رواية تجارة البنات الفصل الرابع عشر 14 بقلم سحر حسين
❤️ بسم الله الرحمن الرحيم ❤️
تجاره البنات :
القصه الثالثه :
البارت الرابع عشر :
بقلم سحر حسين ❤️
امي : الو يا علي واخير بنك وافقت علي العريس .
علي : ايه معقوله بجد وافقت عليه .
امي : اه والله وفقت عليه رجعت من المدرسه وقالتلي أنها موافقه .
علي : طيب انا هروح اعرف عبدلله بيه بسرعه .
امي : ماشي روح بس متنساش تطلب مهر غالي بقا
علي : مهر ايه دي بنتك هتعيش عيشا ملوك تقولي مهر .
امي : طيب واحنا ملناش نصيب يعني من الملوك ده .
علي : طيب طيب اقفلي يلا .
سمعت كل كلمه امي قالتها هو ده السبب الوحيد عندك يا امي عشان جوازي هي الفلوس بس مش اكتر ومش مهم انا هعيش ازاي مع حد مشفتهوش اصلا ولا حبيته .
المهم هو اني اتجوز وخلاص عشان الفلوس أو غيرها مش مهم انا حسه بايه .
بابا رجع ومعاه شنطه كبيره من الفلوس .
بابا : تعالي يا مريم شوفي مهرك اد ايه .
امي : الله اكبر كل ده وانتي لسه عندنا امال لما تروحي هتعملي ايه .
بابا : أن شاءالله هيكونو بكره هنا عشان كتب الكتاب والدخله .
مريم : نعم بكره .
بابا : اه بكره هو هيجهز كل حاجه .
مريم : من غير خطوبه حتي .
امي : يا ختي خطوبه ايه وبتاع ايه .
مريم : هو كل اللي هممكو هي الفلوس وبس ومش مهم انا والله حرام عليكو والله حرام .
امي : بس يا بت ده بابا الحظ وتفتحلك قولي الحمدلله كل البنات بتتمنا جوازه زاي دي وانتي تقولي الكلام الفاضي ده .
مريم : ماشي يا ماما .
مشيت وانا عيوني مليانه دموع هو ليه انا محدش حاسس بيا كده محدش مهتم باللي انا حسه بيه يارب انا مليش غيرك خليك جامبي .
تاني يوم :
لقيت ماما عماله تزغرط لولولولولولولولي وجايه تصحيني ومعاها فستان الفرح وبنات من كوافير .
امي : يلا يا عروسه قومي بقا واغسلي وشك كلها شويه وعريسك جي .
يلا يا بنات ادخلوا وجهزوها يلا .
البنات دخلو كلهم فرحنين وانا اللي الوحيده اللي زعلانه ومخنوقه وبفكره اهرب ازاي مش عايزه اتباع بطريقه دي دي مش جوازه ده بيع وشروه .
بعد شويه لقيت هيصه والبنات بيقولو العريس جه وانا كنت متوتره اكتر .
فضلت في غرفتي مطلعتش منها البنات كلهم طلعوا عشان يشوفو العريس وانا حتي مش مهتما .
شويه ولقيت ماما داخله ومعاها وحده كبيره شويه بتقولي ماشاء الله انتي مرات ابني .
معقوله دي حماتي هي ماشاء الله عليها أموره اووي .
بدأت اهدا شويه وحسيت انها طيبه .
يلا يا بنتي عشان تمشي معاهم نزلت لقيت عم عبدلله وحماتي بس اللي موجودين ومفيش عريس ولا حاجه .
نزلت وركبت العربيه ومشيت معاهم كل ده وانا حتي مشوفتش العريس ولا اعرف اي حاجه عنه ولا عن شكله حتي .
واللاسف محدش من اهلي اهتم حتي أن يشوف العريس .
وانا قاعده في العربيه عماله اعيط علي أخري ومش عارفه اسكت .
عبدالله : مالك بس يا بنتي متخفيش ابني مش وحش والله هو كويس جدا .
مريم : ولو هو كويس يا عمي مجاش ليه بنفسه ولا احنا مش قد المقام .
حماتي : متقوليش كده يا بنتي انت بقيتي واحده مننا خلاص يعني بنتي .
مريم : طيب وهو ينفع ده يحصل مع بنتك وانتي تردي أن يحصل كده مع بنتك .
حماتي : بصراحه .....
مريم : بصراحه لا انا عارفه بس امي بقا رديت بكل ده وأنها تجوز بنتها لحد هي ما شفتهوش حتي .
حماتي : يا حبيبتي انا امك برضو وان شاء الله انا مش هسيبك وهعلمك كل حاجه انتي عايزاها وانا معنديش اتكلم معاها انتي هتبقي بنتي وصاحبتي كمان .
مريم : شكرا يا ماما .
انا قولت لنفسي أن اكيد شكله وحش أو معاق علي الاقل .
اول ما دخلت القصر كان اول مره داخله واشوفه من جوه بس لقيته جنه من جوه بجد وفي خدم وحشم كتير قولت بس الدنيا ضحكتلي بس ما بقاش غير أن اشوفه هو بس .
حماتي : تعالي يا مريم عايزه اقعد معاكي شويه .
مريم : حاضر يا ماما اتفضلي .
حماتي : بصي يا بنتي ايهاب ابني اه وانتي مش هتلاقي حد يقولك الكلام ده غيري انا .
لزم تكوني برده معاه .
مريم : برده .
حماتي : اه اعملي زاي ما قولتلك وملكيش دعوه هو هيجرحك بالكلام عشان تمشي من هنا بس معلش استحملي شويه وتعملي ببرود معاه وهو هيستسلم بسرعه انتي خلاص بقيتي مراته .
مريم : اه يعني اتعب معاه .
حماتي : هههههههههه بصي يا حبيبتي الواحده هي اللي هتخلي جوزها يحبها أو يبعد عنها .
مريم : ايوه بس هو حتي مجاش يخدني يعني هو كمان مغصوب عليا صح .
حماتي : حبيبتي انتي الوحيده اللي هتعرف تتعامل معاه انا عارفه انا بقولك .
مريم : انا ربنا يسترها .
حماتي : طيب يلا عشان تطلعي غرفتك .
مريم : تمام ماشي
طلعنا فوق ودخلتني غرفتي وهي مشيت . وانا دخلت الغرفه ولقيت شب واقف في البلكونه اول ما اتقفل الباب وانا اتوترت جدا جدا قولت احم احم .
وهو معملش اي حاجه ولا كاني موجوده اصلا وفجاه بصيت لقيت صنيه الاكل موجوده
مريم : قولتلو انا هقعد اكل وانت حر بقا انا جعانه .
ايهاب : اول كلمه قالها ليه هو انتي مشبعتيش من المهر بتاعك ولا ايه .
مريم : استغفر الله العظيم من كل ذنب عظيم لا بصراحه مشبعتش انا استاهل اكتر من كده بكتير .
ايهاب : لا والله هو انتي مش حاسه ان اهلك بعوكي مش جوزوكي .
مريم : والله وانت اهلك عملو معاك ايه بقا هاااا .
ايهاب : ............
مريم : كل ده وهو حتي مبصش عليا يعني يا استاذ ايهاب لا تعيرني ولا اعيرك الهم طايلني وطايلك .
ايهاب : اه شكلك لسانك طويل ومش هطولي هنا كتير .
مريم : اتكلم بزوق هتكلم معاك بزوق ماشي .
وهنا يكون البارت ده خلص ❤️
اتمنا تعجبكم ❤️
شكرا ❤️
بقلم سحر حسين ❤️
