رواية عز القمر الفصل السابع عشر 17 بقلم دنيا فادي
#عز_القمر
#البارت_17
حوريه : اؤمرني يا بيه
مراد : من بكره اي حاجه تطلبها منك هايدي متنفذهاش لمده اسبوع مفهوم لحد ما نشوف هتعدل نفسها ازاي
حوريه وعنيها على الأرض : مفهوم يا بيه
هايدي بتقوم بعصبيه : اي الجنااان دده
زينب بصدمه : هايدي !! اي الي انتي بتقوليه ده
هايدي : انا عارفه انك مش بتحبني ومن ساعه ما بابا وماما اتوفو وانت بتستقصدني ومش عايزني اقعد معاكو في البيت وبتُقفلي على الغلطه وانا هختصر كل الي بتعملو عشان اخرج من البيت وهمشي وهسيبكو
زينب : هايدي
مراد : سامعه كلام بنت اخوكي
زينب : سامعه ،، بس يا هايدي اي الهبل ده يا حبيبتي انتي متعرفيش انتي عندنا اي انتي زيك زي عز اي الكلام الي انتي قولتيه ده اي مش بنحبك ازاي ده انتي بنتنا الي مخلفنهاش مفيش حاجه لما تغلطي وعمك يعاقبك على غلطك بيعمل كده عشان بيحبك ومعتبرك بنتو و انتي تقولي مش عايزك تعيشي معانا
____________________________________
نور بإستغراب : هو انت لسه هنا؟؟
محمد : هو انا قاعد على نفوخك
نور وتبصلو بقرف : انت مستفز بجد
محمد : ومالك بتبصلي بقرف كده لي
نور : هوف براحتي وانت مالك
محمد : طيب يلا روحي شوفي طريقك
نور : هشوف طريقي مش مستنياك تقولي
محمد ويشدها : حاسبي
نور بعصبيه وتسرع : انت قليل الادب ازاي تمسكني بالطريقه دي
محمد بضيق خلق : انا غلطان والله كنت اسيب العربيه تشيلك
نور بتسيبو وتمشي وهي مخضوضه
_:.
نور : تاكسي
بتقف العربيه وتركب
خالد : على فين يا استاذه
نور : *******
ويتحرك بالعربيه
نور بسرحان : الحمدلله ان انا كويسه الحمد لله
________________________________________
عبدو : ايوا يا استاذ تؤمر بحاجه
محمد : هو صاحب العربيه دي ساكن فين
عبدو : قصدك البشمهندس عز اه ساكن هنا خير يا استاذ
محمد : طيب هو ساكن في الدور الكام
عبدو : شقه رقم 3 الدور التاني
محمد بإبتسامه شر : ماشي شكرا
عبدو : رايح فين يا باشا مش هتطلعلو
محمد : لا هجيلو في وقت تاني مقولتليش اسمك اي يا بلدينا
عبدو : عبدو
محمد : اخوك محمد
عبدو : عاشت الاسامي يا استاذ
محمد : ومن انهي بلد
عبدو : اسيوط
محمد : وانا كمان
عبدو بإبتسامه : ده احنا جيران على كده بقي
محمد : الا بقولك صح
عبدو : قول
محمد : هو استاذ عز عايش لوحدو هنا
عبدو : لا عايش مع حرمتو
محمد : ااه اكيد معاه عيال
عبدو : لا لسه ربنا مرزقوش بالزريه الصالحه
محمد : اممم طيب هو بيكون موجود امتي في البيت
عبدو : بص هو ملوش مواعيد محدده بس في العادي بيتحرك من هنا 9 او 10 ويجي 5
محمد في ذهنو : حلو اكون نفذت الي عايزو
______________________________________
10:21 AM
حوريه : الحقي يا هانم
زينب : في اييي
حوريه : انسه هايدي مش موجوده في البيت
زينب : خضتيني هتلاقيها راحت جامعتها
حوريه : لا يا هانم امبارح كان آخر يوم امتحانات هي لمت هدومها كلها ومشيت
زينب : ايييه مشيت راحت فيننن دي
حوريه : معرفش يا هانم شكلها زعلت من كلام البيه
زينب : يا ربي عليكي يا هايدي
زينب : كمان مش بترد
_____________________________________
قمر بضحك : يا سلام لحقت اوحشك
عز بإبتسامه : اه والله
قمر : كداب
عز : محصلش
قمر : طيب يا رومانسي خلي بالك من نفسك واوعي واحده تبصلك كده ولا كده
عز : لا بقولهم انا متجوز وبحب مراتي
قمر : قصدك اييي هو في واحده شقطتك قبل كده
عز بضحك : شقطتني اه
قمر : لما تجيلي يا عز والله هوريك ازاي تهزر في الحاجات دي
ويقاطعها خبط الباب
قمر : خليك معايا افتح الباب
عز : اسألي مين الاول
قمر بضحك : يعني هيكون حرامي
قمر بتفتح الباب و متلحقش تشوف مين
محمد وهو كاتم نفسها بإيدو بيمسك الفون ويقفل على عز
قمر بصدمه وخوف وتبعدو عنها بكل قوتها ومتعرفش
محمد بيديها حقنه تغيبها عن الوعي
