رواية خطيبتي واخواتها التؤام الفصل الخامس والعشرون 25 بقلم رحاب القاضي

 رواية خطيبتي واخواتها التؤام الفصل الخامس والعشرون 25 بقلم رحاب القاضي

#خطيبتي_واخواتها_التوأم

_ الحلقه الخامسه والعشرون

ـــــــــــــــــــــــــــــــــــــــــــ 

_ في الاوتيل اللي فيه ملك وخالد.، راحت ملك تفتح الباب اللي كان بيخبط ولقيت قدامها امينه اللي عي ما تعرفهاش وقالت... 

ملك 

نعم مين حضرتك؟... 

بصتلها امينه من فوق لتحت وقالت

انتي بقي اللي خطفتي جوزي مني؟... 

ملك. برقت وقالت

اوعي يكون اللي في بالي صح انتي ااا... 

دخلت امينه وقفلت الباب وقالت

ايوه انا اللي في بالك امينه طليقة جوزك... 

طلع خالد من الحمام وقال بصدمه 

انتي ايه اللي جابك هنا يا امينه، انتي اتجننتي ولا ايه.. 

امينه بغيظ 

ما انت حلو اهو وفاضي تحب وتتجوز، اومال ما كنتش بشوفك غير مره او مرتين في الشهر... 

ملك وهي بضحك

ما هو ما كانش فاضي كان بيشقطني وقتها من امجد... 

خالد بحده قالها

اخرسي يا ملك ما اسمعش صوتك.. 

امينه بحده 

وتسكت ليه سيبها تقولي الحقيقه.. 

خالد

هو سؤال واضح انتي ايه اللي جابك هنا يا امينه دلوقتي؟... 

قبل ما ترد امينه قالت ملك 

والنبي رد. الاول علي السؤال اللي عندي انت ازاي يا ابني تسيب الوتكه دي وتتجوزني انا، دي عندها مرتفعات ومنخفضات مش موجوده في امريكا.. 

خالد بغيظ 

بس يا ماما اسكتي بس يا عسل، وانتي اتنيلي اطلعي بره يلاا... 

امينه 

هطلع يا خالد بس الاول هقول للعروسه نصيحه، هما كلهم كام يوم وهتبقي زي الكرسي اللي وراكي ده ومش هتشفيه غير كل فين وفين... 

ملك مسكت ايد خالد وقالت

انت امتي هتعمل كده انا بموت في الاهمال والعلاقه اللي فيها معاناه... 

ضحك خالد وقال لامينه 

ههههه اخدتي الرد اتفضلي بقي من غير مطرود... 

_ اتعصبت امينه ومشيت وخالد قفل الباب ودخل وقف قدام ملك وقال... 

خالد

بصي ولا كأنك شوفتي حاجه اصلا، ما تاخديش عليها... 

عيطت ملك وراحت قعدت علي الكنبه، وراح خالد قعد. جنبيها وقال... 

خالد

في ايييه يا ملك خلاص ما قولت مش هتتكرر تاني... 

ملك ببكاء

انت كنت متجوز البنت اللي احلي مني دي يا خالد... 

خالد 

هي مش بالشكل يا ملك انا حبيتك انتي... 

ملك بحده 

ايه مش بالشكل دي قصدك انها احلي مني، ده بدل ما تقول انتي احلي يا حبيبتي... 

خالد قال بسرعه 

طبعا يا قلبي انتي احلي بكتير... 

ملك ببكاء

انت كدااب عشان هي احلي مني وبيضه اوووي كمان هي نافخه صح اكيد. نافخه وشافطه، بس الطبيعي تحلي مش كده.. 

كتم خالد ضحكته وقال

احمم ايوه طبعا يا ملك وبعدين انتي كده عجباني.. 

ملك بحده 

ايه انتي كده عجبااني قصدك ايه؟.. 

خالد

والله العظيم مش قصدي حاجه غير اني شايفك في نظري احلي منها بكتير جدا.. 

ملك ببكاء

سلامة نظرك يا خالد ده البت وتكه، انت والله غبي ازاي تطلق البطل دي وتتجوزني وانا علي الله حكايتي كده... 

خالد بغيظ

ما انتي كفايه روحك الحلوه... 

ملك بحده 

قصدك ايه ان شاء الله، لا انت طلقني يلاا وديني لابوياااااا... 

خالد وقف وقال

تمام خليكي كده بقي لحد ما اروح اجيبلك ابوكي واجي... 

قال كلامه وراح يغير هدومه وملك راحت وراااه بسرعه وقال بفضول.. 

 ملك

خالوده انت رايح فين يا حبيبي؟... 

ضحك خالد وقال

هطفش منك يا حبيبتي... 

ملك 

ما بهزرش بص انا شغلت دماغي ولقيت ان امجد. بعتلك رساله وانت طالع فا اكيد رايحله.. 

خالد

شغلتيها ليه يا ملك بس ما كنتي سبتيها نايمه... 

ملك بحده 

بص من الاخر كده انت مش هتطلع من. هنا غير لما اعرف امجد. عايزك في ايه... 

خالد اتنهد وقال

بيساعدني في شغلي يا ملك، امجد. فعلا شخص كويس ومش وحش وقدم خدمات كتير جدا للبلد. ضد ناس كتير مش كويسه.. 

ملك 

بااس عرفته امجد. هو ابو عبيده صح؟.. 

خالد حط ايده علي راسها وقال

ابوس ايدك يا شيخه ما تشغليش دماغك تاني، خليها نايمه وخلينا مرتاحين... 

قال كلامه وجه يمشي بس ملك وقفت قصاده وقالت... 

ملك

مش هتتاخر معاك ساعه وتكون قدامي عشان نروح شقتنا.. 

وقربت منه وباسته في خده وقالت

وخلي بالك من نفسك يا حبيبي... 

حضنها خالد وقاال

عرفتي بقي انا ليه بجبك يا ملك... 

ملك بعدم فهم 

ليه بتحبني مش فاهمه... 

بعد. عنها وقال بغيظ. 

عشان الغباء ده مش موجود عند. اي ست وده نعمه بالنسبالي اوعي... 

_ قال كلامه ومشي وطلعت وراه ملك وهي بتجري وقالت... 

ملك 

اوعي يا خالوده تنسي تجيبلي معاك حاجه حلوه... 

بصلها خالد بعصبيه وقال

انتي طالعه بالبجامه بره الاوضه يا حيوانه... 

ملك بسخرية 

يا سلام يا اخويا مش ما كانتش عجباك البجامة امبارح و... 

_ جريت بسرعه جوه الاوضه لما لقيته رفع رجله عشان يقلع الجزمه، وهو ضحك علي عفويتها ومشي... 

ـــــ #بقلم_الكاتبه_رحاب_القاضي ـــــ

_ في بيت اهل محمد كان نايم في اوضته وباباه قاعد بيتفرج علي التلفزيون في الصاله وطلعت ثريا من اوضتها وقالت... 

ثريا بقلق

الحق يا ايهاب شوفت اللي حصل؟.. 

ايهاب بهدوء

ايه اللي حصل يا ثريا مصحيكي بدري اووي كده، مين من صحابك مسكت منصب في الجمعيه بتاعتكم... 

ثريا 

جمعية ايه دلوقتي انا بتكلم علي سما مرات ابنك.. 

ايهاب بقلق

اييه مالها سما يا ثريا عملتي ايه في البنت؟.. 

ثريا بتوتر

ايه اللي انت بتقوله ده انا ما عملتش حاجه، دي واحده. صحبتي شغاله في المستشفي بتاعت اللي اسمه بهاء ده قالتلي انها بتسقط في المستشفي... 

ايهاب بخوف 

يا ساتر يارب طيب قومي نغير هدومنا ونروحلها بسرعه وروحي صحي ابنك عشان يجي معانا يطمن علي مراته... 

ثريا بقلق

تفتكر نروح ولا مش هيخلونا نبقي هناك بعد اللي حصل.. 

ايهاب

هو ده وقته يا ثريا قومي يلا صحي ابنك خلينا نروح المستشفي... 

ـ قامت ثريا ودخلت اوضة محمد اللي كان نايم واللابتوب بتاعه مفتوح علي صورته هو وسما جنبيه، اتنهدت ثريا بضيق وقالت.. 

ثريا 

محمد... محمد.. قوم يا حبيبي.. 

محمد بنوم 

في ايه يا ماما هو انا مش قولتلك اني اجازه النهارده.. 

ثريا بضيق

ما احنا لازم نروح المستشفي بسرعه معلش قوم غير هدومك يا حبيب ماما.. 

قعد محمد بسرعه وقال بخوف 

المستشفي ليه هو بابا كويس يا ماما .. 

ثريا بسرعه قالت

لا لا بعد الشر علي بابا، ده بس سعاد صحبتي اللي شغاله في الحسابات في المستشفي قالتلي ان بنت الدكتور بهاء بتسقط في المستشفي اكيد من كتر التنطيط هنا وهنا وو.. 

محمد قام وقف بسرعه وقال

ازاي يعني انا لازم اروح المستشفى بسرعه، لازم اكون جنب سما في الوقت ده... 

ـ وفعلا راح محمد و مامته وباباه المستشفي وهناك كان بهاء ونامي واقفين قدام اوضة العمليات... 

محمد بقلق قرب من بهاء وقال

مالها سما با عمي حصل ايه بالظبط؟.. 

بصله بهاء بعصبيه وقال

انت ليك عين تيجي هنا انت وامك، انتو السبب في اللي بيحصل لبنتي ده.. 

بهاء بضيق

لازمته ايه الكلام ده دلوقتي يا دكتور بهاء، نطمن بس علي سما وبعدين نتكلم.. 

بهاء بحده 

لا احنا لا هيكون بينا كلام ولا اي حاجه تاني.. 

وقرب من ثريا وقال بغضب 

واقسم بالله لو بنتي جرالها حاجه انا مش هرحمك يا ثريا.. 

خافت ثريا ومحمد قال بحده 

يا عمي وهي مالها امي اصلا بالحكايه دي، انا عايز اعرف مراتي حصلها ايه بالظبط؟.. 

ثريا بغيظ 

انا عارفه بقي يا محمد يا ابني اهم يعملو المصيبه ويرموها علي غيرهم.. 

بهاء رد عليها وقال

ليه هكون انا مثلا اللي بعتلها النسوان اللي ضربتها في السنتر وخلوها تسقط.. 

بص محمد لمامته بحده وقال

الكلام ده حصل بجد هي وصلت لكده يا ماما؟.. 

ثريا بتوتر وخوف 

لا طبها مستحيل انا اعمل حاجه زي دي، اوعي تصدقهم يا محمد دول بيكرهوك فياا.. 

اتنهد محمد بغضب وقال

اتفضلي امسي من هنا، لو سمحت يا بابا خدها رجعها البيت لو سمحت.. 

ثريا بصت لجوزها وقالت

انا والله ما عملت حاجه يا ايهاب، قوله اني ما اعملش كده.. 

ايهاب بضيق

يلا بينا يا ثريا دلوقتي مش وقته كلامك ده، يلا بينا.. 

مشيت ثريا وايهاب وبهاء زعق فيه وقال

وانت بتعمل ايه هنا لو سمحت امشي من هنا.. 

محمد بحزن. 

مش همشي غير لما اطمن علي مراتي يا دكتور بهاء... 

_ قال كلامه وراح قعد جنب ناني اللي كانت بتعيط وخايفه علي سما اوووي.. 

ـــــ #بقلم_الكاتبه_رحاب_القاضي ـــــ

_ 

ـــــ #بقلم_الكاتبه_رحاب_القاضي ـــــ 

_ وفي بيت معتز طلعت مريم من اوضتها الصبح ولقيت معتز قاعد في الصاله ومدايق جدا، قربت منه مريم وقتدت جنبيه وقالت.. 

مريم 

اممم خربت ايه يا معتز ونكدت علي مين وجاي قاعدلي زي البطه البلدي كده.. 

معتز بحزن 

هو انتي ليه كملتي معايا، هو انا كنت كده من الاول طيب ما انا لو وحش انتي ما كنتيش ختحبيني حازم كان بعد عني زي بهاء.. 

مريم بقلق

في ايه يا معتز وليه بتقول الكلام ده هو حصل ايه بالظبط؟... 

معتز بدموع 

انس معقد نفسياً افتكرت كل مره كلمني فيها وتصرفاته وعصبيته والعند اللي جواه ابني مس طبيعي، اياد انا دمرته بهاء صاحبي وعشرة عمري دمرته، انتي نفسك انا خليتك تبقي مش مىتاحه في علاقتك مع اولادك.. 

مريم بخوف 

ما فيش حاجه من الكلام ده يا معتز، اهدي بس وقولي ايه اللي حصل.. 

معتز دموعه نزلت وقالت

كنت عايز ابقي مهتم باولادي مش عايزهم يكرهوني موت ابويا وهو زعلان مني وانا زعلان منه مش عايزه بتكرر فيا وفي عيالي يا مريم مش عايزهم يفتكروني بحاجه وحسه بس برجع واقول هو ايه الحلو اللي عملته ليهم عشان يفتكروني بيه.. 

مريم بحزن

ما فيش ابن بيكره ابوه، هو ممكن يكون زعلان منه اووي بس عارف لو الاب اتغير هيلاقي ابنه بين الحب ده والزعل كله هيمشي.. 

معتز بضيق

اتغير ازاي وفي ايه انا خايف عليهم يا مريم، مش عايزهم يتعبو ولا تحصلهم حاجه وحشه، ولا عايزهم يشوفو اي حاجه من اللي شوفتها ولو الدنيا هتأذهم انا هقف واخد الاذي ده عنهم.. 

حضنته مريم وقالت

في ايدك الفرصه ترجع كل حاجه كويسه يا معتز، وترتاح وتريحنا معاك... 

ـــــ #بقلم_الكاتبه_رحاب_القاضي ـــــ 

_ في قسم الشرطه كان قاعد امجد قدام الظابط وحاطط رجل علي رجل والمحامي قال.. 

المحامي 

يا باشا هو عشان انا كنت ماشي مع اخويا واخويا اتكعبل في طوبه ووقع اقع انا كمان معاه، لا هو اللي غلطان عشان ما شافش الطوبه... 

الظابط بضيق

والمطلوب ايه اروح اجيب الطوبه وارميها في الحجز... 

قرب امجد. من. المحامي وقال

عارف انا لو جايب ربع متر كان عرف يتكلم احسن منك، اتعدل يا جدع انت واتكلم بالقانون مش قاعد جنب امك بتشرب الشاي انت علي الامثال دي... 

وقبل ما يرد المحامي دخل خالد وقال

بعد اذن حضرتك يا رشااد بيه.. 

وقل رشاد وقال

لا اذن ايه دن مكانك يا افندم اتفضل، نورت المكتب ية خالد باشا تشرب ايه.. 

خالد

لا لا انا مش عايز اشرب حاجه شكرا، بس انا لدمت للنيابه الادله اللب تثبت ون امجد بيه كان اكبر داعم ليا فر القضيه بتاعت المستشفي ضد فوزي البحيري.. 

. 

رشاد 

انا فاهم ده بس هو او.. 

خالد بجمود

انت مش فاهم لامؤخذه، هو انو هتسيب المجني عليه وتمسك اللي سلمه ليك، يا حضرة الظابط بدل ما مضيع وقتك في التحقيق روح اقبض علي المجرم الحقيقي... 

_ وبعد شويه طلع خالد ومعاه امجد بىه قسم الشرطه وامجد قال... 

امجد

طاعت جامد بستفت الظابط جوه.. 

خالد بجمود

ولو مش بعمل كده ما كنتش وصلت للمركز اللي انا فين دلوقتي، المهك كده فوزي حفر قبره بايده.. 

امجد بحقد

بس يظهر ويطلع من الجحر اللي متخبي فيه وليا معاه حساب قديم.. 

خالد 

طيب بقي احلم مع نفسك وانا رايح لمراتي وافتكر بقي اني عريس بلاش الازعاج ده خلي في سوية خصوصيه... 

ابتسم امجد. وفتحله السواق باب العربيه بتاعته زمشي، وخالد  اخد عربيته زجه بمشي بس م بياه رن ررقم ناني فا رد وقال... 

خالد 

ايوه يا ناني انتو جيتو ولا اعدي اخدكم في طريقي، انا كده كده نزلت كان عندي شغل... 

ناني ببكاء

لو سمحت يا خالد تعالي بسرعخ وو وماتقولش لملك حاجه.. 

خالد قلق وسألها

مالك طيب في ايه يا ملك؟... 

ملك ببكاء

سما في ستات ضربتها وخليتها تيقط واحنا في المستشفي دلوقتي.. 

_ قفل معاها خالد وراح المستشفي وفضلت ملك ترن هليه ما رضيش يرد... 

ـــــ #بقلم_الكاتبه_رحاب_القاضي ـــــ 

_ في القاهره وخصوصاً في النادي كان عزت الشندويلي وابو هادي قاعدين مع بعض وجيلان وهادي بيتمشو مع بعض وهما ساكتين... 

هادي

انتي عارفه بابا وباباكي بيتكلمو في ايه دلوقتي؟... 

جيلان بهدوء ردت عليه وقالت

ايوه تقريباً عارفه، هما بيتكلمو في خطوبتنا.... 

هادي 

طيب اعتبر معني كلامك ده انك موافقه؟!... 

جيلان بجديه 

انا جيت عشان اقولك بيني وبسنك اني مش موافقه ولا عمري هوافق اتجوزك انت بالذاات يت هادي.. 

هادي بحزن قال

تاني يا جيلان.. لا تاني ايه هي دي المره الكام اللي جرحتيني فيها... 

جيلان اتنهدت وقالت

وعشان كده انا بقولك لا انت وانا مستحيل ينفع نكون مع بعض، انت بالنسبالي صندوقي الاسود كل الغلطات اللي عملتها في حياتي معاك انت.. 

هادي 

وانا موافق بيكي وعارف انك اتغيرتي وعارف انه ما كانش قصدك و... 

جيلان بجديه

وانا برضو يا هادي عارفه انك وقت ما بتتعصب اول حاجه بتعمله بتفتح في القديم وبتتعامل بطريقة هو انتي نسيتي نفسك وانا مش مستعده اتعب تاني، فانا اسفه مش هقدر اقولك موافقه ولا ادخل العلاقه دي... 

هادي بحزن 

لا واضح فعلا انك اتغيرتي واول ما اتغيرتي كان عليا انا برضو، بس انا فعلا اللي غلطان اني كل مره بعملك قيمه عندي... 

جيلان بسخريه

شوفت طريقتك عامله ازاي واحنا لسه بنتناقش.. 

هادي

هشش خلصنا خلاص، ومعلش عطلناكي يا هانم... 

_ قال كلامه و مشي وهو مدايق وباباه راح ورااه، وعزت قام وقرب من جيلان اللي كانت مدايقه وقال.. 

عزت 

الولد ده قليل ذوق علي فكره ازاي يمشي من غير حتي ما يستأذن، المهم ايه اللي حصل... 

جيلان ابتسمت وقالت

ممكن تعزمني علي الغدا وبلاش شغل النهارده وتخليك معايا... 

عزت فرح وقال

بس كده من عينيا الاتنين بس ما تتعوديش علي النظام ده... 

جيلان 

مش هتعود ما تقلقش، هتعود علي مره او مرتين في الاسبوع... 

_ ضحكو هما الاتنين وكملو اليوم مع بعض... 

ـــــ #بقلم_الكاتبه_رحاب_القاضي ـــــ 

_ قي بيت امجد البحيري... 

دخل البيت وراحتله صفاء وقالت

مسكو فوزي ولا لسه طمني يا امجد؟... 

امجد

لسه يا ماما بس هيتمسك هيروح فين يعني؟... 

صفاء بضيق. 

منه لله ربنا ينتقم منه، ده بلاء علي راسنا ورابطنا معاه في كل القرف اللي بيعمله ده... 

امجد. 

يا ماما اطمني انا برضو امجد البحيري ولو راح فين والله هجيبه... 

صفاء 

لا احنا مالنااش دعوه، انت تطلع نفسك بره الموضوع ده وتسيب الشرطه تجيبه بمعرفتها.. 

امجد بهدوء

نسمه فين؟... 

صفاء ابتسمت وقالت

خافت عليك علي فكره وطلعت قعدت فوق من شويه.. 

ابتسم امجد وقال

طيب انا هطلع اطمن عليها وابقي ارجع اروح الشغل... 

صفاء 

ماشي يا حبيبي وربنا يسعدك يارب... 

_ وطلع امجد فوق وكانت نسمه واقفه عند الشباك ومدايقه جدا، قرب منها امجد اووي وقال.. 

امجد بهدوء

هو انتي كنتي خايفه عليا بجد؟... 

اتنفضت نسمه بخوف وبعدت عنه وقالت

انا لو خايفه من حاجه فانا مش خايفه غير منك انت.. 

امجد بجمود

تاني هو انتي اتجننتي دماغك دي اتلحست خلاص شويه كويسه وشويه خايفه منك لا ما تقربليش... 

نسمه بحزن 

ايوه اتجننت من عمايلك ومن اللي بتعمله فيا، قولت ابدأ معاك من جديد واشوف الحلو اللي فيد زي ما مامتك قالتلي عشان خاطر بنتي بس اللي حصل اا.. 

امجد. 

هو ايه اللي حصل هو انا لو كنت عامل حاطه كنت جيت دلوقتي تاني... 

نسمه بحده 

سونيا دي مش كانت واحده من اللي كنت تعرغهم او مازلت تعرفهم مثلا، ولولا انك شغال مع عمك لولا انهم جم واخدوك، تخيل بقي بنتك جات وكبرت سويه واتكرر الموقف ده قدامها ولا شافت واحده من الاشكال اللي انت تعرفها... 

_قرب منها امجد وهو متعثب وهي رجعت لورا بخوف وهي مداريه وسها بايديها وقالت ببكاء... 

نسمه 

والله العظيم لو مديت ايدك عليا لهموت نفسي المره دي بجد... 

_ شدها ليه وحضنها بهدوووء، وهي اتصدمت من تصرفاته اللي اول مره يتعامل بيها معاها واتوترت جدا وما كانتش عارفه تقبل مشاعره دي ولا ترفضها وهو بعد عنها بعد شويه وقال.. 

امجد بهدوء

والله العظيم ايدي ما هتتمد عليكي تاني، واللي حصل ده هحاول علي قد ما اقدر ما يتكررش قدامك وقدام بنتي ابدا.. 

وقرب منها اكتر وقال

انما بقي موضوع الستات اللي اعرفها دي تخصك انتي املي عيني بقي وما تخلنيش اشوف غيرك.. 

ادايقت نسمه وهو ضحك وقال

هههههه بهزر معاكي ورحمة ابويا اصلا دلوقتي ومن زمان مافيش في حياتي غيرك يا نسمه ومش عايز من الدنيا غيرك انتي وامي وبنتي وبس... 

_ خلص كلامه وسابها ومشي ونسمه ابتسمت بهدوء، وبدأت المره دي بجد تتقبل وجوده الهادي في حياتها علي عكس الاول.. 

ـــــ #بقلم_الكاتبه_رحاب_القاضي ـــــ

- في المستشفي طلع الدكتور والكل كان قلقان وقالهم..

الدكتور

اهدو يا جماعه هي كويسه ، بس اتعرضت للاجه*اض. وحصلها كسر في ضلع في جنبها اليمين..

بهاء بدموع 

ممكن اشوفها طيب ، انا لازم اطمن علي بنتي..

الدكتور

اكيد يا دكتور بس ياريت بلاش ضغط عليها ولا توتر عشان واضح جدا أن حالتها النفسيه مش احسن حاجه...

بهاء بخوف 

حاضر يلا يا ناني انتي وخالد..

وقف خالد وقال

اتفضلو انتو عشان تبقي براحتها جوه وانا هروح اشوف الموضوع ده واروح لملك..

بهاء

ماشي يا خالد بس بلاش تقول حاجه لملك دلوقتي ، خليها الصبح...

خالد 

من غير ما تقول يا دكتور بهاء اتفضل والف سلامه علي سما...

- بص بهاء لمحمد اللي قاعد مدايق ومن نظراته عرف انه مشيل نفسه ذنب اللي حصل كله ، بس ما اتكلمش معاه ودخل جوه عند سما وخالد قعد جنب محمد وقال..

خالد

انت ليه ما دخلتش تطمن علي مراتك...

محمد بدموع

ادخل اطمن عليها واقولها ايه ، اقولها ان امي اللي عملت فيكي كده وحرمتني وحرمتك من ابننا اللي لسه ما جاش...

خالد

ما تظلمش والدتك انا هشوف الموضوع ده بس ما تحكني علي حد من غير ما بكون عندك دليل..

محمد بسخريه

انت ما تعرفش ثريا هانم ممكن تعمل ايه يا خالد..

خالد 

علي العموم الحمد لله ان سما بخير ،انت بس بلاش تقفل كل الطرق وخليك جنبيها وانا هكون معاك بكل جديد...

- قال كده وسابه ومشي وعند سما جوه كلنت نايمه علي السرير ووشها اصفر اووي وبهاء قالها..

بهاء بحزن

امك بتقولك ماليش نصيب ..

بصتله سما بسرعه وعيونها كلها دموع وهو قال

يوم فرح اختك حاتلي في المنام وكانت شايله طفل وقالتلي انه ابنك وما لكيش نصيب فيه..

سما بصوت كله تعب

كان وجوده مهون عليا حاجات كتير يا بابا ، هو ليه كل حاجه بتعلق بيها ما يبقاش ليا نصيب فيها طيب جات ليه من الاول...

-عيطت ناني من كلام اختها وكأنها بتوصف حالتها هي كمان في الوقت ده وقال بهاء بحده ..

 بهاء

اوعي تقولي كده يا سما ، ربنا هو اللي ادهولك وهو اللي خده وربنا مش بيجيب اي حاجه غير بسبب ولو كان خير بنتي كان فضل وجه بس مش خير ليكي وربنا مخبيلك الاحسن منه بس اصبري وقولي الحمد لله..

-نزلت دموع سما بحزن ونامي مسكت ايدها وقالت..

ناني

عشان خاطري ما تعيطيش انا مش هقدر اكون قويه غير بيكي انتي ...

بهاء بجمود

سيبيها يا ناني وتعالي معايا عشان جوزها هيجي يطمن عليها..

سما بحزن 

لا يا بابا مش عايزه اشوفه عشان خاطري ، انت  قولتلي انك مش هتخليني اشوفه تاني..

بهاء بهدوء

اللي راح ده ابنه وانتي لسه مراته ولو كان اللي حصل ده من أمه هو مالوش ذنب يا بنتي اديله فرصه واسمعيه.. 

- سكتت سما وبهاء مسك ايد ناني اللي كانت مدايقه جدا ، وطلع وقال لمحمد اللي كان لسه قاعد مكانه ..

بهاء

احنا نازلين هنجيب حاجه من تحت وجاييين يا محمد ادخل عند مراتك وخلي بالك منها..

محمد بتوتر 

مش هقدر انا قاعد هنا مستنيكم..

بهاء بجديه 

بقولك ادخل اطمن علي مراتك وحسسها انك جنبها ده لو عايز تصلح اللي حصل قبل كده...

- واخد ناني ومشيو وفضل محمد قاعد مكانه شويه وبعدين قام ودخل عند سما اللي لما شافته بصت الناحيه التانيه وراح قعد علي الكرسي جنبيها وقال...

محمد 

انا اسف ، هي الكلمه مش هترجع حاجه بس مش فايدي حاجه غيرها دلوقتي..

سما بحزن

لو فضلت تقولها من هنا لبكره مش هتغفرلك عندي حتي لو واحد في الميه ..

محمد بضيق

والله العظيم ما خنتك ومتأكد اني لا قربت منها ولا لمستها دي لعبه وس** منها وكانت عايزه توقعني فيها ، ولو علي اللي عملته امي اا...

سكت وما عرفش يقول حاجه وسما قالت

سكتت مش هتقدر تقول حاجه ولا انا هقدر ارجعلك امشي يا محمد ولو عندك شوية رحمه طلقني وابعد عني خالص وفعلا الحمد لله علي اللي حصل عشان لا تربطني بيك ولا بأمك اي حاجه تاني...

محمد بدموع

مش هقدر اطلقك يا سما ، بس انتي قومي بالسلامه و....

سما ببكاء وحده وقالت

انت ايييه ما عندكش دم انا مش طيقاك مش عايزه اشوفك اصلا سيبني في حالي بقي...

- قالت كلامها ومسكت بطنها بألم ومحمد رد عليها بسرعه وقال..

محمد

اهدي انتي وانا همشي وهعملك اللي انتي عايزااه ،هستني بره لحد الدكتور بهاء ما بجي وهمشي علي طول...

- قال كلامه ومشي وهي فضلت تعيط وحطت ايدها مكان الطفل اللي راح ، وفضلت تعيط اكتر عليه...

- وتحت بره المستشفي في مكان فاضي شويه قعد بهاء قصاد ناني وقالها...

بهاء

مش راضيه ليه تبصيلي ، هو انتي خلاص مش هتعتبريني ابوكي بعد كده...

ناني بصتله وقالت

مش عارفه اشوفك ايه ابويا اللي ماليش غيره ،ولا اشوفك واحد غريب يدوب كان بيعطف علينا...

اتملت عيون بهاء دموع وقال

زمان وانا طفل كنت وحيد ابويا وامي ،ابويا كان قاسي اووي ومن وانا طفل كنت بتضرب وبتعاقب وكأن عندي عشرين سنه كنت كل ليليه اشوفه وهو راجع من بره وسكر*ان وبيضر*ب امي قدام عيوني ، انتي عارفه يعني ايه طفل عنده عشر سنين يبقي مكتئب ومريض نفسي وفاقد النطق اصلا...

مسح دموعه وقال

استمر الحال ده سنين لحد ما امي ما*تت وهي ناقصه عمر بسبب ضربه كانت جامده من ابويا، وفضلت بقي عايش معاه لوحدي اعمل كل حاجه هو عايزها بس في الاخر انا عالجت نفسي بنفسي وبقيت رغم كل الوجع اللي جوايا بضحك وبهزر وبقي كل همي افرح اللي حواليا وما شوفش حد تعبان ...

ابتسم وقال بحزن 

عارفه يعني ايه شخص من كتر ما شاف حزن واتأذي في حياته ما بقاش يتحمل يشوف حد زعلان وتعبان ، ده انا حتي يوم ما حبيت لا لا انا عشقت ندي ما حبيتهاش بس سابتني هي كمان بسرعه وقتها كان ده أكبر حزن دخل قلبي زي لما امي سابتني بالظبط ...

مسك ايدها وقال

بس الدنيا ضحكتلي واديتك ليا انتي واخواتك وعرفت معاكم يعني ايه السعاده والفرح وبقيت اخاف عليكم اكتر من نفسي وصدقت الكدبه انكم بناتي ، وفي الاخر الناس والدنيا استكرتكم عليا تاني...

- قامت ناني وحضنته وهي بتعيط وهو كمان وبعدين قالت..

ناني 

انا اسفه والله انت اعظم اب في الدنيا حقك عليا يا بابا...

ابتسم بهاء وقالها

وانا كلمة بابا دي عندي بالدنيا ، والحمد لله انها جات فيكي انتي مش في اخواتك لأمك اكتر واحده عاقله فيهم...

ناني بضيق

يعني هما مش هيعرفو حاجه يا بابا؟..

بهاء بجديه

سما مش هتتحمل ولا هتعرف تتعود عليا تاني وانتي عارفه سما ازاي ، وملك بقي دي ممكن تروح فيها...

ضحكت ناني وقالت

وانا ما عرفتش حاجه يا بابا وانت ابويا واخويا وكل اللي ليا انا واخواتي غصب عن أي حد...

قبل ما يرد عليها جه فؤاد وقال

انتو بتعملو ايه هنا ؟...

بهاء بقلق

انت مين يا ابني انا شوفتك فين قبل كده..

كتمت ناني ضحكتها وقالت

يا بابا ده استاذ فؤاد اللي عرفتك عليه في الفرح..

وبصت لفؤاد وقالت

انت ايه اللي جابك هنا..

فؤاد 

ما انتي لما اعتذرتي عن الحلقه وقولتي ان اختك تعبانه قولت اكيد انتي هنا في المستشفي بتاعت باباكي وجيت اطمن عليكي قصدي علي اختك..لعمل الواجب يعني..

وقف بهاء وقال بخبث

واطمنت بقي عليها ..قصدي علي اختك ...يووه قصدي عملت الواجب يا استاذ فؤاد...

فؤاد بتوتر

اا ايوه يعني المهم انكم بخير والانسه ملك او اختك التانيه بخير...

ناني وهي بتحاول ما تضحكش

ايوه سما اختي الحمد لله كويسه وشكرا جدا علي اهتمامك يا فؤاد..

فؤاد ابتسم وقال

ايوه كده اخيرا قولتي فؤاد بس ، علي العموم انا موجود في اي وقت تحتاجيني فيه يا ناني..

بهاء بحده 

والنبي انا لو شفاف قلولي ما تتلم منك ليها..

ناني بقلق.

يا بابا ايه ده ، ما يصحى اللي بتقوله ده..

فؤاد بهدوء

بقولك ايه يا دكتور بهاء انا نندي شوية ضغوطات ممكن اخد معاد من حضرتك واجيلك العياده..

بهاء

الاسبوع الجاي يوم التلات علي الساعه اربعه قبل المغرب ...

فؤاد 

تمام اتفقنا استأذن انا بقي سلام يا ناني..

ومشي فؤاد وبهاء غمز لناني وقال

الواد واقع فيكي لا وحلو وعضلات ودقن ...

ناني اتوترت وقالت

ايه بس يا بابا الكلام اللي حضرتك بتقوله ده، تعالي بس نشوف سما فوق لتكون عملت حاجه في محمد..

بهاء بخبث

اوكي يلا يا فؤش اقصد يا ناني.. 

ناني 

ما بلاش انت والله اجيبلك سلسلة الستات اللي كانت بتكرااش عليك زمان ودلوقتي فاكر اجتماعات أولياء الأمور زمان في المدرسه ده الماميز كلهم كانو بيجو عشان خاطرك انت قبل ولادهم...

-ضحك بهاء وخدها في حضنه وطلعو عند سما ... 

●●#بقلم_الكاتبه_رحاب_القاضي ●●

-الساعه كانت سته بالليل ودخل خالد الاوضه اللي في الاوتيل ولقي ملك جاهزه وقاعده علي الكنبه وحاطه ايدها علي خدها وبصاله ومتنحه..

خالد بقلق

يا نهار اسود ، تصدقي انا عمري ما خوفت من حاجه قد ما بخاف من هدوءك ده ...

ملك ابتسمت وقالت.

ليه كده يا بيبي تعالي بس قرب..

خالد بص للارض وقال

ما فيش صابون علي الارض ملك انتي عامله ايه؟..

ملك 

مش عامله حاجه يا خالد تعالي بس هقولك حاجه ده انا عملالك مفاجأه.. 

قرب منها خالد وقال

يا منجي من المهالك يا رب ...

قعد جنبها وقال

هو ايه اللي انتي حطااه في ايدك ده المهم ، انا اسف اني اتأخرت عليكي بس والله العظيم حصل ضغط في الشغل وعيني طلعت النهارده...

ملك بهدوء.

عادي يا خالوده من الصبح لاطعني هنا مستنياك وانا عروسه اكلمك واكلم اهلي ما حدش بيرد عليا عادي برضو هو انا صغيره عشان ازعل من حاجه تافهه زي دي ، ده انا حتي كلمت طنط علا وسألتها هي ايه اكتر حاجه جوزي حبيبي بيحبها..

خالد بسخريه

اكيد طبعا قالتلك ما اعرفش مش كده ؟...

ملك

قالتلي انك بتحب المحاشي وبتحب الهدايا تكون برفيوم او نضاره مثلا وتكون براند مش كده؟...

ابتسم خالد. وقال

معقول هي عارفه بجد انا بحب ايه...

ملك طلعت من ايدها اللي مخبيها وقالت

وقالتلي انك اكتر حاجه بتحبها الفيران..

شاف خالد الفار وقام صوت وقال

الله يخربيتك علي بيت امي انتي ايييه اللي انتي جيبااه ده يا ملك ارميه بسرعه ارميه..

ملك بخبث وهي بتقرب منه 

ليه كده يا خالوده ده شكله كيوت اووي..

خالد جري من قدامها وقال

يا ملك احنا في أوتيل بلاش فضايح ارميه في الزباله بسرعه والله عندي فوبيا من الزواحف اصلا..

ملك 

اخيي بقي ظابط شرطه وعندك فوبيا من الزواحف ، خلاص انا قررت اعالجك منها ..

خالد بخوف وقف علي الكنبه وقال

يا ملك. الله هطلقك ارمي البتاع ده ..

ملك ببرود

طيب قولي انتي احلي واحده في الدنيا يا ملك..

خالد بغيظ

ما تهزريش يا ملك بقي ارمييييييه.. 

ملك بحزن

ما قولتش يبقي مش هرميه...

خالد بنفاذ صبر

انتي اجمد واحده في الدنيا واحلي ست في الدنيا...

ملك بتفكير

امممم طيب انا احلي ولا الاكس بتاعتك امينه يا سي السيد قصدي يا سي خالد...

خالد بخوف

انتي احلي طبعا سيبيه بقي وادخلي اغسلي ايدك دي..

ملك ببرود

ده انا احلي منها في نظرك وده اكيد وانا بتكلم في العموم يعني مين احلي...

خالد بعصبيه 

وانتي مالك ومال العموم ما كفايه عليكي انا يا ملك..

ملك بحده 

قصدك اييه بقي انها احلي مني في العموم...

 

خالد

ما ملك والله العظيم بس مااشي...

ملك 

قولي طيب كنت فين ولو حسيتك بتكدب هااا...

خالد بغيظ 

اصلا انتي حلال يتقالك وحرام يتخاف علي مشاعرك انا كنت عند اختك سما في المستشفي اصلها سقط*ت..... 

رمت سما الفار علي للارض وقالت بدموع

انا كنت حاسه بيها والله كان قلبي حسسني بس انا غبيه.. 

خالد بخوف

مم ملك الفار دخل تحت الشنطه بتاعتي منك لله.. 

_ تفتكرو ايه اللي هيحصل؟ 

ـــــــــــــــــــــــــــــــــــــــــــ 

 #بقلم_الكاتبه_رحاب_القاضي

     الفصل السادس والعشرون من هنا

لمتابعة باقي الرواية زوروا قناتنا على التليجرام من هنا

تعديل المقال