رواية عشقت عمدة الصعيد الفصل الثامن 8 بقلم شيماء صبحي
#عشقت_عمدة_الصعيد
#بقلمي_شيماء_صبحي
الفصل الثامن
خرج ياسين يشوفها واتفجأ من الي شافوا ؟!!
كانت نور وقعة علي الارض ورجليها بتجيب د"م
قرب منها وقال" اي الي حصل ؟
نور بعياط" ااااه رجلييي
وقعت مش قادرة
شالها ياسين وراح لاوضتهم وحطها علي السرير وقال" استني متتحركيش
كانت نور رجليها مجروحة جامد راح ياسين جاب اسعافات اوليه وبدأ يعالج الجرح ونور قامت حضنته بوجع وهيا بتصرخ" اااه يا ياسيين بتوجع اوي
ياسين حاول يهديها امسكي دي وادلها مخده وقال'!
امسكيها وغمضي عينك واتحملي بس اطهر الجرح وهحطلك مسكن
وفعلا مسكت المخده وحطت وشها فيها وهوا بدأ يعالج الجرح وهيا بتتوجع منو وبعد ماخلص مسكها وقومها وكان وشها غرقان دموع بدأ يمسحوا وهيا كل الي عليها بتعيط اكتر ؟
حضنها ياسين وهيا استسلمت لحضنه وضغطت جامد عليه وهوا كان ساكت وهيا بدات تهدأ وبعد شويه حاس بتقلها فعرف انها نامت ؟
عدلها علي السرير وغطاها واتاكد انها كويسه ونزل تحت "
وفي معمل سري في القصر بيدخل ياسين وجمبة رضا الي بيقول" لازم تتم الصفقة قبل ما الحكومة تشم خبر
ياسين"الي هيقوم بالمهمة دي احمد مش انا
رضا بصدمة" قصدك مين احمد دا
ياسين" ابو نور
رضا " اي الي بتقولة دا يا ياسين انت عارف الصفقة دي مهمة ازاي وبعدين دي الي هنختم بيها مسيره الصقر وبعدها هنختفي ؟
ياسين قال" احمد ابو نور حاطت عينوا علي الصفقه دي فانا هسيبهالو والصقر مش هيسيبوا بالزات لما يعرف انو اخوه الي عاوز يدمره ؟
رضا مصدوم" تقصد ان الصقر يقتل احمد
بقلمي شيماء صبحي
ياسين بصله وسكت ورضا قال" بس انت طارك مع الصقر مش احمد
ياسين" قبل ما احمد يعمل اي حاجه فهوا مظبط كل حاجة وعامل فخ للصقر
رضا" طيب واحمد عارف مين هوا الصقر ؟
ياسين برفض" لا ميعرفش الصقر عارف هوا بيعمل ايه وخصوصا انو بيدمره وهوا عارف انو اخوه واحمد بسبب الخساير الي خسرها بسبب الصقر متوعدلة بانتقام وهي دي الفرصة الي هتخلي الاخوات يخلصوا علي بعض بجشعهم وانا هكون اخدت طار اخويا من غير ما امس شعرة من حد فيهم ؟
رضا عجبته الفكره وقال" دي فكره جهنميه ازاي ماخدتش بالي
ياسين قال" انت بق مهمتك بانك بعد ما يخلصوا علي بعض هتبلغ الحكومة بعد ما تاخد الصفقه بس هتسيب الهروين وهتاخد الدهب والالماظ بس
رضا " اعتبرة حصل يا كبير كلها شهر وهنخلص منهم
ياسين" وانا اكون خلصت حق اخويا وحق امي من شر الشرباوي!
خرج رضا ووقف ياسين وفتح صندوق اسود كان فيه صوره لنور وهيا صعيره" انا اسف يا صغيرتي بس انا هعوضك عنوا دا اب ميستاهلكيش ضحي بيكي علشان ميخسرش صفقة
قفل الصندوق وخرج ورجع لنور الي كانت لسا نايمة دخل للحمام اخد دش وغير هدومه وقرب من نور واخدها في حضنة ونام ؟
__________
في مكان مجول وقف سعد والي هوا الصقر
وجمبه دراعة اليمين مالك الي قال" الصفقة دي داخلها احمد الشرباوي ؟
سعد ابتسم بخبث!! عاوز ينتقم مني بعد ما خسرته نص ثروته
مالك" دا داخل بكل الي حيلته ياباشا ومصمم ينهي عليك ؟
اتعصب الصقر وقال" يبق هو الي جنا علي نفسه ؟ طول عمره اناني ومبيحبش غير نفسه !
مالك" انا عرفت انو جوز بنته لياسين الكبير علشان يفضي الطار"
سعد" مش بقولك اناني عمل كل دا علشان ينتقم مني وحب يطمن اني ملكة وانو هيقدر يتخلص مني
مالك" وانت تفتكر يباشا انو عارف انك الصقر
سعد سكت شويه وقال" اكيد عارف زي منا عارف انو اخويا
مالك" انا هموت واعرف ازاي كشفته دا كان مجهول ؟
سعد" من غبائه
مالك" ممكن تحكيلي يباشا
سعد" مش وقته يا مالك احنا حدانا مهمت عاوزه تركيز .
————————
وفي غرفه حسن ونهي
كانت بتفرش السرير وبتقول" انت ليه عملت كدا مع البنت شكلها ملهاش ذمب في حاجه !
حسن بيلبس هدومه وبيكلمها" انتي عارفه ان بسبب عليتها اخويا مات وانتي عارفه زين كان بالنسبالي ايه !
قربت منو نهي وحضنتوا من ظهره"انا عارفة يا حبيبي انك بتحب زين بس ياسين برضوا اخوك الكبير ومكنش ينفع تعمل كدا معاها خصوصا انها كرمتها من كرامته
شدها حسن وقفها قدامو" الي حصل مني كان رد فعل يعني انا اتضايقت لما لقيته اتجوزها بس الغريبه يعني انو اتجوزها خصوصا انو بيكره العيلة دي شوفتيه ازاي كان باين عليه الخوف عليها"
مهي " يا حبيبي مهي مراته ومن حقه يعمل كدا خصوصا ان البنت شكلها برئ باين عليها طيبة اوي !
حسن باس نهي من خدها بحب" انت الي عيونك جميله علشان كده بتشوفي الناس كلها طيبه بس انا هفضل مقتنع بانها عدوتنا ومش لازم نديها وش
نهي بعدت عنو وهيا بتتنهد بفقدان أمل " الي تشوفه يا حسن بس انا وجهه نطري مبتخيبنيش ابدأ !
حسن وقف قدامها وقال" انا هروح للارض بتاعنا عاوز اغير جو تحبي تيجي
نهي برفض" روح انت يا حبيبي انا عاوزه ارتاح شويه
حسن" خلاص ماشي انا رايح !
نهي ودعتو ودخلت الاوضه تاني
نزل حسن وقابل رضا الي كان طالع لياسين بيجري علي السلم"
خير يا رضا اي الي حصل مالك بتجري ليه"
رضا بيحاول ياخد نفسو " في مصيبة
حسن بقلق" مصيبة اي احكي يبني
رضا قال " الاسطبل ولع وروز وجاك ماتو
حسن اتصدم ورضا قال" انا هروح ابلغ ياسين انا مش عارف ولع ازاي ومفيش حد بيدخل القصر غيرنا '
وفعلا رضا طلع لجناح ياسين وخبط
وكان ياسين نايم في حضن نور سمع صوت خبط علي الباب فتح عينوا برفض مش عاوز يقوم ويسيبها !
كان الخبط مستمر قام بضيق وقرب من الباب كان رضا وقال" خير يا رضا اي الي حصل
رضا بحزن" في خبر مش حلو يا ياسين
ياسين قلق " خير يابني اي الي حصل
رضا بحزن" الإسطبل ولع وجاك ورز ماتو ………يتبع
بقلمي شيماء صبحي
عشقت عمدة الصعيد
