف بقى علشان اروح اشوفه اوى .
- فات اسبوعين من غير ما تيجى ولا اشوفها حاسس ان روحى سابتنى وراحت عندها الى كانوا بيهونوا عليا الاظرف بتاعها كنت بدعى فى صلاتى انها ترجع تانى واشوفها وانها تكون كويسه قلبى واجعنى وحاسس انها مش بخير يمكن بهول بس مجرد احساس يارب ترجعلى مش عارف اشتغل وبتعصب اوى فى الشغل على غير عادتى وكسرت انهاردة فنجان القهوة من غضبى مجرد ما هشفها عاصفة قلبى وثورة دماغى هتهدا انا واثق.... فينك يا اريچ فينك
يا طيفهُم خذني إليهم ساعةً
فعسايَ أَرجعُ بالفؤاد وهم معي
= انهارده اول يوم انزل من اسبوعين ويومين ياااه اخيرا هشوفه يووه اه واحشنى بقى اعمل ايه يعنى اول ما دخلت وشوفته كانت ابتسامته ماليه وشه وانا كمان ابتسمت بس اتكسفت ورحت على تربيزتى وكنا لسه قبل الظهر وقولت انى هفطر هناك
- صباح الخير
= صباح النور
- عامله ايه فينك غايبه بقالك كتير
= معلش كنت تعبانه شويه ومكنتش بنزل
- الف سلامه عليكى يا اريچ والله كنت حاسس انك مش كويسه
= بصيتله لانه فضح جزء من مشاعره
- احم المهم انك بقيتى كويسه
= الحمدلله لو سمحت عايزة نيسكافيه
- من عنيا بعد.اذنك
= كنت ناويه افطر فعلا بس فرحتى خلتنى مش عايزة اكل خالص قعدت اذاكر لان كان ورايا مذاكرة كتير وجابلى النيسكافيه ومشى وفضلت اذاكر ونسيت نفسى وفجأة لقيت خيال قدامى
= افندم
_ لا ابدا ينفع اقعد.معاكى شويه
= نعم !!! لا طبعا
_ ليه بس يا قمر اهو ندردش وتريحى من المذاكرة شويه
= وانت مالك يا استاذ انت دا مكان محترم واتفضل على تربيزتك
_ انتى عصبيه اوى يا حلوة اسمعى بس
= قرب يمسك ايدى صوت من غير ارادتى وفى لحظه يحيى كان واقف بينى وبينه وضربه بالبوكس
- عملك حاجه
= كنت منهارة من العياط بس هزيت راسى ب لا
- مالك ومالها يا حيوان انت
_ انا حيوان يا حتت جرسون كحيان لا طلعت ولا نزلت انا عايز المدير فين المدير
- انت عايز المدير
_ اه انا مش همشى من هنا الا لما تترفد
- تمام اوى
= لقيت يحيى بيقلع المريله بتاعت الشغل وتيشرت الشغل وكنت مصدومه اوى
- معاك بقى مدير المكان ورينى هترفدنى ازاى
_ يعنى ايه انت هتسرح بيا جرسون وهتقولى انك مدير
- تقدر تسال الناس فى المكان كله وهيقولولك انا مين كويس ولو شفتك هنا تانى هقطع رجلك
_ اه مهى ماشيه معاك بقى ....ااااه
يحيى ضربه بدماغه ومنخيره جابت دم وصحاب الشاب دا اتلموا عليه
- لو مخدتهوش من قدامى هقطعلكم لسانه انتوا فاهمين
_ حاضر احنا ماشين خلاص
- ف داهيه تاخدكم ... اريچ ممكن تهدى وتبطلى عياط
= ان انا عايزة اروح
- لا لما تهدى الاول ممكن تقعدى وهجبلك مايه ثوانى
= فعلا كانت اعصابى تعبانه انا بخاف من الصوت العالى والخناق
- اريچ ارجوكى كفايه عياط ... الموضوع مش مستاهل كل دا
= بصيتله وحاولت اهدا
- اتفضلى اشربى واهدى
= انا اسفه لو سببتلك مشاكل
- انا الى اسف انى مكنتش موجود وخليت حيوان زى دا قرب من التربيزة بتاعتك اصلا
= شكرا جدا انك كنت موجود
- بصيتلها بحب العفو يا اريچ بقيتى احسن
= الحمدلله ممكن امشى
- طيب خلى بالك من نفسك ارجوكى
= حاضر بعد.اذنك
- فى رعاية الله يا اريچ
= ابتسمتله ومشيت روحت وكانت اعصابى تعبانه مش عارفه ليه بس انا بتوتر وبخاف بسرعه نمت كتير ومنزلتش تانى يوم وقعدت اسبوع مروحش الكافيه بس قررت اروح انهارده ودخلت قعدت على تربيزتى بس مكنش موجود تقريبا بيصلى استنيت عشر دقايق لقيته جاى
- ازيك يا اريچ معلش كنت بصلى
= ولا يهمك
- بقالك اسبوع مش بتيجى
= بصيتله نظرته كانت مليانه لهفه فعلا.... معلش كان ورايا مذاكرة كتير
- ربنا معاكى تحبى تشربى ايه
= عايزة ايس كريم
- من عنيا حاضر
= شكرا
راح يجيبه وجه
- اتفضلى احلى ايس كريم لاحلى اريچ
= اتكسفت اوى شكرا
- اريچ ممكن رقم والدك
= بصتله بصدمه ليه
- عايزه لو سمحتى
= حاضر ثوانى ... كتبت الرقم وادتهوله وفجأة
_ بااااااابى بااااااااابى ..
يتبع .
