.jpeg)
رواية الخائن والبخيل الفصل الثالث 3 بقلم نور محمد
وقف شريف على صوته خلفه بيقول بغضب:ها وقف ليه كمل ياحبيبي هي القلب كله مش كده ياشريف
شريف من الخضه والخوف وقع الفون من ايده ولتفت ليها بخوف
شريف بتوتر وخوف: احم عزيزه حبيبتي انتي هنا من امتي؟
عزيزه بغضب وسخريه: من وقت هو انا هلاقي اجمد منك ياروحي فين بس ده انتي القلب كله ها مين سعيده الحظ دي بقى يادكتور شريف
شريف بلع ريقه بتوتر وقال:لا دي بنت صغيره ياحبيبتي انا عملت ليها عمليه تجميل للحر'ق بتاعها وكونت بكلمها علشان رافضه تاخد الدواء بتاعها بس
عزيزه حطت ايدها على وسطها بعد ثقه وقالت بسخريه:وبنت صغيره هتقولها وانا هلاقي اجمد منك فين ياروحي ده انتي القلب كله مش كده يادكتور شريف
رد شريف بتوتر وارتباك:ايوه كونت بشجعها بس لان حالتها صعبه اوي مش زي مانتي فاكره وبعدين هو تحقيق تاني ياعزيزه والا ايه مش هنخلص كل دقيقه من نفس السيره انا زهقت بجد من غيرتك الزياده دي عليا ومليت كمان من العيشه دي وسعي كده من قدامي
زق شريف عزيزه بغضب بعد ماخد فونه من على الارض ودخل الاوضه النوم بتاعتهم تاني وهو بيتنفس براحه انه قدر يلحق نفسه في اخر لحظه بسبب زكائه طبعا بقلم_الكاتبه_نورمحمد
وعزيزه واقفه بره في الصالون مكانها ليسه وبتفكر في كلامه ياترى هي ظلمته تاني او هو بيكذب عليها بس افكار كتير بقت زي العاصفه في عقلها مش عارفه تصدقه او لا بس قلبها حاسس انه بيكذب عليها وكان بيكلم وحده تاني مش طفله صغيره زي ماقال بس هتعمل ايه؟ علشان تكشفه وتعرف الحقيقه كمان قعدت في الصالون تفكر وبعدها خطر في بالها فكره حلوه علشان تكشفه بيها وحسمت امرها انها هتعملها اكيد
*********************
وعند كريمه راحت مع مامتها ورجو الخاتم تاني وحطته في علبه الدهب زي ماقال اكرم جوزها
وبعدها نزلت تحت لقت حماتها في المطبخ فجرت عليها
بشفقه وقالت:بتعملي ايه ياحماتي هنا وانتي تعبانه اتفضلي انتي وانا هخلص كل حاجه هنا متقلقيش
ابتسمت حماتها بخبث وقالت:كتر خيرك يابنتي والله لان رجلي واجعني اوي ومش قادره اقف عليها
تقدمت كريمه وخدت معلقه الطبيخ منها وقالت:متشيليش هم ياحماتي وانا موجوده انتي مكانتك عندي زي امي باظبط والله اتفضلي ارتاحي بره وانا هخلص كل حاجه هنا
خرجت حماتها بره وقعدت على الكنبه براحه وقالت بهمس: الحمد لله المهم استفاد منك بحاجه برضو احسن من اكلك وشربك هنا ببلاش
***********************
وعند اكرم كان في محل الحلاقه بيظبط نفسه ولا هامه حاجه في الدنيا كلها غير نفسه بس
اكرم:عم حسين لو سمحت ظبط الدقن كويس علشان المره الي فاتت مكنتش مظبوط خالص
رد عم حسين بضيق منه:حاضر يابني متقلقش ابدا
بدء عم حسين يحلق ليه دقنه واكرم منسجم وبيفكر في حياته بس وفجأه دخل عليه احمد بغضب
وشده بقوه من على الكرسي وقعه على الارض وهو ماسكه من هدومه بغضب وقال:بقى انت يابن عبد السميع مديت ايدك على اختي وبدون زنب كمان
اكرم كان ماسك ظهره بألم وهو بيبص على احمد بغضب وقال:وانت دخلك في حياتنا ايه مراتي وغلطت وانا بعلمها الادب وانا حر في مراتي يابن عبد الهادي
احمد اتعصب اوي من كلامه فضربه بوكس قوي على وجهه عينه ورمت منه وبقى لونها ازرق
وقال احمد بغضب وتهديد:وديني يااكرم لو سمعت انك مديت ايدك بس عليها تاني لاكون قطع'ها ليك ومش هيهمني حد او حتي السجن سامعني كويس يابن عبد السميع
احمد قال كده وزقه بغضب وضيق وخرج من المحل كله
واكرم قام وهو حاطط ايده على عينه بألم وقال بتوعد:تمام يابن عبد الهادي انا هفرجك مين هو اكرم عبد السميع كويس اوي
********************
عند كريمه خلصت شغل المطبخ كله وطبخت الطبيخ كمان وخرجت لحماتها بتعب
وقالت:حماتي انا خلصت كل حاجه جوه وكمان طبخت اللحمه زي ماطلبتي مني
رفعت حماتها عنيها ليها ببرود وقالت:شكرا ياحبيبتي بس خلي بالك على السكر واللحمه في المطبخ علشان الايام دي غليت اوي
رد عليها كريمه بعدم فهم وقالت:قصدك ايه؟! ياحماتي بالكلام ده اخلي بالي ليه؟ مفيش غيرك انتي وانا بس الي بندخل المطبخ هنا
اجابتها حماتها ببرود وقالت:مانا عارفه ده كويس ياحبيبتي علشان كده بقولك خلي بالك اصل من يومين لقيت علبه السكر نقصت اوي وكمان كيلو اللحمه مش لقيته في الثلاجه بس انا سكت علشان المحتاج ممكن يعمل اي حاجه يابنتي
كريمه سمعتها بصدمه وبعدها قالت:قصدك اني بسرقك ياحماتي دنا بعتبرك زي امي باظبط وبخدمك وبحترمك زيها كمان وانتي بعد ده كله بتتهميني في سرقه بيتك ياحماتي
كانت حماتها هترد عليا بس دخل اكرم فجأه وهو حاطط كيس ثلج على عينه علشان الورم بتاعها يخف
فقال اكرم بضيق:في ايه على الصبح صوتك عالي كده ليه ياكريمه؟!!
ردت عليه كريمه بحده:اسئل امك ياأكرم قالت عليا ايه؟
نظر أكرم لأمه وقال:قولتي ايه ياماما لكريمه؟!
ردت امه ببرود وقالت:انا مش قولت ليها حاجه يابني بس كونت بسئلها على اللحمه الي كانت في الثلاجه علشان من يومين مش لقياها
كريمه بصت عليا بضيق من كذبها وقالت:لا محصلش هي كانت بتتهمني بسرقه بيتها ياأكرم بتتهم مراتك باسرقه انا سمعتها بودني كويس
وجه أكرم نظره لأمه تاني وقال:صحيح الكلام ده ياماما
اجابت أمه بتوتر وقالت:لا طبعا انا مش قولت انها حراميه انا لساني نطق كلمه حراميه قدامك ياكريمه يابنتي
كريمه بصت عليها بصدمه وبعدها قالت بقوه:لا انتي مش نطقتي كلمه حراميه بس كلامك بيدل على كده ياحماتي وانا مش غلطت في حقك و
قاطعها أكرم بغضب وقال:اخرسي وخدي بالك من صوتك قدامي وقدام امي كمان ياكريمه.. وبعدين انا امي مستحيل تكذب هي قالت مقالتش يبقى مقالتش.. ولو سمعت صوتك تاني ياكريمه هضربك تاني.. وياله على شقتك فوق فورا.. مش عاوز اشوفك قدامي دلوقتي
كريمه سمعت كلامه وزاد غضبها لانه بيكذبها وهي بتقول الحقيقه وكمان بيهدد وهي اكتفت من تهديده ده كل شويه فقالت:لا مش هسكت يأكرم انا كرامتي اتهانت من امك.. ولو انت كراجل مش هامك كرامة مراتك الي هي من كرامك انت كمان.. فأنا بيهمني كرامتي اوي والي غلط يعتزر من التاني.. وانا مش هسكت المره دي زي كل مره ياأكرم وكما
سكتت كريمه على كف قوي من اكرم ووقعت على الارض بقوه وشفتها نزفت د'م فحطت ايدها على خدها بصدمه منه
وأكرم قال بصراخ وغضب لكريمه:على بيت ابوكي ياكريمه فوراومفيش رجوع هنا تاني غير بشروطي انا بقى عاوزه امي انا تعتزر ليكي انتي ياست كريمه لا ده في احلامك ياحلوه انا امي متعتزرش من اي مخلوق وابنها عايش ليسه على وشه الدنيا لا انا ارميكي انتي زي الكلاب واجيب احسن منك كمان سامعه.. قومي فورا وطلعي كده على بيت ابوكي وانا ليا كلام تاني مع عم عبد الهادي يااااله بسررررعه مش عاوز اشوفك قدامي
كريمه نزلت دموعها بقهر وحسره واخدت عبايتها وطرحتها وطلعت بسرعه من الشقه لبيت ابوها
وياترى هيكون رد فعل اهل كريمه المره دي زي الي قبلها او لا ده هنعرفه الفصل القادم
