رواية عشقت تقوي ( كامله جميع الفصول ) بقلم سندس محمد
: يابابا انا ايهم المنشاوي اتجوز واحده صعيديه
(ايهم المنشاوي ملامحه حلوه وعيونه لونهم رمادي عنده مجموعة شركات كبيره جدا بيحب مامته وباباه جدا عنده 30سنه)
منصور المنشاوي: مالهم الصعيده يا استاذ ايهم وبعدين باباها كان صحبي و مات و وصاني عليها وانا مكنش عندي غير انها تيجي هي ومامتها مصر بس هتقعد معاك بصفتها ايه
ايهم: يابابا انا مش قصدي وبعدين هجبلهم شقه
منصور: ماشي يا ايهم لو متجوزتهاش لا انت ابني ولا اعرفك
ايهم بغضب: ماشي يابابا انا موافق.. وفي سره.. انا هوريها النجوم في عز الضهر
منصور: ماشي جهز نفسك عشان هي هتيجي بكره وهنكتب الكتاب بكره بردو
ايهم بخبث: ماشي يابابا انا موافق
في مكان تاني
: انا جهزت الشنط ياماما
(تقوى محمد ملامحها حلوه وعنيها خضرا رقيقه اوي بتتكلم مصري مش صعيدي عشان مامتها من مصر وبابها كان عايش في مصر بس اصله صعيدي ولما كان عندها 15سنه رجع الصعيد وهي دلوقتي عندها 20 سنه)
مامت تقوى: ماشي ياحبيبتي وانا كمان جهزت كل حاجه وتعالي عايزه اتكلم معاكي شويه
تقوي: حاضر ياماما... قعدت... اتفضلي اتكلمي
مامت تقوي: بصي يابنتي انتي عارفه انا بحبك قد ايه صح وعارفه كمان اني بخاف عليكي من الهوا
تقوي: ايوه طبعا يماما ديه حاجه انا متاكده منها
مامت تقوي: طب بصي يابنتي انتي عارفه اننا هنروح نقعد عند صاحب باباكي ومراته صح
تقوي: صح
مامت تقوي: بس هو عنده ابن وطبعا مينفعش تقعدي هناك منغير صفه
تقوي: ايوه طب وبعدين
مامت تقوي: بس هو طلب ايديكي... " طبعا مامت تقوي ضحكت عليها عشان توافق "
تقوي باستغراب: بس هو شافني فين
مامت تقوي: منغير ميشوفك هو مش بيهتم بالمظاهر
تقوي: ياماما حضرتك عارفه اني مش برفضلك طلب بس ده جواز مش اي حاجه سبيني افكر وهرد عليكي
مامت تقوي: ماشي يابنتي بس قوليلي قبل بكره عشان السفر
تقوي: ماشي ياماما بعد اذنك... وقامت دخلت اوضتها... يارب انا مش عارفه افكر اعمل ايه... قعدت افكر ليه ارفض احنا ملناش مكان في مصر ومنعرفش حد غير عمو منصور انا هصلي استخاره.... صليت الاستخاره وحست براحه خرجت عشان ابلغ مامتها موافقتها هي اصلا معندهاش حلو غيره و مينفعش هي ومامتها يقعدوا هنا تاني و ميعرفوش في مصر غير منصور
تقوي: ماما انا موافقه
مامت تقوي: بجد
تقوي: اه والله موافقه انا صليت استخاره وحسيت ب راحه
مامت تقوي: ماشي ياحبيبتي خشي نامي عشان هنسافر بدري
تقوي: ماشي ياحبيبتي تصبحي على خير
مامت تقوي: و حضرتك من اهل الخير يارب
تاني يوم الصبح صحيت تقوي لبست عشان كمان شويه هيسافروا
مامت تقوي: يلا ياحبيبتي عشان العربيه جت
تقوي بتعجب: عربيه
مامت تقوي: اه عمك منصور بعت عربيه يلا
طلعنا بره البيت لقيت عربيه شكلها حلو حطينا الشنط وركبنا و انا مش عارفه اللي جاي هيبقي ايه
•••••••••••••••••••••••••••••••••••••
في بيت منصور المنشاوي
منصور: ايهم جهز نفسك عشان عروستك جايه في الطريق
ايهم بغضب: اعمل ايه يعني
مامت ايهم: ياحبيبي إن شاءلله البنت تبقى كويسه انا مش عارفه انت رافض الجواز ليه شوف حياتك بقي
ايهم: ياماما انا شايف حياتي اهو هو لازم اتجوز عشان اشوف حياتي
مامت ايهم: انا معنديش غيرك عايزه اشوف عيالك بقى
ايهم: إن شاءلله
وبعد شويه كانت وصلت العربيه عند الفيله والبودي جرد نزل الشنط و دخلت مامت تقوي وتقوي كانت بتجيب شنطتها من العربيه
منصور: يااهلا مصر نورت ياام تقوي
مامت تقوي: بنورك عامله ايه يا مدام ليلي
مامت ايهم: مدام ايه بس احنا هنبقي صحاب قوليلي ليلي بس منغير مدام
مامت تقوى: ربنا يخليكي يارب و بصت لايهم... انت ايهم
ايهم بابتسامه من طيبتها الظاهره: اه ازي حضرتك
مامت تقوي:الحمدلله يابني
منصور: امال فين تقوي يا ام تقوي
مامت تقوي: بتجيب شنطتها من العربيه وجايه
منصور: طب مش البودي جرد جاب الشنط
مامت تقوي: لا ديه شنطتها وحاجاتها الخاصه
دخلت تقوي بصلها ايهم بصلها ايهم بصدمه 😳😳
