رواية تجارة البنات الفصل السادس عشر 16 بقلم سحر حسين
❤️ بسم الله الرحمن الرحيم ❤️
تجاره البنات :
القصه الثالثه :
بقلم سحر حسين ❤️
البارت السادس عشر :
وجه معاد الاجتماع اللي هروحه مع ايهاب وحماتي قالتلي ........
حماتي : تعالي يا مريم وانا هخليكي احسن من اي اجنبيه وهخلي ايهاب يتجنن عليكي .
مريم : تمام ماشي يا ماما .
وفعلا دخلنا غرفتها وعملتلي المكياج وجابتلي فستان حلو اوي اوي .
ولبسته وكنت زاي القمر .
دخل ايهاب قال لمامته .
ايهاب : اي يا ماما كل ده ولسه مخلصتيش اي ده كله .
الام : لا يا حبيبي خلاص هي في الحمام اهي وطلعه .
ايهاب : طيب يلا احنا كده هنتاخر .
الام : يلا يا مريم اطلعي يا حبيبتي .
مريم طلعت من الحمام واول ما بص عليها ايهاب كان مصدوم من جمالها لدرجه انو مقالش اي كلمه وفضل متنح ليها .
مريم : انا جاهزه اهو يا ماما .
الام : ايهاب ايهاب .
ايهاب : اه نعم .
الام : مالك في أي .
ايهاب : لا مفيش حاجه .
الام : طيب يلا مراتك جاهزه اهي .
ايهاب : طيب يلا تعالي .
مريم : مع السلامه يا ماما .
الام : انبسطي .
خدنا بعضنا ومشينا وركبنا العربيه . وهو قاعد مبتسم ومشغل اغاني وكان مزاجه حلو .
اول مره اشوفه كده . وبعدين قالي .
ايهاب : اه صح مش عايزك تعملي اي حاجه تفضحينا بيها انتي فهمه .
مريم : هو انت ايه لزم تضايقني وخلاص علي العموم متخافش مش هفضحك .
ايهاب : أما نشوف .
مريم : هتشوف .
واخيرا وصلنا للمطعم وهو نزل وراح فتحلي الباب لا واي ومسك ايدي ونزلت من العربيه ودخلنا المطعم ولقينا العميل جه هو ومراته .
روحنا قاعدنا معاهم وايهاب سلم عليه بالانجليزية وهو رد عليه وسلم عليا وباس ايدي وكان ايهاب غيران اوي اوي .
هما كلهم قاعدين بيتكلمو وانا قاعده سكته وايهاب طلب الاكل والعميل قاله خلي مراتك هي تطلب .
وايهاب قالو انا عارف زوقها في الاكل اي .
ومخلنيش اطلب الاكل علي زوقي وهو طلب مش مشكله .
جه العميل يسالني سؤال .
وكنت لسه هرد رد ايهاب وقال إني مفهمش انجليزي .
رديت عليه انا بالانجليزيه واستغرب ايهاب والعميل .
رد عليا وقالي جميل بتتكلمي انجليزي قولتله اه وفرنسا وألمانيا كمان .
وكان ايهاب مستغرب اووي اني بتكلم لغات .
سبتهم ورحت الحمام . وبعدين رجعت وقالي العميل اني جميله . وايهاب كان مضايق جدا وقالي يلا عشان نمشي وقام ومسك ايدي ومشينا .
انا كنت مبسوطه جدا وهو كان مضايق جدا .
وصلنا البيت واول مداخلنا الغرفه قالي .
ايهاب : معقوله الفلاحه دي تعرف لغات .
مريم : اه شوفت بقا يا ابن الزوات .
ايهاب : وانتي بقا اتعلمتيها فين تحت السلم .
مريم : طبعا لزم تتريق منا اشطر منك .
ايهاب : هههههههههه والله ضحكتيني وانا مليش نفس .
مريم : ليك حق شوف انت ادفع فيك اد ايه عشان تتعلم وانا صرفت اد ايه وبتكلم نفس لغتك ويمكن اكتر كمان .
ايهاب : انتي هتشوفي نفسك عليا انتي نسيتي أن احنا اشترناكي بالفلوس .
مريم : بحزن شديد لا مش ناسيه ولا عمري هنسا أن اهلي عملو معايا كده وجوزوني لواحد معقد .
ايهاب : انا معقد وانتي فلاحه ومش أقل من خدامه بالفلوس .
مريم : ودموعها في عيونها ليك حق الله يسامح اهلي هما السبب في اللي انا فيه دلوقتي ده إنما قولي يا ابن الذوات ايه اللي خلاك تتجوز واحد فلاحه وكمان مش بتحبها ولا عمرك شوفتها قبل كده .
انا صح فقيره وانتو دفعتو كتير فيا بس احنا منفرقش عن بعض كتير .
ايهاب : انتي اتجننتي انتي هتجيبي نفسك ليا .
مريم : هههههههههه بسخريه وحزن شديد ابوك دفع لي ابويا الفلوس دي كلها عشان نقبل واعيش معاك يعني انت كمان بالنسبة ليا حاجه مش مشرفه اووي .
ايهاب : بغضب شديد ضرب مريم بالقلم وقالها ملكيش نوم في الغرفه دي تاني .
مريم : وهي علي الارض وتبكي من شدت الضربه انا كمان مش عايزه اكون معاك في غرفه واحده .
ايهاب : يلا غوري من وشي .
نزلت مريم وهي منهاره من البكاء نزلت جري وفتحت باب القصر وجريت وهي حتي مش عارفه هتروح فين فضلت تجري وتجري وهي نزله شافتها حماتها بس معرفتش توقفها طلعت عند ايهاب وقالتله .
الام : اده في ايه مريم رايحه فين دلوقتي .
ايهاب : تروح مطرح ما تروح انا خلاص مش عايزه معايا تاني كفايه كده .
الام : انت اتجننت ازاي تسيب مراتك في الوقت متاخر زاي ده بره انزل جبها يلا .
ايهاب : انا مش هجيب حد وبعدين متخفيش زاي ما مشيت هترجع تاني .
الام : انت عارف لو ابوك عرف بحاجه زاي دي هيعمل فيك ايه .
ايهاب : بقولك اي يعمل اللي يعمله مش فارقه كتير إنما أنا أعيش مع واحده زاي دي بعد كده مستحيل
انا اتجوزتها عشانك انتم إنما اكتر من كده لا .
الام : طيب والله يا ايهاب لو منزلتش تجيب مراتك دلوقتي انا هروح اجبها انت فاهم .
ايهاب : يا حبيبتي متخفيش هي هترجع تاني والله .
الام : انزل جبها دلوقتي يا ايهاب .
ايهاب : يو بقا حاضر هنزل اجبها ارتاحي انتي .
نزل ايهاب خد عربيته ونزل يدور عليها اكتر من ساعتين وفي الاخر رجع البيت وهي مش معاه .
الام : اي هي فين .
ايهاب : مش عارف .
الام : يعني اي دورت عليها .
ايهاب : والله دورت في كل حته .
الام : طيب وبعدين .
ايهاب : ولا ابلين روحي نامي وهي هترجع .
الام : انام يا برودك يا اخي انت اي معندكش دم مش خايف يحصلها حاجه بسببك .
ايهاب : انا مقولتلهاش تمشي من القصر انا قولتلها تطلع من غرفتي بس .
الام : حرام عليك مش كفايه عليها أهلها .
ايهاب : اه صح مش يمكن راحت عند اهلها .
الام : اه طيب مستني ايه كلمهم بسرعه .
ايهاب طلع التلفون واتصل بابوها .
وهنا يكون البارت ده خلص ❤️
اتمنا تعجبكم ❤️
بقلم سحر حسين ❤️
شكرا ☺️
