رواية خطيبتي واخواتها التؤام الفصل الثامن والعشرون 28 بقلم رحاب القاضي

 رواية خطيبتي واخواتها التؤام الفصل الثامن والعشرون 28 بقلم رحاب القاضي

#خطيبتي_واخواتها_التوأم

_الحلقه الثامنه والعشرون

ـــــــــــــــــــــــــــــــــــــــــ

امجد كان قاعد جنب صفاء وقال

هيكون خدها فين، انا برج من نفوخي هيطير... 

صفاء ببكاء

طيب ابوس ايدك المره دي كلم الشرطه وو... 

_قبل ما تكمل كلامها موبيل امجد رن، رد بسرعه وكأنه كان مستني المكالمه دي... 

امجد

الو... 

فوزي بهدوء

انت قاعد علي الموبيل ولا ايه، هو ده وقته يا جدع مش تطمن علي مراتك الاول... 

امجد 

عارف لو كان جوايا زرة رحمه ليك باللي انت عملته في امي ومراتي ده مو*تها ولو راجل قولي انت فين... 

فوزي ضحك وقال

ههههه ما تعرفش انا ببقي مبسوط ازاي وانا شايفك متعصب ود*مك محر*وق كده... 

امجد بحده 

انطق يالا انت فين ولو مراتي حصلها حاجه هه.. 

فوزي بحده 

بس يالا روح كلم خالد فتحي واستني مني مكالمه تانيه، واطمن المدام قاعده عندي وفي اخر راحه... 

_وقفل معاه فوزي وامجد كان هيتجنن من الخوف عليها، وخصوصا انه ما يتوقعش تصرفات فوزي هتكون ازاي معاها... 

صفاء ببكاء

منك لله يا فوزي ما كنا مرتاحين ربنا ينتقم منك... 

امجد بجمود

اهدي يا ماما وانا هعرف ارجع مراتي كويس من عنده واعرفه غلطه المره دي بس بضمير.... 

ــــــــــ #بقلم_الكاتبه_رحاب_القاضي ــــــــــ 

_ في القاهره في بيت علا.. 

خالد

نعمم ازاي يعني امك هتتجوز... 

منه 

عادي يا خالد دي سنة الحياه يا حبيبي... 

خالد بحده 

تصدقو انا غلطان اني جيت... 

نزلت علا من فوق وقالت 

خالد انت هنا يا ابني في حاجه ولا ايه؟... 

بص خالد لمنه اللي فضلت تضحك وقالت

ههههههههه انا اسفه بس حبيت اشوف رد قعلك لو ماما قررت تتجوز... 

علا بعدم فهم

اتجوز ايه يا بنت انتي اللي بتقوليه ده... 

قرب منها خالد وقال بتوتر

بتهزر ما تقصدش.. حضرتك عامله ايه؟.. 

علا بقلق

انا كويسه الحمد لله، خالد انت كويس؟.. 

_منه كانت مبسوطه وقعدت علي الكنبه وحطت ايدها علي خدها وقالت... 

منه

دي لحظه للتاريخ والله، بس انت جاي يا خالد من اسكندريه للقاهره عشان تقول لماما عامله ايه؟... 

خالد بجديه

لا طبعا انا جاي اقولها انا اسف يا ماما ما تزعليش مني... 

اتملت عيون علا دموع وحضنته وقالت

عمري ما ازعل منك يا حبيب ماما، انا اللي اسفه انا اللي حقك عليا انا اللي ظلمتك بس ما تبعدش عني يا ابني... 

نزلت دموع خالد وقالها

بلاش نتكلم في اللي عدي، وان شاء الله اللي جاي هيكون احسن بكتير... 

منه وقفت جنب خالد وقالت

وانا معاكم يعني ولا نسيتوني خلاص... 

علا حضنت الاتنين وقالت

ما قدرش انساكي يا حبيبتي انا ماليش غيركم، ما جيبتش ليه ملك معاك.. 

منه بضيق 

لا كويس وما جبهاش خلينا عيله مع بعضنا احسن.... 

خالد رفع حاجبه وقال

دي اول واخر مره اجي فيها من غيرها، ملك جزء من العيله دي يا منه وياريت تقربي منها وتبطلي تاخدي منها جنب دي مرات اخوكي... 

اتنهدت منه وسكتت وعلا قالت

ان شاء الله يا حبيبي، انت بجد سامحتني وهتعاملني عادي... 

خالد ابتسم وقال 

اكيد طبعا يا ماما وكمان عايز اتعشي من ايدك ممكن؟.. 

علا بتوتر

هاا؟!.. 

ضحكت منه وقالت

هههههه انت عايز علا هانم تدخل المطبخ اومال الشيف اللي جوه ده بيعمل ايه... 

علا بسرعه قالت

لا لا انا بسرعه اهو هجيب وصفة اي اكله من اللي بتحبهم وهدخل اعملهالك... 

_ضحك خالد ومنه وبعدبن موبيله رن وبعد عنهم  ورد علي امجد وقال... 

خالد

ايوه يا امجد خير؟.. 

امجد بجمود

فوزي خطف مراتي بعد ما اتهجم علي بيتي، وعايزنا نتقابل ونكلمه... 

خالد بصدمه 

انا.. انا جايلك حالا بس انا في القاهره بس مسافة الطريق وهكون عندك... 

وقفل معاه ودخل قال لعلا

انا همشي دلوقتي عشان عندي شغل مهم.. 

علا 

يا حبيبي ده انت لسه واصل، وانا ما لحقتش اشبع منك... 

ابتسملها خالد وقال

معلش والله غصب عني وهجيلك تاني ان شاء الله... 

_ وسلم عليهم ومشي ومنه اخدت شنطتها هي كمان وقالت... 

منه 

انا كمان همشي لان عندي شغل وهتأخر.. 

علا 

طيب استني هغير هدومي واجي معاكي.. 

منه 

ده من امتي يا ماما الاهتمام ده.. 

علا 

لا بقولك ايه انا مش هصالح اخوكي تقوميلي انتي... 

منه ابتسمت وقالت 

لا لا انا مش هزعل نفسي علي اي حاجه تاني، يلا بقي بسرعه عشان ما نتأخرش... 

ــــــــــ 

_ بعد شويه وصلت منه وعلا الشغل بتاعها  ومامتها قعدت في الكافي اللي بره واول ما دخلت منه اوضة الاعداد لقيت اياد قاعد مستنيها مع الفريق بتاعها... 

منه 

انت بتعمل ايه هنا؟... 

اياد بهدوء

مستنيكي وكنت بتناقش مع التيم بتاعك وخلاص كلمت الواد انس هيكون هو الضيف بتاعك في weekend الجاي... 

منه اتنهدت وقالت

اوكي تمام تعالي بقي نروح مكتبي نتكلم.. 

_وقف اياد وراح معاها مكتبها وهي قفلت الباب وقالت بحده.. 

منه 

انت ازاي تخلي انس الضيف، هو اخوك بيطيقني ولا انا بطيقه اصلا... 

اياد 

انا هكلمه وبعدين انتي يا بت من امتي بتعلي صوتك عليا... 

منه بسخريه 

من دلوقتي ما بقتش منه الهبله اللي هتفضل تنتقدها وتدايقها وتجري وراك... 

اياد بضيق 

انا ما كنتش بشوفك كده يا منه، ومش جريك ورايا زي ما بتقولي هو اللي جابني عندك هنا انا جاي لمنه اللي بتبقي ديما موجوده وقت ما احتاجها... 

منه بدموع 

عارف اخر مره سمعت الكلمتين دول امتي قبل ما اعرف انك حبيت ناني لما جيت من اسكندريه مدايق لانك كنت فاكرها مخطوبه وكنت بتعاملني كويس لحد ما شوفتها في القناه هنا ورجعت اتغيرت معايا تاني وسيبتها وخطبت وبعدين راجع تاني تكمل تسليه لحد ما تلاقي الجديد... 

اياد اتنهد وقال

انتي ليه بقيتي اوفر كده.. 

زعقت فيه منه وقالت بعصبيه 

ما تتريقش علي مشاعري انت اللي بارد ومعايا انا بالذات، اللي انت شايفه اوفر ده واجعني وتاعبني، امشي يا اياد بلييييز امشي مش عايزااك مش عايزه وجودك مش عايزه احبك اصلا لو بتحبني بجد سيبني انسااك... 

اياد بحزن 

حتي انتي كمان هتمشي، تمام براحتك انا ماشي وطالع مهمه صعبه شويه ابقي لو باقيه علي اي حاجه من اللي بينا ابقي كلميني... 

منه دموعها نزلت وقالت

اكلمك بصفتي ايه بنت خالتك ولا اختك ولا صديقتك ولا اكلمك علي اني بحبك عشان تحس انك مهم وان في واحده بتجري وراك... 

اياد بحده 

لا بجد شكرا انك شيفاني واحد واطي واستغلالي كده، انا غلطان اني جيتلك اصلا... 

_ سابها ومشي ورزع الباب وراه، وركب عربيته وراح بيتهم ولقي مريم قاعده في الصاله.. 

مريم 

كده برضو بكلمك من امتي؟... 

اياد بحزن 

ما تستنيش تاني لو سمحتي، خليكي مع انس الفتره دي... 

مريم بقلق

ايه الكلام الغريب اللي انت بتقوله ده... 

اياد بدموع 

هو انا ايه في نظرك بتحبيني ليه، انا تعبت يا ميمي والله تعبت من زمان تعبان وعمري ما ارتحت حتي لما امي كانت عايشه ما كانتش بتحبني انا فاكر معاملتها معايا فاكر خطفك وضرب بابا بالنار قدامي من يوسف اللي انا بحب بنته.. 

مريم بخوف 

اهدي انت مالك اصلا بتتنفض ليه كده يا معتز تعالي بسرعه.. 

اياد بحده 

ما تنهديش ليه هو السبب هو اللي ما عرفش يحميني ما عرفش يحتويني....

مريم 

ايه اللي انت بتقوله ده،ده معتز مش بيحب قدك انت بالذات حتي انس ادايق من اهتمامه بيك اكتر منه...

اياد بسخريه

 انس اللي هو شايفه فاشل انس احسن مني مليون مره عشان عمل الحاجه اللي بيحبها ونجح فيها..... 

مريم ابتسمت وقالت

وانت ناجح انت ظابط قد الدنيا وما فيش احسن منك ولا زيك شوف الناس بتتكلم عنك ازاي... 

اياد بدموع 

انا ناجح في نظركم عشان بقول حاضر ونعم وبس، انتو تعرفو انا كان نفسي ابقي ايه لا انتو اللي قررتو كل حاجه في حياتي حتي مشاعري خلتوني مش عارف اخد قرار بخصوص مستقلبي... 

مريم حضنته وقالت

حقك عليا انا يا حبيبي، ودلوقتي نعوض اللي حصل وما نخسرش تاني ولا نفشل تاني... 

اياد بعد عنها وقال. 

انا اسف اتعصبت عليكي، علي فكره انتي احسن ام في الدنيا ومن غيرك انا ما كنتش هبقي اي حاجه اصلا... 

مريم مسحت دموعها وقالت

حصل خير يا حبيبي ، المهم ادخل نام عشان تشوف شغلك الصبح... 

اياد بحزن 

كل حاجه هتكون كويسه يا ماما مش كده؟.. 

ابتسمت مريم ومسحتله دموعه وقالت

اكيد مش عندك سوبر ماما اسمها مريم اكيد كل حاجه هتكون كويسه اطمن مدام انا جنبك.. 

اياد بقلق 

طيب ممكن بعد كده لما تشوفي منه بلاش تقوليلها صفرا... 

مريم بحاجب مرفوع قالت

لا يا حبيبي انا اقول اللي انا عايزااه وادخل اتخمد عشان نا اقلبش عليك... 

اياد ضحك وقال

حاضر يا ماما.... 

_دخل اياد اوضته ومريم رجعت اوضتها ومعتز قال بضيق... 

معتز

هو ايه اللي اخره بره كده؟... 

مريم بغيظ 

بقولك ايه نام انا مش طيقااك.. 

قعد معتز وقال

في ايه طيب اياد كويس؟... 

مريم بضيق 

لو قدرنا نصلح اللي جوا انس مش هتقدر نصلح اللي بيمر بيه اياد هيكون صعب... 

معتز بضيق 

كله منك انتي.. 

مريم 

مني انا ازاي هو انت هتلبسني مصيبه... 

معتز

ايوه انتي طلعتيهم عيال طريه اقل موقف بياثر فيهم ويعملوها مناحه.. 

مريم وقفت وقالت

الله يرحم يا عينيا ايام ما كان ابوك يشخط فيك تنتكس وتسيب البيت، ده انت كنت هتموته مقهور بسبب زعلك منه ولا نسيت... 

معتز بغيظ 

اتخمدي يا مريم انا غلطان اني بتكلم معاكي نااامي... 

مريم بعصبيه 

وانا هيجيلي نوموازاي وولادي متنكد عليهم من المعصعصه والصفرا بت الصفرا... 

معتز وهو بينام

ولادك اللي ما اتربوش يا حبيبتي... 

ضربته مريم بالمخده وقالت

طالعين لابوهم يا بومه اتخمد... 

ــــــــــ #بقلم_الكاتبه_رحاب_القاضي ــــــــــ

_ وفي بيت امجد. البحيري... 

كان خالد قاعد معاه وقال بسخريه.. 

وبعدين هنفضل مستنينه يكلمنا،انا بس يتكلم وهقدر احدد مكانه.. 

امجد. 

هو مين بس اللي بينقله الاخبار، فوزي مش ناوي علي خير وانا بجد خايف علي نسمه.. 

خالد بجديه 

انا معاك ما تقلقش ومش هسيبك غير لما نرجعها تمام... 

بصله امجد وسكت وخالد قال

مالك بتبصلي كده ليه؟.. 

امجد بجمود

عمر ما كان عندي صحاب طول عمري ما بحبش اعمل صحاب والجو ده، عشان ما قابلتش حد جدع زيك وقت ما احتاجلك بلاقيك جنبي، ووقت ما بتحصل معايا مشكله اول حد بيجي في بالي انت... 

ضحك خالد وقال

ههههه والله وانا نفس الطريقه، شكلنا كده بقينا صحاب من غير ما نقصد، اصل الصحاب دي مش كلمه وخلاص دي مواقف هي بتخلي في صدتقه وصحاب.. 

امجد بهدوء

الاقي نسمه بس ونكمل الموضوع ده.. 

خالد بهدوء 

ان شاء الله خير يا ام... يا صاحبي.. 

_ابتسم امجد وفضلو قاعدين وموبيل امجد رن وكان رقم غريب وعرف انه فوزي ورد بسرعه قال.. 

امجد

ايوه يا فوزي.. 

فوزي 

قلبك حس بيا مش كده.. 

خالد بحده 

اخرس يالا مش وقت برود اهلك، ولو راجل رجع البنت وتعالي واجه راجل لراجل.. 

فوزي 

لا انا بحب النسوان وبحب التعامل معاهم وبيهم، بس حلوه جمعتكم انتو الاتنين دي.. 

امجد. بحده 

اخرس يا فوزي عايز ايه وترجعلي مراتي؟... 

فوزي بجمود

رقبتك يا ابن اخويا.. 

امجد بجديه 

نسمه تكون بخير وترجع واعمل اللي عايزه.. 

_خالد شاور لامجد يطول معاه في المكالمه وفتح اللابتوب بتاعه عشان يقدر يحدد مكان فوزي... 

فوزي 

اممم لا نسمه مش هتمشي غير لما انت تيجي هنا تاخدها.. 

امجد بحده 

اجيلك فين يا فوزي انا مش باقي علي حاجه غيرها... 

 فوزي بجمود

لما اجهز هخليك تيجي وتجيب الظابط معاك، عايزكم انتو الاتنين قريب... 

_قال كلامه وقفل معاهم وامجد قعد وحط ايده علي راسه بضيق، وخالد قعد جنبيه وقال.. 

خالد 

اهدي وانا خلاص عرفت مكان قريب المنطقه اللي فيها بس مش اي حد لازم يروح يتأكد.. 

امجد 

تمام اعمل اللي شايفه صح وانا معاك.. 

ــــــــــ #بقلم_الكاتبه_رحاب_القاضي ــــــــــ

ـ  في يوم تاني تحت بيت بهاء.. 

كانت سما نازله من البيت عشان رايحه السنتر وفجأه طلع قدامها محمد وقال... 

محمد

في تاخير عشر دقايق علي معاد نزولك في العاده.. 

سما بفزع 

انت طلعت منين وبتعمل ايه هنا؟... 

محمد

ايه هو انتي نسيتي اني واخد الشقه اللي فوق اللي كان نفسي اقول فرشناها سوا انا وانتي بس كان عندك مراقبه وفرشتها انا واخواتك.. 

سما بحده 

ايه مراقبه دي ان شاء الله... 

محمد 

يا بنتي قصدي مراقبه في الامتحانات، المهم ما تيجي نطلع نتكلم فوق في شقتنا شويه... 

سما بجمود

عارف حتي لو روحت قعدت فوق راسي مش هرجعلك يا محمد.. 

محمد

ولا كاني سمعت حاجه ليه لانك بتعندي وبس انما انتي اصلا ما عندكيش مبرر لكلامك ده.. 

سما 

انا. كده وعجباني وانا كده.. 

محمد

ما المشكله انه عاجبني انا كمان واعندي براحتك وانا هستحمل، يعيني عليا من يومي حمال قاسيه.. 

سما مسكته من هدومه وقالت

بقولك ايه ياااه انا مش عايزه اتثبت فتبطل تطلعلي في كل حته كده... 

محمد 

خلاص طيب نزلي ايدك احنا في الشارع يا قلبي... 

سما بغيظ 

انا مش قلب حد اوعي كده... 

جات تمشي بس محمد قال

اتقلي براحتك بس ما تطوليش عايزين نلحق نخطف التريند ونبقي اول ناس سمينا ابو عبيده... 

_ميلت سما علي الارض ومسكت طوبه وحدفتها عليه وهو جري وطلع فوق وهي ابتسمت وراحت شغلها... 

ــــــــــ #بقلم_الكاتبه_رحاب_القاضي ــــــــــ

_ في بيت عزت الشندويلي... 

_في اوضة جني صحيت من نومها ولقيت مريم قاعده في وشها اتنفضت بخوف وقالت.. 

جني

ايه ده انا فين؟... 

مريم 

هتكوني فين يعني في اوضتك قومي يلا اجهزي.. 

جني بقلق

اجهز ليه هو حضرتك جيتي هنا ازاي؟... 

دخلت جيلان وقالت

 طنط صممت هي اللي تصحيكي بنفسها، ممكن بقي تقومي تجهزي عشان عمو معتز وانس تحت... 

جني قعدت بسرعه وقالت

نعمم هو ايه اللي بيحصل بالظبط انا مش فاهمه حاجه؟... 

مريم 

انا افهمك، انا لعب العيال بتاعك انتي والواد انس ده ما ينفعش معانا وانا وامك وخالد وعمك البومه قررنا هنخطبكم لبعض ومشاكلكم دي تحلوها مع بعض... 

جيلان 

ها بقي هتكسفي طنط يا جني؟... 

جني بحزن 

لا طبعا مش قصدي اكسفها بس انتي تعرفي انس عمل فيا ايه وقالي ايه... 

مريم 

هيكون قالك ايه طيب ده انا ابووه مرمطني معاه، خلي طوب الارض يقول عليا مهزأه ورجعتله وكملت معاه وخلفت الشحط اللي جاي يتجوزك ده.. 

_اتملت عيون جني دموع ومريم مسكت ايدها وقالت بهدوء... 

مريم

القصد من كلامي اني عشان بحب معتز بتحمله بقول المهم انه بيحبني وللحق هو الغلطه اللي كنت اعاتبه عليها ماكانش بيكررها... 

جني 

يعني هو انس مش هيكرر اللي عمله ده هيكون علي ضمانتك؟.. 

مريم بثقه 

طبعا يا حبيبتي مش هيكرر هيعمل الانيل منها المهم تعاتبيه اهم حاجه العتاب.. 

ضحكت جيلان وقالت

ههههه والله انتي عسل اووي يا طنط، تعالي اتفضلي معايا هننزل نقعد تحت لحد ما جني تيجي.. 

مريم ميلت علي جني وقالت

هي البت دي مخطوبه عجبااني بصراحه هاخدها للواد اياد،يلا هننزل احنا بقي ما تتاخريش..... 

_ وقامت نزلت وجني مسكت الموبيل بتاعها وابتسمت بخبث وكتبت لانس... 

جني

هو انت فاكر انك كده هتلوي دراعي وهوافق مثلا؟... 

_استنت يرد. عليها وضحكت لما لقيته رد عليها وقال... 

انس

ايوه 😁

جني بخبث

طيب خليك قاعد بقي لوحدك ومش نازله😏

انس 

عادي هطلع انا وخالك ما هيصدق لانه بيحبني لا بيحبني ايه ده بيعشقني😉

_ضحكت جني وقامت عشان تلبس بس دخلت عندها عزه وهي ماسكه فستان جميل اووي علي ايدها ومعاه حجاب من نفس لونه وقالت.. 

عزه

عايزاكي تبقي احلي عروسه النهارده ممكن؟.. 

حضنتها جني وقالت

ممكن طبعا يا ماما، انا اسفه ما كانش قصدي ادايقك... 

_ وفعلا جهزت جني ونزلت سلمت عليهم ومريم خلتها تقعد جنب انس وكانت متوتره جدا وهو ميل عليها وقال... 

انس بصوت واطي

اكتر واحده عندها ثبات انفعالي شوفتها في حياتي.. 

جني بتوتر

اتلم واقعد كويس انا علي اخري اصلا... 

عزه 

طيب روحي يا جني انتي وانس اقعدو في الجنينه... 

جني 

حاضر، اتفضل... 

_قام اني معاها وطلعو بره وكانت جني ساكته وانس قال... 

انس

اتصدمت بصراحه لما عرفت ان بابا هو اللي كلم خالك في موضوعنا، اول مره يعملو حاجه انا عايزها والفضل ليكي... 

جني 

ليا انا ازاي يعني.. 

بصلها انس وابتسم وقال

من لما شوفتك وانا كل حاجه في حياتي اتغيرت حتي نظرتي لاهلي، انتي الهدايه اللي ربنا بعتهالي يا جني.. 

_بصت جني الناحيه التانيه وهي مدايقه، وانس كمل كلامه وقال... 

انس

انا اسف والله مش هتتكرر تاني، اعتبري اللي حصل ده حصل عشان اعرف قيمتك عندي وقيمة وجودك في حياتي وان انس من غير جني حد مالوش اي تلاتين لازمه... 

جني ابتسمت وقالت

طيب كويس انك عرفت... 

_ضحك انس بصوت عالر وقربت منهم جيلان وقالت.... 

جيلان

ناجل الضحك والكلام لبعدين ويلا عشان نقرأ الفاتحه... 

مسك انس ايد جني وقال

يلا بينا يا حبيبتي.... 

_ ودخلو جوه وفعلا قرو الفاتحه وحددو معاد الخطوبه وكانت جني مبسوطه جدا، وانس كمان اللي كانت فرحته كبيره وخصوصا باهله اللي واقفين جنبه

ــــــــــ #بقلم_الكاتبه_رحاب_القاضي ــــــــــ

- وفي الاسكندريه في بيت فؤاد..

 اللي كان فيلا صغيره نزل من فوق لناني اللي كانت قاعده مستنياه وقال...

فؤاد

ما قولتيش يعني انك جايه؟...

ناني

ما انت لو كنت بترد عليا ما كنتش جيت اصلا وبقيت بتهرب مني اصلا في القناه ومش بشوفك خالص الا وانت مشغول..وبعدين ايه حوار الشغاله اللي هنا ده انت عايش مع شغاله في البيت...

فؤاد 

اومال انتي عايزاني اطبخ واكنس وامسح اكيد لازم تكون في شغاله في البيت بس مش بتبات بتيجي الصبح وبتمشي بالليل مع اخوها الشيف اللي جوه ..

ناني 

اذا كان كده ماشي ، ايه بقي مالك انا زعلتك في حاجه يا ابن الناس..

فؤاد ابتسم وقال

لا طبعا انتي أرق من انك تزعلي حد ..

ابتسمت ناني وعدلت نضارتها وقالت

احمم طيب مالك بقي مطنشني ليه خلتني والله اشك في نفسي اني زعلتك بجد وو..

قاطعها وقال

انا اللي زعلت نفسي يا ناني لما حبيت واحده مش بتحبني...

ناني اتوترت وقالت

انت قصدك ايه بالكلام ده يا فؤاد احنا اتكلمنا قبل كده فيه وخلصناه..

فؤاد 

لا ما خلصش يا ناني انتي لسه بتحبيه وانا كنت فار تجارب معاكي هتشوفي بس تقدري تنسي ولا لا ، مش ده اللي حصل...

ناني بصت للارض وقالت

انا اسفه لو حسستك بكده بس والله العظيم انا ما كنتش عايزه انسي حد بيك يا فؤاد ،كل الحكايه اني بقيت خايفه والله ولو بفتره في حاجه هي حاجه واحده انه موفاش بوعده معايا... 

فؤاد بجمود

برضو بتفكري فيه وانا ما اقبلش علي نفسي كده... 

ناني 

اومال ليه وفقت علي حاجه زي دي من الاول.. 

فؤاد بحده 

لانك قولتي انك موافقه يا ناني قولتي الفرصه دي عشان نحاول نعرف احنا مناسبين مع بعض ولا لا،مش عشان تنسي بيا حد وياريته كان كده انتي كنتي بتجربي يا ناني؟... 

اتملت عيونها دموع وقالت 

تمام انا اسفه بس اا انا مش عايزاك تبعد.. 

فؤاد 

ليه؟ لو صعبان عليكي ما تشغليش بالك انا اا.. 

قامت ناني وقعدت حنبيه وقالت

بطل كلامك ده لو سمحت انا مش بخب الطريقه، انا مش عايزااك تبعد عشان مش عايزه اخسر حد بيحبني زيك كده، مش عايزاك تبعد لان الحاجه الوحيده اللي بتخلي ناني كويسه ومش موجوعه انت... 

ابتسم فؤاد وقال

نتخطب؟؟... 

ناني مسحت دموعها وقالت

طبعا نتخطب انا موافقه... 

فؤاد بقلق

علي كده بقي انا لازم اقول لابوكي صح؟.. 

ناني

اكيد طبعا اومال يعني هتروح تخطبني من ماما الله يرحمها... 

فؤاد 

ما انتي ما تعرفيش اللي فيها ربنا يستر.. 

ناني

بس انا عايزه منك طلب؟.. 

فؤاد 

تحت امرك طبعا.. 

ناني بقلق

انا عايزه اروح القاهره واقابله واتكلم معاه.. 

فؤاد بحده 

هو انا في قرون علي راسي وانا مش واخد بالي؟.. 

ناني

افهم يا فؤاد انا في كلام كتير جوايا ليه لازم اقوله عشان الموضوع يخلص جوايا... 

سكت فؤاد وقال؟؟؟.... 

ــــــــــ #بقلم_الكاتبه_رحاب_القاضي ــــــــــ

_ في المستشفي عند بهاء... 

كان قاعد وفي حضنه ملك اللي بتعيك وقالها بكل حزن.. 

بهاء

خلاص بقي يا ملك عشان خاطري وبعدين الدكتور قال في امل.. 

بعدت عنه ملك وقالت ببكاء

قال في امل بس ممكن بكون مستحيل، يعني مش هكون ام يا بابا... 

بهاء بحزن 

لا حول ولا قوة الا بالله هو حد عنده غيب ربنا يا ملك.. 

ملك ببكاء

ربنا ادالي سبب عشان اعرف اللي جاي، الدكتور قال ان ده عيب خلقي وانا مش هخلف... 

بهاء بحده 

اهدي وافهمي الكلام كويس الدكتور قال مع العلاج والوقت ممكن يبقي في امل اننا نعمل حقن مجهري... 

ملك بسخريه 

اممم ويا نصيب بقي الحقن ده هيخليني احمل ولا لا... 

دخل في الوقت ده خالد وقال

ايه يا ملك يا حبيبتي بتعيطي ليه كده صوتك جايب لاخر المستشفي... 

ملك بحده 

هو انا مش بعتلك رساله وقولتلك علي نتيجة التحاليل بتسأل ليه ولا هو بتقلب عليا المواجع وخلاص... 

خالد بغيظ 

شايف يا دكتور بهاء... 

بهاء وقف وقال 

حقك عليا انا يا خالد بس اقول ايه انا ما عرفتش اربي، خليك بس معاها هديها لاني بقالي تلات سعات سايب شغلي وقعاد اعيد وازيد معاها في الكلام وما فيش فايده وناني قالتلي ان ما حدش بيعرف يهديها غيرك... 

خالد 

روح انت شوف شغلك يا دكتور وانا قاعد معاها اهوو... 

ـ طلع بهاء وخالد راح قعد جنبيها ومسحلها دموعها وقال... 

خالد

ليه كل ده، ربنا هو اللي اراد كده واكيد ليه سبب ليه بقي المناحه دي.. 

ملك بحزن

امم ما انت مش هيهمك حاجه لو عايز تبقي اب هتتجوز غيري وتخلف عادي.. 

خالد

علي اساس اني متجوزك عشان اخلف وبس ايه التخلف ده يا ملك، اولا انا ما كنتش بفكر في الخلفه انتي اللي صممتي تعملي التحليل وما منعتكيش وقولت اللي انتي عايزاه انا معاكي فيه، ربنا بقي اراد انها تتاخر شويه بدل ما نقول الحمد لله ونصبر نعمل الحركات دي... 

مسحت ملك دموعها وقالت

انا بس خايفه انت هتتجوز مش كده، هتروح تتحوز من ورايا ولما اكتشف الحقيقه تقولي ده حقي، ولا هتجيب رحم للايجار وتحب البت دي وتسيبني انا عارفه الجو ده كويس طلقني يا خالد.. 

مسح خالد بايده علي وشه واتنهد وقال

يعني جوزتيني في السر وطلعتيني اناني وكمان بتاجر في اعضاء وبحب عليكي و... ملك انا بشك فيكي اوقات كتير انك فعلا عبيطه.. 

عيطت ملك وهو ضحك ومسك ايدها وقال

والله العظيم ما عايز من الدنيا دي كلها غيرك، ومن غيرك ما تسواش في عيني حاجه، عيال ايه اللي عايزه تجبيهم عشان ياخدوكي مني.... 

ملك بدموع 

يعني مش هتتجوز عليا وتسيبني.. 

خالد بجمود

طيب عشان نتفق والله العظيم يا ملك لو جيبتي سيرة اني اتجوز عليكي تاني لاكون متجوز عليكي بجد انا مش كفايه عليا كلمة طلقني هتطلعيلي في دي كمان... 

ملك بغيظ 

قول كده بقي انت بتتلكك عشان... 

خالد بحده 

عشان ايه هاا انا حلفت هتقولي ايه... 

ملك بحده 

اووف مش هقول هسكت... 

خالد 

هنمشي في العلاج وهنسافر وهنعمل كل اللي علينا وربنا ان شاء الله هجبر بخاطرنا تمام.. 

حضنته ملك وقالت

تمام هتروح معايا ولا هترجع الشغل.. 

خالد بضيق 

للاسف هوديكي عند اخواتك لاني مش. هرجع البيت اليومين دول.. 

ملك بقلق

ليه كده في حاجه ولا ايه؟... 

خالد 

لا ما فيش بس ضغط في الشغل، وقت ما تبقي عايزه تشوفيني انا هسيب الفون مفتوح ديما وتكلميني فيديو... 

ملك ابتسمت وقالت

تروح وترجع بالسلامه يا خالد، ويا ويلك لو رنيت عليك وما رديتش... 

_ ضحك خالد واخدها وداها عند بيت اهلها ورحع تاني شغله، بس كان مدايق لزعلها علي موضوت الخلفه... 

ــــــــــ #بقلم_الكاتبه_رحاب_القاضي ــــــــــ

_ في القاهره.. 

_في بيت معتز كان انس بيكلم جني وبيقولها وهو متدايق... 

انس

يعني ايه هتروحي البلد لوحدك، اجلي لما نتجوز نروح انا وانتي... 

جني 

لا يا انس هروح يعني هروح وبعدين انا لسه هستني لحد اما نتجوز... 

انس بغيظ

قال يعني انا اللي رافص الجواز، كنا هنتجوز كمان شهر بس انتي لازم تشوفي الاول مستواكي في الجامعه اي هبل وخلاص... 

جني بغيظ 

بقي انا هبل طيب انا هتجوز بعد الجامعه اصلا ايه رئيك بقي.. 

انس بسخريه

طيب اعمليها يا بنت عزه، والله انفذ كلام مريم ويبقي حلال فيكي... 

جني 

هي طنط قالت ايه اصلا؟... 

انس ابتسم وقال

لا ما تاخديش في بالك، المهم هشوفك امتي اتخطبنا بقي وما فيش حجه... 

جني بحماس

لا انت مش هتشوفتي غير يوم الخطوبه عشان يبقي في حماس وكده... 

انس بحده 

ده مين المتخلف اللي قالك كده، لا انا هشوفك عادي... 

ردت عليه عزه وقالت

انا المتخلف اللي قالها كده يا انس.. 

اتوتر انس وقال

هاا طنط عامله ايه يا طنط وحشاني... 

عزه بجمود

وانت كمان يا حبيبي وحشتني عامل ايه وامك عامله ايه؟... 

انس كتم ضحكته وقال

امي كويسه الحمد لله وانا كويس، ممكن بس اجي اخد جني نخرج شويه عشان عندي معسكر بكره ومش هاجي غير علي الخطوبه... 

عزه بحده 

لا طبعاً عدات بلدنا بتقول ان العروسه ما تطلعش مع العريس غير بعد الخطوبه.. 

انس بغيظ

لا انا بنتك كنت ماشي معاها قبل ما اجيلكم فالموضوع ده ما ينطبقش علينا... 

عزه بحده 

ده كان الاول وبعد كده مش هتشوف بنتي غير بحساب  ومش هتكلمها غير لحساب هو انا حيلتي غيرها وعلي فكره لو شوفت بنتي زعلانه منك في اي مره والله ورحمة ابوها مش هتشوفها تاني عشان نبقي داخلين علي نور يا ابن مدام مريم مع السلامه عشان مش فاضيين... 

قالت كلامها وقفلت وانس قال

ايه الوليه القرشانه دي، طيب والله لاقول لامي عليكي.... 

_وطلع لقي مريم قاعده مدايقه، وقرب منها انس وقال... 

انس 

مالك يا حبيبتي في ايه؟... 

مريم ابتسمت وقالت

ما فيش بس اخوك مدايقني شويه... 

انس بحزن 

مدايق الكل بس اللي عمل كده بابا، وهو كمان هو لغي شخصيته وبقي يعمل كل حاجه عايزها بابا وبس.. 

مريم 

ابوكم مش وحش ما تعملوش اللي هو عايزه بس من غير ما تعندو معاه هو هيزيد فيها كده انا عارفه معتز.. 

انس 

لا خلاص انا بقيت اعمل زي ما بتقولي كده اصلا، المهم انا هكلم اياد وانتي كمان... 

مريم بغيظ

انت برضو ناوي تروح تبات النهارده عند حازم ونيره.. 

انس 

ايوه وهرجع من المعسكر عليهم كمان، نفسيتي بصراحه هناك بتكون احسن.. 

قلعت مريم الشبشب وقالت

وحياة امك انت ما تستاهل اللي انا بعمله عشانك يا ابن نيره انت.. 

انس 

طيب استني ما تضربيش استني انا حماتي منكده عليا... 

مريم بغيظ 

روح يا حبيبي لنيره تجيبلك حقك.. 

_ ضحك انس وراح اوضته، ومريم كلمت اياد بس كالعاده مش بيرد عليها... 

ــــــــــ #بقلم_الكاتبه_رحاب_القاضي ــــــــــ

_في الاسكندريه في بيت بهاء.. 

سما

مش هطلع يعني مش هطلع بس.. 

بهاء 

يا بنتي انا مشغول ومش فاضي وعندي شغل والراجل تعبان ولازم ياخد الدوا وبكلمه مش بيرد.. 

سما 

خلي ملك تطلع هي تديله الدوا.. 

ملك 

ايه با حجه ده انا كان خالد يطين عيشتي.. 

بهاء بحده 

ما تتلمي بقي يا بت انتي ده جوزك والزوجه الاصيله تقف جنب جوزها في ازمته... 

ملك 

بالظبط كده قولها تتعلم مني... 

بهاء بسخريه 

بلا خيبه يا اختي. انا عارف هو متحملك علي. ايه.. 

سما 

خلاص هطلع بس ملك تيجي معايا.. 

بهاء بغيظ

الراجل قاعد لوحده في شقته ونايم وتعبان ملك تروح تنيل ايه، اغنيهالك انتي مراته.. 

ملك بخببث

بابا كلم مامته تبعتله بنت خالته اللي متربيه معاه هتاخد بالها منه احسن من الخايبه دي.. 

وقغت سما وقالت

هات المفتاح يا بهاء.. 

ابتسم بهاء وقال

اتفضل يا ابو الصحاب خلي بالك من الواد وعلي رأي شرين قالت ايه يا ملك؟... 

ملك وهي بترقص كتافها

وعاملني بطيبه واحساس... 

سماء بتريقه 

قولي لنفسك واتلمي يا ملك بدل ما اقول لبابا علي اللي بتعمليه في خالد.. 

مسك بهاء قلبه وقال

عملتي ايه في الواد انا مش ناقص كفايه اختك عليا، عملتي ايه يا ملك؟... 

ملك بخوف 

لا  والله ما عملتش حاجه وبعدين حتي لو كنت عملت مش كان خالد هيقولك... 

بهاء 

طيب اختك هتقعد قبال جوزها وانتي اعملي الغدا.. 

ملك 

لا انا جايه ضيفه عندكم ومش هعمل حاجه.. 

بهاء بخبث 

تمام انا هقفل النت بقي عشان احنا ناس مش بتحب تقعد ضيوفها علي الباقه بتعتنا.. 

ملك بسرعه 

خلاص والله تحب تتغدا ايه يا بيبو... 

_ــــــــــ 

ـ وفي شقة محمد دخلت سما ولقيته نايم علي السرير وشكله تعبان فعلا، وقفت جنبيه وحطت ايدها علي راسه عشان تشوف درجة حرارته وهو فتح عيونه وقال... 

محمد

انا بحلم صح؟... 

سما بجمود

ده كابوس مش حلم.. 

محمد مسك ايدها وقال

ده احلي حلم. انك قدامي ومعايا.. 

سحبت ايدها منه وقالت 

ما تتعشمش كتير انا بس جيت عشان بابا مش فاضي يطلعلك... 

محمد بخبث

لو ما كنتيش قلقانه عليا ما كنتيش جيتي حتي لو كان ايه حصل انا عارفه كويس يا سما... 

اتوترت سما وقالت

لو سمحت يا محمد بعد ما تخف امشي للن ما فيش داعي خاالص لي اللي بتعمله ده.. 

وقف محمد وقال بحده 

ماشي يا يما همشي ومن دلوقتي علي فكره انا لا تعبان ولا زفت انا قولت لابوكي بقولك كده عشان اوريكي انك انسانه عنيده وغبيه.. 

سما بضيق 

انا حره مش عايزه ارجعلك ولا اعيش اللي عيشته معاك تاني... 

محمد 

هو انتي يعني ما عشتيش معايا غير الموقف ده بس؟... 

سما 

موقف زي ده قدر ينسيني اي حاجه تانيه حلوه.. 

محمد بحده 

لا سما انتي كنتي بتتلككي وما صدقتي.. 

سما بدموع 

انا بتلكك يا محمد، هو مش انا اللي قولتلك ما تروحش، واتت لما حصل الموقف ده ما قولتليش والله واعلم كنت ناوي تعمل ايه...  

محمد بجمود

هو انا لو كنت عايز اكون معاها كان زماني بجري وراكي دلوقتي عشان تسامحيني.. 

سما بضيق

انا ماشيه يا محمد مدام ما فيش حاجه فيك... 

مسك ايدها محمد وقربها ليه وقال

انا لو مش بحبك ما كنتش سيبت فرصة شغل كبيره مع فيروز عشانك وعشان زعلك، ما كنتش سيبت امي وابويا وجيت اعيش هنا قريب من اهلك عشان ترضي ترجعيلي، انا ما خونتكيش ولا عمري هفكر في كده، ولو علي اللي عملته امي فا مش هيتكرر وانا هعدي انك خبطيني بكوباية العصير في دماغي لما جيتلك السنتر وانتي عدي دي، ولو مش عايزه تتعاملي معاها انا مش هخليكي تتعاملي معاها.. 

سما 

يعني ايه هتقطع اهلك ومش هتكلمهم خالص لو انا طلبت منك؟.. 

محمد بجديه 

لا طبعا وهما مهما عملو فيا انا قابل انتي اللي يهمك ان ما حدش يدخل بيني وبينك وده انا هعمله انما علاقتي باهلي انا حر فيها مدام مش هتيجي عليكي في حاجه.. 

سكتت سما ومحمد قرب منها وقال

ورحمة امك يا شيخه واغلي حاجه عندك موحشتكيش.. 

ابتسمت سما وبعدت عنه وقالت 

لا وحشتني بس مش هرجعلك.. 

محمد بغيظ 

ايه بقي الغلاسه دي؟.. 

سما بخبث 

قصدي اني بنت ناس وليا اب لو عايز ترجعني تروح تاخد اذنه الاول وانا موافقتي اني ارجعله دي بعد قرار بابا في ايوه او لا.. 

محمد 

ما ابوكي هو اللي متفق معايا.. 

سما بحده 

اللي عندي قولته بس، ويلا سلام.. 

محمد قرب منها وقال

طيب ما تخليكي شويه ده انا خلاص نفسي اتقطع معاكي عشان تصفي.. 

سما بعدت عنه وقالت بتوتر

مش وقته لما تمام بابا الاول فوتك بعافيه يا دكتور... 

_ طلعت سما من عنده وهو كان مبسوط جدا انهم اتصالحو.. 

ــــــــــ #بقلم_الكاتبه_رحاب_القاضي ــــــــــ

_ في القاهره...

_ كانت ناني قاعده في بيت بهاء القديم، وموبيلها رن برقم فؤاد وردت عليه وقالت.. 

ناني

ايوه يا فؤاد في حاجه؟... 

فؤاد بجمود

وصلت الاوتيل وقولت اطمنك ده لو بيهمك يعني.. 

ناني وقفت وقالت

لو سمحت يا فؤاد انا بجد فيا اللي مكفيني تفتكر اتي غلطانه اني كلمته عشان اروح اقابله هو ده غلط.. 

سكت فؤاد وماردش عليها وهي قالت

انا اسفه قولتلك ما تجيش معايا...

فؤاد بحده 

اقفلي با ناني روحي خلصي اللي بتعمليه وبلغيني قرارك.. 

ناني بجمود

قراري مش هيتغير يا فؤاد وانت عارف كده كويس... 

فؤاد بسخريه

الله واعلم بقي، اقفلي يا ناني انا رايح انام سلام... 

ناني 

انا هبعتلك اللوكيشن بتاع المكان اللي هقابله فيه.. 

_ماردش عليها فؤاد وقفل في وشها ونامي اخدت شنطتها ونزلت وركبت تاكسي ومشيت وراخت الكافي اللي مستنيها فيه اياد، واول ما شافها ابتسم وقال... 

اياد 

عامله ايه يا ناني؟... 

قعدت ناني وقالت بهدوء

انا تمام الحمد لله... 

اياد بجديه 

قولتي انك عايزاني خير ان شاء الله؟.... 

ناني بصتله وقالت

زمان كنت بتعبرلي عن حبك بكلام لنزار قباني، ودلوقتي هقولك نزار قباني قال ايه ينطبق عليك "لا تقطعوا وعودا لستم بأهل لها فبعض القلوب تبني على وعودكم حياة"

اياد بدموع 

انس قالي انك عرفتي كل حاجه يا ناني، واكيد عرفتي السبب.. 

ناني 

كنت افضل اسمعه منك، انما انت اختارت تعبي.. 

اياد 

انا ما قولتلكيش عشان ما كنتش عايز اتعبك... 

ناني

تغبتني يا اياد لما مشيت فجأه كده وحسستني اني ما استهلش اتحب وانك كداب وجعتني اكتر من الحقيقه.. 

اياد بجمود

انت جيباني ليه يا ناني، جايه عايزه بالظبط؟.. 

اتنهدت ناني وقالت

جيت اشوفك واشوف قلبي شايفك ازاي؟.. 

بصلها اياد بفضول وقال

شايفني ازاي يا ناني؟... 

_ابتسمت ناني وقالت من غير ما تاخد بالها ان فؤاد جه ووقف وراها؟؟؟ 

ــــــــــ #بقلم_الكاتبه_رحاب_القاضي ــــــــــ 

_في بيت بعيد جدا عن الاسكندريه وشبه مهجور، كانت نسمه قاعده علي مرتبه علي الارض واتنفضت بخوف لما دخل فوزي وقرب منها وقعد جنبيها وقال... 

فوزي

مع انك عاديه يعني مش حلوه اووي امجد عرف احلي منك بكتير بس عشقك انتي... 

نسمه بدموع

انت عايز مننا ايه ما تسيبنا في حالنا... 

اتجاهل كلامها وقال

من حسن حظي انه عشقك انا ما اقدرش اقرب من امه، صفاء ليها اخ تقيل بره مصر بس مش بيحب امجد وبيحب اخته ومش قده بصراحه ولما عرفت قصتكم انتي وهو فرحت اووي اني لقيت نقطة ضعف امسكه منها... 

نسمه بخوف 

انت عايز منه ايه هو كويس والله مش وحش.. 

فوزي 

معاكي حق بس انا اللي وحش ومش بحب حد، وحشك مش كده نفسك تشوفيه... 

نزلت دموعها بخوف وفوزي قال

يبقي نكلمه يجي عشان اخليكي تنولي شرف انك تشوفيه وهو بيموت قدام عيونك وموته ايه تليق بامجد البحيري... 

_ تفتكرو هيحصل ايه؟؟؟.... 

ــــــــــــــــــــــــــــــــــــــــــ

#ببقلم_الكاتبه_رحاب_القاضي

      الفصل التاسع والعشرون من هنا

تعديل المقال