رواية رد فعل الفصل التاسع 9 والاخير بقلم هاجر عفيفي
البارت التاسع
ريتال بهدوء : تمام وانا مش موافقه
أحمد بعصبيه : ليه ياريتال هو انتي فرحانه أن بتذلل ليكي هو أنا عملت ايه يعني أنا عملت شرع ربنا معملتش حاجه غلط
ريتال قامت وقفت وقالت بسخريه : فعلا انت معملتش حاجه غلط لما روحت اتجوزت من ورايا من غير حتي ماتنبهني عن أخطائ ولا يوم ماتفكر تتجوز تروح لبنت عمك ال من لحمك ودمك ال هيا لمفروض شرفك وهي مشيت وراك زي الهبله مفكرتوش ايه ال هيحصل مشوفتوش عواقب ال عملتوه هي مفكرتش هتعمل ايه لما أهلها يعرفوا وانت مخوفتش من أهلك وايه النتيجه دلوقتي انت جاي بكل سهوله تقول انا مش عايزها وهي مش فارقه معايا ده انت حتي يا أخي مفكرتش فى طفلك ال ما"ت وملوش ذنب وضحية اتنين زيكم انت انسان مجرد من المشاعر والأحاسيس والحب انت جماد
أحمد : وقولتك غلطي هصلحه أنا هرجع بيتي زي ماكان وأحسن
ريتال : وبالسهوله دي هرجع اعيش معاك تاني بعد ال عملته فيا انت ظلمتني يا أحمد وكسرت ثقتي فيك فاكر لما كنت اجي أسألك مالك تقولى مشغول مش فاضى اقولك عايزين نخرج البنات ونخرج شويه تقولى لاء لاء مش فاضي خرجيهم انتي اقولك أودي البنات عند ماما وانا وانت نسافر يومين علشان تخرج من مشاغل الشغل تقولى انتي واحده معندكيش مسؤوليه ازاى تسيبي عيالك كده وتروحي تسافررى
كنت باجي على نفسي علشانك فى كل حاجه كنت بحبك بكل جوارحي لما يوم أكون تعبانه وأنام ومقدرش استناك لما ترجع من الشغل وتاني يوم أفضل اعتذر طول اليوم علشان حاسه بالذنب من ناحيتك تفتكر انت فى يوم نكدت عليك وسيبتك نايم زعلان عمرى جيت عليك انا عملت ال عليا معاك يمكن غلط فى اى وقت أو قصرت فى حقك فى يوم بس والله العظيم كان غصب عني أنا إنسان واكيد بيجي وقت وأتعب وقت تعبي انت اتخليت عنى بسهوله علشان نفسك
أحمد قرب منها ومسك أيدها وقال : انتي فعلا متتعوضيش ياريتال وانا ال غلطان ومشيت ورا احتياجاتي نسيتك انتي ونسيت بيتي بس فى ايدينا نصلح كل حاجه انا مستعد
ريتال بعدت عنه وقالت بدموع : بس صعب يا أحمد والله صعب الوقت اتأخر اوى انا للأسف اخاف على بناتي منك دلوقتي انت لما روحت عملت كده مع سلمي مفكرتش فى بناتك حتي انت فكرت فى نفسك بس مفكرتش ممكن بناتك يحصلهم ايه بسبب عمايلك طيب هتقولهم ايه لما يكبروا هتقولهم انا ضحكت على بنت عمي وغدرت بيها انت وسلمي شبهه بعض هي مفكرتش فى أهلها وانت مفكرتش فينا ابدا
عارف الحرام مش انك اتجوزت لاء ده شرع ربنا وحقك الحرام انك ظلمتني وخو"نت مشاعرى ليك كنت بتكون معايا وفى عقلك غيري دي فى حد ذاتها خيا"نه يا أحمد لو كنت جيت عرفتني تقصيرى وانا مصلحتوش وقولتلي هتجوز والله العظيم ماكنت هعترض لكن انت دمرت كل حاجه امشي يا أحمد ربنا يسهلك بعيد عني انت متستاهلش حبي ليك للأسف
أحمد بحزن : والبنات ؟؟
ريتال مسحت دموعها وقالت بهدوء : بناتي معايا فى حضني عمرى ماهقدر ابعد عنهم ابدا غير على مو"تي بس انت ليك الحق تشوفهم فى اي وقت وال هيكون وسيط بينك وبينهم بابا اتمني انك تطلقنى بكل هدوء ومن غير مشاكل سيب ليا ولو ذكرى حلوه معاك
أحمد بصلها وقال : ريتال انا حقير ومعترف أن مقدرتش النعمه ال فى ايدي انا مش عارف كنت أعمي كده ازاى انا ليا أمل انك تديني فرصه تاني بعد لما تفكرى
قال كلامه ومشي وسابها وريتال اتنهدت بتعب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
دعاء راحت لبنتها المستشفى ودخلت عندها بتعب وسلمي اول ماشافتها عيطت بندم
دعاء قعدت على الكرسي قدامها وقالت بجمود : احساسك ايه دلوقتي لما فقدتي احترامك قدام الكل لما بقيتي قليله فى نظرنا كلنا اتحولتي من سلمي البنت الجميله لسلمي ال جابت لأهلها العا"ر
سلمي بدموع : ماما والله العظيم انا وأحمد متجوزين و
قاطعتها دعاء بقهر وقالت : ومين يصدق قوليلي انتي كده الناس هتقول ايه !! أحمد مش طايق يبص فى وشك علشان عرف أن انتي رخيصه بعتي نفسك ليه وخو"نتي ثقة أهلك وأول ما قال يلا مشيتي وراه الجواز مش بس ورقه ومأذون الجواز اشهار وعلن والناس كلها تعرف وشهود وولى وحاجات كتير اوي متوفرتش فى جوازكم بقا انتي بنتي الصغيره ال كان نفسي افرح بيها دلوقتي مش قادره حتي ابص فى وشك خذلتينا كلنا يابنتي منك لله
سلمي بدموع : ماما علشان خاطرى سامحيني انا فعلا خسرت كل حاجه حيائي وشبابى وكمان البيبي ال لسه مجاش على وش الدنيا انا خسارتي كبيره اوى
دعاء : كفايه عليكي نفسك وتأنيب ضميرك كفايه عليكي نظرتك لنفسك عمك صالح مستني لما تخفى علشان يقرر هتعملى ايه انتي وأحمد هنشوف أحمد هيوافق اصلا يعترف ولا لاء
قالت كلامها وقامت خرجت وسابت الاوضه والمستشفى بأكملها
وسلمي فضلت تعيط بقهر على نفسها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
بعد يومين
أحمد بضيق : ياعمي انا خلاص قولتلكم أن كنت متجوزها ايه لازمتها الاشهار بقا
صالح بغضب : علشان سمعتها دي بنت عمك يال معندكش ذرة دم
أحمد حط أيده على وشه ولسه هيرد سلمي دخلت وقالت بهدوء وحزن : خلاص ياعمي مبقاش ليه لازمه انا دلوقتي خسرت كل حاجه انا مستعده اروح اعيش خدامه تحت رجلك علشان أكفر عن غلطتي ده كفايه ان مش هكون أم تاني ومفيش حد هيقبل بيا
صالح بعدم فهم : قصدك ايه ؟؟
سلمي بدموع : الحاد"ثه أثرت علي الرحم واضطروا لاستئصال جزء منه مش بقولك انا خسرت كل حاجه انا غلطت لما سمعت كلام أحمد انا وهو غلطنا وانا وهو بس ال نشيل الغلط مش حد تاني
أحمد بصلها بقلة حيله وسكت واستني عمه يتكلم
صالح : كفايه ال انتو شوفتوه ده كان كفيل ليك انت وهي أنت خسرت بيتك وبناتك وهي خسرت أهم حاجه فى حياتها ده عقاب ربنا ليكم تعدد الزواج عمره ماكان فى السر ولا زي الحراميه لو انت عايز تتجوز تاني واجهه الناس بقوه لأن ده حقك مش حاجه تخبيها ولازم عليك تعرف مراتك إنما مش تعمل زي العيل المراهق وتروح ورا نزواتك ربنا سبحانه وتعالى قال فى كتابه العزيز
(فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً [النساء:3] ) صدق الله العظيم
افهموا شرع ربنا كويس قبل تعملوا بي وانتي ياسلمي لو كل بنت مشيت ورا الكلام المعسول والوعود الكذابه كان زمان كل البنات خرجت عن طوع أهلها انتوا تستاهلوا كل ال حصل ليكم فعلا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
عمرو : اتجوز يا أحمد انت هتفضل كده
أحمد رجع رأسه لورا وقال بحزن : حتي لو اتجوزت تاني ونالت ورابع انا عمرى ماهلاقي حد زي ريتال ولا حد يحبني زيها ريتال كانت كل حاجه فى البيت أب وأم وزوجه انا للأسف مفهمتش كده غير متأخر انا ال روحت دمرت حياتي بنفسي وانا ال لازم اتحمل مسؤوليه غلطي ريتال أول وآخر ست فى حياتي حتي لو هي بعيد عنى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروا
مر شهر على ال حصل
ريتال رفضت رفض تام انها ترجع لأحمد وبالفعل طلقها رسمي على إيد مأذون بعد محاولات كتير معاها بس كلها أبت بالرفض
حامد أبوه سافر بعيد عن البلد بسبب أن هو مش قادر يبص فى عين أخوه بعد ال حصل من ابنه
سلمي عمها سابها مع أمها بعد لما قررت انها مش هتتجوز ابدا وهتفتح حضانه وهتعيش حياتها وسط الاطفال وقررت تتوب الي الله بعد غلطها الكبير
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد مرور خمس شهور
ريتال : لاء ياحبيبتى بتتحل كده مش كده
منه : ماما ضفريلي شعرى زي تالين صاحبتي
ريتال بابتسامه : بس كده عيوني
راضي بابتسامه : ربنا يخليكي ليهم ياحبيبتى
ريتال بحب : ويخليك لينا ياحبيبي انت وماما
أحلام بتردد : جارتنا كانت جايبه ليكي عريس ابن ناس وكويس و
قاطعتها ريتال وقالت بهدوء وحب لبناتها : حبايبي ادخلوا جوه وانا هجيلكم دلوقتي
البنات سمعوا الكلام ودخلوا وهي كملت كلامه مع أمها وقالت : بصي ياماما متفتكريش أن انا كده زعلانه ابدا خالص طالما بناتي معايا بالدنيا كلها ووقت لما ربنا يريد نصيب فى شئ تاني هيحصل انا الحمد لله مطلقه بس مأذتش حد ولا طالعه بحاجه وحشه انا عايشه بكرامتي مع بناتي احسن لما كنت اعيش من غيرها مع أحمد انا كده مرتاحه جدا جدا
راضي : فعلا يابنتي سبيها على راحتها يا أحلام هي عارفه مصلحتها ومصلحة بناتها فين
أحلام بحنان : والله يابنتي أنا قولتلك ال حصل إنما أنا مستحيل أجبرك على حاجه ابدا انا عارفه بنتي عاقله وبتاخد قرارتها ازاى
ريتال ابتسمت وقامت باست ايد أمها وأبوه وقالت : ربنا يعطيكم الصحه والعافيه يارب ويخليكم ليا
أحلام وراضي : ويحفظك يابنتي ويكتب لك كل خير
ريتال استأذنت منهم ودخلت لبناتها وقالت : عاملين ايه
تسنيم ومنه بفرحه : شوفتي ياماما رسمنا ايه
ريتال بإعجاب : الله جميله اوي صحيح جدو أن شاء الله هياخدكم يوم الخميس تشوفوا بابا وهتيجوا تاني
تسنيم بزعل : بس احنا مش عايزين نروح ونسيبك ياماما
ريتال حضنتهم وقالت : لاء هزعل منكم كده بابا ليه الحق عليكم زي بالظبط يعني لازم تشوفوه وتسألوا عنه علشان ربنا ميزعلش منكم
منه : خلاص حاضر ياماما
تسنيم ببراءه : اتفقنا ياماما واحنا مش عايزين ربنا يزعل مننا
ريتال ضمتهم بحنان وقالت : حبايبي ربنا يخليكم ليا ويحفظكم من كل سوء ومكروه يارب يا أغلى حاجه فى حياتي
تمت بحمد الله
ملاقتش نهايه مناسبه غير كده ريتال لو كانت رجعت لاحمد للأسف الحياه عمرها ماهترجع طبيعيه تاني كان دايما هيكون فى شك بينهم كان لازم الانفصال بشكل رسمي أحمد كفايه عليه حرمانه من آياته وأسرته ودمر حياته بايدن سلمي أخدت جزاءها انا حبيت النهايه كده
انتوا ايه رايكم أهم حاجه ؟؟ هتقبل كل الآراء السلبيه والإيجابية المهم تشاركوني أرأكم الجميله فضلا
#رد_فعل
#هاجر_العفيفى
دمتم بخير
