رواية صدفه مجنونه الفصل الرابع عشر 14 بقلم زهرة الربيع

 رواية صدفه مجنونه الفصل الرابع عشر 14 بقلم زهرة الربيع

#صدفه_مجنونه_الجزء_الرابع_عشر

عمار كان هيقع من طوله لما الدكتوره قالتلو صدفه حامل و هو عمره ما لمسها كده يبقى كل شككو في محلها كده كل حاجه انتهت حس الارض بتدور بيه اتسند على الحيط بصدمه

الدكتوره بصت لهم باستغراب وقالت...فيه حاجه ولا ايه

عمار كان ساكت ومش سامع اصلا ولا حاسس بالي بيدور حواليه وجاد قال بصدمه..انتي..انتي متأكده يا دكتوره انو حمل..متأكده

الدكتوره قالت...طبعا يا جاد باشا انا مستحيل اغلط في حاجه زي دي 

جاد قال بصدمه...طيب..طيب روحي انتي..شكرا

الدكتوره مشيت وجاد بص لعمار بدموع وقال..فيه حاجه غلط..اكيد فيه حاجه غلط يا ابني..مراتك متعملش كده صدفه بنت طيبه و

بس عمار بصلو بحده لاول مره وقال بغضب مخيف...متقولش اسمها قدامي..وزعق وقال..مش عايز اسمع عنها حاجه وزق الباب ودخل عندها باندفاع وغضب واتقدم عليها زي الاعصار و شدها من دراعها بغضب جحيمي وهو بيقول...قومي..قومي يا زبا،له يا و،سخه...قومي لتنجسي سريري يا فا،جره

صدفه كانت بتبصلو باستغراب وزهول وقالت بصدمه..عمار..عمار فيه ايه ..ايه الي حصل..طب انا عملت ايه طيب

بس عمار كان ساحبها بقوه من دراعها ونازل بيها بغضب رههيب

ابتسام ووداد وعرفه طلعو على صوتهم وشافو عمار وهو ساحبها بقوه ونازل بيها السلم

 عرفه كان هيجري عليها علشان عمار يسبها بس ابتسام مسكت ايده بقوه وهزت راسها برفض وتحذير وعرفه اتنهد ووقف مكانو

صدفه قالت بدموع..يا عمار حرام عليك...قولي فيه ايه.. ايه الي حصل طيب..استهدى بالله فيه ايه

بس عمار زقها بكل قوتو عند الباب وقال..اطلعي بره..غوري من بيتي .... وورقتك هتوصلك 

صدفه بصتلو بزهول وقالت..امشي كده..من غير  ما اعرف عملت ايه..طب قولي ايه الي حصل حتى ..لدرجادي مليش قيمه عندك

عمار بصلها بدموع محبوسه في عنيه وقال بغضب..فعلا انتي ملكيش اي قيمه عندي..انتي شكلك نسيتي انتي مين ..انتي حتت واحده من الشارع ..زبا،له زي الي بتترمي على الارصفه..واي كل،ب يكونلو نصيب فيها..انا بس عايز اعرف من باب الفضول...الي في بطنك ده ..ابن الحيو،ان الي فوق..ولا ابن واحد من الي صعتي معاهم

بقلمي...زهرة الربيع

صدفه بصتلو بصدمه رهيبه وهيه مش فاهمه بيقول ايه ولسه هتتكلم عمار قال بسخريه..يااااه لدرجادي صعبه...هما كتير قوي كده..طبعا واحده ركلا،م زيك ودي شغلتها طبيعي لما تحصل غلطه زي دي متعرفش مين الاب ..ده شيئ معروف

صدفه بصتلو باستغراب  وقالت..الي في بطني..بطن مين..انت بتقول ايه

عمار بصلها لغضب ونزلت دمعه من عنيه وقال ..بقول...شكرا..شكرا على كل الوقت الي عيشتيني فيه وانا بحارب عقلي..علشان اثبت انك بنت نضيفه ..شكرا لانك حركتي قلبي ودستي عليه بجزمتك..شكرا على كل الي عملتيه فيا ...اه ومبروك يتربى في عزك يا صدفه هانم...... وزعق وقال بصوت عالي..غوري من وشييييييي..اطلعي من بيييييتي

صدفه بصتلو بدموع وضحكت بسخريه وقالت...انا..انا تقريبا فهمت... الي افمتو..الي فهمتو منك ان الدكتوره الي كشفت عليا  قالتلك اني حامل...صح...ده الي بتحاول تقوله...وضحكت بقوه ونزلت دموعها بوجع وقالت..وصدقتها..وبتمشيني بالسهوله دي من غير حتى ما تحاول تفهم..ولا تحاول تتأكد حتي....لدرجادي انا....انا ولا حاجه عندك..لدرجادي شايفني و،سخه يا عمار

عمار فضل باصص لها بدموع وكان حابب يقولها انو مش قادر يشوفها كده رغم كل الي عرفو عنها لكن قرر يسمع لعقلو ويدوس على قلبو لان الموضوع ذاد جدا عن حدو..قال..اه صدقتها..لاني اعرفها من زمان ..دي دكتوره العيله وعمرها ما شخصت غلط ...واصلا انا  شايفك او،سخ من كده بكتير...ومش حابب اشوف طيفك تاني امشي يا صدفه..امشي..كده كفايه قوي

صدفه نزلت دموعها زي المطر وقالت..معاك حق..كفايه...كفايه قوي... واتقدمت على جاد بدموع وباست ايده وقالت..انت..كمان..انت كمان مصدق يا جدي

جاد نزلت دموعو وهز راسو بالرفض وشدها  لحضنه وصدفه حضنتو بحب .... ومشيت ناحيه الباب 

عمار قال بجمود..الفلوس الي كنتي عيزاها هبعتهالك..اعتبريها نهايه الخدمه او حق الكام ليله الي عطلتك فيهم..الي زيك وقتها مش ببلاش 

صدفه حست بنار جواها من كلامهو وبصتلو  بدموع وقالت...شكرا يا عمار بيه انا مبقتش محتاجه فلوسك..خليهملك انت افقر مني بكتيرر ومحتاجلها اكتر وانا..انا اسفه....انا اسفه  على كل مشاكلي ..واسفه على كل الي انت عانيتو معايا...كمان اسفه على وقتي الي فضيتو معاك وشكرا ليك قوي اا 

صدفه قالت كده ومشيت وهيه مش شايفه قدامها وبتبكي من جواها وعيونها فيهم كسره متتوصفش

عمار كان بيبص لطيفها بدموع وهو مش قادر ينطق وطلع على اوضتو بسرعه من غير ما يتكلم مع جده ولا يشرحلو اي حاجه

جاد اتنهد بحزن شديد وقعد على الكرسي بتعب وحزن واسف 

في المستشفى كانت جنى مستنيه زياد يفوق بعد ما خيطولو الجرح وكانت قاعده جمبو ودموعها مبتقفش

بس ابتسمت وسط دموعها لما فتح عنيه ببطأ وقال بتعب..جنى..

جنى قالت بسرعه ..انا اهو..انا جمبك..حاسس بايه تعبان اجبلك الدكتور

زياد بصلها بدموع وحرج وقال بتعب شديد..انا...انا اسف..سامحيني

جنى اتنهدت بحزن وقالت..مش وقتو يا زياد متتكلمش..المجهود خطر عليك ..هناديلك الدكتور 

جنى لسه هتمشي مسك ايدها وقال بتعب..بتعملي كده ليه...ليه رجعتتي..انا مستاهلش.... ابدا 

جنى اتنهدت وقالت بدموع..انت فعلا متستاهلش..بس انا رجعت لاني مكنتش بمثل زيك..كل حاجه كانت حقيقيه من ناحيتي..للاسف ..قالت كده بدموع وخرجت تنادي الدكتور

زياد رغم حزنو وكسوفو من نفسو لاكن حس بسعاده غريبه لما قالت ان مشاعرها ليه حقيقيه..وكان اعتراف غير صريح منها انها رجعت علشان بتحبو

في القصر وداد قالت بفرحه...والله برافو عليكي يا ابتسام ده انتي بلوه

ابتسام قالت بغرور...انا عارفه..يلا كده كل واحد يقدر يسلك طريقه وبصت لعرفه وقالت...انت بانسبالك طريقك بقت سهله..بنت خالك لوحدها وجوزها الغدار شك فيها وهيطلقها تقدر تروحلها والباقي عليك

عرفه ابتسم وقال بفرحه ..انا مش هنسالكم جميلكم ده وفي اي وقت تحتاجوني رنولي بس ..قال كده ومشي بسرعه

ابتسام قالت بسخريه...عبيط..فاكر اننا عملنالو خدمه ميعرفش ان هو الي خدمنا وبصت لسوزان وقالت..وانتي..كده تقدري تطيبي جروح جوزك المستقبلي ..يلا روحيلو اقفي جمبو في محنتو

سوزان جريت بفرحه وهيه بتقول ..شكرا يا احلا ابتسام

ابتسام بصت لطيفها بسخريه وقالت...ولو اني اشك انو يتكلم معاكي اصلا

وداد قالت بضيق ..طب وانتي ناويه على ايه هتمشي

ابتسام وقفت وقالت..تؤ..انا خلاص مش همشي..مش قبل ما اوصل للي نفسي فيه

وداد قالت بضيق وتنبيه..ابتسام..عمار هيتجوز سوزان ده حلم عمري ومش هتخلى عنو

بقلمي..زهرة الربيع

ابتسام ضحكت وقالت...اطمني يا روحي ... انا مش عايزه اتجوزو..انتي عارفه انا عايزه ايه والي عيزاه مش هيخسر بنتك حاجه

في الاوضه كان عمار قاعد بيفكر في كل اوقاتو مع صدفه ودموعو مش قادر يسيطر عليها حاسس بحرب جواه لمجرد فكره ان فيه حد غيره  لمسها ...كان بيحاول بكل الطرق يمحى الفكره دي من دماغة بس الي قالتو الدكتوره اكدلو شكوكو كلها ... فضل وسط شروده لحد ما الباب خبط

عمار مسح دموعو بسرعه وراح يفتح فاكر ان جدو على الباب بس نفخ بضيق لما لقى سوزان قدامو..

سوزان قالت بحزن مصتنع..مكن ادخل

عمار بصلها بحده وقال..لا..واياكي..اياكي تفكري ان علشان مشيتها هيبقالك مكان..قبل وجودها كنتي بنسبالي ولا حاجه... هوا..ودلوقتي برضو هوا ...متغيرش حاجه فاهمه..

سوزان قالت بدموع..ليه يا عمار ليه..دا انا بحبك والله لو فضلت عمرك كلو مش هتلاقي واحده تحبك قدي

عمار قال بغضب..يوووووووه..وانا مش بحبك..مش مش طايقك ولا طايق امك حلو عني بقى..مفيش وراكو شغلانه غيري

سوزان قربت ولسه هتحط ايدها على كتفو وقالت ..عمار انت

بس عمار  بعد وقال بغضب رهيب..اطلعي من اوضتي يا سوزان..اطلعي....حالا

سوزان خافت من نظراتو قوي وقالت..يا عمار  انا عايزه اقف جمبك و

بس عمار قاطعها وشدها من ايدها وزقها بره الاوضه وقال..اوعي وتمثلي دور مرهم الفولترين ده معايا لاني اكتر واحد عارفك ..وانا تنسيني خالص... انا مستحيل تمام م...ست...حييي..ل

سوزان لسه هترد عمار قفل الباب في وشها بعصبيه قالت بغضب..ماشي يا عمار بكره تشوف ازاي هخليك ليا انا وبس

ومشيت بعصبيه بس كانت فيه عيون مرقباها وكانت ابتسام ضحكت على منظرها لانها اتأكدت ان عمار مشاها بصت لطيفها بسخريه وراحت خبطت على عمار

عمار فتح بغضب وهو بيقوا...يووووه مش هنخلص انا مش قولت....

بس قطع كلامو لما لقى ايتسام قدامو واتجمد مكانو من غير ولا حركه

ابتسام دخلت وقعدت علي السرير وبقت تبص للاوضه بسخريه وقالت..يااااه سنين مدخلتش اوضتك يا عمار ..بس متغيرتش كتير..لسه نفس الاستايل نفس برفانك الي معبي كل ركن وجات عيونها على هدوم لصدفه على الشماعه قربت مسكتها وقالت بسخريه.. بس فيه حجات مبوظه منظرها وريحتها

عمار كان بيسمعها يجمود بس جري عليها وشد هدوم صدفه منها وقال..سيبيها..متلمسهاش..انتي..انتي عايزه ايه جايه ليه

ابتسام قربت منو جامد وحطت اديها على اكتافو وقالت..جايه اواسييك سمعت حوارك مع عروستك الي اتجوزتها من اسبوعين بس طلعت حامل في شهرين..علشان تعرف..كل الستات كده يا عمار

 عمار جسمو قشعر من لمستها وقال بقرف..فعلا..في دي معاكي حق كلكم كده..لو خلصتي شماته اطلعي بره عايز انام

القصه حصري لبيدج عالم الروايات فقط 

ابتسام قربت عليه اكتر وقالت بوقاحه..بس انا مش جايه اشمتك..انا جايه علسان اونسك الليله دي بما انك لوحدك..

عمار قال بغضب..قصدك ايه

ابتسام قربت اكتر لحد ما لزقت فيه وقال...من سنين كان فيه مشروع بنا وكنت عايزه اخلصو انهارده.... وقلعت الروب الي لبساه ووقفت قدامو بقميص نوم قصير وقالت..انا لسه عيزاك يا عمار ونفسي فيك اكتر من زمان دلوقتي مفيش حاجه تمنعنا وووووو

       الفصل الخامس عشر من هنا

لمتابعة باقي الرواية زوروا قناتنا على التليجرام من هنا

تعديل المقال