رواية عمياء وسط الذئاب الفصل العشرون 20 بقلم محمد طه
البارت 20
_نهله وعلي... خلاص انتي قوليلنا نعمل إيه..
وإحنا تحت أمرك
_نور تفاجئهم... أنا هقولكم تعملو إيه
_مع دخول أم محمد الممرضه
_الدكتوره... اطمنو ام محمد أمان ومعانا..
بقولك إيه يا أم محمد..
تنضمي لينا للتخلص على هبه وأعوانها
_أم محمد بدون تفكير... معاكم واللي هتطلبوه مني هنفذو
_نور... قوليلي يا دكتورة مين هبه دي
_الدكتوره... هبه دي شغاله هنا ممرضه.. بس اتظلمت..
لأنها المفروض كانت تشتغل ف كباريه..
هبه دي حاجه كده ف قمه السفالة وقله الأدب..
أنا متأكده ان أي حاله سرقه بتحصل ف المستشفى..
هيا اللي بتبقى وراها..
دا غير حاجات كتير غير أخلاقيه بتحصل
_نور... هبه بقى دي لوحدها ولا فيه حد معاها
_أم محمد... أنا بشوفها كتير واقفه مع الواد رجب وسيد
_نور... بعد إذنك يا دكتورة خلي ام محمد ترجع..
السرير تاني ف أوضه نهله
_نهله... لأ يا نور أنا مش هسيبك لوحدك
_نور... هنرجعه تاني يا نهله.. بس أنا عايزه مقابله..
تجمعني بهبه دي لوحدنا.. ودي مهمتك يا أم محمد..
اخلقي أي سبب تخليها تدخل عندي
_أم محمد... حاضر يا بنتي.. الأسباب مفيش أكتر منها..
دي تتمنى أقولها على حاجه
_نور... وانتي يا نهله أم محمد هتعرفك..
بوقت دخول هبه عندي أول ما تخرج من عندي..
تراقبيها وتعرفي بتتعامل مع مين
_نهله... حاضر يا بنت خالي.. بس انا خايفه بعد ما اراقبها..
معرفش أرجع وأنسى اللي هشوفه أو أسمعه
_الدكتوره... لأ اطمني حالتك بدأت تستقر..
أي حاجة جديدة هتدخل عالذاكره هتتحفظ..
وإحنا هنا الدور الرابع.. وغرفتك غرفه 6..
ونور غرفه 7 وعلي غرفه 8
_نور...وانته يا علي.. تعمل مشكله مع واحد من الاتنين..
يا رجب يا سيد.. بس تحاول تخليه هوه اللي يبقى..
غلطان ولما يصالحك تصالحه وتتصاحب عليه
بقلم... محمد طه عبد المجيد
_علي... أمرك يا ريسه
_الدكتوره... وأنا دوري إيه ف الخطه دي يا ريسه
_نور... انتي يا دكتورة هنزلك ف الوقت بدل الضايع..
تجيبي الجون.. المهم بقى دلوقتي هسألك سؤال..
ومتهربيش منو.. بابا وماما حصلهم إيه
_الدكتوره بحزن وصوت كله دموع.. البقاء لله
_سيطر الحزن عليهم كلهم وبدأو يواسو نور
_لكن نور قلبها بيقولها لأ.. ماما وبابا عايشين..
وموجودين جنبك
_نور بصوت كله دموع ... أنا متأكده ان بابا وماما عايشين..
لو فيه حد مي*ت يبقى أنا..
أنا اللي مي*ته مش هما.. وتحضن الدب وتعيط
__(ف غرفه من غرف المستشفى هبه وسيد ورجب) __
_هبه بمكر... اسمعوني بقى كويس وركزو..
عشان إحنا هنلعب مع دكتوره..
يعني فاهمه وواعيه وذكيه.
_سيد... انتي ليه محسساني إن إحنا شويه تلاميذ عندك..
متعيشيش ف الدور يا هبه
_هبه... خلاص يا سبع الرجال.. إستلم انته المهمه..
وانا موافقه أبقى تلميذه عندك.. ووريني شطارتك
_رجب... إيه يا جماعه أهدو.. إحنا هنبتديها خناق..
ومنافسه عالسلطه.. اللي عندو فكره يقولها..
والفكرة التمام تتنفذ
_سيد... اتفضلي يا حضره المديره
_هبه... هنبتدي مهمتنا من عند الوليه اللي إسمها أم محمد..
عشان الدكتوره بتثق فيها وعطيالها جميع الصلاحيات
_سيد... يبقى الثقه دي لازم تتهز
_رجب بقله أدب ... وانتي يا هبه إستاذه ف الهز
_هبه... اتلم يا رجب ووطي صوتك..
إحنا مش ناقصين فضايح..
وتوجه كلامها لسيد... شوف يا سيد هيا الوليه دي..
صحيح أكبر منك بحوالي سنتين..
بس هيا جامده واسألني أنا
_سيد... المطلوب إيه يا هبه
_هبه... تحسسها إنك مهتم بيها..
وف الرايحه والجايه كلام حلو..
عايزاها تبقى زي الخاتم ف صباعك
___(ف غرفه نور ومعاها الدكتوره سناء) ___
_الدكتوره... ناويه على إيه يا نور.. عرفيني هتعملي إيه
_نور... مش أنا اللي هعمل.. الدب هوه اللي هيعمل......
_ويتبع.......
_بقلم... محمد طه🖋️
