رواية عمياء وسط الذئاب الفصل الثالث والعشرون 23 بقلم محمد طه
البارت 23
_الدكتوره... عنوان جدتك اللي قولتيلي عليه
مهجور من 10 سنين
_نور بصدمه... يعني إيه مهجور من 10 سنين
هوا إحنا بقالنا هنا قد إيه
_نهله... إهدي يا نور ممكن تكوني اديتيلها عنوان غلط
_الدكتوره... بالظبط يا نهله ودا إحتمال كبير
ركزي يا نور وافتكري العنوان بالظبط
_نور بعد تفكير... حاضر يا دكتورة هفكر تاني..
واتأكد من العنوان
_الدكتوره... وأنا هروح تاني وبنفسي وان شاء الله..
هطمنك عليها.. اتفضلي بقى الدب..
إحنا كشفنا عليه وهوا تمام وزي الفل
_وتسيبهم الدكتوره وتخرج
_نور... فيه حد معانا ف الاوضه يا نهله
_نهله تبص حواليها... لأ يا نور مفيش حد
_نور بصوت واطي... نهله انتي واثقه ف الدكتوره دي
_نهله ترتبك... انتي بتقولي ايه يا نور..
الدكتوره شكلها طيبه أوي وبتحبنا
_نور... وأنا متأكده ان العنوان صح.. فيه حاجه غلط
_نهله... طب أنا عندي فكره يا نور
_نور... وأنا فكرت ف نفس الفكره يا نهله..
أنا هديلها عنوان الشقه بتاعتنا ونشوف
_نهله... أنا متأكده ان الدكتوره بتحبنا..
دي سهرت معاكي ليله كامله وجات نامت عندي
_نور... أنا هتجنن.. ومبقتش أثق ف حد..
أسمعي يا نهله الدكتوره عملت معانا حاجات حلوه..
إحنا قصادها هنخلصها من هبه واللي معاها..
وبعد كده نمشي من هنا
_نهله... طيب وبعد ما نمشي من هنا يا نور..
ويطلع جدتنا مش موجوده.. هنعمل إيه..
وهنصرف منين وهنعيش إزاي
_نور... مش عارفه يا نهله.. مش عارفه..
بقولك إيه يا نهله..
إحنا شكلنا وجسمنا يقول إن إحنا عندنا كام سنة
_نهله... يعني إحنا تحت العشرين سنه
_نور... الحمد لله.. يبقى ان شاء الله جدتنا موجوده
بقلم... محمد طه عبد المجيد
_عند _(علي) _
_يخرج (علي) من غرفته عشان يدور على سيد أو رجب..
راح ل ام محمد مش لاقيها لف الدور كله..
ونزل الدور اللي تحت.. وبالصدفه يقابل هبه..
مع العلم ان (علي) ما يعرفش هبه..
بس هبه عارفه ان (علي) ..
ف الغرفه اللي جنب غرفه نور..
ومن حظ علي إن هبه هيا اللي بدأت بالكلام معاه..
لأن لو كان هوا اللي بدأ كانت هتشك فيه
_هبه... يا أستاذ هوه مش حضرتك ف الدور اللي فوق..
إيه اللي نزلك هنا
-علي بحرص شديد وبهدوء... وهوا حضرتك عرفتي إزاي
_هبه... لأن حضرتي ممرضه وطبيعي إن ابقى عارفه..
كل حاله موجوده في المستشفى.. وموجوده ف أي غرفه
_علي بصوت عالي... طيب حضرتك أنا بقالي يومين..
مفيش ممرض دخل عندي يشوف أنا محتاج إيه..
ولا عايز إيه
_هبه بهدوء... طب أهدى حضرتك
_علي بصوت أعلى... مش ههدي مين المسؤول هنا
_مع خروج رجب من غرفه بالصدفه..
وسمع (علي) وهوا بيتكلم مع هبه بصوت عالي
_رجب... فيه إيه يا أستاذ صوتك عالي ليه..
وبتتكلم معاها كده ليه
_هبه... مفيش حاجه يا رجب
_وغمزت لرجب إنو يهدي من غير ما (علي) ياخد باله
_وف نفس الوقت (علي) سمع إسم رجب..
قال أكيد هوا دا المقصود
_علي بصوت عالي لرجب... هوا مين فينا اللي صوته عالي..
مش كفايه إنكم مهملين ومش شايفين شغلكم
_هبه... يا أستاذ إحنا آسفين.. اتفضل يا رجب..
طلع الأستاذ غرفه 8.. ومن اللحظه دي انته المسؤول عنو
_رجب ياخد (علي) ويطلع بيه لغرفته وهما ماشيين
_رجب... مقولتليش انته إسمك إيه
_علي... اسمي علي
_علي يبدأ يتصاحب عليه... وانته مقولتليش..
المزه اللي أنا كنت بخانق فيها دي إسمها إيه
_رجب... المزه دي إسمها هبه
_علي ف سره... هيا دي هبه طب كويس إني مذودتهاش..
ويعلي صوته... لأ بس مزه جامده......
_ويتبع.........
_بقلم... محمد طه
