رواية عمياء وسط الذئاب الفصل الثاني والثلاثون 32 بقلم محمد طه
البارت 32
_(تنبيه هام.. لم يتم إعطاء أي إسم..
وهمي للمستشفى.. حتي لا يطابق..
مع اسم مستشفى في الحقيقة..
وأيضاً لم يتم ذكر أي عنوان في الروايه..
وأعتذر لكل من تشابهت أسمائهم..
مع أسماء شخصيات سيئة في الروايه..
مؤلف الروايه.. محمد طه عبد المجيد..) _
_(تحياتي) _
_نهله بصوت عالي واتهام مباشر للدكتورة...
عملتي ف نور إيه يا دكتورة
_الدكتوره باندهاش وعدم استيعاب... انتي بتقولي إيه
_علي... إهدي يا نهله.. ومتخليش خوفك على نور..
يخليكي تشكي ف أكتر واحده واقفه معانا
_نهله بتهديد... نور لو حصلها حاجه
_علي يقاطعها... نور لو حصلها حاجه أنا اللي مش هسكت..
وان شاء الله مش هيحصلها حاجه
_(أم محمد تدخل وتقفل الباب وراها) _
_أم محمد... دورت في الغرف كلها مش موجوده..
بس عملت حاجه كده وخايفه أكون غلطت
_الدكتوره بعصبيه... عملتي إيه يا أم محمد..
وما قولتليش ليه قبل ما تعملي أي حاجه.. عملتي إيه
_أم محمد... روحت غرفه مراقبه الكاميرات..
الواد شاكر اللي كان هناك لوحدو.. واد كويس وجدع
_الدكتوره باستعجال وعصبيه... أخلصي يا أم محمد
_أم محمد... هبه اللي جات خدتها.. ودخلت بيها..
غرفه المدير.. وبعد كده.. هبه خرجت لوحدها..
ونور لحد دلوقتي.. ما خرجتش من عند غرفة المدير
_الدكتوره بدون تفكير طلعت التلفون...
ألوو.... مركز الشرطة؟؟؟
أنا الدكتوره سناء.....
عايزه أبلغ عن شبكه إجراميه منافيه للأداب؟
العنوان ___________؟
مستشفي __________؟
_وتقفل التلفون وتوجه كلامها ل نهله وعلي وأم محمد
_يلا بينا نلحق نور
_ويروحوا كلهم على غرفه المدير..
والدكتوره تفتح الباب من غير ما تخبط..
لكنهم يتفاجئو إن مافيش حد ف الغرفه
_أم محمد... مستحيل أنا متأكده ان نور ما خرجتش
_الدكتوره ونهله وعلي بيدورو في كل مكان في الغرفه..
على أي باب يوصل لغرفه تانيه مفيش..
_الدكتوره قعدت وحطت إيديها على راسها وهتتجنن..
وافتكرت الدب
_الدكتوره... الدب..الدب ف غرفه نور
_نهله بعصبيه... مااااااله الدب.. هيقولنا نور راحت فين
_الدكتوره... هيقولنا.. إن شاء الله هيقولنا
بقلم... محمد طه عبد المجيد
__(في الغرفة الخاصة) __
_المدير يسحب كرسي ويقعد قدام نور..
ونور هتموت من الخوف.. بس بتحاول على قد ما تقدر..
تتحكم في اعصابها.. وف سرها بتقول يا رب.. يا رب..
يا رب ألهمهم بالدب.. ويعرفوا طريقي..
عن طريق السماعات اللي ف اودانه.. يارب يارب
_(علما بأن نور خدعت هبه وخلتها توصفلها..
طريق الغرفه بالظبط.. وسابت الدب ف غرفتها) _
_(نور قاعده ع السرير زي ما دخلت وقميص النوم جنبها) _
_المدير... إنتي عايزه تشتغلي معانا ليه
_مفيش أي رد فعل من نور
_المدير... إنتي محتاجه فلوس
_مفيش أي رد فعل وعماله تقول يا رب يا رب
_المدير... إنتي سمعاني.. لو خايفة متخافيش..
إنتي زي بنتي
_نور بهدوء... بنتك
_المدير... لو محتاجه فلوس.. أنا هخصصلك مرتب شهري..
بس ما تمشيش ف الطريق المقرف ده
_نور بهدوء... طيب أنته ماشي فيه ليه
_المدير... مجبر
_نور... مين اللي أجبرك
_المدير بتأنيب ضمير وندم... اللي معاهم فلوس ونفوذ..
قالولي يا توفرلنا المتعه.. يا هيخلوني أشوف..
مراتي وبنتها وهما بيستمتعوا بيهم..
مكنش فيه قدامي.. غير إني أضحى بنفسي..
عشان أحمي مراتي وبنتها
وينشف الدموع اللي غرقت وشه
_نور... هما مين دول
_المدير... مش مهم هما مين...المهم..
إنك متمشيش ف الطريق ده
_نور... طيب ما نصحتش هبه والبنات اللي معاها..
هما كمان ليه
_المدير... نصحتهم.. وصدقيني..
كل حاجه برضاهم وبموافقتهم
_نور... والعيانيين اللي بتنيموهم..
وتستغلوهم في القرف ده
_المدير بانفعال... لأ.. محصلش.. ولو حصل..
يبقى من غير علمي ومن ورا ضهري
__(في غرفه نور) __
_الدكتوره طلعت التسجيل اللي ف ودان الدب..
وبدأو يسمعوا آخر التسجيلات..
وسمعو هبه وهيا بتوصف لنور الغرفة الخاصه..
وعرفوا إن بعد ما هيدخلو غرفه المدير..
هينزلو 13 سلمه لتحت
_الدكتوره... خدي يا أم محمد.. دا التسجيل بتاع رجب..
اسمعيه أنتي وعلي.. واعرفي الأربع بنات اللي..
شغالين مع هبه.. ومن غير ما يحسو بأي حاجه..
دخليهم الغرفه اللي فيها سيد ورجب..
وانتي يا نهله تعالي معايا.. نقلب غرفه المدير..
لحد ما نلاقي اللي ينزلنا للغرفه الخاصه..
يلا بسرعه
_نهله بخجل... أنا آسفه يا دكتورة
_الدكتوره باستعجال... مش وقتو يا نهله.. المهم ننقذ نور
_أم محمد وعلي.. هيسمعوا التسجيل.. وهيبدأو..
يستدرجو البنات.. لغرفه الحساب
_والدكتوره ونهله.. ف غرفه المدير..
بيدورو ف ارضيه الغرفه.. على أي حاجه..
توصلهم لتحت.. وفجأه رن تلفون الدكتوره
_الدكتوره باستعجال وعصبيه..
أيوه يا أم محمد فيه إيه..... هبه؟؟؟
_ويتبع...........
_بقلم... محمد طه 🖋️
_توقعاتكم.. مين اللي بيكلم الدكتوره
